Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքներից ավելի քան 100 շրջանավարտներ այսօր երեկոյան հյուրընկալվել են Կառավարական ամառանոցում՝ ՀՀ վարչապետ Նիկոլ Փաշինյանի եւ նրա տիկինոջ՝ Աննա Հակոբյանի հրավերով:

Տավուշի, Վայոց Ձորի եւ Գեղարքունիքի մարզերից նրանք ժամանել են Երեւան՝ մասնակցելու «Վերջին զանգի» առիթով կազմակերպված տոնախմբությանը: Երեխաներն անչափ ուրախ ու ոգեւորված էին իրենց մատուցված այս անակնկալից: Ոմանց դեպքում, թերեւս դպրոցի ուսուցչական կազմի կամ ծնողների նախաձեռնությամբ, խոհրդավորությունն ապահովվել էր մինչեւ վերջին պահը, եւ նույնիսկ կառավարական ամառանոցների դարպասների մոտ շրջանավարտները չգիտեին, թե ուր են եկել:

Միջոցառման ժամանակ լրագրողների համար մուտքը փակ էր: Մի քանի շրջանավարատների հետ մենք զրուցեցինք նրանց ներս մտնելուց առաջ: Անի Մկրտումյանն ասաց, որ Մովսես գյուղից է: «Եկել ենք մեր շատ սիրելի պարոն վարչապետի հետ հանդիպենք: Այսօր պիտի լիներ մեր «Վերջին զանգը», բայց երեկոյան, երբ իմացանք, որ հանդիպման ենք վարչապետի հետ, բոլոր ծրագրերը փոխեցինք ու «Վերջին զանգը» տեղափոխել ենք վաղը: Եկել ենք շատ լավ տրամադրությամբ: Ճանապարհից հոգնած ենք, բայց չի ազդում ոչինչ»,- զվարթ պատմեց Անին:

Անսպասելի լուրը նրանց հայտնել է դասղեկը. «Փորձի էինք, վերջին փորձն էինք, իբր, անում, դասղեկը եկավ ու ասաց՝ ժողովուրդ, կանգնեցրեք ամեն ինչ, գնում ենք վարչապետի մոտ: Ես թռվռում էի: Շատ ուրախ էի»:

Անի Մկրտումյանը

Երկրի առաջին դեմքի հետ հանդիպման փորձ Անին արդեն ունի: Նախկինում այցելել է Նախագահական նստավայր: «Առաջին անգամ չեմ, նախագահականում եղել եմ: Տարեկան շրջայցներ էին լինում, աշակերտները Բաղրամյան 26 էին այցելում, ես էլ այդ ծրագրի շրջանակում եկել էի: Պարոն նախագահի հետ մի անգամ հանդիպում եղել էր,  բայց մի քիչ ուրիշ տրամադրությամբ ենք եկել պարոն Փաշինյանի հետ հանդիպման, այլ հույզերով լրիվ»,- ասաց շրջանավարտը: Նա ու դասընկերներն իրենց «Վերջին զանգի» զգեստով էին, որը հաճելի հանգամանքների բերումով առաջին անգամ կրում էին ոչ թե բուն միջոցառման, այլ Երեւան ուղեւորվելիս:

Անին պատրաստվում է իրավաբան դառնալ, սովորելու է Ֆրանսիական համալսարանում եւ իրեն լավ է զգում նոր Հայաստանում, որն իրականություն է դարձել նաեւ իր մասնակցության շնորհիվ: «Նոր Հայատանում ապրելը անչափ ոգեշնչում է: Նույնիսկ մենք ինքներս Տավուշում ցույցեր կազմակերպել ենք: Մայիսի 2-ին շատ մեծ ցույց եղավ մեզ մոտ, ու տրամադրությունը, մարդիկ, ամեն ինչ շատ հիանալի էին, որովհետեւ այս օրը բոլորը միմյանց համար ուտելիք էին գնում, միմյանց խմորեղեն, հյուրթեր հյուրասիրում: Նման բան, ես 17 տարեկան եմ, այսքան ժամանակ չէի տեսել, որ անծանոթը մյուսներին հյուրասիրի: Ու իրականում սա նոր Հայաստանն է, որը ես շատ սիրում եմ»,- ասաց Մովսեսի երիտասարդ բնակչուհին:

Այգեձորի դպրոցի շրջանավարտները թեպետ չեն հետաձգել «Վերջին զանգի» միջոցառումները, բայց դրանք արագ եզրափակել են, որ հասցնեն գալ Երեւան: «Այսօրվա «Վերջին զանգի» ժամանակ մի քիչ արագ ամեն ինչը կազմակերպվեց, բայց շատ հաճելի էր»,- ասաց Մանկավարժական համալսարանի ապագա ուսանող Լիանա Գրիգորյանը եւ ավելացրեց, թե վարչապետին մի խնդրանք ունի. ուզում է, որ հայաստանյան խոշոր բուհերը Բերդի տարածաշրջանում մասնաճյուղեր հիմնեն: «Որպեսզի սահմանամերձ բնակավայրերի երեխաները տրանսպոտի եւ ֆինանսական խնդիրներ չունենան, եւ բոլորին հասանելի լինի բարձրագույն կրթությունը: Իջեւանում մասնաճյուղ կա, բայց սահմանամերձ գյուղերի բնակիչների համար Իջեւան հասնելը նույնպես պրոբլեմ է»,- ասաց Լիանան:

Լիանա Գրիգորյանը

Այգեհովիտ գյուղի շրջանավարտներին կառավարական ամառանոցում հյուրընկալվելու մասին լուրը հասել է կեսգիշերին: Դասղեկը գիշերը ժամը 12-ին զանգահարել է ու տեղեկացրել, որ վարչապետից ու նրա տիկնոջից հրավեր ունեն: «Այդ ժամանակ արթնացրեցին ու ասացին, որ վաղը գնում ենք վարչապետի հետ հանդիպման»,- ասացին շրջանավարտները: Ուրախացա՞ք, թե ջղայնացաք, որ խանգարել են ձեր քունը՝ հետաքրվեցինք: «Ուրախացանք»,- ժպտալով արձագանքեցին երեխաները:  

Այգեհովիտ գյուղի դպրոցի շրջանավարտները

Կառավարական առանձնատանը, հյուրասիրությունից բացի, շրջանավարտների համար կազմակերպվել էր նաեւ շոու ծրագիր: Միջոցառման կազմակերպիչներից Հայկ Սարգսյանը, անդրադառանալով դրան, լրագրողների հետ զրույցում ասաց. «Շրջանավարտներին հրավիրել որոշվել է երեկ: Առաջին տիկնոջ որոշումն է եղել: Քանի որ տարածքը սահմանափակ է, որոշել ենք, որ ընդունելու ենք միայն սահմանամերձ գյուղերի շրջանավարտներին: Սպասվում է մեծ շոու ծրագիր, մեր էստարադային երգիչ-երգչուհիները կամավոր սկզբունքով մասնակցում են դրան, երգելու են, ուրախացնելու մեր շրջանավարտներին, որոնք հնարավորություն չեն ունեցել գյուղի պայմաններում «Վերջին զանգ» տոնել. կան գյուղեր, որտեղ ընդամենը երկու շրջանավարտ է եղել: Հիմա իրենք հնարավորություն ունեն մեծ շուքով, վարչապետի հետ միասին տոնելու իրենց վերջին զանգը»,- ասաց Հայկ Սարգսյանն ավելացնելով, որ երեխաների տեղափոխությունը կազմակերպել են մարզպետները՝ վարչապետի հրահանգով: Շոու ծրագրի ընթացքում շրջանավարտների համար ելույթ են ունեցել Էրիկը, Միհրան Ծառուկյանը, Սիլվա Հակոբյանը, Սոնա Շահգելդյանը, Դալիթան: 

Տպել
7239 դիտում

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը

Սուրեն Պապիկյանը Դաժու Յանգի հետ քննարկել է տեխնիկական համագործակցության հեռանկարները

Սամվել Թոփալյանն առաջադրվել է կանադական կինոփառատոնի «Լավագույն դերասան» անվանակարգում

Գեղամ Գևորգյանը հանդիպել է Ռուսաստանի դաշնային հակամենաշնորհային ծառայության ղեկավարի հետ

Գագիկ Ջհանգիրյանը քիչ առաջ արդարացվեց Մարտի 1-ի գործով․ Վճռաբեկ դատարանը հրապարակեց որոշումը

ՎիվաՍել-ՄՏՍ-ն ու «Սինոփսիս Արմենիան» աջակցում են Եվրոպական համալսարանին

Վալերի Օսիպյանը նշանակվել է ՀՀ վարչապետի գլխավոր խորհրդական. որոշում

Ալիևն ու Զասը հանդիպել են. ի՞նչ քննարկելու հարցեր կարող են լինել ՀԱՊԿ-ի ապագա գլխավոր քարտուղարի ու Բաքվի միջեւ

Վանեցյանը ՀՖՖ նախագահի պաշտոնից հրաժարական չի տա. ասում են ՀՖՖ-ից

Ձերբակալվել է «Կոշ» քրեակատարողական հիմնարկի պետն ու ևս 2 անձ. ԱԱԾ

Օսիպյանն առանձնահատուկ գոհունակություն է հայտնել ոստիկանության զորքերի նկատմամբ. վերջին խորհրդակցությունը (տեսանյութ)

Վայոց ձորի մարզպետը դատական հայց է ներկայացրել իրավապաշտպանի դեմ

Բակո Սահակյանը ռազմավարական զորավարժությունների անցկացման հետ կապված խորհրդակցություն է հրավիրել

9 տարի է՝ Էմմիյանը փորձում է 600-800 հազար եվրո արժողությամբ գույքը գրեթե անվճար բերել Երեւան, իսկ ՀՀ-ում ձգձգում են

Վրաստանը և Ուկրաինան իրենց ասոցացնում են Բաքվի հակաժողովրդավարական վարչակարգի հետ. Արցախի ԱԳՆ

Գազի ոլորտում կորուստները և սեփական կարիքների համար ծախսերը երբևէ արձանագրված ամենացածր մակարդակի վրա են. վարչապետ

Քաղաքապետարանն օգոստոսին աշխատավարձ բաժանելու համար բավարար գումար է փոխանցել Սանիթեքին. պաշտոնական