Հանրակրթության վարչության պետը հնարավոր է դատի տա ավագանու անդամին. քննությունից բողոք կա

Դպրոցի ղեկավարման իրավունք (հավաստագիր) ձեռք բերելու քննություններից առաջինը, որն անցկացվել է հոկտեմբերի 17-ին, թեժ կրքեր է բորբոքել ու չի բացառվում, որ գործն ավարտվի դատարանով:

Երեւանի ավագանու «Լույս» խմբակցության անդամ Անի Սամսոնյանը ավագանու երեկվա նիստում մեղադրանքներ է հնչեցրել քաղաքապետարանի հանրակրթության վարչության պետ Աննա Ստեփանյանի հասցեին, որը նույնպես եղել է քննող հանձնաժողովի կազմում, իսկ հավակնորդերից ավելի քան 15-ը չեն հաղթահարել դրական շեմը: «Քննող հանձնաժողովի անդամները՝ Աննա Ստեփանյանի գլխավորությամբ, դրսեւորել են անհարգալից վերաբերմունք մանկավարժների նկատմամբ եւ քննելուց առաջ նրանց ենթարկել են բարոյահոգեբանական ճնշումների։ Ես ունեմ փաստեր, որ մի քանի մանկավարժներ այդ ճնշումների հետեւանքով քննության ընթացքում եւ քննությունից հետո պարզապես արտասվել են: Հավակնորդներին գնահատելիս հանձնաժողովի անդամները, ի դեմս վարչության պետի, առաջնորդվել են բացառապես սուբյեկտիվ վերաբերմունքով։ Տիկին Ստեփանյանը հատիկ-հատիկ մտաբերել է թիվ 11 դպրոցի այն ուսուցիչներին, ովքեր իրենց արդար բողոքն էին արտահայտել նախկին տնօրեն Ռուզաննա Ազիզյանի դեմ եւ որոշել է կոպիտ, գռեհիկ պահվածքով, իր դիրքը չարաշահելով, վրեժխնդիր լինել այդ մանկավարժներից։ Նա նաեւ հիշել է, որ նմանատիպ դեպք եղել է նաեւ 164 դպրոցի ուսուցիչների հետ եւ ցավեցրել է նրանց ՝ այսպիսով պաշտպանելով Հայաստանի հանրապետական կուսակցության պատիվը»,- մասնավորապես, ասել է Անի Սամսոնյանը:

Նա համոզմունք է հայտնել, որ 30 եւ ավելի տարվա մանկավարժներին անգրագետ ու կիսագրագետ անվանող անձն իրավունք չունի հանրակրթության վարչության պետ աշխատել՝ պահանջելով Ստեփանյանի հրաժարականը: Ավագանու անդամը նաեւ հիշել է, որ Աննա Ստեփանյանը դիտորդի կեղծ վկայականով ժամանակին ընտրատեղամասում աշխատում էր ՀՀԿ-ի օգտին:

Քաղաքապետարանի հանրակրթության վարչության պետը հայտարարում է, որ դպրոցի ղեկավարման հավաստագրի քննությունների ժամանակ ինքը հանձնաժողովի յոթ անդամներից մեկն է եղել, քննությունը վարել է ԿԳ փոխնախարար, հանձնաժողովի նախագահ Լուսինե Առաքելյանը եւ հավակնորդների նկատմամբ անբարյացակամ վերաբերմունք ու լարված մթնոլորտ չի եղել: «Ցավում եմ, որ ավագանու անդամը կարող է միակողմանի, առանց լսելու դիմացինի կարծիքը, նման հայտարարություններ անել, որովհետեւ այսօր մենք անհիմն շատ բողոքներ ենք ստանում, եւ երկու կողմին անպայման լսում ենք եւ անում մեր մեկնաբանությունը: Այս պարագայում միակողմանի ելույթ ունենալը ուղղակի իրավունքների ոտնահարում էր եւ ավագանու լիազորությունների վերազանցում: Ես հանձնաժողովի յոթ անդամներից մեկն եմ եղել, որն ընդամենը դրել է իր գնահատականը: Մյուս վեցը կարող էին այս կամ այն թեկնածուին բարձր գնահատել եւ իմ դրած գնահատականը որոշիչ դեր չէր ունենա»,- ասաց Աննա Ստեփանյանը՝ հավելելով, որ երբ հավակնորդների բողոքի արդյունքում նաեւ համադրել են հանձնաժողովի անդամների գնահատականները, տեսել են, որ դրանք հիմնականում համահունչ են:

«Ես ինքս լինելով մանկավարժ, որեւէ մանկավարժի իմ գործունեության ողջ ընթացքում որեւէ վիրավորանք չեմ հղել: Իսկ քննության մթնոլորտը եղել է խաղաղ, հանգիստ, ամբողջը վարել է փոխնախարարը՝ անգամ օգնելով, անգամ այն դեպքերում, որ չէին կարողանում որոշակի մեկնաբանություններ անել, ինքը նորից էր հարցադրումը անում եւ շատ բարեհամբույր ձգտում նրան, որ կարողանար ստանալ պատասխան: Անի Սամսոնյանի ներկայացրածում անգամ մեկ բառ ճշմարտացի չէ, ամբողջը սուտ է, հերյուրանք է: Եվ ասեմ ավելին, եթե անգամ մանկավարժները իրենք գրել էին կրթության նախարարին ուղղված նամակը, որտեղ ամեն ինչ կեղծիքի եւ ստի վրա էր հիմնված, ցավում եմ, որ այսօրվա մեր սերունդները վստահված են մանկավարժների, որոնք կարող են ստել»,- նկատեց քաղաքապետարանի հանրակրթության վարչության պետը:

Նաեւ չհերքեց մեր տեղեկությունները, թե մտադիր է դատական հայց ներկայացնել՝ ընդդեմ ավագանու անդամ Անի Սամսոնյանի: Նշեց, սակայն, որ առայժմ չի շտապում դա անել, որովհետեւ հնարավոր է խնդիրը կարգավորվի ԿԳ նախարարի, հանձնաժողովի ու ավագանու անդամների հետ համակողմանի քննարկումից հետո: «Երբ չի հնչի բավարար պատասխան, որ դա իրականությանը չի համապատասխանում, այնժամ կորոշեմ: Այս պահին քայլեր չեմ ձեռնարկում, որովհետեւ կարծում եմ՝ քննության ձայնագրությունները տրամադրելուց հետո նախարարի վերաբերմունքը կլինի վստահ եւ հարցը դրան չի հասնի»,- նշեց Աննա Ստեփանյանը: Ու թեպետ տեխնիկական խնդիրների պատճառով ոչ բոլոր հավակնորդների պատասխաններն են ձայնագրվել, վարչության պետը կարծում է, որ գոյություն ունեցող մեծ մասը բավարար կլինի կարծիք կազմելու համար:

Կրթության եւ գիտության նախարարի տեղակալ, քննական հանձնաժողովի նախագահ Լուսինե Առաքելյանը նույնպես վստահեցնում է, որ հավակնորդների նկատմամբ հանձնաժողովի, այդ թվում ՝Աննա Ստեփանյանի վատ վերաբերմունքի ու նրանց վիրավորելու մասին խոսք լինել չի կարող: Ի դեպ, այսօր էլ քննություն էր հանձնում հավակնորդների հերթական խումբը, եւ դժգոհություններ մենք չլսեցինք:

«Հոկտեմբերի 17-ին ու դրանից հետո քննություններին մասնակցած բոլոր հավակնորդները պետք է իրենք իրենց ազնվորեն հարցնեն՝ արդյոք լիարժե՞ք են պատասխանել կամ լիարժե՞ք են պատրաստված եղել, թե՞ ոչ: Կամ արդյոք պե՞տք է միայն կենտրոնանալ հանձնաժողովի անդամների վրա, թե գուցե վերապատրաստող կազակերպության խնդիրն էլ այստեղ կա. ինչ ուղղվածությամբ վերապատարստում է եղել, ինչ մեթոդաբանությամբ, արդյոք միայն եղել է թեստային մեթոդիկայով վերապատրաստում, թե օրենքի մեկնաբանությամբ վերապատատրաստում: Այս ամենն էլ պետք է հաշվի առել: Առաջին օրվա վերապատարստվածները, այո, չկարողացան լիարժեք պատասխանել եւ հիմնականում թերի կամ թերիից նույնիսկ ցածր պատասխաներ էին: Մթնոլորտի այն բնականությունը, որ դուք այսօր տեսաք, չէր կարող արհեստական լինել»,- նկատեց փոխնախարարը:

Նա նաեւ չբացառեց, որ բողոքները որոշակի շահեր են հետապնդում, բայց խոստացավ դրանց առավել մանրամասն անդրադառնալ, երբ հավաստագրման գործընթացն ավարտվի եւ լինեն ընդհանուր պատկեր ու վերլուծություն: «Ես կարծում եմ, որ իրենց բողոքը կարող է անձնավորված լինել: Այնտեղ մի քանի շահեր կան՝ սկսած անձնականից մինչեւ բիզնես շահեր: Շատ-շատ խորքային խնդիրներ կան, որոնց մենք անպայման կանդրադառանք: Ես այս պահին չեմ ուզում այդ մասին խոսել, բայց ուզում եմ նաեւ հիշեցնել եւ խնդրել, որպեսզի անպայման ուսումնասիրեն Կրթության եւ գիտության նախարարի N395 հրամանը՝ հավաստագրերի ստացման վերաբերյալ, որտեղ հստակ նշվում է բողոքարկման կարգը, եւ այս պահին ոչ քաղաքապետարանը եւ ոչ ԿԳ նախարարությունը որեւէ լիազրություն չունեն հանձնաժողովի անդամի գործունեությունը վերաուսումնասիրելու: Եթե իրենք բավարարված չեն, կարող են դիմել դատարան՝ իրենց իրավունքները վերականգնելու եւ դա հարցի լուծման շատ օրինաչափ եւ իրավաչափ ճանապարհ է»,- արձանագրեց նախարարի տեղակալը:

Հավաստագրման այսօրվա քննություններին մասնակցում էր 25 հավակնորդ: Դրական շեմը չեն հաղթահարել 7-ը՝ երկուսը թեստային փուլի, հինգը՝ բանավորի արդյունքներով:

Տպել
4075 դիտում

Հայ-ադրբեջանական շփման գծում միջադեպեր չեն արձանագրվել

ՍԴ նախագահը ու Ֆրանսիայի դեսպան Ժոնաթան Լաքոտը կարևորել են եկկողմ բարեկամական կապերի հետագա զարգացումը և ամրապնդումը

ՀՀ տարածքում կան փակ ավտոճանապարհներ. Լարսը բաց է

ԱԻՆ-ում անցկացվել է շարային ստուգատես (տեսանյութ)

Արաբական Միացյալ Էմիրությունները մարդասիրական օգնություն է տրամադրել Արագածոտնի մարզի կարիքավոր ընտանիքներին

ԱՀ Ազգային ժողովն արտահերթ նիստ է գումարել

Ադրբեջանը կմասնակցի՞ ԵԱՏՄ նիստին. փոխվարչապետը չի հերքում, որ Երեւանի նախապայմանը գերիների հարցն է

Մեկնարկում են ձյուդոյի և ըմբշամարտի Եվրոպայի առաջնությունները. հայ մարզիկների հնարավորություններն ու ակնկալիքները

Ծանրամարտի աշխարհի չեմպիոն Սիմոն Մարտիրոսյանին մեղադրանք է առաջադրվել

ՊԲ-ն հրապարակել է հայրենիքի պաշտպանության համար մղված մարտերում նահատակված եւս 193 զինծառայողի անուն

Երդվել են կին զինծառայողները

Քննարկվել է Կապսի ջրամբարի կառուցման ծրագրի ընթացքը

ՀՀ ԶՈՒ գլխավոր շտաբի պետն ընդունել է ՌԴ դեսպանին. քննարկվել են հայ-ռուսական երկկողմ համագործակցությանն առնչվող հարցեր

Օնիկ Գասպարյանի հայտարարությունն ուշացած է. ստեղծե՞լ, թե չստեղծել պատերազմն ուսումնասիրող հանձնաժողով

«Կենդանիների պատվաստող» ծրագրի 6 մասնակից ստացել է գյուղկենդանիներ պատվաստողի հավաստագիր

Արմեն Սարգսյանն այցելել է Վիրահայոց թեմի առաջնորդանիստ Սուրբ Գևորգ եկեղեցի

ՀՀ ոստիկանություն է այցելել Արցախի Հանրապետության նախագահ Արայիկ Հարությունյանը (տեսանյութ)

«Սպուտնիկ V» պատվաստանյութով պատվաստումները Հայաստանում կսկսվեն ապրիլի 19-ից

Գերեզմանատեղերի տրամադրմանն առնչվող կոռուպցիոն ռիսկերը կկրճատվեն

«Բարդ անցյալներ, բազում ապագաներ». հուշարձանների և տեսարժան վայրերի միջազգային օրը կանցկացվեն մի շարք միջոցառումներ

Վարդենիս քաղաքում հրդեհ է բռնկվել ավտոմեքենայում

Ադրբեջանցիները սպանել են գերեվարված հայ զինվորին. դին ճանաչվել է ԴՆԹ եռակի հետազոտության արդյունքում

ՊՆ վարչական համալիրում քննարկվել են հետպատերազմյան շրջանում զինված ուժերի առջև ծառացած հիմնական խնդիրները

Երկու օր փակ կլինեն Խանջյան փողոցի և Տիգրան Մեծի պողոտայի տրանսպորտային թունելի երթևեկելի ուղղությունները

Ռուստամ Բադասյանն ընդունել է Արցախի պետական մարմինների երկու տասնյակ աշխատակիցների

ՍԴ-ն որոշել է Գեւորգ Կոստանյանի դիմումի հիման վրա գործի վարույթը կարճել

Արցախցի դիմորդներին օժանդակելու և տարեցներին անվճար դեղերով ապահովելու խնդիրը դեռ լուծված չէ

Համոզված եմ՝ ոստիկանությունը կկարողանա ապահովել քաղաքացիների ազատ ընտրելու իրավունքը. վարչապետ (տեսանյութ, լուսանկարներ)

ՎՏԲ-Հայաստան Բանկի և Ucom ընկերության համագործակցությունը

Օրը կարևոր է ոչ միայն տոնական տրամադրության, այլև խնդիրների քննարկման տեսանկյունից․ Արա Խզմալյան

Կինեմատոգրաֆիան մեր կյանքի ոչ միայն արտապատկերումն է, այլև իմաստավորումը․ ԿԳՄՍ նախարարի շնորհավորական ուղերձը

Հղիության 7-րդ ամսում մահացած կինը մի քանի օր առաջ ընկած է եղել. տեսողական խնդիրներ է ունեցել

«Դու անցար կարմիր գիծը». Մարուքյանի առաջարկը նախկիններին՝ Քոչարյանից սկսած, եւ Սուրեն Պապիկյանի «կոշտ» պատասխանը

ԵՊՀ ուսանողներն այսուհետև գործնական գիտելիքներ կստանան Առաջին ալիքում

Շաբաթօրյակով պայմանավորված՝ ապրիլի 17-ին փակ կլինեն Հրազդանի կիրճ տանող բոլոր ճանապարհները

Վարչապետի որոշմամբ՝ Նարեկ Տերյանը նշանակվել է էկոնոմիկայի նախարարի տեղակալ

Սպիտակ արագիլները հիմնականում խոցելի են մարդու գործունեության հետևանքով․ որո՞նք են նրանց սպառնացող վտանգները

Ես չեմ ուզում՝ կինս մահացած կամ խեղված երեխա լույս աշխարհ բերի. Լոռիում տապալեցին հանքի շահագործման թեմայով լսումները

Քաղաքապետարանի նախատեսած նոր աղբավայրի արժեքը 26 մլն եվրո է. այն կառուցվելու է Նուբարաշենի աղբավայրի հարակից հատվածում

Ամենայն հայոց կաթողիկոսն ընդունել է Ավստրիա բուժման մեկնող զինվորականներին