Ո՞վ է հավակնում 2020 թվականին դառնալ Արցախի նախագահ. ընդդիմությունը լուրջ է տրամադրված

Տեւական ժամանակ է` Արցախի ներքաղաքական իրավիճակը, կարծես թե, ավելի հանգիստ է: Պատճառներից մեկը կարելի է համարել ԼՂՀ գործող նախագահ Բակո Սահակյանի հայտարարությունը, որ 2020 թվականի նախագահական ընտրություններում իր թեկնածությունը չի առաջադրելու: Այս հայտարարությունը որոշ չափով հանգստացրեց Սահակյանի հրաժարականը պահանջողներին: Չնայած դրանից հետո որոշակի խմորումներ եղան եւ Արցախում ստեղծվեցին մի քանի նախաձեռնություններ:

Այդ նախաձեռնություններից են՝ «Լույս Արցախին» եւ «Արցախյան զարթոնք»: Արցախի հասարակությունը, կարծես թե, կասկած չունի, որ 2020 թվականի ընտրություններում նախագահ է դառնալու ԱՀ նախկին պետնախարար, այժմ ԱՀ նախագահ Բակո Սահակյանի խորհրդական-հատուկ հանձնարարությունների գծով ներկայացուցիչ Արայիկ Հարությունյանը: Սոցցանցերում էլ արդեն խոսվել է, որ Հարությունյանի հրաժարականը  պետնախարարի պաշտոնից պայմանավորված էր նրանով, որ 2 տարի անց նախագահ դառնա:

Դրանից զատ արդեն վերջին օրերին հրապարակումներ են եղել, որ արցախյան էլիտան նախնական համաձայնության է եկել հաջորդ նախագահի թեկնածության շուրջ եւ այս դեպքում նույնպես խոսքը Արայիկ Հարությունյանի մասին է: Նշենք նաեւ, որ Արցախի խորհրդարանական եւ նախագահական ընտրությունները տեղի են ունենալու միաժամանակ: Արայիկ Հարությունյանի հնարավոր թեկնածության եւ ընդդիմադիր ուժերի հնարավոր քայլերի շուրջ ՀԺ-ն զրուցեց Արցախի մի շարք ուժերի ներկայացուցիչների հետ: Մեր հարցերին պատասխանեց նաեւ Արայիկ Հարությունյանը:

- Պարոն Հարությունյան, մամուլում ակտիվորեն քննարկվում է, որ Արցախյան էլիտան նախնական համաձայնության է եկել ԱՀ հաջորդ նախագահի թեկնածության շուրջ, շոշափվում է հենց ձեր անունը, սա ինչպե՞ս կմեկնաբանեք:

- Մամուլում նման քննարկումները ես ավելի շատ կպայմանավորեի նախագահ Բակո Սահակյանի այն հայտարարությամբ, որ 2020թ.-ին կայանալիք նախագահական ընտրություններին ինքը չի առաջադրվելու: Բնականաբար, մեծ հետաքրքրություն է առաջացել, թե ով է լինելու Արցախի հաջորդ նախագահը: Կարող եմ ընդամենը ասել, որ որեւէ համաձայնություն ոչ միայն չկա, այլեւ վաղ է այդ թեմայով որեւէ քննարկման մասին խոսելը: Այսօր մեր հիմնական ուշադրությունը կենտրոնացած է Արցախի ներքին եւ արտաքին առաջնահերթ հիմնախնդիրների լուծման վրա: Իսկ որպես առաջատար քաղաքական ուժի՝ «Ազատ հայրենիք» կուսակցության ղեկավար՝ ես կարծում եմ, որ ընտրություններում մեր եւ ողջ իշխանությունների առաջնահերթ խնդիրն է՝ ապահովել ազատ, արդար եւ մրցակցային ընտրությունների կազմակերպումը: Թե ով կդառնա հաջորդ նախագահը եւ որ քաղաքական ուժը որքան ձայն կստանա, կորոշի արցախցի ընտրողը:

- Պատրաստվո՞ւմ եք հաջորդ նախագահական ընտրություններում առաջադրվել, ունե՞ք նախագահի պաշտոնի հավակնություններ:

- Քաղաքականության մեջ ինձ համար անընդունելի են վաղաժամ հայտարարությունները: Բնական է, որ իմ գլխավորած կուսակցությունն իր ծանրակշիռ մասնակցությունն է ունենալու թե՛ խորհրդարանական եւ թե՛ նախագահական ընտրություններին: Կգա ժամանակը, եւ մենք քաղաքական որոշում կկայացնենք այդ մասնակցության ձեւաչափի վերաբերյալ:

 - Ինչպե՞ս ստացվեց, որ պետնախարարի պաշտոնից ազատվելուց հետո հայտնվեցինք նախագահականում:

 - Ինչպես քանիցս հայտարարել եմ՝ պետնախարարի պաշտոնից հրաժարվել եմ սեփական դիմումի համաձայն, եւ այն որեւէ կերպ պայմանավորված չէր Բակո Սահակյանի հետ ունեցած իմ հարաբերությամբ: Իսկ նոր պաշտոնը ստանձնել եմ Հանրապետության նախագահի առաջարկով՝ հաշվի առնելով մի շարք նախագծեր համակարգելու անհրաժեշտությունը: Եթե անգամ ես չզբաղեցնեի նախագահի խորհրդականի պաշտոնը, իմ ղեկավարած քաղաքական ուժի հետ միասին մինչեւ 2020թ. շարունակելու էինք պաշտպանել նախագահ Սահակյանի որդեգրած քաղաքական եւ տնտեսական կուրսը, քանի որ «Ազատ հայրենիք» կուսակցությունը դրանում իր նշանակալի ներդրումն ունի:

Այս հարցերի շուրջ զրուցեցինք նաեւ Արցախի ԱԺ միակ ընդդիմադիր պատգամավոր Հայկ Խանումյանի հետ: Մեր հարցին՝ ինչպե՞ս է վերաբերվում Արայիկ Հարությունյանի թեկնածությանը 2020 թվականի նախագահական ընտրություններում, Խանումյանը պատասխանեց. «Արայիկ Հարությունյանը այս պահին Արցախի խորհրդարանում ամենամեծ ներկայացվածություն ունեցող ուժի ղեկավարն է եւ տրամաբանական է, որ նախագահի թեկնածու կարող է դիտարկվել: Ես նրանից բացի՝ նույն իշխանության մեջ էլի եմ մարդիկ տեսնում, ովքեր այդ ուղղությամբ ակտիվ աշխատում են»:

Հարցին, թե ինքը որպես ընդդիմադիր քաղաքական ուժ տեսնո՞ւմ է Արայիկ Հարությունյանին նախագահի պաշտոնում, Խանումյանը պատասխանեց. «Ոչ, ես տեսնում եմ այլ թեկնածուների եւ մասնավորապես՝ ընդդիմությունից: Այսինքն՝ ընդդիմության կողմից առաջ քաշված թեկնածուներ եմ տեսնում նախագահի պաշտոնում»: Խանումյանի խոսքով՝ «Ազգային վերածնունդ» կուսակցությունը նույնպես հնարավոր է թեկնածու առաջադրի: Նա նշեց, որ այլ ուժերի եւ նախաձեռնությունների հետ քննարկումներ եւ բանակցություններ են գնում տարբեր հարցերի շուրջ:

Հարցին, թե բացի Արայիկ Հարությունյանից, իշխանությունն ո՞ւմ թեկնածություններն է դիտարկել, Խանումյանը պատասխանեց. «Ես կարծում եմ, որ ուժային թեւից էլ թեկնածու կլինի` այս պահին իշխանությունում գտնվող` նույն Արշավիր Ղարամյանը, Վիտալի Բալասանյանը»: Խանումյանը ենթադրում է, որ 10-ին մոտ նախագահի թեկնածուներ կլինեն 2020 թվականին եւ հնարավոր է համարում նաեւ, որ երկու փուլով անցնեն ընտրությունները: «Այս կառավարման պայմաններում իշխանական թեկնածուն վարչական ռեսուրսը օգտագործելու անսպառ հնարավորություններ ունի, բայց կարծում եմ՝ մինչեւ 2020 թվականը հասարակությունն ավելի կզարգանա եւ նման բաները կբացառվեն», - եզրափակեց Խանումյանը:

Արցախի ռազմական-քաղաքական գործիչ Վահան Բադասյանը, ով «Լույս Արցախին» նախաձեռնության անդամ է, մեր զրույցում նշեց, որ պատրաստվում են գրանցվել որպես քաղաքական կուսակցություն եւ առաջիկա` լինի արտահերթ, թե խորհրդարանական ընտրություններին, մասնակցելու են: Հարցին՝ ի՞նչ կարծիք ունեն Արայիկ Հարությունյանի թեկնածության մասին, Բադասյանը պատասխանեց. «Եթե մենք մասնակցելու ենք խորհրդարանական ընտրություններին, պարզ է, որ նաեւ նախագահի թեկնածու ենք առաջադրելու, որովհետեւ ներկա իշխանության որեւէ թեկնածուի մենք չենք կարող վստահել»:

Դիտարկմանը, թե նույնը վերաբերվում է նաեւ Արայիկ Հարությունյանի՞ն, Բադասյանը արձագանքեց. «Մենք չգիտենք՝ Արայիկ Հարությունյանը մասնակցելու է, թե` ոչ: Մենք նրա համար ենք պայքարում, որ Բակո Սահակյանը հրաժարական տա, որովհետեւ եթե այսպես շարունակվի, ոչ թե ընտրություն է լինելու, այլ՝ նշանակում: Այդպես նախագահ են նշանակվել Ռոբերտ Քոչարյանը, Արկադի Ղուկասյանը, Բակո Սահակյանը»: Բադասյանը, որպես ԱՀ ապագա նախագահ տեսնում է միայն իրենց նախաձեռնության խմբի թեկնածուին, քանի որ տարիներ շարունակ իրենք պայքարել են եւ իշխանությունների թերությունները նշել են: Հարցին՝ արդյո՞ք այդքան մեծ աջակիցների թիվ ունեն, Բադասյանը պատասխանեց. «Ես կարծում եմ՝ այո, եւ դա առաջիկա ընտրություններում կտեսնենք: Իսկ եթե միջնորդություններ եւ կոպիտ ընտրակեղծիքներ լինեն, իհարկե, արդար ընտրություններ սպասել անհնարին է»:

«Արցախյան զարթոնք» նախաձեռնության անդամ, ՀՀ գլխավոր ռազմական տեսուչի նախկին տեղակալ եւ ԱՀ ՊԲ հրամանատարի նախկին տեղակալ Միքայել Արզումանյանը նշեց, որ չի ցանկանում ոչ մի հարցի վերաբերյալ մեկնաբանություն տալ:

Տպել
5459 դիտում

Գտնվում ենք այնպիսի ճակատագրական վիճակում, որ պահանջում է երկխոսություն և համատեղ որոշման կայացում. Լևոն Տեր-Պետրոսյան

Լևոն Տեր-Պետրոսյանը հանրայնացրել է տեքստը, որը պետք է ընթերցվեր Էջմիածնի հանդիպումից հետո

Կառավարության անդամները վաղը Եռաբլուր չեն այցելի

Նախնական արդյունքներով՝ որ ուժերն են հաղթանակ տարել երեկվա ՏԻՄ ընտրություններում, և ովքեր կլինեն նոր համայնքապետները

Ազգությամբ քուրդ Աթիլլա Չիչեքի և Հուսեին Յըլդըրըմի նկատմամբ դեռ օգոստոսից ՀՀ-ում հետախուզում է հայտարարված եղել

ժամը 22:00-ի դրությամբ իրավիճակը հայ-ադրբեջանական սահմանին հարաբերականորեն կայուն է

Ֆրանսիան պահանջել է, որպեսզի Ադրբեջանի ուժերը վերադառնան ելման դիրքեր. Փարիզում կայացել է Փաշինյանի և Մակրոնի հանդիպումը

ՀՀ-ի ՄԱԿ Թմրամիջոցների և հանցավորության դեմ պայքարի գրասենյակի միջև ստորագրվել է համագործակցության ճանապարհային քարտեզ

«Մա՛մ, էն տղեն, որ նկարում էի, պատերազմում է զոհվել». Արեն Մալաքյանը դիմանկարիչ էր, հաճախ էր նկարում հերոսներին

Հերյուրանքի հեղինակին դատական կարգով պարտավորեցնելու եմ հրապարակային ներողություն խնդրել․ Շիրակի մարզպետ

Խոր ցավով տեղեկացա Իժևսկ քաղաքի դպրոցներից մեկում տեղի ունեցած ողբերգական միջադեպի մասին․ Նիկոլ Փաշինյանը հեռագիր է հղել

Կրակային պատրաստություն, մարտավարություն ռազմամարզական ճամբարում․ 11-րդ դասարանցիները 10 օր իրենց կզգան բանակում

Գազի ներքին ցանցի կառուցում, ասֆալտապատում, կենտրոնների նորոգում․ Աշոցքում ընթացքի մեջ են սուբվենցիոն ծրագրերը

ՔՊ-ն Բարձրագույն դատական խորհրդի անդամի թեկնածուներ է առաջադրել

Ինչ էլ ստորագրի, պիտի ասեն՝ դավաճան, թուրք, ով էլ գա, գուցե և ավելի վատ փաստաթուղթ է ստորագրելու․ Լևոն Տեր-Պետրոսյան

ՀՀ ԱԳՆ-ի դիմաց մի շարք քաղաքական և հասարակական ուժեր հավաք են իրականացրել՝ պահանջելով դուրս գալ ՀԱՊԿ-ից

ՀՀ ժողովրդական նկարիչ Արամ Իսաբեկյանը պարգևատրվել է ԿԳՄՍ նախարարության ոսկե մեդալով

Ադրբեջանը քննարկել է Երևանում կայանալիք «Մանկական Եվրատեսիլ-2022»-ին իր մասնակցության հարցը

Սևանի բազմագործառութային պետական քոլեջում կստեղծվի տեխնոլոգիական ուսուցման կենտրոն

Բերդ համայնքում ՏԻՄ ընտրություններին քարոզչություն կատարելուն հարկադրելու մեղադրանքով երկու անձ կալանավորվել է. ՔԿ

Կդադարեցվի Արտաշատ համայնքի Քաղցրաշեն, Այգեզարդ և Այգեպատ բնակավայրերի գազամատակարարումը

Մեկնարկել է Հայ-ռուսական երիտասարդական 8-րդ համաժողովը

Առցանց անմաքս առևտրի շեմը կգործի մինչև 2023 թվականի ապրիլի 1-ը

Դեսպան Սարգսյանը Կատարի կապի նախարարի հետ անդրադարձել է ադրբեջանական վերջին ագրեսիայի հետևանքով ստեղծված իրադրությանը

Զորքերը պետք է վերադառնան սկզբնական դիրքեր. Մեծ Բրիտանիայի դիրքորոշումն Ադրբեջանի ագրեսիայի վերաբերյալ

Հունաստանի ԱԳ նախարարը կժամանի Հայաստան

Դոլարն ու եվրոն էժանանում են. ՀՀ կենտրոնական բանկը հրապարակել է նոր փոխարժեքներ

Կարեն Անդրեասյանը միջազգային գործընկերներին է ներկայացրել մեկ տարում իրականացված բարեփոխումային ծրագրերի արդյունքը

ՀՀ ԱԳ նախարարի տեղակալը Միրոսլավ Հացեկին է ներկայացրել ՀՀ տարածքի նկատմամբ Ադրբեջանի կողմից սանձազերծված վերջին ագրեսիան

Թատրոնի վարագույրը պետք է բացվի, մենք էլ՝ լինենք մեր «խրամատում». Գյումրու դրամատիկականն ազդարարեց 157-րդ թատերաշրջանը

Լևոն Տեր-Պետրոսյանը Հանրայինի եթերում հարցազրույց կունենա

Հայաստանում առաջին անգամ կանցկացվի «Թատերական պաստառներ» միջազգային փառատոն-մրցույթը

Ֆինանսների նախարարը և ԱՄՀ հայաստանյան առաքելության ղեկավարը քննարկել են մակրոտնտեսական զարգացումներին առնչվող հարցեր

Մահացել է օլիմպիական չեմպիոն Ռաֆայել Չիմիշկյանը

ՌԴ Պետդումայի նախագահ Վոլոդինը հանդիպել է Ադրբեջանի նախագահ Ալիևի հետ

Թող հրեական համայնքը շարունակի իր դարավոր և անխափան ընթացքը. ՀՀ վարչապետի շնորհավորական ուղերձը Ռոշ Հաշանայի առթիվ

Վատ և անտեղի. Զոհրաբ Մնացականյանը անդրադարձել է Բելառուսի արտգործնախարարի՝ Փելոսիի այցի քննադատությանը

Քրիստիննե Գրիգորյանն աշխատանքային այցով կմեկնի Ստրասբուրգ

«Պտտի՛ր հրաշքը». 16 երկիր կհամախմբվի «Մանկական Եվրատեսիլի» 20-րդ պտույտի շուրջ (տեսանյութ)

Օդի ջերմաստիճանը սեպտեմբերի 26-30-ը աստիճանաբար կբարձրանա 6-8 աստիճանով