Ամեն հաջորդ օր քաղաքացին պետք է զգա, որ փոփոխությունը հասել է Արմավիր. Դավիթ Խուդաթյան

«Մեծ հաշվով Արմավիրի քաղաքապետի պաշտոնը ստանձնելու առաջարկն անսպասելի չէր, որովհետեւ ես եղել եմ Քաղաքացիական պայմանագիր կուսակցության՝ Արմավիր տարածքային կառույցի ղեկավարը»,- այս մասին «Հայկական ժամանակ»-ի հետ զրույցում ասաց Արմավիրի քաղաքապետի ժամանակավոր պաշտոնակատար Դավիթ Խուդաթյանը:

Այսօր արդեն տարածքային կառավարման եւ զարգացման նախարար Սուրեն Պապիկյանը Դավիթ Խուդաթյանին կներկայացնի Արմավիրի քաղաքապետարանի աշխատակազմին: Վերջինս նշում է, որ վաղն առավոտյան 09:00-ից սկսելու է իր բուն աշխատանքը:

27-ամյա Դավիթ Խուդաթյանը տնտեսագետ է: Սովորել է Հայաստանի պետական տնտեսագիտական համալսարանում: Ապրում է հենց Արմավիր քաղաքում: Արմավիրում աշխատել է վարկային կազմակերպությունում՝ որպես վարկային մասնագետ, ապա պրոյեկի կոմերցիոն մենեջեր, հետո արդեն Երեւանում՝ այլ վարկային կազմակերպությունում: Խուդաթյանը վստահեցնում է, որ մեծ մասամբ տիրապետում է քաղաքում առկա խնդիրներին, ծանոթ է դրանց:

Խուդաթյանը սկզբում եղել է Քաղաքացիական պայմանագիր կուսակցության նախաձեռնության անդամ, ապա հիմնադրման օրվանից՝ ՔՊ կուսակցության անդամ: Վերջինս նշում է, որ այսքան տարվանից հետո իրեն չի պատկերացնում կուսակցությունից դուրս:

Արմավիրի քաղաքապետի պաշտոնակատարը 2017թ. խորհրդարանական ընտրությունների ժամանակ եղել է Արմավիրի մարզը ընդգրկող թիվ 6 ընտրատարածքի ԵԼՔ խմբակցության ռեյտինգային ցուցակում ու ստացել է 789 ձայն: Մեր հարցին՝ Ազգային ժողովի սպասվող արտահերթ ընտրությունների ժամանակ կրկին կառաջադրվի՞ պատգամավորի թեկնածու, թե՞ հոկտեմբերին կայանալիք ՏԻՄ ընտրությունների ժամանակ կառաջադրվի որպես քաղաքապետի թեկնածու, Խուդաթյանը պատասխանեց.

«Դրանք քաղաքական որոշումներ են: Ինչպես քաղաքական թիմը նպատակահարմար գտնի, ինչ որոշմամբ դիմի, պատրաստ եմ այդպես մասնակցել: Դեռեւս քննարկումներ չեն եղել: Այս պահին ես ստանձնում եմ քաղաքապետի ժամանակավոր պաշտոնը՝ քաղաքի խնդիրերը հնարավորին չափով լուծելու համար»,- ասաց Խուդաթյանը:

Արմավիրի քաղաքապետի ժամանակավոր պաշտոնակատարը մեր զրույցում ասաց, որ այս ժամանակահատվածում բոլոր խնդիրները առանձնացնելու են ըստ առաջնահերթության եւ լուծման հնարավորությունների՝ կարճաժամկետ-երկարաժամկետ.

«Կարծում եմ՝ յուրաքանչյուր հաջորդ օր քաղաքացին պետք է զգա, որ փոփոխությունը հասել է նաեւ Արմավիր, որ քաղաքում բան է փոխվել»,- մեր զրույցում ասաց Դավիթ Խուդաթյանը:

Խուդաթյանը Արմավիրի քաղաքապետի ժամանակավոր պաշտոնակատարի պարտականությունները ստանձնել է այսօր՝ ՀՀ վարչապետ Նիկոլ Փաշինյանի որոշմամբ: Ավելի վաղ՝ հունիսի 22-ին, Արմավիրի քաղաքապետ Ռուբեն Խլղաթյանը հայտարարել էր, որ վաղաժամկետ դադարեցնում է Արմավիրի քաղաքապետի լիազորությունները:

Տպել
3408 դիտում

Հրապարակվել է «Լավ երկրների» վարկանշային աղյուսակը. Հայաստանը բարելավել է դիրքերը, հայտնվել 45-րդ տեղում

Քոչարյանի իշխանավարման տարիներին սպառողների համար գազի գինն աճել է մոտ 2.5 անգամ. Հայկ Գեւորգյան

Վարչապետը շարունակում է հանդիպումները Դավոսի տնտեսական համաժողովի շրջանակում (լուսանկարներ)

ՊԵԿ-ը հերքում է. նման պարգևատրումներ գոյություն չունեն

Ինքնախրախուսվել է նաեւ Շիրակի մարզպետը. փոխմարզպետները եւս դրամական պարգեւներ են ստացել

Էլեկտրահարման եղանակով Արփա գետից որսացել են ձկներ, պահել գետի ափին ու բռնվել

Արայիկ Հարությունյանն ԱՄՆ է գնացել հրավիրող կողմի հաշվին

Բակո Սահակյանը ողջունել է Արցախում ՀՅԴ Ընդհանուր ժողովի անցկացումը

Սերժ Սարգսյանն այսօր պարգեւատրել է չեմպիոնների

Վանաձորցիները սպասում են ԱԺ պատգամավորի թեկնածուների «բարի կամքի դրսեւորմանը»

Արտաշատում հատուկ նշանակայինների մասնակցությամբ միջոցառումներ են տեղի ունեցել (տեսանյութ)

Շուկայում փոփոխություններ են տեղի ունեցել, ներմուծող տնտեսվարողների քանակն է ավելացել. Շաբոյանը բենզինի գնի անկման մասին

Չեխիան ստացել է Նարեկ Սարգսյանի արտահանձնման մասին Հայաստանի հայցը

Հայտարարություն մրցույթի մասին

ՀՀԿ-ական քաղաքապետերը նույնպես շարժվել են իրենք իրենց պարգեւատրելու իներցիայով

Ամփոփիչ խորհրդակցություն ոստիկանության Երևան քաղաքի վարչությունում (տեսանյութ)

Սերժ Սարգսյանը այսօր պարգեւատրել է չեմպիոնների

Դարձել եք ազատ, արդար ընտրությունների արդյունքում ձեւավորված խորհրդարանի ղեկավար. Սվիտալսկին՝ Միրզոյանին

Շտապ օգնության կանչերը շուտով կսպասարկվեն նաեւ թեթեւ մարդատար ավտոմեքենաներով

Աշոցքի ավտոճանապարհներին թույլ ձյուն է տեղում