Որքան է գործազուրկների թիվը եւ ինչ մասնագետների պահանջարկ կա Հայաստանում

Արժույթի միջազգային հիմնադրամի (ԱՄՀ) վերջերս կատարած կանխատեսումների համաձայն՝ 2018 թվականին Հայաստանում գործազրկությունը 18.9 տոկոս մակարդակում կլինի, իսկ 2019 թվականին՝ մինչեւ 18.6 տոկոս: Իսկ Համաշխարհային բանկի կանխատեսումների համաձայն՝ Հայաստանում գործազրկության մակարդակը 2018 թվականին կկազմի 18.1 տոկոս:

«Ես կարծում եմ, որ այս տարի մինչեւ 17 կամ դրանից ցածր կլինի գործազրկության թիվը»,- այս մասին մեր զրույցում ասաց Հայաստանի գործատուների հանրապետական միության նախագահ Գագիկ Մակարյանը:

- Պարոն Մակարյան, Հայաստանում որքա՞ն է գործազուրկների թիվը:

- 18 տոկոսից մի քիչ է իջել գործազրկությունը՝ պաշտոնական թվերով, հիմնականում՝ 18-ին մոտիկ:

- Հիմնականում ի՞նչ մասնագետների պահանջարկ կա:

- Փականագործներ, տեխնոլոգիական հոսքագծեր սպասարկող օպերատորներ, եռակցողներ, գազաէլեկտրաեռակցողներ, կարի բանվորներ, սննդի տեխնոլոգներ: Շինարարական բնագավառում` շինարարական կառուցվածքների մոնտաժողներ, երկաթի արմատուրաների գծով բանվորներ, ներկարարներ, պատշարներ: Սրանք միջին մասնագիտական կրթության առումով, իսկ եթե դիտարկենք բարձրագույնի տեսանկյունից, ապա ասեմ. լավ մարկետոլոգների կարիք կա, որը քիչ է, լիարժեք իմացությամբ գործավարների կարիք կա, ոչ թե միայն լեզուների իմացությամբ, այլ նաեւ տպել, գրել, թարգմանել, հաղորդակցվել, զանգահարել, կազմակերպել կարողանալ: Բիզնես խորհրդատուների կարիք կա, որոնք կարող են բիզնես խորհրդատվական ծառայություններում ընդգրկված լինել, տնտեսագետ-վերլուծաբաններ`ոչ թե սովորական տնտեսագետ-վերլուծաբան, բարձրորակ սոցիոլոգներ` տարբեր հարցումներ կատարելու համար եւ ինժեներներ: Ընդ որում, ինժեներները լայն իմաստով` ինժեներներ, որոնք սարքավորումների նախագծման աշխատանքներին կարող են մասնակցել, ինժեներներ, որոնք կարող են լոգիստիկ կենտրոնների հետ կապված աշխատանքներ կատարել: ՏՏ ոլորտի մեծ թվով մասնագետների պահանջարկ կա եւ ինժեներ-դիզայներներ:

- Իսկ ի՞նչ մասնագետներ կան, որոնք չափից դուրս շատ են, բայց այդքան աշխատատեղ չկա:

- Չափից դուրս են մանկավարժները, չափից դուրս են պատմաբանները, տնտեսագետները, որոնք գործնական գիտելիքների չեն տիրապետում, թարգմանիչները, լեզվի մասնագետները, որոնք իրականում այդքան էլ լեզվի մասնագետ չեն: Որոշակի առումով նաեւ հոգեբաններ: Եւ բոլոր ցածրորակ մասնագետներն ավելորդ են` անկախ մասնագիտությունից, շուկայի պահանջներին չեն բավարարում:

- Մինչեւ տարեվերջ գործազրկության մակարդակը կնվազի՞:

- Կնվազի, մենք մոտավորապես 4 տարի նույն թիվը ունեինք՝ մոտ 18 տոկոս, հիմա անցյալ տարի մի քիչ պակասեց, 17.8 դարձավ: Ես կարծում եմ, որ այս տարի մինչեւ 17 կամ դրանից ցածր կլինի գործազրկության թիվը: Այն իջնող տենդենցի վրա է գտնվում եւ ինտենսիվ կարող է իջնել, որովհետեւ նոր ներդրումներ են լինում, որոշակի բիզնեսները աշխատատեղեր են ավելացնում, դրա շնորհիվ երեւի 1 տոկոս կիջնի գործազրկության մակարդակը:

- Իսկ աշխատողների քանի՞ տոկոսն է պետական համակարգում աշխատում եւ քանի՞ տոկոսը մասնավորում:

- Մասնավոր-պետական սեկտորում 430 հազար է, մոտավորապես 190 հազարը պետականին է բաժին ընկնում: Գյուղացիներին չենք հաշվում, գյուղատնտեսական ֆերմաներին չենք հաշվում: Ֆերմերային տնտեսություններում էլ մոտավորապես 200 հազար մարդ է աշխատում, բայց դրանք չենք հաշվում, որովհետեւ ինքնազբաղվածներ են նրանք:

- Նրանց միջին աշխատավարձի չափը, որքա՞ն է կազմում:

- 350-ից 400 դոլարին համարժեք, այդքան է Հայաստանի միջին աշխատավարձը:

Տպել
1599 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան