Հայաստանի Հանրապետական կուսակցության նախընտրական ծրագիրը, ի տարբերություն առաջիկա ընտրություններին մասնակցող այլ քաղաքական ուժերի ծրագրերի, բավականին կարճ ու սահմանափակ է։ Այնտեղ նախ նշում է, թե քաղաքացիներն ինչու պետք է ընտրեն հենց իրենց։

Ըստ ծրագրի՝ առաջիկա ընտրություններում մարդիկ իրենց ձայնը պետք է վստահեն հանրապետականներին, քանի որ իրենք ունեն պատմություն, գիտելիքներ եւ փորձ, գիտեն ու ընդունել են իրենց սխալները եւ պատրաստ են ծառայել հայրենիքին։

Ծրագրում նշված է, որ իբրեւ ազգային պահպանողական կուսակցություն՝ ՀՀԿ-ն Հայաստանի պետական կյանքի ամենամեծ փորձառություն ունեցող քաղաքական կառույցն է եւ հետեւաբար՝ ունի ասելիք եւ անելիք մեր ազգային-պետական կյանքում:

Հանրապետականները չեն հերքում, որ ունեցել են սխալներ ու բացթողումներ, բայց որ իրենց գործունեությունը սեւացրել են հանիրավի, «Չի սխալվում միայն նա, ով չի գործում»,- ասված է ծրագրում։

Գրված է նաեւ, որ իրենք պատրաստ են ծառայել հայրենիքին, որովհետեւ ունեն բազմաթիվ հայրենասեր, փորձառու, խելացի թիմակիցներ, ովքեր, անկախ որեւէ հանգամանքից, պատրաստ են ամեն ջանք ներդնել հանուն Հայաստանի Հանրապետության եւ հայ ժողովրդի:

Առանձին ենթավերնագրով ՀՀԿ-ականներն անդրադարձել են «Ազգ-բանակ» հայեցակարգին․

««Ազգ-բանակ» հայեցակարգը պետության պաշտպանունակության, կայուն ու անվտանգ զարգացման երաշխիքն է»,- նշված է ծրագրում, ըստ որի՝ որպես անվտանգության եւ պաշտպանության ապահովման ոլորտում տասնամյակների քաղաքական ու կառավարչական փորձ ունեցող ուժ՝ իրենք շարունակելու են իրենց հանձնառությունը մեր երկրի Զինված ուժերի արդիականացման, նրա նկատմամբ քաղաքացիական եւ խորհրդարանական վերահսկողության արդյունավետ գործիքների ներդրման, բանակի նկատմամբ հանրային վստահության պահպանման ու նպատակային ջանքերի գործադրման ուղղությամբ՝ հանուն մեր ժողովրդի եւ երկրի կայուն ու անվտանգ զարգացման:

Անդրադառնալով Արցախին՝ նախընտրական ծրագրում ՀՀԿ-ն գրել է, որ կան հարցեր, որոնցում իրենք անզիջում են լինելու․ «Դրանցից առաջինն ու ամենագլխավորն Արցախն է: Արցախը միայն արցախցու ինքնորոշման իրավունքի խնդիրը չէ: Այն մեր ողջ երկրի անվտանգության հարցերի հարցն է: Միայն ուժեղ բանակով, անվտանգության հզոր համակարգով, խոհեմ արտաքին քաղաքականությամբ, «Ազգ-բանակ» դառնալով ենք ի վիճակի լինելու առերեսվել այդ վտանգներին»։ Միաժամանակ ՀՀԿ-անները հավելում են՝ չի կարող լինել լուծում առանց Արցախի ժողովրդի ինքնորոշման իրավունքի ճանաչման բոլորի կողմից, չի կարող լինել միակողմանի զիջում:

ՀՀԿ-ի պնդմամբ՝ իրենց ջանքերն ուղղվելու են միջազգային կազմակերպություններում խնդրի ուժային լուծումը բացառող եւ կանխարգելող որոշումների ընդունմանը, իսկ Արցախի սոցիալ-տնտեսական առաջանցիկ զարգացման տեմպերի պահպանումն իրենց համար շարունակելու է մնալ կարեւորագույն առաջնահերթություն:

ՀՀԿ նախընտրական ծրագրում մեծ տառերով գրված է՝ «ՇԱՐՈՒՆԱԿԵԼՈՒ ԵՆՔ ԱՇԽԱՏԵԼ հավասարակշռված եւ վարելու ենք Հայաստանի երկարաժամկետ շահերից բխող արտաքին քաղաքականություն, մենք այնպիսի տարածաշրջանում եւ ժամանակահատվածում ենք ապրում, որ յուրաքանչյուր սխալ կարող է ճակատագրական դառնալ»:

ՀՀԿ նախընտրական ծրագրում նշված է, որ մրցունակ տնտեսության հասնելու համար իրենց առաջնային գերակայությունները եղել եւ մնում են արտահանման խթանումը, ժամանակակից տեխնոլոգիաների ներդրմամբ աշխատանքի արդյունավետության բարձրացումը, փոքր եւ միջին ձեռնարկատիրության խրախուսումը․ «Նախորդ տարիների աշխատանքի արդյունքում Հայաստանի Հանրապետությունն ունի մեծ եւ իր արտադրողի համար տեխնոլոգիապես համարժեք շուկաների հասանելիություն, կայուն եւ բարելավվող էներգետիկ համակարգ, ինտենսիվ գյուղատնտեսությամբ զբաղվելու համար շոշափելի նախադրյալներ։ Այս հնարավորությունները ստեղծվել են տնտեսական քաղաքականությունից բխող էական ինտեգրացիոն եւ ենթակառուցվածքային ծրագրերի հետեւողական իրացմամբ»,- ասվում է ծրագրում՝ հավելումով, որ իրենք ամեն ինչ անելու են, որ հետեւեն ներառական գործարարության եւ բարձր վարձատրվող աշխատատեղերի ստեղծման խթանմանն ուղղված իրենց քաղաքականությանը։

ՀՀԿ-ն կարեւորագույն մարտահրավեր է համարում կրթության համակարգը։ Ըստ նախընտրական ծրագրի՝ այն պահանջում է էական բարեփոխումներ, յուրաքանչյուր ուսանողի եւ աշակերտի լիարժեք ներգրավում ուսման բոլոր գործընթացներում։ Ինչ վերաբերում է առողջապահության ոլորտին՝ ՀՀԿ-ն կարծում է, որ համակարգում ծախսերի օպտիմալացմանը զուգընթաց՝ անհրաժեշտ է օր առաջ քննարկել պարտադիր ապահովագրման հայեցակարգը, ինչը հնարավորություն կտա պետական ծառայողներին ընձեռված հնարավորության նմանությամբ՝ հանրապետության բոլոր բնակիչների համար հասանելի դարձնել ծառայությունների մեծ փաթեթ։

Իսկ սոցիալական ապահովության համակարգի վերաբերյալ հանրապետականները նշում են, որ պետք է ապահովի արժանապատիվ ծերություն եւ աշխատուժի անընդհատ վերապատրաստման, բարելավման նոր հնարավորությունների ընձեռում․

«Եթե իրացված կենսաթոշակային բարեփոխումները երկարաժամկետ հատվածում հնարավոր են դարձնում առաջին նպատակի իրագործումը, ապա երկրորդի համար անհրաժեշտ են կրթության, տնտեսության եւ սոցիալական ոլորտների մասնագետների համատեղ ջանքերը»,-այսպես է ավարտվում ծրագիրը։

ՀՀԿ նախընտրական ծրագիրն առավել մանրամասն կարող եք կարդալ այստեղ։

Տպել
8563 դիտում

Ինչքան ճանաչված մարդ կա, պիտի պախարակեն․ սուտ տարածում ա, թե գեներալ Սեյրանին պառկացրին գետնին․ Սեյրան Սարոյան

Էջմիածնի քաղաքապետ Դիանա Գասպարյանի դեմ ներկայացված հայցը վարույթ է ընդունվել

Գյումրու տոնի գլխավոր համերգին Նունե Եսայանն իր մասնակցության համար գումար չի պահանջել. Լիլիթ Թովմասյան

Ավտոմեքենան դուրս է եկել ճանապարհի երթևեկելի հատվածից և ընկել ձորը. կա տուժած. ԱԻՆ

Առաջիկա տարիներին մանկապարտեզ կարող է հաճախել 3-6 տարեկան երեխաների 70%-ը. Արայիկ Հարությունյանը՝ վարչապետին

ԵԱՀԿ-ն դիտարկում կանցկացնի Օմարի լեռնանցքում

Դպրոցները կֆինանսավորվեն նոր բանաձեւով, կսահմանվի ուսուցչի նվազագույն աշխատավարձ. ԿԳՄՍՆ-ն որոշման նախագիծ է մշակել

Գնդեվազի նախկին գյուղապետն աճուրդով հող է վերցրել եւ մեծ գնով վաճառվել «Լիդիան Արմենիա»-ին. քրգործ է հարուցել

Թմրամիջոց պահելու եւ օգտագործելու կասկածանքով բերման ենթարկված քրեական հեղինակությունը բանգլադեշցի Վիրաբիկն է

Ամուլսարի հարցում կոռուպցիոն գործա՞րք է տեղի ունենեցել. դատախազությունը մամուլում առկա հրապարակումներն ուղարկել է ԱԱԾ

7-ից 18 տոկոս. Փաշինյանը ներկայացրել է Հայոց բանակի զինծառայողների աշխատավարձերի բարձրացման կոնկրետ ցուցանիշները

Իրանի հետ համագործակցությունը Հայաստանին օգուտ չի՞ բերի. ամերիկացի վերլուծաբանը փորձում է հակառակը համոզել

Քաղաքացու ինքնասպանության փորձը հաջողվել է կանխել. նա փորձել է ցած նետվել Նոր Հաճնի կամրջից

Հրդեհ Երեւանում. այրվում է սառնարանների պահեստը

Խոշոր հարկատուների առաջին տասնյակի 9 ընկերությունների վճարած հարկերը 2019-ի երկրորդ եռամսյակում աճել են

Ռոբերտ Քոչարյանի փաստաբանական թիմը հանդես է եկել հայտարարությամբ

Ննջասենյակի ներքնակի միջից գողացել էին 4 հազար դոլար. գողությունը կատարել էր տանտիրոջ դուստրը

Վանաձոր-Ալավերդի-Վրաստանի սահման ճանապարհն այսօր փակ է լինելու ժայռապայթեցման պատճառով

Էլեկտրաէներգիայի անջատումներ՝ Երևանում և 8 մարզերում

«Ձյունիկ սառնարան» ՍՊԸ-ի պահեստներում բռնկված հրդեհի մարմանը 11 մարտական հաշվարկ է մասնակցել