Անահիտ Ֆարմանյանը ՇՊՀ-ում է, աշխատանքային ընթացքի մեջ

ՇՊՀ նախկին պրոռեկտոր Անահիտ Ֆարմանյանին ՇՊՀ պրոֆեսորադասախոսական կազմն ու ուսանողները ջերմ են ընդունել: ՀԺ-ի հետ զրույցում Ֆարմանյանն ասաց, որ իր նկատմամբ որեւէ անվստահություն չի նկատել, հիմք էլ չկա, որ նման բան լինի:  

«Բոլորն էլ վստահ էին, որ ես այդ խնդիրների հետ բացարձակ առնչություն չեմ ունեցել, եւ չէի էլ կարող առնչություն ունենալ: Ինձ դասաժամեր հատկացված էին, եւ ավելին, առաջին ատյանի դատարանում որոշումը կայացվեց, որ պրոռկտորի պաշտոնից ինձ ապօրինի են հեռացրել: Ես ունեի այն բոլոր հմտությունները եւ կարողությունները, որ կարողանայի նշանակվել առաջարկվող մյուս պաշտոններում: Դրանից բացի, իմ աշխատանքը պահպանված է: Եթե վերաբաշխում է եղել, անվանափոխում է եղել կենտրոնի հետ կապված, դա դեռ չի նշանակում, որ աշխատանքը գոյություն չունի: Եվ այս պահին հարցը քննվում է վերաքննիչ դատարանում: Եվ ես լիահույս եմ, որ պետք է բավարարվի հայցն ամբողջությամբ: Ես հիմա ասում են այն, ինչ իմ փաստաբաններն են նաեւ ասել՝ Ֆարմանյան Անահիտն ընդհանրապես հանցագործ չէ, եւ չի էլ կարող լինել: Ընդամենը, ինչպես իմ փաստաբաններն են ասել, ուղղակի այդ պահին, այդ շրջանում պետք էր ինձ հետ կապված նմանատիպ գործընթաց վեր բարձրացնել»,-ասաց նա:

Ըստ Անահիտ Ֆարմանյանի, հարուցված քրեական գործը եւ քրեական գործից հետեւող հետագա գործողությունները բացարձակ կապ չունեն իրականության հետ: Այդ մասին խոստանում է ավելի հանգամանալից խոսել առաջիկա ասուլիսի ժամանակ:

«Ես կարող եմ այսօր շատ պարզ խոսել, բայց քանի որ հետաքննություն է գնում եւ ես շատ իրազեկ չեմ, թե որ մասը կարող եմ բարձրաձայնել, որ մասը՝ ոչ, դրա համար էլ խուսափում եմ ավելի շատ հարցերի պատասխանելուց, բայց վստահ եղեք, որ այստեղ որեւիցե մի խնդիր չկա ինձ հետ կապված: Հենց վերաքննիչի պատասխանը եղավ, ասուլիս եմ անելու, բոլորին հրավիրելու եմ, որ ավելի բաց ու ընդգրկուն խոսեմ»,-ասաց Անահիտ Ֆարմանյանը: 

Խնդիրներն, ըստ Անահիտ Ֆարմանյանի, ծագել էին այն պահից, երբ ինքը միացել էր ՇՊՀ դասախոսներ Գագիկ Համբարյանի եւ Հովհաննես Խորիկյանի սկսած բողոքի ակցիաներին՝ ընդդեմ նախկին ռեկտոր Սահակ Մինասյանի:

«2 տարի անընդմեջ պայքարը գնում էր, այնպես չէ, որ սա պատահական էր, եւ ես լիահույս եմ, որ այս ամենը նախկին ռեկտորի հետ է կապված: Նրա մատն էլ շատ խառն է այս գործում, որովհետեւ միշտ սիրո եւ համերաշխության պայմանագիր է կնքած եղել ոստիկանության աշխատակիցների հետ: Սա իմ կարծիքն է»:

Այս պահին Անահիտ Ֆարմանյանը ՇՊՀ-ում հանդիսանում է Մաթեմատիկա-ֆիզիկա, տեղեկատվական տեխնոլոգիաների ամբիոնի դոցենտ: Ըստ նրա, դատարանի կողմից արգելանք է դրված բոլոր պաշտոնների վրա, մինչեւ վերաքննիչ դատարանի վճիռը հրապարակվի: Իսկ դա կլինի շուտով:

«Սա էլ ասեմ, որ այն ուղին, որով ես անցել եմ, լաբարոնտ եղել եմ, ինձ համար կարեւոր աշխատանքը դա է եղել, դասախոս եղել եմ, ամենակարեւորը դա է եղել, այսինքն այն առաջընթացը, որը ես ինձ համար գծագրում եմ, իմ պաշտոնով երբեք պայմանավորված չի եղել, չի էլ կարող լինել: Ես դաշտում, կրթության ոլորտում հաստատ կլինեմ, եւ ցույց կտամ նաեւ իմ ներուժն ու կարողությունները»,-ՀԺ-ի հետ զրույցը եզրափակեց Անահիտ Ֆարմանյանը: 

Հիշեցնենք, որ Քննչական կոմիտեի Շիրակի մարզային քննչական վարչության Ախուրյանի քննչական բաժնում նրա նկատմամբ հարուցվել էր քրեական գործ ՀՀ քրեական օրենսգրքի 178-րդ հոդվածի 3-րդ մասի առաջին կետով (առանձնապես խոշոր չափերով խարդախություն): Քրեական գործի հարուցման պահին նրա նկատմամբ որպես խափանման միջոց ընտրվել էր կալանավորումը: Այնուհետ, սեպտեմբերի 11-ին, ՇՄ դատախազությունը փոխել էր Անահիտ Ֆարմանյանի նկատմամբ ընտրված խափանման միջոց կալանավորումը: Նոր խափանման միջոց էր ընտրվել անձնական երաշխավորությունը։ Անահիտ Ֆարմանյանի համար երաշխավորներ էին հանդիսացել Ազգային ժողովի պատգամավորներ Էդմոն Մարուքյանն ու Նաիրա Զոհրաբյանը:

Տպել
3345 դիտում

Գերմանիան ևս դադարեցրել է զենքի արտահանումը Թուրքիա. Մերկելը Էրդողանին կոչ է անում անհապաղ դադարեցնել կրակը

Վայք քաղաքի բնակիչներից մեկի ավտոտնակում «Տրոտիլ» տեսակի 4 պայթուցիկ է հայտնաբերվել

Եղեգնուտ գյուղի 50-ամյա մի բնակիչ բենզասղոցի գործադրմամբ 63 ծառ է կտրել ու տարել իր բակ

Վանաձորի աղմկահարույց սպանությունների գործով Բագրատաշենի անցակետում հայտնաբերվել է եւս մեկ կասկածյալ

Ոստիկանները հայտնաբերել են «Դայմոնդ» ֆիթնես» ակումբի և մեկ այլ ԱՁ-ի տնօրեններին դանակահարողին

Աննա Հակոբյանն իրականացրել է հաշմանդամություն ունեցող Ռազմիկի երազանքը

Սարավան գյուղում այրվել են ավտոմեքենա և խոտածածկույթ

Արարատ Միրզոյանը Բելգրադում հանդիպել է Սերբիայի խորհրդարանի խոսնակի հետ

Բակո Սահակյանը այցելել է գյուղաշխատողի օրվա կապակցությամբ կազմակերպված տոնավաճառին

Եղանակային առումով նորից ունենալու ենք հրաշք շաբաթ, արեւային աշունը շարունակվում է. Սուրենյան

Թուրքական բանակը Ռաքքայի հյուսիս-արևելքում գրավել է Սուլուք բնակավայրը

Ստեփանակերտում կկառուցվի ֆրանկոֆոնիայի կենտրոն. Արցախում հուշագիր է ստորագրվել

Արմեն Սարգսյանը ցավակցական հեռագիր է հղել ֆրանսահայ նկարիչ Ռիշար Ժերանյանի մահվան կապակցությամբ

Ծեծկռտուք՝ Արարատի մարզում. Մասիսի Բ/Կ-ի տնօրենը քթի շրջանում վնասվածքով տեղափոխվել է հիվանդանոց

«Ավրորայի» հերոս Զանա Բուկար Մուստաֆան արդեն ժամանել է Երևան

Բակո Սահակյանը հանդիպել է ՌԴ Պետդումայի պատգամավոր Կոնստանտին Զատուլինի հետ

Սպիտակ քաղաքում տնակ է հրդեհվել. տուժածներ չկան

Թուրքիան միտումնավոր կրակ է բացել Սիրիայում տեղակայված ամերիկյան դիրքերի վրա. Washington Post

Կոնգոյում վթարի ենթարկված օդանավը հայկական պատկանելություն չունի. ՀՀ վարչապետի խորհրդական

Ֆրանսիան դադարեցնում է սպառազինությունների արտահանումը Թուրքիա. որոշումն ուժի մեջ է մտնում անհապաղ