Աշտարակի բնակիչները պահանջում են քանդել Արման Սահակյանին պատկանող գազալցակայանը

24/05/2018 schedule17:40

Աշտարակ քաղաքի մի շարք բնակիչներ (չեն ցանկանում անունները հրապարակվի) դիմել են ՀԺ-ին՝ նշելով, որ շուտով պատրաստվում են բողոքի ակցիա իրականացնել՝ Քասախի փողոց 1/1 հասցում գտնվող գազալցակայանի փակման, քանդման պահանջով: Նրանք պնդեցին, որ գազալցակայանը պատկանում է Արագածոտնի նախկին մարզպետ Սարգիս Սահակյանի պատգամավոր եղբորը՝ Նաիրի Սահակյանին և ՀՀ ԿԱ Պետական գույքի կառավարման վարչության արդեն նախկին պետ Արման Սահակյանին:

«Քաղաքում իրենց «բեսպրեդելով» կարողացան գազալցակայանը կառուցել, գազալցակայանի կողքին էլ հիմա մանկական սրճարանն է, գազալցակայանը բնակելի փողոցում է, հիմա էլ կամրջի ձախ կողմից են ուզում դեպի գազալցակայան ճանապարհ բացել, ավագանին էլ անօրինականությունները կուլ է տալիս: Մենք այլևս կուլ չենք տալու: Դրա պատճառով երթևեկությունն էլ կաթվածահար է լինելու: Այն ժամանակ մեզ ահաբեկում էին, թե Սերժ Սարգսյանի անվտանգությունից գեներալ Վաչիկ Ղազարյանն անձամբ է հետևում, որ գազալցակայանի շահագործման համար խոչընդոտներ չլինեն, հիմա էլ Սերժ Սարգսյանը երկրի ղեկին չէ, այլև չենք ահաբեկվում»,- նշեց բնակիչներից մեկը:

Քաղաքացիները նաև լուսանկարներ են տրամադրել, որտեղ երևում է գազալցակայանը և դրան հարկից շինությունները, այդ թվում՝ մանկական սրճարանը:

Փորձեցինք բնակիչների ներկայացրած խնդրի վերաբերյալ զրուցել Աշտարակի քաղաքապետ Թովմաս Շահվերդյանի հետ. վերջինս չցանկացավ թեմայի վերաբերյալ հարցազրույց տալ, միայն նշեց, որ իր կողմից չէ գազալցակայան կառուցելու ծրագիրը հավանության արժանացել, այն հաստատվել է նախկին քաղաքապետ Արմեն Անտոնյանի կողմից: Նա միանգամից շեշտեց, թե տեղյակ չէ, որ Նաիրի Սահակյանը կամ Արման Սահակյանը կապ ունեն «Ռիչ ԳԱԶ» ՍՊԸ-ի հետ, որին տրվել է կառուցապատման թույլտվություն:

«Ես չէի կարող գալ և քանդել կառուցածը, 12-13 աշխատատեղ կա: Բայց մեր բնակչության մեծամասնությունը ինչպես որոշեց, այնպես էլ կարվի: Պիտի շեշտեմ, որ մենք գրավոր բողոքներ չենք ստացել, այլապես քայլեր կձեռնարկվեին, բայց այդ գազալցակայանի շահագործման համար տրված են եղել բոլորը անհրաժեշտ օրինական թույլտվությունները՝ բնապահպանության նախարարությունից, ԱԻՆ-ից, մարզպետարանից»,- եզրափակեց քաղաքապետը՝ հորդորելով գազալցակայանին վերաբերող փաստաթղթերին ծանոթանալ քաղաքաշինության բաժնում:

Քաղաքաշինության բաժնի աշխատակիցները ներկայացրեցին փաստաթղթերը, որոնցում Աշտարակի նախկին քաղաքապետ Արմեն Անտոնյանի, Արագածոտնի նախկին մարզպետ Սարգիս Սահակյանի ստորագրություններով թույլտվություններ էին և պատկան մարմիններից ստացված դրական եզրակացություններ:

Բաժնի աշխատակիցները մեզ նաև տեղեկացրեցին, որ  գազալցակայանը ցանկացել են կառուցել մարզադպրոցի հարևանությամբ, սակայն ավագանին մերժել էր, ՍՊԸ-ն գնել է մասնավոր հողատարածք, որի համար ավագանու հաստատում պետք չէր, բավարար էր քաղաքապետի թույլտվությունը, քանի որ խոսքը համայնքային սեփականության մասին չի եղել:

Armtimes.com-ը խնդրի վերաբերյալ զրուցեց նաև ՀԱԿ վարչության անդամ Վարդան Մալխասյանի հետ, ով բնակվում է Աշտարակ քաղաքում:

«Էտ Աշտարակի կամուրջի մի կողմում է, տրամաբանական է չէ, որ պայթեց՝ կամուրջի ու հարակից շինությունների հետ ինչ կլինի: 30 մետր էն կողմ էլ սեփական տներ են: Գազալցակայանի սեփականատերն էլ ասում են՝ Արման Սահակյանն է եղել և կա: Մանկական սրճարանի տերն էլ, գազալցակայանի տերն էլ ՀՀԿ կարկառուն ներկայացուցիչներ են, բազար են անում՝ տարածքը ով պետք է զավթի, երկու շինությունների կառուցման թույլտվություններն էլ ապօրինի են, ինչպես կարելի է կողք կողքի: Երկուսին էլ պիտի դատեն: Էս կրիմինալը պիտի արմատախիլ անել»:

Վարդան Մալխասյանն ասաց, որ եթե ակցիաներ լինեն, ինքը դրանց, անպայման կմասնակցի:

Տպել
32946 դիտում

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ

ՌԴ-ում ՀՀ դեսպանությունը մանրամասներ է ներկայացրել Կրասնոդարի երկրամասում հայերի մասնակցությամբ վթարի մասին

ԱՄՆ վարչակազմը որոշել է վերականգնել արտաքին օգնության ծրագրերը, այդ թվում` ՀՀ-ի համար օժանդակությունը

Կառավարությունը շուրջ 11 միլիարդ դրամի հարկային արտոնություն է տրամադրել 3 ընկերությունների

Մենք ի զորու ենք նոր որակ հաղորդել. Փաշինյանը շնորհավորել է Զելիսնկիին՝ Ուկրաինայի Անկախության օրվա առթիվ

Շուտով կառավարության օրակարգում կլինի հանրաքվեի ինստիտուտը, որով հնարավոր կլինի 50+1 քվեարկությամբ ազատել համայնքապետին

Ջրամբարի մոտ մետաղ սղոցելելու ժամանակ արձակված կայծից հրդեհ է բռնկվել. այրվել է 8 հա տարածք

Սառնարանների պահեստում օգոստոսի 19-ին բռնկված հրդեհն այսօր մարվել է (տեսանյութ)

Ժամանակավորապես կդադարեցվի Վանաձորի մի շարք թաղամասերի գազամատակարարումը

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)