Երևան
19 °C
Երեկ մենք հրապարակել էինք ԱԺ-ում աշխատող Կարինե Հարությունյանի բողոքը՝ կապված շենքի ներսում տիրող իրավիճակի, ամենաթողության եւ իր աշխատանքը կորցնելու վտանգի հետ:
Հիշեցնենք, ըստ աշխատակցի, ԱԺ-ում տեղի ունեցող անօրինությունները սկիզբ են առել Արա Սաղաթելյանի աշխատանքի անցնելուց հետո:
Ի պատասխան ահազանգի, ԱԺ հանրային կապերի բաժինը ներկայացնում է պատասխան, որը հրապարակում ենք առանց խմբագրման.
Ի պատասխան ՀՀ ԱԺ աշխատակազմի աշխատող Կարինե Հարությունյանի կողմից armtimes.com լրատվական կայքին հայտնած կեղծ տեղեկություններին և զրպարտություններին
ՀՀ ԱԺ աշխատակազմում աշխատող Կարինե Հարությունյանը armtimes.com լրատվական կայքին հայտնել է ամբողջությամբ սուտ տեղեկություններ, որն իր անառողջ երևակայության հետևանքի ծնունդ է, ինչը զուգորդվել է բազմաթիվ զրպարտություններով և նպատակ ունի ստվերել ԱԺ աշխատակազմում իրականացված և իրականացվող բազմաթիվ բարեփոխումները։ Կարինե Հարությունյանը զրպարտչական գործողություններ իրականացնելու և մտացածին տեղեկություններ հայտնելու միջոցով զուր ջանքեր է գործադրում լուծելու իր նեղ անձնական հարցերը։ Հավասար այլ պայմաններում նյութի հեղինակը պարզապես կկանչվեր դատական պատասխանատվության՝ զրպարտության և կեղծ տեղեկություններ տարածելու առթիվ։ Այս փուլում զերծ կմնանք Կարինե Հարությունյանին դատական պատասխանատվության կանչելուց և հանրությանը կներկայացնենք մանրամասն պատասխան հրապարակված ակնհայտ կեղծ տեղեկությունների մասին։
Այսպես, զրպարտողը հայտնել է.
Պատասխան։ Տիկնոջ այս պնդումը ծիծաղելի է առնվազն այն պարզ պատճառով, որ վերջինս արդեն առնվազն 6 անգամ նույն պնդմամբ դիմել է դատարան, իսկ դատարանը հայցադիմումները 6 անգամն էլ վերադարձրել է մատնանշելով տիկնոջ կողմից թույլ այնպիսի թերություններ, որոնք թույլ չէին տա նույնիսկ իրավաբանական բուհերի առաջին կուրսի միջին առաջադիմությամբ սովորող ուսանողները։ Հանրությունը բազմաթիվ առիթներ արդեն ունեցել է տեսնելու, որ աշխատակազմն ամեն ինչից անկախ մշտապես ապահովում է Ազգային ժողովի բնականոն գործունեությունը։ Ինչ վերաբերվում է աշխատակազմում գրեթե բոլոր աշխատողների շշուկով խոսելուն, ապա դա հերքվում է այն պարզ իրողությամբ, որ բացի Կարինե Հարությունյանից որևէ աշխատող (շուրջ 50 աշխատող արդեն ատեստավորվել է) երբևէ չի խուսափել ատեստավորումից կամ մրցույթից։ Ի դեպ, Կարինե Հարությունյանը պարբերաբար խուսափել է անգամ ատեստավորման մասին տեղեկացման թերթիկը ստանալու ամենասովորական պրոցեսից։
Պատասխան։ Վերոնշյալ մեջբերված ամբողջ պարբերության մեջ չկա գեթ մեկ նախադասություն, որ չպարունակի ակնհայտ կեղծ ու ստահոդ տեղեկություններ։ Արա Սաղաթելյանն աշխատակազմի ղեկավար-գլխավոր քարտուղար է նշանակվել նույն կարգադրությամբ, այն պարզ պատճառով, որ այդ պաշտոնի անվանումն է հենց այդպիսին։ Դեռևս պարոն Սաղաթելյանի նշանակումից տարիներ առաջ ընդունված օրենքով ՀՀ ԱԺ աշխատակազմի ղեկավարը միաժամանակ հանդիսանում է ԱԺ գլխավոր քարտուղարը։ Արա Սաղաթելյանը երբևէ չի հայտարարել, թե աշխատակազմն ուռճացված է, այլ մշտապես հայտարարվել է, որ Աշխատակազմում պետք է իրականացվեն լայն ծավալով բարեփոխումներ, որի մեծ մասն էլ արդեն իրողություն է։ Բարեփոխումների աշխատանքները շարունակվում են մինչ օրս։ Ս.Սարգսյանի թիմից Ազգային ժողովի աշխատակազմ մինչ օրս որևէ մեկը չի տեղափոխվել։ Ա.Սաղաթելյանին աշխատակազմի ղեկավար-գլխավոր քարտուղար նշանակելուց հետո Աշխատակազմում պետական ծառայության հարաբերությունները կարգավորող օրենքը որևէ փոփոխության չի ենթարկվել։ Կառուցվածքային փոփոխությունները կատարվել են ԱԺ խորհրդի որոշմամբ, որի բարձր արդյունավետությունն ապացուցվել է Աշխատակազմի գործունեության ընթացքում։ Կառուցվածքային փոփոխությունների ողջ գործընթացում հնարավոր չէ գտնել կոռուպցիոն անգամ մեկ հնարավորություն։ Սա ևս ապացուցվել է Աշխատակազմի գործունեության ընթացքում։
Պատասխան։ Կարինե Հարությունյանի հայտնած երևակայական մտքերի հերթական պարբերությունը, որում կրկին բոլոր նախադասությունները պարունակում եմ կեղծիք, սուտ ու զրպարտություն։ Ատեստավորման պարտադիր պայմանն օրենքի ուժով ընդունվել է դեռևս 2009 թվականին, իսկ Կարինե Հարությունյանի պնդումն այն մասին, թե դա 2017 թվականին հարմարեցվել է կոնկրետ նպատակի համար, մեկ անգամ ևս հաստատում է այն փաստը, որ նա պարզապես չի տիրապետում իր համար պարտադիր իմանալու ենթակա իրավական ակտերը։ Տիկինը պնդում է, թե իբր ատեստավորումը սկսվել է կիրառվել որպես յուրայիններից ազատվելու արդյունավետ միջոց։ Այս պնդումը ծիծաղելի է այն պարզ պատճառով, որ 2017 թվականից մինչ օրս ատեստավորում են անցել շուրջ 50 պետական ծառայողներ, որոնցից չեն կարողացել հաղթահարել ատեստավորումն ընդամենը 4 պետական ծառայող։ Նշված 4 պետական ծառայողներն էլ հետագայում մասնակցել են Աշխատակազմում առկա ուրիշ թափուր պաշտոնների համալրման համար հայտարարված մրցույթներին և ճանաչվել հաղթողներ ու նշանակվել այդ պաշտոններում։ Միակ դեպքն աշխատակազմում, որ պետական ծառայողը խուսափել ու խուսափում է ատեստավորմանը մասնակցելուց դա հենց Կարինե Հարությունյանն է։ Ինչ վերաբերվում է արտամրցութային նշանակումներն իբր յուրայինների համար կիրառելուն, ապա Կարինե Հարությունյանն իր դիմումի համաձայն հենց արտամրցութային կարգով է նշանակվել ներկայիս պաշտոնում։ Հարց է առաջանում, ովքե՞ր են այդ յուրայինները, որոնցից մեկն էլ, ըստ տիկնոջ տրամաբանության, պետք է հենց ինքը լինի։ Սկսած 2017 թվականի օգոստոսից Աշխատակազմում իրականացված բոլոր ատեստավորումները, բոլոր մրցույթները տեսաձայնագրվել են և պահպանվում են արխիվում, ուստի պնդումը, թե մրցույթները ձևական բնույթ են կրում, առնվազն ծիծաղելի է։
Պատասխան։ Կարինե Հարությունյանը կիրառում է ամենապրիմիտիվ հնարքը, այն է՝ չասելով ոչինչ ստեղծել տպավորություն, թե ինչ-որ բան է ասում։ Մեջբերված պարբերության հենց առաջին նախադասությունն անբովանդակ նախադասություն է։ Իբր թիրախավորված վարչություններից առաջինում (արտաքին կապեր), որ մատնանշում է ինքը, որևէ բարձր պաշտոն զբաղեցնողի տեղաշարժ պարզապես չի եղել։ Իրավաբանական ստորաբաժանումների ղեկավար պաշտոններում հիմնականում տեղի են ունեցել բնական առաջխաղացումներ, օրինակ՝ վարչության պետի նախկին տեղակալը նշանակվել է վարչության պետ, քանի որ նախկին պետն այլ աշխատանքի է անցել այլ համակարգում։ Նույն վարչության գլխավոր մասնագետը նշանակվել է բաժնի պետ։ Աշխատակազմի ղեկավարի իրավական հարցերով խորհրդականը նշանակվել է բաժնի պետ։ Այս բոլոր առաջխաղացմամբ նշանակումները լավագույնս արտահայտում են լավ աշխատանքը գնահատելու կարևոր սկզբունքի կիրառումն Աշխատակազմում։ Ինչ վերաբերվում է տեղեկատվական և վերլուծական վարչությանը, ապա վարչության պետն ու տեղակալը չեն կարողացել հաղթահարել ատեստավորումը, ինչի հետևանքով ազատվել են զբաղեցրած պաշտոններից, բայց ինչպես արդեն նշել ենք, նրանք մասնակցելով մրցույթների նշանակվել են այլ պաշտոններում։ Ի դեպ, նշված վարչության պետի ու տեղակալի պաշտոններն ազատման պահից մինչև հիմա թափուր են, հետևաբար անհիմն են պնդումները, թե այդ պաշտոններն ազատվել են կոնկրետ անձանց նշանակելու նպատակով։ Նշված պաշտոնների համար մրցույթներն արդեն հայտարարված են և ցանկացողները կարող են մասնակցել դրանց։
Պատասխան։ Այս սուտը պետք է դասել ստոր ստերի շարքին, քանի որ այդպիսի բան պարզապես գոյություն չունի։ Չկա որևէ աշխատող, որին առաջարկվել է զիջել պաշտոնը։ Հետևաբար` չկա նաև չեղած առաջարկն ընդունող։ Ատեստավորման մասնակցել են ատեստավորման ենթակա պետական ծառայողների 90 տոկոսը, իսկ մնացյալ 10 տոկոսի ատեստավորման գործընթացն ընթացքում է։
Ինչ վերաբերվում է իբր իր կողմից պաշտոնը «չզիջելուն», ապա անգամ այստեղ է տիկինը խեղաթյուրել իրականությունը։ Այսպես, Կարինե Հարությունյանը շուրջ 50 պետական ծառայողների հետ միաժամանակ ստանալով ատեստավորմանը մասնակցելու տեղեկացումը նախ չի ներկայացել դրան, այնուհետև դիմել է խնդրանքով, որ իրեն արտամրցութային կարգով նշանակեն այլ ստորաբաժանման ավելի ցածր պաշտոնի։ Հաշվի առնելով, որ հավակնում է ավելի ցածր պաշտոնի, խնդրանքն ընդունվել է և օրենքի ուժով կատարվել է արտամրցութային նշանակում։ Հետագայում, երբ արդեն նոր պաշտոնի համար տեղեկացվել է ատեստավորում անցնելու մասին, ինքն այն բողոքարկել է պնդումով, թե պաշտոնի փոփոխության դեպքում ինքն առնվազն երեք տարի ենթակա չէ ատեստավորման, մինչդեռ՝ պետական ծառայության հարաբերությունները կարգավորող օրենքը արտամրցութային նշանակման դեպքում ամրագրում է, որ արտամրցույթով նշանակված պետական ծառայողը ենթակա պարտադիր ատեստավորման։ Այստեղից ակնհայտ է դառնում, որ Կարինե Հարությունյանը խնդրել էր իրեն նշանակել այլ պաշտոնի կարծելով, թե այդ դեպքում ինքը կազատվի ատեստավորումից։ Այնուհետև ինքը նույն պնդմամբ դիմել է դատարան, իսկ դատարանը պարզապես վերադարձրել է հայցադիմումը։
Պատասխան։ Մինչ այս տրված մեր պատասխաններից ակնհայտ է դառնում, որ Կարինե Հարությունյանն իրավաբանությունից պարզապես չունի անհրաժեշտ և բավարար գիտելիքներ, հետևաբար՝ դատարանի գործողություններին իր կողմից տրված գնահատականները, մեղմ ասած, սեփական եսի մասին թերի պատկերացումներ ունենալու հետևանք է։ Տիկնոջ կողմից ստեր տարածելու մոլուցքն այնքան խրոնիկ բնույթ է կրում, որ սկսում է ստեր հրապարակել ակնհայտ իրողություններին հակառակ։ Մասնավորապես, Աշխատակազմի ղեկավարի տեղակալ Արսեն Բաբայանի կենսագրությունը վաղուց հրապարակված է, որտեղից պարզ է դառնում, որ վերջինս երբևէ նշանակված չի եղել այնպիսի պաշտոնի, որը հնարավորություն կտար վերահսկել գործող դատավորներին։ Ավելին, իրավաբանի դիպլոմ ունեցող տիկինն անգամ չգիտի, որ դատավորները չեն կարող ունենալ որևէ վերահսկող։ Իրավական փորձաքննության վարչության ներկայիս պետ Գարեգին Պետրոսյանը երկար տարիներ աշխատելով նույն վարչության պետի տեղակալ առաջխաղացմամբ նշանակվել է վարչության պետ, երբ վարչության նախկին պետն այլ աշխատանքի անցնելու կապակցությամբ ազատված է եղել աշխատանքից։ Հետևաբար, բացի աշխատանքային հարաբերություններից չէր կարող որևէ այլ հարաբերություն ուշադրության արժանանար։ Իրավաբան համարվող տիկինն անգամ չգիտի, որ վճռաբեկ դատարանի դատավորը չի կարող ունենալ որևէ վերադասություն որևէ այլ դատավորի նկատմամբ, ինչը կարող էր որևէ դատավորի կաշկանդել։ Սրանք պարզագույն գիտելիքներ են, որոնք պարտավոր է ունենալ նույնիսկ իրավաբանական բուհ ընդունվել ցանկացողը։ Ինչ վերաբերվում է Գարեգին Պետրոսյանի կողմից իր ենթակայությամբ աշխատողներին հանձնարարություններ իբր չտալուն, ապա Աշխատակազմում առկա էլեկտրոնային փաստաթղթաշրջանառության համակարգով արձանագրված է ամբողջությամբ հակառակ պատկերը։
Պատասխան։ ՀՀ վարչական դատավարության օրենսգրքի 83-րդ հոդվածի կիրառման մասին Կարինե Հարությունյանը գրավոր հայտնել է նաև Աշխատակազմին, ինչի առնչությամբ տրվել է սպառիչ պարզաբանում։ Մասնավորապես այն, որ 83-րդ հոդվածը որևէ կապ չունի ատեստավորման արդյունքներն ամփոփող արձանագրությունների և դրա արդյունքում ընդունված որոշման հետ։ Արդեն խոսել ենք այն մասին, որ տիկինը նշանակվել է հենց արտամրցութային կարգով, ուստի պնդումը, թե արտամրցութային կարգով նշանակումը կիրառվում է որպես նվեր, ապա ինքը թող համարի, որ իրեն նվեր ենք մատուցել, թեև՝ արտամրցութային նշանակման համար օրենքով նախատեսված բոլոր պայմանները բավարարել է։ Ինչ վերաբերվում է հայտարարված մրցույթներին, ապա դրանք բաց են մասնակցության համար, դրանց ողջ ընթացքը տեսաձայնագրվում է, հետևաբար՝ անհեթեթ է դրանց օբյեկտիվությունը կասկածի տակ առնելը։
Պատասխան։ Տիկինը պարզապես ստում է. նախնական և վերջնական ցուցակում եղել են ոչ թե 10, այլ շուրջ 50 պետական ծառայողներ։ Դրանցից ատեստավորվել են շուրջ 40-ը, իսկ ինքը խուսափել է։ Մնացած պետական ծառայողների ատեստավորման գործընթացն ընթացքում է։ Ի դեպ, այդ ցուցակները չեն կարող լինել հրամաններ, քանի որ օրենքով է նախատեսված, թե երբ և որ պետական ծառայողը պետք է անցնի ատեստավորում։
Պատասխան։ Իր կարծիքով տրված անհիմն «խիստ նկատողությունը» Կարինե Հարությունյանը փորձել է վիճարկել նաև դատարանում, սակայն դատարանը կրկին վերադարձրել է հայցադիմումը։ Հետևաբար` խոսել տրված խիստ նկատողության անհիմն լինելու մասին պարզապես անհեթեթ է։ Ինչպես արդեն ասել ենք՝ տիկին Հարությունյանն ինքն է խնդրել արտամրցութային նշանակման համար, որի վերաբերյալ անձնական գործում առկա է համաձայնությունն իր կողմից ստորագրված։ Նպատակն ակնհայտ է, ենթադրել է, թե տեղափոխման արդյունքում երեք տարով կազատվի ատեստավորումից։ Ինչ վերաբերվում է Գոհար Մելոյանին, ապա վերջինս երկու ամիս աշխատել է Աշխատակազմի ղեկավարի իրավական հարցերով խորհրդական, այդ ամբողջ ընթացքում Կարինե Հարությունյանի նախկին պաշտոնը եղել է թափուր։ Հետևաբար` անտրամաբանական ու անմիտ է այն պնդումը, թե որևէ մեկի համար որևէ պաշտոն է ազատվել։
Պատասխան։ Փաստորեն այս վերջին պարբերությամբ Կարինե Հարությունյանը վերջնականապես հաստատում է մեր այն պնդումը, որ ինքը կարծել է, թե արտամրցույթով նշանակվելու դեպքում երեք տարով կազատվի ատեստավորումից, ինչն էլ ամբողջությամբ հաստատում է այն, որ վերջինիս միակ ու հիմնական նպատակն ատեստավորում չանցնելն է։ Համադրելով սա Կարինե Հարությունյանի ատեստավորման վերջին փորձին, որտեղ վերջինս լրագրողի ներկայությամբ ապացուցեց, որ չի տիրապետում աշխատանքային հմտություններին և չունի անհրաժեշտ գիտելիքներ, հասկանում ենք, որ ամենասովորական պարտադիր ատեստավորման գործընթացի «քաղաքականացումը» հետապնդում է սոսկ մեկ անառողջ նպատակ. քողարկել գիտելիքների անբավարարությունը և դրանով փորձ կատարելու լուծել նեղ անձնական հարցեր։
Ի դեպ, Կարինե Հարությունյանի ատեստավորման ողջ ընթացքը տեսաձայնագրված, որն իրեն հատկացվել է։ Եթե տիկինը համոզված է իր պնդումներում, ապա կարող է պարզապես հրապարակել այն, ինչն ամբողջությամբ հակառակը կապացուցի։ Ավելին, եթե տիկինը ցանկանա, ապա այդ տեսաձայնագրությունը կհրապարակվի Աշխատակազմի կողմից։ Հատկանշական է նաև այն հանգամանքը, որ Կարինե Հարությունյանն անգամ քննադատել է իր հրավերով նշված ատեստավորմանը որպես դիտորդ մասնակցած պատգամավորին և լրագրողին։
Հարգելի խմբագրություն,
հաշվի առնելով վերոգրյալը, ինչպես նաև այն հանգամանքը, որ կետ առ կետ հերքվեց Կարինե Հարությունյանի հիվանդ երևակայության հետևանքները, առաջարկում ենք կայքից հեռացնել ապատեղեկատվությունն ու զրպարտությունը։
Հ.Գ. Երևակայությանն այդքան զոռ տալով՝ «Հակահեղափոխությունն ուժգնանում է» վերնագրի հնարման վրա ժամանակ ծախսելու փոխարեն ավելի լավ է պարզապես մեկ անգամ կարդալ այն օրենքները, որոնց իմացությունը պարտադիր է յուրաքանչյուր պետական ծառայողի համար։
Լրատվության և հանրության հետ կապերի վարչության պետի պաշտոնակատար Հրայր Զորյան
Հանրապետությունում այս պահին փակ ճանապարհներ և փողոցներ չկան․ ՆԳՆ
Եվրոպական միությունն աջակցում է Հայաստանի և Ադրբեջանի միջև խաղաղության գործընթացներին․ Մարագոս
ՊՆ-ում քննարկվել են Մարդու իրավունքների պաշտպանի կողմից արձանագրված խնդիրները
Երևանի այսօրվա ամպրոպային ամպը․ Սուրենյանը լուսանկար է հրապարակել
Հայտնի է՝ որ համարի ներքո «Եվրատեսիլ 2024»-ի եզրափակչում ելույթ կունենա Հայաստանը
«Օրենքով գող» է կալանավորվել․ ևս 6 անձի քրեական ենթամշակույթի հանցակազմերով մեղադրանքներ են ներկայացվել
Որտեղ է Գյումրու քաղաքապետ Վարդգես Սամսոնյանը, ինչու նա չի գնում աշխատանքի
Հստակ պարզ է, թե ում հետ գործ ունենք. Բագրատ Գալստանյանի հետևում երևում են Քոչարյանի ականջները. Հովհաննիսյան
Գազի բալոններով բեռնված «ԶԻԼ»-ը կողաշրջվել է
Ադրբեջանի և Հայաստանի միջև սահմանային հենասյուների տեղադրումը գործնականում ավարտված է․ Բայրամով
Ինչեր են հայտնաբերվել ՔԿՀ-ների հանձնուքներից, սառնարանների, պահարանների և այլ թաքստոցներից
Սանկտ Պետերբուրգում ավտոբուսը կամրջից գետն է ընկել․ զոհեր և վիրավորներ կան
Դոլարն էժանացել է․ ինչ փոփոխություններ է արձանագրել տարադրամի շուկան մայիսի 10-ին
Հայաստանը ձգտում է խաղաղության, միջազգային պայմանագրի համաձայնեցմանը․ Արարատ Միրզոյան
Խուլիգանություն, գույքի վնասում ու մարմնական վնասվածք. ինչ է կատարվել Երևանի կենտրոնում (տեսանյութ)
Անհնազանդության ակցիաների 12 մասնակից ձերբակալվել ու տարվել է ոստիկանական բաժիններ
Սյունիքի մարզում փակ ավտոճանապարհներ ու մայրուղիներ չկան. մարզպետ
Երեք տարի է՝ ԱԺ-ում են, երկուսուկես ձայնի հնարավորություն չունեն․ Քոչարյանը՝ իմպիչմենտի գնալու մասին
Երևանում բողոքի ակցիայի երկու մասնակից ձերբակալվել է սառը զենք կրելու կասկածանքով
Մեր խնդիրը շատ հստակ է՝ մենք հարևանների հետ, անկախ ունեցած խնդիրներից, պետք է կարողանանք ապրել. ՀՀ նախագահ
2-ամյա երեխան էլեկտրահարվել է և տեղափոխվել հիվանդանոց
Միրզոյանի ու Բայրամովի բանակցություններից առաջ նրանց հետ հանդիպել է Ղազախստանի փոխվարչապետը
Վազգեն Գալստանյանը հոգևորականի համազգեստով շարունակում է քաղաքական գործընթացներ գեներացնել, անթույլատրելի է. Քոչարյան
Կյանքից հեռացել է ԱԺ նախկին պատգամավոր Կարեն Սարիբեկյանը
Ալմաթիում մեկնարկել է Միրզոյանի և Բայրամովի հանդիպումը (լուսանկարներ)
Հուսով եմ՝ Ռոբի տերտերի հետ հայրենիք փրկող երիտասարդները վարժական հավաքներից չեն խուսափի. Մկրտչյան
Լո՞ւրջ եք ասում․ Ռուստամ Բաքոյանը՝ խմբակցությունում իր նկատմամբ ճնշումների մասին
Սպորտի ոլորտում համագործակցության հուշագիր է կնքվել Հայաստանի և Իսպանիայի միջև
Գյումրու կրթական և առողջապահական որևէ հաստատություն չի միացել Գալստանյանի գործադուլ-դասադուլի կոչերին
Ինչո՞ւ եք եկել պետական քննություն խանգարելու, դուռը բաց է, դուրս եկեք․ Գյուրջինյանը՝ Գեղամ Մանուկյանին
Գազի թունավորմամբ հիվանդանոց է տեղափոխվել ընտանիքի 5 անդամ, այդ թվում՝ անչափահասներ
Հայաստանի և Ղազախստանի ԱԳ նախարարները մտքեր են փոխանակել տարածաշրջանային հարցերի շուրջ
ԱՄՆ պետքարտուղարությունն անդրադարձել է Ալմաթիում Հայաստանի և Ադրբեջանի ԱԳ նախարարների սպասվող հանդիպմանը
Վահե Ղազարյանի՝ արձակուրդ գնալու մասին լուրերը կեղծ են․ ՆԳՆ
Ստամբուլ-Երևան չվերթով Հայաստան է ժամանել և ձերբակալվել 2 անձի սպանության համար մեղադրվող ՌԴ քաղաքացին
«Անեծքի ու նզովքի վրա մասնագիտացած տիկինը, ցավոք, մենակ չէ խոստանալ, չգնալու հարցում. Գալստյանը չի գնացել Հ1
Հրապարակվել է մեթոդական ուղեցույց հերթական ատեստավորման ենթակա ուսուցիչների վերապատրաստման ընթացակարգի վերաբերյալ
Պոլիտեխնիկական համալսարանում դասապրոցեսն ընթանում է բնականոն հունով, ուսանողները չեն միացել ակցիային
Երևանում և մարզերում սպասվում է ինտենսիվ անձրև, կարկուտ. կցրտի ևս 4-6 աստիճանով
Կոչ ենք անում հայրենիքը փրկելու և հայրենիքին ծառայելու վեհ գործի ձեր բաժնին տեր լինել բուհի լսարաններում. Հայբուսակ
© 2024 Հայկական ժամանակ