Սրբուհին կարծում է՝ Ուկրաինայում իր երգի ժամանակ Ադրբեջանի դրոշի հայտնվելը մտածված չի եղել

Երգչուհի Սրբուհի Սարգսյանը կարծում է, որ ուկրաինական «Ձայնը» նախագծի եզրափակչում իր ելույթի ժամանակ էկրաններին ադրբեջանական դրոշի հայտնվելը մտածված չի եղել: Այդ մասին նա նշեց այսօր՝ մայիսի 11-ին, լրագրողների հետ հանդիպման ժամանակ: Եզրափակչում Սրբուհին կատարել է «Human» երգը, իսկ լեդ էկրաններին ցուցադրվել են #ԻմՔալը շարժման կադրեր: Նախատեսված է եղել, որ վերջում ցուցադրվեն Հայաստանի ու Ուկրաինայի դրոշները, սակայն հայտնվել է Ադրբեջանինը, ինչի համար մրցույթի կազմակերպիչները հետագայում ներողություն խնդրեցին: Երգչուհին նշում է, որ իր կատարման ժամանակ անձնակազմն այնպիսի խուճապի մեջ է եղել, որ չի կարծում, որ դա որեւէ մեկի կողմից մտածված է եղել:

«Միտքը հայկական այս քաղաքական իրադարձությունները լուսաբանելն էր, եւ ադրբեջանական դրոշի մասին չի եղել խոսակցություն: Որոշել էինք, որ պետք է լինեին Հայաստանի եւ Ուկրաինայի դրոշները: Թե հետո ինչպես ստացվեց այդ ամենը, ինքս չեմ կարող պատասխանել, որովհետեւ ինձ համար էլ էր անակնկալ: Անկեղծ, ես էլ էի մտածում՝ ինչպես կարող էր այդպիսի բան լինել: Ուղղակի, երբ տեսա անձնակազմի խուճապն ուղիղ եթերում, դա չէր կարող լինել բեմադրված, երբ բոլորը վազում են, լեդերն են ցույց տալիս... եթե անկեղծ ինձ թվում էր՝ ես այնքան լավ եմ երգում, որ բոլորը խուճապահար են եղել, բայց իրականում դա չէր պատճառը (ծիծաղում է): Պատճառն այն էր, որ իմ հետեւում ադրբեջանական դրոշն էր: Գլխավոր պրոդյուսերը, որին երբեք չեմ տեսել վազելիս, ուղիղ եթերում տեսնում էի իմ կատարման ժամանակ վազում է, լարված է»,- ասաց նա:

«Ձայնում» երգչուհին Պոտապի թիմից էր: Ամեն փուլում նրա մասնակցությունից հետո բազմաթիվ դրական արձագանքներ էին լինում: Նա ընթանում էր մրցույթի ֆավորիտների թվում, սակայն եզրափակչում զբաղեցրեց 4-րդ տեղը: Ճիշտ է՝ ի դեմս Սեւակ Խանաղյանի՝ կա օրինակ, որ հայը հաղթում է Ուկրաինայում, սակայն Սրբուհին բացատրում է, որ նա հաղթել է այլ ձեւաչափում՝ X Factor-ում, իսկ իր մասնակցած մրցույթը տվյալ երկրի՝ Ուկրաինայի «Ձայնն» էր: Երգչուհուն այնտեղ էլ ասել են, որ տրամաբանական չէր լինի, որ Ուկրաինայի «Ձայնում» հաղթեր օտարազգին:

«Ինքս հասկանում էի, որ դա Ուկրաինայի «Ձայնն է», որ իմ շանսերը մի քիչ կարող են ներել մյուսների շանսերին: Պետք է իրենց ազգի ներկայացուցիչը հաղթեր: Նրանք հենց այդպես էլ ասում էին: Ինձ համար ամենակարեւորը, որ սիրվել եմ իրենց հանդիսատեսի կողմից: Իմ անվան շուրջ ավելի շատ էին քննարկումները, քան իրենց մասնակիցների: Հաղթանակն այս անգամ չստացվեց.... իրենք ասում էին. «Պատկերացրու քո երկրում գալիս է ուկրաինացի ու հաղթում է Հայաստանի «Ձայնում»: Որքանո՞վ ձեր ժողովուրդը դրան ադեկվատ կնայի»: Նրանք մեկնաբանում էին. «Ուկրաինայի «Ձայնի» պատմության մեջ միակ օտարազգին ես, որ անցել է ուղիղ եթեր հերիք չէ, մի հատ էլ անցել է կիսաեզրափակիչ ու եզրափակիչ: Դա արդեն քեզ համար հաղթանակ է»,- պատմեց նա:

Որոշ ժամանակով Հայաստանից հեռու լինելը Սրբուհուն չի խանգարել տեղյակ լինել հայաստանյան ներքաղաքական իրադարձություններից: Նա հետևել է #ԻմՔայլը շարժմանը: Նաև ծանոթ է թավշյա հեղափոխության վերաբերյալ ուկրաինացիների կարծիքներին: Պատմում է, որ նրանք զարմացած են, որ հայ ժողովրդին հաջողվել է իրենց ձայնն իշխանություններին լսելի դարձնել խաղաղ ճանապարհով:

«Բարի նախանձով էին նայում, որովհետեւ իրենց մոտ Մայդան է եղել, իսկ մեզ մոտ շատ խաղաղ պայմաններում մեր ժողովուրդը հաջողության հասավ: Մի տեսակ բարի նախանձ կար, որ ո՞նց այսպես, մենք էլ էինք ուզում, որ այսպես լիներ, բայց մեզ մոտ չստացվեց: Հայերը պատմության մեջ ամբողջ աշխարհում օրինակ ծառայեցին, նրանց համար էլ: Կարծում եմ՝ մեր ժողովուրդն այնպիսի բան արեց, որ հիմա բոլոր մեծ երկրներում խոսում են մեր մասին: Ես այնտեղից հետեւում էի եւ առանց արտասվելու չէի կարողանում նայել այդ տեսանյութերը: Երբեք չէի պատկերացնի, որ մեր հայերն այդպես համախմբված կլինեն: Դա ինձ շատ է ոգեւորում»,- ասաց նա:

Նախագծից հետո Սրբուհին ստացել է համագործակցության բազմաթիվ առաջարկներ: Մի քանիսն ընդունել է, մի քանիսն էլ մերժել: Նորություններ է պատրաստում, որոնք շուտով կներկայացնի: Չի բացառում նաեւ, որ ապագայում կարող է կրկին մրցույթների մասնակցել, ուղղակի այս մեկից հետո ցանկանում է որոշ ժամանակ հանգստանալ: Այս շրջանում աշխատում է նոր երգի ու տեսահոլովակի վրա:

Տպել
3482 դիտում

Հանրապետականներն այդպես էլ ոչինչ չեն հասկացել

Դիլիջանի բաժին տեղափոխված «ֆորդի» սրահում մարիխուանայի տարբեր քաշերով զանգվածներ էին (տեսանյութ)

Զարեհ Սինանյանը Փարիզի հայկական վարժարանի վրա հարձակումը վանդալիզմ է որակել

Հնդկաստանը դադարեցրել է ռազմական արտադրանքի արտահանումը Թուրքիա

Գորիս-Որոտան ավտոճանապարհին մեքենա է կողաշրջվել

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա