Քաղաքապետարանը սաբոտա՞ժ է անում՝ թույլ չտալով ավտոբուսները երթուղի դուրս գան. պարզաբանում

Երեւանի բնակիչներից այսօր ահազանգ ստացանք ավտոբուսային թիվ 5 երթուղում տրանսպորտի վատ աշխատանքի մասին, այն դեպքում, երբ այս երթուղին աչքի էր ընկնում իր կանոնավոր աշխատանքով: Նշվում էր, որ վերջին օրերին ավտոբուսները երթուղի են դուրս գալիս ժամանակային մեծ միջակայքով: Այսօր էլ ընդհանրապես չեն հանդիպել: Ուղեւորների փոխանցմամբ, վարորդներից մեկը դժգոհել է, որ իրենց թույլ չեն տալիս աշխատել՝ զարմանալով, թե ինչու ուղեւորները չեն բողոքում այս իրավիճակից եւ որ իրենք էլ ուզում են աշխատել ու վաստակել: Նաեւ տեղեկացրել էին այսօր ընդհանրապես երթուղի դուրս չգալու պահանջի մասին:

Երբ խնդրի վերաբերյալ փորձեցինք մեկնաբանություն ստանալ Երեւանի քաղաքապետարանի տրանսպորտի վարչության պետ Հենրիկ Նավասարդյանից, նա հայտարարեց, այս ամենը սաբոտաժ չէ՝ ի տարբերություն առկա մեկնաբանությունների: Ի դեպ, նկատենք, որ N5 երթուղին սպասարկում է Երեւանի քաղաքապետարանը ու ոչ որեւէ մասնավոր ընկերություն: Վարչության պետն ասաց, որ այլ լրատվամիջոցներ նույնպես անդրադարձել են խնդրին, եւ քաղաքապետարանը շուտով դրա վերաբերյալ հաղորդագրություն կտարածի: Ավելու ուշ հրապարակվեց խոստացված պարզաբանումը: Դրանում ասվում է.

«Հարգելի համաքաղաքացիներ, թիվ 5 ավտոբուսային երթուղու աշխատանքի պարբերականության վերաբերյալ որոշ լրատվամիջոցների կողմից շրջանառվող իբր «սաբոտաժ կազմակերպելու» վերաբերյալ տեղեկություններին ի պատասխան հարկ ենք համարում նախ տեղեկացնել, որ համաձայն «Ավտոմոբիլային տրանսպորտի մասին» ՀՀ օրենքի 10-րդ հոդվածի 2-րդ մասի՝ Երեւան քաղաքի վարչական տարածքով անցնող միջմարզային եւ ներմարզային ավտոբուսային կանոնավոր փոխադրումների երթուղիների ուղեգծերը համաձայնեցվում են Երեւանի քաղաքապետի հետ, իսկ ՀՀ կառավարության 2007 թվականի օգոստոսի 30-ի հ.1042-Ն որոշմամբ հաստատված՝ Հայաստանի Հանրապետության տարածքում ընդհանուր օգտագործման ավտոմոբիլային տրանսպորտով ուղեւորափոխադրումների կազմակերպման կարգի 14-րդ կետի համաձայն՝ ավտոբուսային կանոնավոր փոխադրումներն իրականացվում են ավտոկայարաններից, ավտոկայաններից եւ երթակարգավարական կետերից: Վերջին մի քանի օրերին, խախտելով վերոհիշյալ նորմատիվ իրավական ակտերի պահանջները, «Էջմիածին-Երեւան-Էջմիածին» միջմարզային միկրոավտոբուսային հ.203 երթուղում շահագործվող տրանսպորտային միջոցները Կենտրոնական ավտոկայանում սահմանված վերջնակետից անօրինական ձեւով շարունակում են ուղեւորափոխադրումների իրականացումը՝ հասնելով մինչեւ մետրոպոլիտենի «Երիտասարդական» կայարան, Աբովյան պուրակ, ինչի արդյունքում խաթարվել է Երեւանի ներքաղաքային կանոնավոր փոխադրումներ իրականացնող մի շարք ավտոբուսային եւ միկրոավտոբուսային երթուղիների, այդ թվում նաեւ ավտոբուսային հ.5 երթուղու բնականոն աշխատանքը, որը տեղիք է տվել նաեւ երթուղիներում աշխատող տրանսպորտային միջոցների վարորդների արդարացի դժգոհությանը: Տեղեկացնում ենք նաեւ, որ ներկայումս աշխատանքներ են տարվում հարցը կարգավորելու ուղղությամբ»:

Քաղաքապետարանը չի մանրամասնել՝ ինչ ասել է վարորդների դժգոհությունն առաջացնել՝ ինչպես են նրանք դա արտահայտում, գործադո՞ւլ են հայտարարել, թե երթուղի են դուրս գալիս միայն հազվադեպ: Չի մասնավորեցվում նաեւ, թե ինչ է անում քաղաքապետարանը՝ այս իրավիճակը թույլ չտալու համար:

N5 ավտոբուսային երթուղին անցնում է Երեւանի կենտրոնական ավտոկայանից մինչեւ Ջրվեժ:

Տպել
3268 դիտում

ՍԴ-ն կասեցրել է Ռոբերտ Քոչարյանի գործով առաջին ատյանի դատարանի դիմումի հիման վրա գործի վարույթը

Ոստիկանները սոցապ տեսուչին բռնեցին կաշառք ստանալուց անմիջապես հետո (տեսանյութ)

ՀՀ ԶՈՒ զինծառայողները կմասնակցեն «Միջազգային բանակային խաղեր-2019» մրցաշարի շրջանակում անցկացվող մրցումներին

Կառավարության նպատակը քաղաքացու և ներդրողի համար դատական համակարգը վստահելի դարձնելն է. նախարար

Հայաստանն ու Վրաստանը հարկերի հավաքման ոլորտում փոխանակվել են փորձով

Առևտրի խթանում. նախարարությունում քննարկվել է լաբորատորիաների վերազինումը և հավատարմագրման մարմնին տրվող աջակցությունը

ՀԱՅԲԻԶՆԵՍԲԱՆԿԸ համալրեց իր մասնաճյուղային ցանցը նորաբաց «ՄԱՍԻՎ» մասնաճյուղով (լուսանկարներ)

Մենչի զվարճալի հանգիստը Ճապոնիայում «Նոր հայերի» ընկերների հետ (լուսանկարներ)

Վարչապետն ուղղաթիռով Իջեւան չի մեկնել․ ուղղաթիռը վերջին անգամ օգտագործել է Արմեն Սարգսյանը

Հենրիխ Մխիթարյանը նկարահանվել է adidas ընկերության գովազդում. խոսել է հայերեն (տեսանյութ)

Բորիս Ջոնսոնը կդառնա Մեծ Բրիտանիայի հաջորդ վարչապետը

Զոհրաբ Մնացականյանը hուլիսի 24-ից 25-ը պաշտոնական այց կկատարի Վրաստան

Լոռեցի համայնքապետերն ու բնակիչները տարբեր մոտեցումներ ունեն սպասվող խոշորացման վերաբերյալ

Գողացված գաղափար և նվիրատվություններ. «Տիկնիկների պատկերասրահ» ՀԿ-ն միլիոններ է ստացել ու անհետացել

ԱԱԾ-ի կողմից հետապնդվող օլիգարխ, դավաճան սիրուհի եւ թմրամոլ որդի. Պարոնյանում հեղափոխական պրեմիերա է սպասվում

ԱՄՆ-Ադրբեջան համագործակցությունը հակաիրանական է. ՀՀ-ԱՄՆ հարաբերությունների հեռանկարը

ՀՀ-ում միլիմետրերի ճշգրտությամբ քաղցկեղային գոյացության հստակ տեղակայման հնարավորություն է ստեղծվում (տեսանյութ)

Գյումրիի «Մսի կոմբինատ» թաղամասի տներից մեկում փրկարարները հայտնաբերել են դի. ԱԻՆ

Հայաստանից ՌԴ ներգաղթյալների թիվը աճ է արձանագրել. ՌԴ վիճակագրական ծառայություն

Էջմիածնի Մայր Տաճարի ռեստավրացիայի ժամանակ մի շարք յուրահատուկ բացահայտումներ են կատարվել