Երևանի ընտրությունների քարոզարշավի ընթացքում ամենաշատը լուսաբանվել են ԲՀԿ-ն և «Իմ քայլը». ամփոփիչ զեկույց

«Անկախ դիտորդ» դաշինքը սեպտեմբերի 23-ին տեղի ունեցած Երևանի ավագանու ընտրությունների դիտորդական առաքելության շրջանակում իրականացրել է քարոզարշավի լուսաբանման մոնիթորինգ վերգետնյա հեռուստաալիքներում և առցանց հարթակում: Այս մասին ասված է «Անկախ դիտորդ» դաշինքի զեկույցում․ «Հետազոտության ընթացքում սեպտեմբերի 10-23-ն ընկած ժամանակահատվածում մոնիթորինգ է իրականացվել հայկական 5 հեռուստաալիքներում՝ Հանրային («Առաջին ալիք») «Արարատ», «Արմենիա TV», «Երկիր Մեդիա», «Կենտրոն», և 5 առցանց լրատվամիջոցներում՝ «Առավոտ», tert.am, news.am, 1in.am, «Հայկական ժամանակ»:

Հեռուստաալիքների դեպքում մոնիթորինգն իրականացվել է ժամը 18:00-24:00 ընկած ժամանակահատվածում (փրայմ-թայմ), իսկ առցանց մամուլում վերլուծության է ենթարկվել ամբողջ օրվա տեքստային կոնտենտը: Առանձին ուսումնասիրության են ենթարկվել նաև լռության օրը և բուն քվեարկության օրը (սեպտեմբերի 22-23):

Մոնիթորինգի արդյունքում պարզվել է, որ Հանրային հեռուստաալիքը սահմանված կարգով և հավասար պայմաններով անվճար եթերաժամանակ է տրամադրել ընտրություններին մասնակցող բոլոր քաղաքական ուժերին, որից առավելագույն կերպով օգտվել են «Իմ քայլը» և «Լույս» դաշինքները, ամենաքիչը՝ Ռեֆորմիստների կուսակցությունը:

Մնացած հեռուստաալիքները սահմանել են վճարովի եթերաժամանակի գնացուցակը, ընդ որում՝ այդ եթերաժամանակից առավել շատ օգտվել է «Բարգավաճ Հայաստան» կուսակացությունը: Վճարովի եթերաժամանակի վրա ընդհանրապես գումար չեն ծախսել «Հայք. Հայկազուններ», «Ժողովրդական ուղի» կուսակցությունները, «Երևանցիներ» և «Երևանի հանրություն» կուսակցությունների դաշինքները:

Հեռուստաալիքներն իրենց փրայմ-թայմի եթերում ցուցադրել են նաև ընտրողների իրազեկվածության բարձրացմանն ուղղված տեսանյութեր, որոնցում ներկայացվել է քվեարկությանը մասնակցելու կարգը, ընտրողների իրավունքներն ու պարտականությունները: Ընդ որում՝ այս տեսանյութերին առավել շատ եթերաժամանակ տրամադրել է «Առաջին ալիքը», ավելի քիչ՝ «Արմենիա» հեռուստաալիքը:

Ընդհանուր առմամբ, մոնիթորինգի ենթարկված 5 հեռուստաալիքներում բուն քարոզարշավի շրջանակում (բացառելով ինստիտուցիոնալ գործառույթների լուսաբանումը) ամենաշատ հիշատակված ուժերն են «Բարգավաճ Հայաստան» կուսակցությունը (ԲՀԿ), «Իմ քայլը» դաշինքը և Հայ հեղափոխական դաշնակցությունը (ՀՅԴ), իսկ ամենաքիչը լուսաբանվել է «Երևանի հանրություն» կուսակցությունների դաշինքը (ԵՀԿԴ): Ընդ որում՝ բոլոր քաղաքական ուժերից դրական տոնայնութամբ ամենաշատը լուսաբանվել է ԲՀԿ-ն, բացասական տոնայնությամբ՝ «Իմ քայլը»:

Ինչ վերաբերում է քաղաքապետի թեկնածուներին, ապա նշված հեռուստաալիքներն ընդհանուր առմամբ առավել շատ երթերաժամանակ տրամադրել են ԲՀԿ թեկնածու Նաիրա Զոհրաբյանին (առավելապես դրական տոնայնությամբ), ամենաքիչը՝ ԵՀԿԴ թեկնածու Անահիտ Թարխանյանին: Ուշագրավ է, որ «Իմ քայլը» դաշինքի թեկնածու Հայկ Մարությանը այս աղյուսակում վերջից երրորդ տեղում է, ընդ որում, նա լուսաբանվել է գերազանցապես բացասական տոնայնությամբ:

Ի տարբերություն հեռուստաալիքների՝ մոնիթորինգի ենթարկված 5 առցանց լրատվամիջոցներում բուն քարոզարշավի շրջանակում ամենաշատ լուսաբանված ուժը «Իմ քայլը» դաշինքն է, որին բաժին է ընկնում ընդհանուրի 35%-ը, նրան հաջորդում են ԲՀԿ-ն (20%) և «Լույս» դաշինքը (19%): Ընդ որում, «Իմ քայլի» հիշատակումներն առավելապես չեզոք են, ԲՀԿ-ն հիշատակվել է հավասարապես դրական և չեզոք տոնայնությամբ և միայն 8%-ով՝ բացասական, իսկ «Լույս» դաշինքը՝ առավելապես դրական և միայն 2%-ով՝ բացասական:

Ընդհանուր առմամբ, բոլոր քաղաքական ուժերից ամենաշատը և՛ դրական, և՛ բացասական տոնյանությամբ հիշտակվել է «Իմ քայլը» դաշինքը:

Ինչ վերաբերում է քաղաքապետի թեկնածուներին, առցանց լրատվամիջոցներում բուն քարոզարշավի շրջանակում ամենաշատը հիշատակվել են Հայկ Մարությանը և Նաիրա Զոհրաբյանը (հավասարապես յուրաքանչյուրը 22%), նրանց հաջորդում է Արտակ Զեյնալյանը, հետո՝ Զարուհի Փոստանջյանը: Ընդ որում՝ Հայկ Մարությանը հիշատակվել է առավելապես չեզոք, մյուս երկուսը՝ առավելապես դրական տոնայնությամբ: Ամենաքիչ լուսաբանված քաղաքապետի թեկնածուն «Հայք. Հայկազուններ» կուսակցության առաջին համար Գևորգ Հովսեփյանն է:

Ուշագրավ է, որ բուն քարոզարշավի շրջանակում առցանց լրատվամիջոցներում «Իմ քայլը» դաշինքից առավել շատ լուսաբանվել է ոչ թե դրա առաջին համար Հայկ Մարությանը, այլ «Քաղաքացիական պայմանագիր» կուսակցության առաջնորդ Նիկոլ Փաշինյանը: Մինչդեռ հեռուստաալիքների եթերում Հայկ Մարությանին ավելի շատ եթերաժամանակ է հատկացվել բուն քարոզարշավի ընթացքում, քան Նիկոլ Փաշինյանին:

Հաշվի առնելով Հայաստանի երկրորդ նախագահ Ռոբերտ Քոչարյանի՝ քաղաքականություն վերադառնալու մասին հայտարարությունը, մոնիթորինգի ընթացքում դիտարկվել է նաև նրան տրամադրված եթերաժամանակը և ծավալը: Ըստ այդմ, հեռուստաալիքներում նա առավելապես լուսաբանվել է չեզոք տոնայնությամբ, իսկ դրական տոնայնությամբ Ռոբերտ Քոչարյանի անունն առավելապես հնչել է «Արարատ» հեռուստաալիքի, իսկ բացասական տոնայնությամբ՝ «Առաջին ալիքի» եթերում:

Ի տարբերություն հեռուստաալիքների, առցանց լրատվամիջոցներում Ռոբերտ Քոչարյանին հատկացված ծավալի գրեթե կեսը՝ 48%-ը, եղել է բացասական տոնայնությամբ: Մասնավորապես, 1in.am-ը, «Հայկական ժամանակը» և «Առավոտը» նախկին նախագահին հիշատակել են գերազանցապես բացասական տոնայնությամբ, tert.am-ը՝ առավելապես դրական, իսկ news.am-ը՝ առավելապես չեզոք: 

Ինչ վերաբերում է նախկին իշխող ուժին՝ «Հանրապետական» կուսակցությանը, ապա պետք է նկատել, որ հեռուստաալիքներն այս կուսակցությանը բոլոր քաղաքական ուժերից ամենաքիչ եթերաժամանակն են տրամադրել (առավելապես չեզոք), իսկ առցանց լրատվամիջոցներում այն երկրորդ ամենաշատ լուսաբանված քաղաքական ուժն է, և դարձյալ հիշատակվել է գերազանցապես չեզոք տոնայնությամբ:

Facebook սոցիալական ցանցում իրականացված մոնիթորինգի արդյունքները ցույց են տալիս, որ, թեև քարոզարշավին մասնակցող ուժերի պաշտոնական էջերը մնացել են էթիկայի սահմաններում և որպես կանոն զբաղվել են սեփական քարոզարշավով, սև քարոզարշավով զբաղվել են անհատ օգտատերերը, առավել հաճախ՝ կեղծ օգտահաշիվներով: Հենց այդ օգտահաշիվներով էլ իրականացվել է բուն քարոզչությունը, որն ավելի շուտ կրել է հակաքարոզչության բնույթ»:

Տպել
1420 դիտում

Զբոսաշրջության ոլորտը սկսվում է վերականգնվել, մարդիկ ուզում են ճանապարհորդել. Վարդան Սարգսյան

Գերմանիայի Բունդեսթագն անձեռնմխելիությունից զրկել է պատգամավորներից մեկին՝ Ադրբեջանից կաշառք ստանալու կասկածանքով

«Թումո» տուփն ամռանն արդեն Կապանում կլինի

«Վահագնի Սիթին» Ա-Լիգայի եզրափակչի երկրորդ խաղում ևս հաղթեց «Դվինին»

Վարդենյաց լեռնանցքում հարկավոր է երթևեկել անվաշղթաների կիրառմամբ, Քաջարանում և Կապանում ձյուն է

Կոնգրեսականները չեղյալ են հայտարարել մարտի 4-ի նիստը՝ Կապիտոլիումի վրա հարձակման սպառնալիքի պատճառով

Դեղի հետկանչ․ կարգադրագիր է տրվել դեղերի վաճառքով զբաղվող 7 ընկերության

Սլովակիայի արտգործնախարարը ներողություն է խնդրել Ուկրաինայից վարչապետի կատակի համար

Ազատ ոճի ըմբշամարտի Հայաստանի հավաքականի գլխավոր մարզիչը՝ Կիևի մրցաշարի, Պատրիկեևի հեռանկարների և հավաքականի կազմի մասին

Արմավիրի մարզպետն ընդունել է Հայաստանի մանուկներ հիմնադրամի տնօրենին․ քննարկվել են մարզի զարգացմանն ուղղված հարցեր

ՄԻՊ-ը Բունդեսթագում բարձրացրել է Ադրբեջանում պահվող գերիների անհապաղ վերադարձի հարցը

Վերակառուցվել է Նշավան համայնքի ամբուլատորիայի շենքը

Շիրակի փոխմարզպետն Արեգնադեմում ծանոթացել է կառուցվող սպանդանոցին և ֆերմերային տնտեսությանը

Արմավիրի Արևաշատ գյուղում մոտ 2500 հակ անասնակեր է այրվել

Նախադպրոցական կրթական բոլոր ծառայությունները, մանկական ժամանցի կենտրոնները կլիցենզավորվեն. նոր նախագիծ

Ամենայն Հայոց Կաթողիկոսն ընդունեց «Հայոց Եկեղեցու պատմություն» առարկայի հանրապետական օլիմպիադայի հաղթողներին

Քոչարյանը երբեք առանց «տանիքի» հաջողության չի հասել. չլիներ Վազգեն Սարգսյանը՝ նա ՀՀ տեղը մոռացած կլիներ. Վիգեն Խաչատրյան

Զինված ուժերի գլխավոր շտաբում իրականացվում են պլանների ճշգրտման աշխատանքներ

Կայացել է «Երկրաֆիզիկոս Սերգեյ Նազարեթյանի գիտական 50-ամյա գործունեությունը» խորագրով գրքի շնորհանդեսը

ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելուն նվիրված միջոցառում է կազմակերպվել ԱԳՆ-ում

Բերման է ենթարկվել քրեական հեղինակություն Զապն ու նրան ուղեկցող 10-ից ավելի անձ

Փլուզում «ՉԱԱՐԱՏ Կապան» հանքում. 25-ամյա աշխատակիցը մահացել է

37-ամյա տղամարդը գողացել էր Հյուսիս-հարավ ճանապարհաշինության համար նախատեսված ավազից (տեսանյութ)

«Սա այն բացառիկ դեպքերից է, երբ ես ուրախ եմ, որ դեմ քվեարկեցիք». խնդրահարույց օրինագիծը էլի կքննարկվի

Մեսրոպ Առաքելյանը և Հայաստանում Շվեդիայի դեսպան Պատրիկ Սվենսոնն ընդգծել են մի շարք առաջնահերթություններ

Արայիկ Հարությունյանն ընդունել է Հադրութի մի խումբ բնակիչների

Հրդեհ է բռնկվել Բալահովիտում գտնվող «Գոլդ Շին» ընկերության փրփրապլաստի արտադրամասում (տեսանյութ)

4 կիլոգրամ հերոին և 2 կիլոգրամ ափիոն. Սյունիքում խոշոր չափի թմրանյութ է հայտնաբերվել (տեսանյութ)

Կորոնավիրուսի դեմ զանգվածային պատվաստումները Հայաստանում սկսվել են. 200 բուժաշխատող արդեն պատվաստվել է

Առաջիկայում կգործարկվի շուրջ 400 ծառայությունների էլեկտրոնային մատուցման հարթակը․ Ավինյանն ընդունել է Մոլինեուսին

ԲՈՒՀ-երը դեռևս քաղաքականությունից զերծ չեն. պատգամավորը՝«Բարձրագույն կրթության և գիտության մասին» օրենքների փաթեթի մասին

Բարձր լեռնային պայմաններում անցկացվել է զինվորների մասնագիտական պարապմունք

Քերոբյանը և «Էս-Ջի-Էս»-ի ներկայացուցիչները քննարկել են բեռնափոխադրումներին և մաքսային ընթացակարգերին վերաբերող հարցեր

IDBank-ը պատերազմական գործողությունների մասնակից իր հաճախորդներին խնդրում է մինչև մարտի 31-ը դիմել Բանկ

Boeing 737 օդանավի սկանդալային անհետացման դեպքի առթիվ ԱԱԾ-ում հարուցվել է քրեական գործ և իրականացվում է նախաքննություն

ՀՀ պաշտպանության նախարարին են ներկայացվել ընթացիկ խնդիրները

Դատավորների կենսաթոշակների սահմանման կարգում կլինեն փոփոխություններ. ԱԺ-ն առաջին ընթերցմամբ ընդունեց օրենքի նախագիծը

Վճռաբեկ դատարանի դատավորի ընտրության երկրորդ փուլը կանցկացվի ԱԺ հաջորդ քառօրյայի ընթացքում

Պողոս Պողոսյանի սպանության գործով նիստին որպես վկա դատարանում էր երգչուհի Նունե Եսայանը

«ՇԱՆԹ» ընկերության նկատմամբ կիրառվել է վարչական տույժ