Մանկապարտեզի երեխաներին կերակրում են ռեստորանի մնացորդներով. լուրն Այգեկում հերքում են

Կայքերից մեկը տեղեկություն էր տարածել, որ Արմավիրի մարզի Այգեկ գյուղի մանկապարտեզում երեխաներին կերակրում են ռեստորանի մնացորդներով:

«Արմավիրի մարզի Այգեկ գյուղի մանկապարտեզի տնօրեն Նելլին, ով հանրահռչակ Շմայսի կինն է, ինքնատիպ թալանի ձեւ է գտել: Նրա ղեկավարած մանկապարտեզի ծնողները վախեցած ու մտահոգված զանգահարել են մեր կայքին՝ տեղեկացնելով, որ Առաքել Մովսիսյանի՝ Շմայսի կինն իր ընտանիքին պատկանող, Արգավանդի խճուղու վրա գտնվող «Անգելինա» ռեստորանի սննդի մնացորդներով կերակրում է մանկապարտեզ հաճախող իրենց երեխաներին՝ գրպանելով յուրաքանչյուր ամիս սննդի համար հավաքվող ծնողական գումարները:

«Մեր երեխաների առողջությունը վտանգված է, ոչ ոք համարձակություն չունի այդ խելագար ամուսիների դեմ դուրս գալու համար, մի բան արեք կանխվի, աղաչում ենք …»,- լացակումած ասում էին այգեկցիները:

Հ. Գ. Հրավիրում ենք պատկան մարմիների ուշադրությունը վերը շարադրվածի առնչությամբ»,- նշվում էր հրապարակված տեքստում:

«Հայկական ժամանակը» տեղեկության հետքերով այցելելով Այգեկ գյուղ, նախ հարցում անցկացրեց բնակչների շրջանում: Թե՛ մանկապարտեզում երեխա ունեցող այգեկցիները եւ թե’ չունեցողները զարմանք էին հայտնում երեխաներին ռեստորանի մնացորդներով կերակրելու մասին տեղեկության առնչությամբ: Ասում էին, որ նման բան առաջին անգամ մեզնից են լսում: Մանկապարտեզում թոռնիկ ունեցող գյուղացիներից մեկն էլ նշեց, թե ինքն անձամբ է տեսել, որ հարեւան Մերձավան գյուղում գտնվող խանութից մանկապարտեզի համար սնունդ են ստանում: Որպես տարածված լուրի անհավանականության հիմնավորում, այգեկցիներից մեկը նաեւ ընդգծեց, որ մանկապարտեզի խոհարարի երեխան նույնպես հաճախում է այդ հաստատություն:  

Տնօրեն Նելլի Մովսիսյանը, որն արդեն տեղյակ էր տարածված լուրի մասին, հավաստիացրեց, որ այն իրականության հետ ոչ մի կապ չունի: Նրա հետ շրջեցինք մանկապարտեզում: Կարտոֆիլով ապուրն արդեն ափսեների մեջ էր՝ երեխաներին բաժանելու համար: Նաեւ մակարոնով փլավ էր պատրաստված ու հավի խաշած կրծքամիս կար: Տնօրենը ցույց տվեց պահեստը, որտեղ մակարոն էր, բրինձ, սոխ, կարտոֆիլ, կաղամբ, կանաչի, տոմատի մածուկ: Նելլի Մովսիսյանն ասաց, որ սառնարանում միս չունեն, որովհետեւ շաբաթվա վերջն է, իսկ մթերք ստանում են շաբաթը մեկ անգամ: Հավաստիացրեց նաեւ, որ կիսաֆաբրիկատներն ու սառեցված միսը մանկապարտեզում բացառվում է:  

Այգեկ գյուղի մանկապարտեզի տնօրենը նաեւ մեզ ներկայացրեց մթերքի առաքման հաշիվ-ապրանքագրերի թղթապանակը՝ ձեռք բերված մթերքի ցանկերով:

Ինչ վերաբերում է ռեստորանին, նա չհերքեց դրա գոյությունը: Նշեց, որ տեւական ժամանակ չի գործել եւ ընդամենը վերջերս է վերաբացվել: Ավելացրեց նաեւ, որ այսօր ժողովրդի սոցիալական պայմաններն այնպիսին են, որ միջոցառման ավարտից հետո նրանք, որպես կանոն, իրենց հետ տանում են մնացած ուտելիքը:

«Ես իմ հաճույքի համար եմ աշխատում, ոչ թե գրպանելու»,- ասաց Նելլի Մովսիսյանը՝ նշելով, որ մանկապարտեզի ներկայիս բարեկարգ վիճակը անձնական միջոցների ներդրման շնորհիվ է, իսկ դա անողն ինչպե՞ս կարող է երեխաների սննդի հաշվին գողանալ:

Այգեկի մանկապարտեզ այսօրվա դրությամբ հաճախում է ավելի քան 100 երեխա: Ամսական վճարը 7000 դրամ է:

Տպել
5562 դիտում

Խստորեն դատապարտում ենք ադրբեջանական զինված ուժերի կողմից Տավուշի մարզի ուղղությամբ հրադադարի խախտումները. ԱԳՆ

Հակառակորդի բոլոր փորձերը չեզոքացվում են, հայկական զինված ուժերը կորուստներ և վիրավորներ չունեն. ՊՆ խոսնակ

Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին․ Լիլիթ Մակունց

Հակառակորդը թանկարժեք թռչնակ էլ կորցրեց՝ ԱԹՍ. Արծրուն Հովհաննիսյան

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում

Ադրբեջանի ԶՈՒ զինծառայողները ՈՒԱԶ մակնիշի ավտոմեքենայով Տավուշի սահմանը հատելու փորձ են արել. ՊՆ

Ոստիկանությունը հուլիսի 11-ին հայտնաբերել է արտակարգ դրության իրավական ռեժիմի խախտման 3516 դեպք