ՀՀԿ-ական նախկին պատգամավորի անվան հետ կապված սեքս-սկանդալի գործը կքննվի դռնփակ

Սոցիալական ապահովության պետական ծառայություն նախկին պետ, ՀՀԿ-ական նախկին պատգամավոր Հովհաննես Սահակյանի անվան հետ կապված սեքս սկանդալի գործը հետայսու կքննվի դռնփակ:

Տեղեկացանք, որ նման միջնորդություն նախորդ դատական նիստին ներկայացրել է սույն գործով մեղադրող դատախազը: Դատարանն էլ բավարարել է մեղադրող կողմի՝ գործը դռնփակ քննելու միջնորդությունը:

ՀՀ դատական օրենսգրքով՝ դատական վարույթը կամ դրա մի մասն օրենքով սահմանված դեպքերում եւ կարգով դատարանի որոշմամբ կարող է անցկացվել դռնփակ` վարույթի մասնակիցների մասնավոր կյանքի, անչափահասների կամ արդարադատության շահերի, ինչպես նաեւ պետական անվտանգության, հասարակական կարգի կամ բարոյականության պաշտպանության նպատակով:

Այս սկանդալից երեք տարի է անցել, սակայն ՀՀ ազգային անվտանգության ծառայությունն այս գործը մոտ մեկ ամիս առաջ է ուղարկել դատարան: Գործով որպես մեղադրյալ է անցնում ՀԱԿ ակտիվիստ Տիգրան Առաքելյանն ու իր գործընկեր Հայկ Սարգսյանը: Նրանք նախաքննության սկզբում կալանավորվեցին, ապա մեկ տարի անց ազատ արձակվեցին. այժմ նրանց նկատմամբ որպես խափանման միջոց է ընտրվել չհեռանալու մասին ստորագրությունը:

Ըստ մեղադրական եզրակացության համառոտ բովանդակության՝ Տիգրան Առաքելյանը Հովհաննես Սահակյանից շորթմամբ առանձնապես խոշոր չափերով գումար ստանալու նպատակով Հայկ Սարգսյանի եւ քննությամբ չպարզված այլ անձանց հետ նախնական համաձայնությամբ 2015թ. հունիս-հուլիսին համացանցային կապի միջոցների օգտագործմամբ, առանց Հովհաննես Սահակյանի համաձայնության, ապօրինաբար հավաքել եւ պահել են վերջինիս վերաբերյալ` անձնական գաղտնիք համարվող արատավորող տեղեկություններ: Այնուհետեւ այդ տեղեկությունները հրապարակելու սպառնալիքով Հովհաննես Սահակյանից պահանջել են իրենց տալ 100 հազար դոլար, որի չափը, հետագայում սակարկվել է, սակայն Հովհաննես Սահակյանը պահանջված գումարը չի տվել:

Գործով տուժող է անցնում ՀՀԿ-ական պատգամավոր Հովհաննես Սահակյանը: Վերջինս ավելի վաղ մեր զրույցում նշել է, որ չի պահանջելու, որպեսզի գործով մեղադրյալները պատասխանատվության ենթարկվեն. «Նոր իրողություն է, թող իրենք էլ իրենց կյանքը ճիշտ կազմակերպեն եւ հետագայում նման որեւէ բան չանեն»,- մասնավորապես նշել էր Սահակյանը:

Տպել
3535 դիտում

Արա Վարդանյանը կմնա կալանավորված. դատարանը հրապարակեց որոշումը

ԿԳՄՍ-ն վերահաստատում է բոլոր առկա հարցերը քննարկելու պատրաստակամությունը, հանդիպման օրակարգ կսահմանվի

Վազգեն Մանուկյանը՝ Դավիթ Շահնազարյանի, Ռուբիկ Հակոբյանի կողքին. Հանրային խորհրդի նախկին նախագահը համաժողով է հրավիրել

Նիկոլ Փաշինյանի որոշմամբ պաշտոնանկություն՝ առողջապահության նախարարությունում

«ԳեոՊրոՄայնինգ» ընկերությունը միանում է ՀՀ Կառավարության ՝ տնկել 10 միլիոն ծառ նախաձեռնությանը

Երկրաշարժի պատճառով անօթևան մնացած ընտանիքների բնակարանաշինության ծրագրին 6.5 անգամ ավելի գումար է հատկացվել․ Կարապետյան

Նիկոլ Փաշինյանը նոր ազատում-նշանակում է արել

Ֆուտբոլի եւս 4 հավաքական արդեն Եվրո 2020-ում է

Շիրակի մարզի դպրոցներում աշխատանքի չհաճախող աշխատակիցներ պահելու մի քանի դեպքերով հարուցվել են քրգործեր

Լուծվել է տան խնդիր՝ 25 տարվա սպասումից հետո

Ռոբերտ Քոչարյանի խափանման միջոցի հարցը քննած դատավորներից երկուսը հրաժարվել են թիկնապահներից

Արարատ Միրզոյանն ընդունել է պաշտոնական այցով Հայաստան ժամանած Ղազախստանի խորհրդարանի Սենատի նախագահ Դարիգա Նազարբաեւային

Ալեքսանդր Գրիգորյանը խիստ նեղացած է Հայաստանի ֆուտբոլի ֆեդերացիայից

Անհետ կորած 77-ամյա կնոջը դեռ փնտրում են

Թուրքիան դատապարտել է Սիրիայում հայ քահանայի սպանությունը

Խորենացի փողոցի տաղավարներից մեկում կասեցվել է թարմ մսի վաճառքը

Աններդաշնակ դաշնակիցները. ջնջել, անցնել հնին

20 միլիոնանոց բլեֆ. «ստորագրել են», որ չեն խոսի

Ապարանի ոստիկանները պետական-հասարակական ունեցվածքի գողություն են բացահայտել (տեսանյութ)

Զորամասերից մեկում անցկացվել է կրակային պատրաստության գործնական պարապմունք