Մանվել Գրիգորյանից բացի ԱԺ-ում կա եւս 3 պատգամավոր, որ պատրաստ է ուտե՞լ զինվորի բաժինը

Երեկ Ազգային ժողովի արտահերթ նիստում ՀՀԿ խմբակցության պատգամավոր, գներալ, Արցախի հերոս Մանվել Գրիգորյանը զրկվեց անձեռնմխելիությունից եւ Ազգային ժողովը հավանություն տվեց ՀՀԿ խմբակցության պատգամավոր Մանվել Գրիգորյանին ազատությունից զրկելու մասին ՀՀ գլխավոր դատախազի միջնորդությանը: Մանվել Գրիգորյանին ազատությունից զրկելու մասին ՀՀ գլխավոր դատախազի միջնորդության քվեարկությանը 105-ից 82 պատգամավոր մասնակցեց: Ներկաներից կողմ քվեարկեց 77, դեմ 3 պատգամավոր: Անվավեր ճանաչվեց 2 քվեաթերթիկ: Ազգային ժողովը մեկ այլ գաղտնի քվերակությամբ հավանություն տվեց Մանվել Գրիգորյանին անձեռնմխելիությունից զրկելու եւ նրա նկատմամբ քրեական գործ հարուցելու միջնորդությանը: Մանվել Գրիգորյանին անձեռնմխելիությունից զրկելու միջնորդությանը կողմ քվեարկեց 81, դեմ՝ 3, պատգամավոր: 1 քվեաթերթիկ համարվեց անվավեր:

Մանվել Գրիգորյանին անձեռնմխելիությունից զրկելու հարցի քննարկումն անցավ լարված մթնոլորտում: Պատգամավորների քաղաքական հայտարարությունները կազմված էին մեղադրական ճառերից եւ ինչ-որ չափով էլ շրջանցում էին անմեղության կանխավարկածի առկայությունը: Մասնավորապես, Ծառուկյան խմբակցությունից Սերգեյ Բագրատյանը իր ելույթում Մանվել Գրիգորյանին դրդեց ինքնասպանության:

«Եթե այս մեղադրանքը հաստատվի, ապա Մանվել Գրիգորյանին կփրկի ո՛չ մուրճը, ո՛չ նալը, ո՛չ մեխը, այլ միայն պարանը։ Եթե այս մեղադրանքները հաստատվեն, սա կդիտվի պետական դավաճանություն։ Մենք մեր մանուկների աչքերին չենք կարող նայել։ Մենք հայրենասիրություն ենք ցանկանում ներարկել մատաղ սերնդին, ու նման դաժան վերաբերմունք Արցախի հերոսի կողմի՞ց. սա անբացատրելի է։ Այդ պարանը կարող է խարանը հանել հայ ժողովրդի ծանրացած սրտից»,- հայտարարեց Բագրատյանը։

Նույն խմբակցությունից Նաիրա Զոհրաբյանն էլ ՀԺ-ի հետ զրույցում ասաց, որ Մանվել Գրիգորյանը «շարքային մարադյոր է»։ Զոհրաբյանի համար տարօրինակ է՝ ինչպես են զինվորին հասանելիք սնունդն ու իրերը հայտնվել նրա ամառանոցում։ 

«Բացահայտումներ լինելու են, և մենք պետք է ստանանք բոլոր հարցերի պատասխանը՝ ինչպե՞ս եղավ, որ ապրիլյան պատերազմի ժամանակ դպրոցների կողմից առաջնագիծ ուղարկված արկղերը հայտնվեցին մարադյոր Մանվելի, այդ շարքային դավաճանի առանձնատանը»,- ԱԺ-ում լրագրողների հետ ճեպազրույցում հայտարարեց Նաիրա Զոհրաբյանը։

ՀՅԴ խմբակցության ղեկավար Արմեն Ռուստամյանն էլ ՀԺ-ի հարցին ի պատասխան ստեղծված իրավիճակը որակեց «խայտառակություն»:

«Սա խայտառակություն է և սրբապղծութուն։ Սա աննախադեպ է, սրա նմանը չի եղել։ Մենք պետք է մտածենք՝ ինչպես վերացնել հետևանքները, որ վերականգնենք մեր ազգային հպարտությունը, մեր ազատամարտի ձեռք բերած դարակազմիկ նվաճումները և որևէ մեկին թույլ չտրվի սա օգտագործել դա նսեմացնելու համար», - հայտարարեց Արմեն Ռուստամյանը՝ նշելով, որ բացահայտումները պետք է կատարվեն հնարավորինս արագ:

ԱԺ-ի գեներալ պատգամավորներից Ֆելիքս Ցոլակյանն էլ կարծում է, որ առանց նախկին իշխանությունների և համապատասխան մարմինների իմացության՝ հնարավոր էր ե՛ւ սնունդը պահեստավորել, ե՛ւ զենք-զինամթերքը:

«Ես չեմ կարող ասել՝ ինչպես է եղել, զենքի հետ կապված կարելի էր սպասել, բայց երեխաների նամակների ու սնունդի՝ ոչ։ Ո՞նց կարող է դա նորմալ լինել։ Եթե զենքի հետ կապված մի քիչ մտածեք, կհասկանաք՝ ինչու եմ տենց ասում, որովհետև կռված մարտիկ է, և հնարավոր է՝ զենք լիներ», - նկատեց նա։

ՀՀԿ փոխնախագահներից Գալուստ Սահակյանն էլ չի կիսում այն տեսակետը, որ Գրիգորյանի կողմից թույլ տված չարաշահումները տեղի են ունեցել Հանրապետականի թողտվությամբ. «Եթե դուք որևէ բան անեք, դրանում և՛ ՀՀԿ-ն է մեղավոր, և՛ մյուս կուսակցությունները։ Երկրում ինչքան արատավոր բան կա, դրանում տեսնում եմ իմ մեղավորությունը, ոչ թե տեսնում եմ որպես ՀՀԿ լիդերներից մեկի, այլ որպես քաղաքացու», - նշեց նա։

ՀՀԿ խմբակցության ղեկավար Վահրամ Բաղդասարյանն էլ ՀԺ-ի հետ զրույցում ասաց՝ եթե հանցանքը հաստատվի, ապա Մանվել Գրիգորյանը կպատժվի օրենքի ամբողջ խստությամբ: «Եթե կա հանցանքը ու այն հաստատվի, ապա օրենքի ամենայն խստությամբ կկրի իր պատիժը, հանցակիցները՝ նույնպես», - նշեց նա։

Մեր հարցին, թե Հանրապետականի իշխանության շրջանում շատ անգամներ է խոսվել այդ չարաշահումների մասին, ինչո՞ւ է ԱԱԾ-ն «ձեռքերը ծալած նստել», Բաղդասարյանը նշեց. «Դա արդեն հարցրեք իրավապահ մարմիններին»։

Վահրամ Բաղդասարյանի կարծիքով՝ Հանրապետականը որեւէ քաղաքական պատասխանատվություն չունի կրելու եւ ըստ խմբակցության ղեկավարի՝ սա միայն այն պատճառով, որ Գրիգորյանը ՀՀԿ-ական չէ: «Մանվել Գիգորյանը ՀՀԿ անդամ չէ, ՀՀԿ խմբակցության անդամ է»,- ընդգծեց Բաղդասարյանը։

ԵԼՔ-ից պատգամավոր, ազատամարտիկ Սասուն Միքայելյանն էլ չի պատկերացնում՝ ինչ հակափաստարկներ կարող են լինել, որ Մանվել Գրիգորյանը փորձի արդարանալ: 

«Եթե խոսքը մենակ զենքին վերաբերեր, ապա չէի մեղադրի, բայց զինվորից գողանալն արդարացում չունի»,-նշեց նա։ 

Քաղաքական ուժերի առանցքային դեմքերի հայտարարություններից զատ, ուշագրավ էր նաեւ այն, որ երեք պատգամավոր այնուհանդերձ դեմ էին եղել, որ Մանվել Գրիգորյանն անձեռնմխելիությունից զրկվի: Ստացվում է, որ ԱԺ-ում Մանվել Գրիգորյանից բացի կա եւս 3 անձ, ովքեր պատրաստ են ուտել «Զինվորի բաժին»-ը:

Տպել
13620 դիտում

Ռուսաստանը հայտնել է Թուրքիային ռազմական ինքնաթիռներ վաճառելու պատրաստակամության մասին

Նպատակը վեթինգը չէ, այլ անաչառ դատարան ունենալը. որ ասենք՝ մեր անկախ, սկզբունքային դատարանը որոշեց. Ն. Փաշինյան

Բախում Իջեւանում. 9 վիրավոր ոստիկան տեղափոխվել է հիվանդանոց

Վրաստանի վթարից տուժած ծայրահեղ ծանր վիճակում գտնվող 14-ամյա տղան գիտակցության է եկել. նա սկսել է ինքնուրույն շնչել

Եթե Քոչարյանը քաղբանտարկյալ է, ուրեմն ես իրավունք ունեմ տանկերի տակ ճզմել ցանկացած ընդդիմադիր շարժում. վարչապետ

Երեւան-Սեւան ավտոճանապարհին ձորն ընկած բեռնատարի վարորդը մահացել է

100 հազար դոլար, 18 մլն դրամ. ԱԱԾ քննչական դեպարտամենտի պետի ունեցվածքը

Հայաստանի և Ադրբեջանի միջև թեժ գիծն աշխատում է, բայց դա չի երաշխավորում, որ մենք զոհեր չենք ունենա. վարչապետ

Երեւանում Իսպանիայի ու Պորտուգալիայի 19 տարեկանները ցույց տվեցին այն, ինչ Հայաստանում չկա

Վենետիկի հանձնաժողովի կողմից պաշտոնական միայն մի դիրքորոշում է եղել. Նիկոլ Փաշինյան

Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու

Խաչիկ գյուղի մոտակայքում խոտածածկ տարածք է հրդեհվել

Մի բուդկայի պես սեփականաշնորհվել է ՍԴ-ն. եղել է քաղաքական առեւտուր, 4 մարդիկ ստացել են իրենց հասանելիքը. վարչապետ

Իսպանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ փոխնախարարին

Ապօրինի ծառահատում Ահնիձոր գյուղի հարակից անտառում

Ես ինքս ինձնից երբեք գոհ չեմ լինում, նշանակում է՝ իմ թիմից եւս. վարչապետը՝ անփորձների կառավարման մասին

Այո, կա վատ կառավարում, բայց դա ոչ միայն մարդկային, այլեւ համակարգային խնդիր է. վարչապետ

Քարաթափում Վայք-Ջերմուկ ավտոճանապարհին, վտանգը կանխելու համար արհեստական քարաթափում է արվել

Արարատ Միրզոյանն ու Նենսի Փելոսին քննարկել են հայ-ամերիկյան հարաբերություններին առնչվող հարցեր

Տիգրան Ավինյանը և Տատյանա Վալովայան անդրադարձել են ԵԱՏՄ–ում էներգակիրների միասնական շուկայի ձևավորման հարցին