Երևան
16 °C
searchclose
today
menuclose
Երևան
16 °C
ՀՀ ԱԱԾ տնօրեն Արթուր Վանեցյանի եւ ՀՔԾ պետ Սասուն Խաչատրյանի գաղտնալսված հեռախոսազրույցի հրապարակման մասին տեղեկատվությունը հասել է նաեւ Եվրոպա եւ անգամ արձագանքներ ստացել:
Euronews լրատվական հեռուստաալիքը անդրադարձել է ԱԱԾ տնօրենի եւ ՀՔԾ պետի հեռախոսազրույցի գաղտնալսման եւ դրան հաջորդող իրադարձություններին: Հեռուստաալիքը մեջբերել է ՀՀ վարչապետ Նիկոլ Փաշինյանի՝ սեպտեմբերի 11-ին արված հայտարարությունը՝ երկու ժամվա ընթացքում օլիգարխների թիկնազորը զինաթափելու վերաբերյալ:
«Հայաստանի վարչապետ Նիկոլ Փաշինյանը պատերազմ է հայտարարել գանձագողերին՝ խոստանալով վերադարձնել անգամ արտերկրում գտնվողներին: ԱԱԾ ղեկավարին եւ ոստիկանապետին հանձնարարվել է ռեյդեր իրականացնել կասկածվող օլիգարխների եւ բարձրաստիճան պաշտոնյաների մոտ, ինչպես նաեւ զինաթափել նրանց թիկնազորը», - հայտնել է Euronews-ը:
Սակայն Euronews-ի ռեպորտաժը զուտ արձանագրային է, մինչդեռ եվրոպական մամուլում հանդիպում են նաեւ վերլուծական հոդվածներ: Դրանք առայժմ երկուսն են եւ երկուսի հեղինակն էլ նույնն է՝ European Centre for Public Affairs կենտրոնի փոխտնօրեն, բրիտանացի Մայքլ Բառելը:
Կենտրոնը զբաղվում է տարբեր ոլորտների ներկայացուցիչներին խորհրդատվական ծառայություններ մատուցելով: Բառելը պրոֆեսիոնալ լոբբիստ է եւ այդ գործունեությամբ է զբաղվում նախորդ դարի 80-ականների կեսերից: Դրանից առաջ զբաղվել է քաղաքական լրագրությամբ:
«New Europe» թերթի կայքում հրապարակված «Հայաստանի «Ուոթերգեյթը». Արեւմուտքի գործելու ժամանակը» հոդվածում Բառելը գրում է, որ սովորաբար բարդ է լինում ապացուցել, որ այս կամ այն երկրի ղեկավարը քրեական գործեր է պատվիրում: Սակայն, նրա խոսքով, Հայաստանի դեպքում երկու բարձրաստիճան պաշտոնյաների միջեւ հեռախոսային խոսակցության ձայնագրության սենսացիոն արտահոսքը այդպիսի դեպքի ապացույց է: Ուշագրավ է, որ Բառելը, որն, ըստ ամենայնի, իրեն համարում է եվրոպական արժեքների առաջամարտիկ, գեղեցիկ կերպով շրջանցում է այն փաստը, որ ձայնագրված հեռախոսազրույցի «սենսացիոն արտահոսքը», ըստ էության, հանցագործություն է:
Ինչեւէ, Բառելը, ներկայացնելով խոսակցության բովանդակությունը, նշում է, որ արտահոսքից հետո Փաշինյանը հայտնվել է «ներքին փոթորիկի» էպիկենտրոնում: «Փոթորիկի» մանրամասները նա եւս բաց է թողնում, ինչը պայմանավորված է, թերեւս, փոթորիկի բացակայությամբ:
Բառելը հիասթափեցնող է համարում դեպքերի նման զարգացումը, քանի որ «Փաշինյանի՝ իշխանության գալուց հետո հույսեր էին առաջացել, որ նա կդառնա այն առաջնորդը, որի հետ Արեւմուտքը կարող է համագործակցել»: Միեւնույն ժամանակ նա հույս է հայտնում, որ Ֆրանսիայի նախագահ Էմանուել Մակրոնը, որպես ժողովրդավարական երկրի ղեկավար, իր մտահոգությունը կհայտնի «Հայաստանում արեւմտյան արժեքների պաշտպանությամբ»:
«Ֆրանսիայի նախագահ Էմմանուել Մակրոնի եւ Հայաստանի վարչապետի միջեւ Փարիզում կայացնալիք հանդիպումը կազմակերպվել էր շատ ավելի վաղ, սակայն այն պատեհաժամ հնարավորություն է ընձեռում Մակրոնին, որը իրեն ներկայացնում է որպես արեւմտյան արժեքների պաշտպան, հարցնելու իր հյուրին՝ ինչպե՞ս են այդ արժեքները պաշտպանվում ներկայիս Հայաստանում», - գրել է Բառելը:
Դրա հետ մեկտեղ Բառելը նշում է, որ Մակրոնը՝ «հայկական զգալի սփյուռք ունեցող երկրի նախագահը», բավականաչափ դիվանագիտություն կդրսեւորի՝ հրապարակային հարցադրումներ չանելու համար: Ըստ Բառելի՝ Մակրոնի միջամտությունը կհամոզի Փաշինյանին՝ Հայաստանի ավելի պայծառ ապագան ապահովելու եւ «Արեւմուտքի աջակցությունը պահպանելու» համար հարկավոր է շարժվել այլ ճանապարհով: Թե ինչ աջակցության մասին է խոսքը, ինչպես եւ «փոթորիկի» դեպքում, հեղինակը չի մանրամասնում:
Բառելի հոդվածում առերեւույթ նկատվում է որոշակի միակողմանիություն: Սակայն, հաջորդ օրը «bne IntelliNews Magazine» տնտեսական եւ քաղաքական ամսագրի կայքում հրապարակված նրա հոդվածը որոշակի պարզություն է մտցնում այն առումով, որ հեղինակը ուղղակի չի տիրապետում ողջ տեղեկատվությանը: Խոսելով 2008 թ. դեպքերի մասին, Բառելը նշում է, թե իբր ցույցերի ընթացքում գրանցվել են թալանի եւ ոստիկանների վրա հարձակումների դեպքեր, իսկ «հեռացող նախագահ Քոչարյանը ռազմական դրություն է հայտարարել»: Մինչդեռ, մինչեւ մարտի 1-ի առավոտյան ոստիկանական ուժերի ներխուժումը Ազատության հրապարակ՝ ցույցը կրում էր տեղային բնույթ եւ «թալանի ու ոստիկանների վրա հարձակումների» մասին խոսք չկար: Բացի այդ՝ «հեռացող նախագահ Քոչարյանը» հայտարարել էր արտակարգ դրություն, ոչ թե ռազմական:
Ինչեւէ, ակնհայտ է, որ Բառելը՝ անշուշտ լայն գիտելիքների տեր մասնագետը՝ պարզապես համակողմանի ուսումնասիրության չի ենթարկել Հայաստանի ներկայիս իրավիճակը եւ առաջնորդվել է հետխորհրդային տարածքում տեղի ունեցած նախորդ հեղափոխությունների տրամաբանությամբ: Իսկ եթե, այդուհանդերձ, գործ ունենք ոչ թե մակերեսային մոտեցման, այլ լոբբիզմի փորձի հետ՝ հարկ է հիշել հենց նույն Մայքլ Բառելի խոսքերը. արդյունավետ լոբբիզմի համար անհրաժեշտ է հասկանալ ազգային առանձնահատկությունների տարբերությունները:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
