Իրենց ուղիղ առաջարկը մենք չենք կարող կատարել. Փամբուխչյանը` աջ ղեկով մեքենա ներկրողների բողոքների մասին

Աջ ղեկով ավտոմեքենաներ ներկրողները տարբեր բողոքի ակցիաներ են իրականացնում թե՛ տրանսպորտի նախարարության դիմաց, թե՛ կառավարության դիմաց եւ թե անգամ Բագրատաշենի անցակետում` պահանջելով չեղյալ հայտարարել աջ ղեկով ավտոմեքենաները Հայաստան ներկրելու արգելքը։

Բողոքողները նշում են, որ մի քանի հազարի հասնող աջ ղեկով ավտոմեքենաներ կան Վրաստանում, որոնք պետք է հոկտեմբերի 1-ից հետո մտնեին Հայաստան: Սակայն նրանք իրազեկված չեն եղել, որ անցյալում ընդունած արգելքն անժամկետ է եղել եւ գործողության հստակ ժամկետներ չեն սահմանել։ Այսինքն, ապրիլի 1-ից մինչեւ հոկտեմբերի 1-ը աջ ղեկով ավտոմեքենաների ներկրումը արգելելը չի նշանակում, որ հոկտեմբերի 1-ից հետո հնարավոր է աջ ղեկով մեքենա ներկրել:

Մի քանի օր առաջ «Ղեկը աջ» նախաձեռնության անդամները հանդիպեցին տրանսպորտի, կապի եւ տեղեկատվական տեխնոլոգիաների փոխնախարարի պաշտոնակատար Արմեն Փամբուխչյանի հետ եւ քննարկեցին հարցը: Վաղը նորից քննարկում է նախատեսված այդ հարցի վերաբերյալ:

«Ես ուզում եմ ֆիքսենք, որ իրենց ուղիղ առաջարկը մենք չենք կարող կատարել», - այս մասին մեր զրույցում ասաց ՀՀ տրանսպորտի, կապի եւ տեղեկատվական տեխնոլոգիաների փոխնախարարի պաշտոնակատար Արմեն Փամբուխչյանը:

- Պարոն Փամբուխչյան, մի քանի օր առաջ դուք հանդիպեցիք «Ղեկը աջ» նախաձեռնության անդամների հետ, դրանից հետո, սակայն, բողոքները դեռ շարունակվում են: Ի՞նչ քայլեր է ձեռնարկել տրանսպորտի նախարարությունը նրանց խնդրի լուծման համար:

- Տվյալ հանդիպման պայմանավորվածության համաձայն՝ վաղը հանդիպելու ենք նորից: Հրավիրված են նաեւ այլ գերատեսչությունների ներկայացուցիչներ, որպեսզի քննարկում անցկացնենք: Փորձում ենք նաեւ տեսնել, թե ինչ ռեժիմներ կարող ենք կիրառել, որոնք չեն հակասում օրենքին, որ հասկանանք, թե ինչ ճանապարհով կարող ենք հարցին լուծում տալ:

- Այս պահին լուծման համար ի՞նչ տարբերակներ ունեք, որոնք հնարավոր է իրականացնել:

- Օրենքը հուշող տարբերակ ունի: Ասվում է` արգելել ներկրումը շահագործման նպատակով, այսինքն, շահագործումից դուրս մենք փորձում ենք հասկանալ՝ որ տարբերակները կարելի է կիրառել: Օրինակ, մեքենայի մասնատումով է հնարավոր բերել, բայց իրենք դեմ են: Հիմա փորձում ենք հասկանալ՝ ունե՞նք մենք ռեժիմ, որը թույլ կտա մեզ ներմուծում վերասարքավորման նպատակով: Այսինքն, ղեկային համակարգի փոփոխությունը այստեղ կատարվի: Մի քանի տարբերակներ դիտարկում ենք: Հիմա ուզում ենք տեսնել, թե որ տարբերակը կարող ենք կիրառել: Վաղը իրենք նույնպես պետք է գան առաջարկով:

Ես ուզում եմ ֆիքսենք, որ իրենց ուղիղ առաջարկը մենք չենք կարող կատարել: Ու ոչ թե չենք կարող կատարել, որովհետեւ ցանկություն չունենք, այլ չենք կարող կատարել, որովհետեւ դա արգելվում է օրենքով: Իրենց ուղիղ պահանջին զուգահեռ պետք է դիտարկենք, թե ինչ այլ տարբերակներ կան, որոնք չեն հակասում օրենքին եւ որոնք կարող ենք կիրառել: Դա չի լինի իրենց ուղիղ պահանջի բավարարում, սակայն կլինի խնդրի լուծում` ստեղծված իրավիճակում: Հարցադրումները մեր նախարարությանն են ուղղված, բայց մեր նախարարությունը երբեւիցե չի հայտարարել, որ դա ժամանակավոր է: Ամենակարեւոր հանգամանքներից մեկը սա է:

Այսինքն ստեղծվել է մի իրավիճակ, երբ քաղաքացիները մեքենա են ներկրել, որը օրենքը արգելում է: Ու արգելում է, ոչ թե մեկ օր, երկու օր, այլ արգելում է ապրիլից: Ու այդ մեքենաները իրենք պատվիրել են ապրիլից հետո:

- Իսկ միգուցե նախկին կառավարությունը պետք է օրենքն ընդունելու ժամանակ նշեր, որ օրենքն ընդունվում է ապրիլի 1-ից անորոշ ժամկետով: Միգուցե այդ հոկտեմբերի 1 ասվա՞ծն է մարդկանց շփոթեցրել:

- Կառավարության որոշումը եղել է հոկտեմբերի 1, այնուհետեւ ազգային ժողովում ընդունելուց հոկտեմբերի 1 հասկացողությունը չի եղել: Ես ընդհանրապես այն նախորդ կառավարության ժամանակ չլինելով ոչ մի առումով շահագրգիռ անձ, իմացել եմ, որ դա անժամկետ է` հետեւելով քննարկումներին, հետեւելով օրենքին եւ այլն: Ես դա իմացել եմ, շատ մարդիկ չեն իմացել: Մեկն ասում է՝ սահմանին ՊԵԿ-ի կողմից ինչ-որ թուղթ է փակցված եղել, մեկն ասում է՝ մի պատգամավորի հետ եմ խոսել, մեկ ուրիշն ասում է՝ իրազեկված չենք եղել, նախկինն ենք իմացել:

Հիմա մարդիկ ասում են, որ չիմանալով օրենքը, դրանից ելնելով, գնացել ներկրել են, բայց հիմա դա չի մեղմացնում իրավիճակը: Ինձ հարցրեցին՝ բա ի՞նչ պետք է անենք, ես պատասխանեցի՝ իհարկե, ինչ-որ մի բան պետք է անենք, որպես կառավարություն, բայց լավ կլիներ մինչեւ մեր անելը իրենք մեզ հարցնեին, որպես կառավարություն, ներկրե՞լ, թե չներկրել:

- Ներկրման սպասող աջ ղեկով մեքենաների հստակ քանակ կա՞, որոնք այս պահին գտնվում են Վրաստանում:

- Իրենց ասելով՝ մինչեւ 2 հազար մեքենա է, որոնցից 130-ը արդեն գտնվում է սահմանին, իսկ մնացածը Թբիլիսում են, կամ էլ նոր են հասնում Թբիլիսի: Այսինքն, ներկրման պրոցեսը շարունակվում է: Որովհետեւ մարդիկ ապրիլի 1-ի արգելքից հետո մեքենաներ են պատվիրել: Ու եթե հիմա հոկտեմբեր ամիսն է, մեքենաները նոր հասնում են տեղ, դա նշանակում է, որ մոտավորապես հունիս-հուլիսից սկսել են այդ մեքենաները Ճապոնիայից պատվիրել:

- Վրաստանում գտնվող մեքենաների համար ինչ-որ տուգանքներ վճարո՞ւմ են հայ ներկրողները:

- Վրաստանում ժամկետ կա՝ 60 օրից ավել մնալուց հետո կամ պետք է տարածքից հանես Վրաստանի, կամ պետք է տուգանքներ վճարես, իսկ սահմանին չեն վճարում:

- Մեքենաները Վրաստանում վաճառելու առաջարկ եղե՞լ է ներկրողներին:

- Նախարարի կողմից եղել է նման առաջարկ, բայց կարծես թե իրենք համաձայն չեն, կամ գտնում են, որ խոչընդոտներ կան Վրաստանում վաճառելու համար: Նրանց առաջնային առաջարկն այն է, որ թողնենք աջակողմյան տեղաբաշխմամբ ղեկային համակարգով մեքենաների ներկրումը, դա, կարծում եմ, բոլորս էլ գիտակցում ենք, որ անհնար է, օրենքը արգելում է: Մյուս պահանջը, որ գոնե ինչ-որ մեխանիզմներ մտածենք: Ես ասացի, որ իրենք նույնպես գան առաջարկներով, որ կարողանանք քննարկել եւ հասկանալ, թե որ տարբերակը կիրառենք:

Տպել
3257 դիտում

Արսեն Թորոսյանի գլխավորած պատվիրակությունն աշխատանքային այցով գտնվում է Կորեայի Հանրապետությունում

ՀՔԾ քննիչը առարկություն է ներկայացրել Արա Բաբլոյանի եւ Արսեն Բաբայանի մեղադրանքները փոփոխելու ցուցումի դեմ

«Իմ քայլը» խմբակցությունը փակ նիստ է անցկացնում․ մասնակցում է նաեւ վարչապետը

Վարչապետ Նիկոլ Փաշինյանի մոտ Զինված ուժերում մահվան դեպքերի հետ կապված խորհրդակցություն է տեղի ունեցել (լուսանկարներ)

Առերեւույթ չարաշահումներ Շենգավիթի 5 մանկապարտեզներում. սննդի գրանցամատյանում օգտագործվել է անհետացող գրելանյութով գրիչ

Հայ ազատոճայինները 1 մեդալ նվաճեցին ԵԱ-ում, «Ռոման» պարտվեց, «Սիթին» ու ռուս մարզիկները սկանդալի կենտրոնում են

Մայրաքաղաքի մայթերի ձնամաքրման գործում պատասխանատու են նաեւ տնտեսվարողները

Փրկարարները կուտակումից դուրս են բերել 26 ավտոմեքենա եւ 42 ուղեւորի ցուցաբերել համապատասխան օգնություն (տեսանյութ)

Սփյուռքի օգնությունն անհրաժեշտ է՝ ուժեղ և կենտրոնաձիգ հայկական պետականություն ունենալու գործում. Զարեհ Սինանյան

Նախորդ շաբաթ անչափահասների մասնակցությամբ երկու միջադեպ ավարտվել է դանակահարությամբ

Դեսպան Մարտիրոսյանն իր հավատարմագրերն է հանձնել Նեպալի նախագահին

Գերման Ավագյանի հոգեհանգիստը տեղի կունենա այսօր

Հնդկաստանի դեսպանատունն առաջարկում է Երեւանում տեղադրել հնդիկ քաղաքական եւ հոգեւոր առաջնորդ Մահաթմա Գանդիի արձանը

Վթար Երևանի Մյասնիկյան պողոտայի և Աճառյան փողոցի բաժանարար կամրջի վրա. կա տուժած

ԿԸՀ-ն հրապարակել է «ԱՅՈ» քարոզչության կողմի պատգամավորների ցանկը․ լիազոր ներկայացուցիչը Վահագն Հովակիմյանն է

Հանրապետության դպրոցներում որոշակի ժամանակահատվածում աշակերտների բացակայությունները կզրոյացվեն. Արայիկ Հարությունյան

Ապօրինի զենքեր, փամփուշտներ եւ թմրանյութ. Ախուրյանի ոստիկանների բացահայտումը (տեսանյութ)

Թուրքիայի նախագահն ու գլխավոր ընդդիմադիրը իրար դեմ դատական հայցեր կներկայացնեն

Պարնի, Ջրվեժ, Հանքավան և Առինջ գյուղերում 4 ավտոմեքենա է դուրս բերվել արգելափակումից

Ո՞ր դեպքերում և ի՞նչ չափի տուգանք է նախատեսված «հակածխախոտային» օրենքը խախտելու համար