ԱՀ պատգամավորի թեկնածուն դժգոհություններ ունի վերջերս կայացած լրացուցիչ ընտրություններից

«Արցախի ԱԺ նախագահ Աշոտ Ղուլյանը իրենց թեկնածուի ձեռքից բռնած շրջում էր ընտրատարածքներով եւ փոխանակ թեկնածուին թույլ տար իր ծրագիրն ու նպատակները ներկայացնել ընտրողներին, ինքն էր ընտրողների մոտ վստահություն փորձում ներշնչել՝ ասելով, որ իրենց թեկնածուն է, իր կողքին կանգնած են եւ խոստումներ էր տալիս», - այս մասին մեր զրույցում ասաց Արցախի Լիբերալ-դեմոկրատական կուսակցության նախագահ, սփյուռքի Ռամկավար ազատական կուսակցության կենտրոնական վարչության անդամ Բարդուղ Գալստյանը:

Հունիսի 22-ին Արցախի Հանրապետության ԱԺ պատգամավորներ Արմո Ծատրյանը եւ Լեռնիկ Հովհաննիսյանը հրաժարական էին տվել: Քանի որ պատգամավորները ընտրվել էին մեծամասնական ընտրակարգով Արցախում սեպտեմբերի 9-ին լրացուցիչ ընտրություններ էին նշանակվել նրանց ընտրված շրջաններում` Քաշաթաղում եւ Մարտակերտում: Ընտրությունների արդյունքում պատգամավորներ ընտրվեցին Էրիկ Հարությունյանը եւ Գեղամ Ստեփանյանը: Տեղի ունեցած ընտրություններից որոշակի դժգոհություններ են եղել:

«Սկզբից իշխանությունները իրենց ամբողջ կազմով խոստացան, որ ընտրությունները ամբողջությամբ լինելու են արդար, որեւէ մեկը չի խառնվելու, իշխանությունը լծակ չի գործադրելու: Դրանից շատ երիտասարդներ ուրախացան եւ փորձեցին առաջադրվել՝ մտածելով, որ այս անգամ գոնե իշխանությունը իսկապես ճիշտ կխոսի: Եւ հիմնական պատճառը այն էր, որ Հայաստանում քաղաքական փոփոխություն էր տեղի ունեցել եւ մարդիկ մտածեցին, որ այստեղ էլ ազդեցություն ունեցած կլինի դա, ինչի արդյունքում սպասում էին արդար ընտրություններ», - պատմեց Գալստյանը:

Հարցին, թե ի՞նչ խախտումներ են տեղի ունեցել, Գալստյանը պատասխանեց. «Առաջին հայացքից թվում էր, թե ամեն ինչ նորմալ է: Բայց Արցախի ԱԺ նախագահ Աշոտ Ղուլյանը, իրենց թեկնածուի ձեռքից բռնած, շրջում էր ընտրատարածքներով եւ փոխանակ թեկնածուին թույլ տար իր ծրագիրն ու նպատակները ներկայացնել ընտրողներին, ինքն էր ընտրողների մոտ վստահություն փորձում ներշնչել՝ ասելով, որ իրենց թեկնածուն է, իր կողքին կանգնած են եւ խոստումներ էր տալիս: Մի համայնքում գույք էին խոստանում, մյուս համայնքներում այլ խոստումներ էին տալիս»:

Գալստյանի խոսքով՝ վարչակազմը հրավիրել էր համայնքապետերին, ուսուցիչներին, դպրոցի տնօրեններին եւ խստագույնս հրահանգել էր աշխատել իշխանության թեկնածուի օգտին` «Արցախի ժողովրդական» կուսակցության թեկնածուի օգտին: «Արցախում շատ քիչ բնակչություն ունենալով հանդերձ ունենք 12 հազարից ավել պետական աշխատողներ, որը եւ օգտագործվեց: Դրանից բացի խիստ ազդեցություն ունեցան նաեւ այստեղի ոսկու հանքի ղեկավարությունը, երջանկահիշատակ Լեւոն Հայրապետյանի կառուցած հյուրանոցառեստորանային համալիրի տնօրինությունը՝ խստագույնս հրահագնելով իրենց աշխատողներին քվեարկել ԱԺԿ թեկնածուի օգտին: Ես այդ հարցով դիմեցի անվտանգության խորհրդի քարտուղարին, նա խոստացավ, որ նախագահին կասի, բայց դրանից հետո այլեւս չկարողացա կապ հաստատել իր հետ: ԱԱԾ-ին տեղյակ պահեցի, նրանք ասացին, որ հնարավոր չէ նման բան, դիմեք ԿԸՀ՝ գրավոր: Ես էլ բացատրեցի, որ ԿԸՀ նախագահը կանչել էր նույնիսկ իր արձակուրդում գտնվող աշխատողներին եւ հրահանգել էր աշխատել ԱԺԿ թեկնածուի օգտին: Իմաստը ո՞րն է նամակ գրել մի ոլորտի ղեկավարի, որը աշխատել է այս ամենի դեմ», - պատմեց Գալստյանը:

«Չէ՞ր կարող խորհրդարանը միանգամից իր թիմից մարդկանց նշանակել այդ պաշտոնին եւ անիմաստ ծախսեր չաներ եւ երիտասարդներին եւս մեկ անգամ չհիասթափեցներ», - նշեց Գալստյանը: ՀԺ-ն ԱՀ ԿԸՀ-ից տեղեկացավ, որ լրացուցիչ ընտրությունների համար հատկացվել էր 30 մլն 282 հազար 210 դրամ:

Գալստյանը, նկարագրելով Արցախում այս պահին տիրող ներքաղաքական վիճակը, ասաց. «Միշտ էլ եղել է բռնատիրական երկիր, որտեղ իշխանության դեմ որեւէ մեկը չի կարող խոսել եւ պայքարել: Մի երկրում, որտեղ չկա ազատ մամուլ եւ նորմալ ձեւավորված ընդդիմություն, ինչպե՞ս կարող է քաղաքացիական հասարակություն ձեւավորվել: Ցավոք, Հայաստանից էլ արձագանքները եղել են միշտ զսպողական: Այսպիսի ձեւով` խոսել Արցախի մասին կամ լավը կամ ոչինչ, իսկ այդպես վարվում են միայն հանգուցյալների մասին խոսելուց: Նույնիսկ ընդդիմությունը, որը քննադատում էր ՀՀ իշխանություններին, փորձում էր չխոսել Արցախի վատ քաղաքական վիճակի մասին», - նշեց Գալստյանը:

Տպել
4083 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ