Նոր մասնագիտություններ, նորացված ֆակուլտետ, կրեդիտների տեղափոխում. սպասվող փոփոխություններ

Կառավարության դեկտեմբերի 6-ին ընդունված որոշումներից մեկով սահմանվել է Հայաստանի բարձրագույն ուսումնական հաստատությունների բակալավրի ու անընդհատ եւ ինտեգրացված կրթական ծրագրերով (առկա, հեռակա) 2019/2020 ուսումնական տարվա մասնագիտությունների եւ ընդունելության քննությունների ցանկը: Ըստ այդմ, առաջիկա ընդունելության քննությունների ժամանակ դիմորդներին կառաջարկվեն մի շարք նոր մասնագիտություններ:

Կառավարության նիստին ներկայացված համապատասխան որոշման նախագծում, մասնավորապես նշվում է. «2018/2019 ուսումնական տարվա ընդունելության արդյունքում մի շարք բուհերում մնացին թափուր տեղեր, որի պատճառով շատ բուհեր վերանայել են մասնագիտությունների ցանկը եւ 2019/2020 ուսումնական տարում որոշ մասնագիտությունների գծով ընդունելություն չեն նախատեսում: Երեւանի պետական համալսարանը նոր կրթական ծրագրերով (օտար լեզուներ եւ հաղորդակցություն, կիրառական վիճակագրություն եւ տվյալների գիտություն) ընդունելություն իրականացնելու առաջարկ է ներկայացրել»:

Կառավարության նիստը վարող առաջին փոխվարչապետ Արարատ Միրզոյանը որոշման նախագիծը ներկայացնող կրթության եւ գիտության փոխնախարար Հովհաննես Հովհաննիսյանից հետաքրքրվեց, թե ընդհանուր առմամբ որքանո՞վ է մասնագիտությունների այդ ցանկը իներցիոն, որքանո՞վ են հասցրել լրջորեն զբաղվել դրա վերանայմամբ եւ ինչքանո՞վ են այդ մասնագիտությունները համապատասխանում աշխատաշուկայի արդի պահանջներին: Նախարարի տեղակալը պատասխանեց, որ մասնագիտությունների վերանայմամբ լրջորեն զբաղվել չեն հասցրել, քանի որ փոփոխությունների անհրաժեշտությունը բավականին մեծ է:

«Բայց մենք այդ փոփոխությունները նախատեսում ենք իրականացնել «Բարձրագույն կրթության մասին» նոր օրենքի ընդունումից հետո, որովհետեւ այդ օրենքով տրամաբանությունը եւս փոխվում է, դրվում է, այսպես ասած, «մեյջր» եւ «մայներ» հասկացությունները: Պետությունը ճանաչում է մեծ որակավորումները, դրա տակ ազատություն է տրվում բուհերին՝ կրթական ծրագրեր իրականացնելու համար «մայներ» ծրագրերի գծով: Նաեւ բուհական ինքնավարության եւ ակադեմիական ազատությունների աստիճանը բավականին բարձրանալու է: Դրանից հետո ավելի մանրամասն եւ խորքային անդրադարձ կկատարվի ընդունելության քննությունների ձեւին ու բովանդակությանը, չնայած նախարարությունում քննարկվում է նաեւ այն հարցը, որ ապագայում՝ ավագ դպրոցի ռեֆորմներից հետո, եթե ավագ դպրոցը որոշում կայացնի անցնել կրեդիտային համակարգին, միգուցե մենք կամաց-կամաց գնանք ընդունելության քննությունները հանելուն: Այսինքն՝ կրեդիտներ տեղափոխվեն դեպի բուհային համակարգ: «Բարձրագույն կրթության մասին» նոր օրենքով պետք է ընդունվի նաեւ կրեդիտների փոխանցելիության համակարգի մասին, որը կխթանի բուհերի միջեւ մրցակցությունը եւ առավել որակյալ կրթությունը»,- մանրամասնեց կրթության եւ գիտության նախարարի տեղակալ Հովհաննես Հովհաննիսյանը: Առաջին փոխվարչապետը նկատեց՝ այսինքն՝ այն է, ինչ որ տեսնում ենք աշխարհի ամենաառաջատար համալսարաններում ու կրթական համակարգերում, եւ դրան ինչքան շուտ հասնենք, այնքան լավ: «Անպայման հասնելու ենք»,- հավաստիացրեց փոխնախարարը:

Կառավարության որոշման նախագծում ներկայացված երկարաշունչ ցանկից դժվար է հասկանալ՝ որ մասնագիտություններն են նոր եւ որոնք են դուրս եկել այդ ցուցակից: Նախարարության բարձրագույն կրթության վարչությունից, անդրադառնալով մեր ճշտող հարցին, ասացին, թե մասնագիտությունների ցանկում միայն լրացումներ են եւ ոչ կրճատումներ: Ըստ այդմ, Ամերիկյան համալսարանում իրականացվելու է տվյալագիտություն կրթական ծրագիր: Վանաձորի պետական համալսարանում ուսուցանվելիք նոր մասնագիտություններն են՝ ռադիոֆիզիկա, պատմություն, հայոց լեզու եւ գրականություն, ռուսաց լեզու եւ գրականություն, անգլերեն եւ գրականություն: Երեւանի պետական համալսարանում սպասվող փոփոխությունների վերաբերյալ մանրամասներ պարզեցինք Մայր բուհից:

ԵՊՀ մամուլի խոսնակ Գեւորգ Էմին-Տերյանը նշեց, որ եկեղեցագիտություն մասնագիտությունը փոխարինվում է կրոնագիտությամբ: Մաթեմատիկայի ֆակուլտետում մագիստրոսական նոր ծրագիր է ավելանում՝ կիրառական վիճակագրություն եւ տվյալների գիտություն: Նաեւ նախատեսվում է փակել ռոմանագերմանական բանասիրության ֆակուլտետը՝ դա փոխարինելով եվրոպական լեզուների եւ հաղորդակցության ֆակուլտետով: Այս տարեսկզբին բուհում դժգոհության ալիք էր բարձրացել՝ կապված ռոմանագերմանական ֆակուլտետում արտասահմանյան գրականության դասաժամերը կրճատելու եւ դրա հաշվին լրացուցիչ օտար լեզու ավելացվելու հետ: Գեւորգ Էմին-Տերյանը նկատեց, որ դասավանդվող առարկան իրականում ոչ թե արտասահմանյան գրականություն էր, այլ արեւմտաեվրոպական: Երկրորդը նախատեսվում է ներդնել բակալավրիական կրթական աստիճանում, իսկ արտասահմանյան գրականություն առարկան պահպանվում է մագիստրատուրայում:

Տպել
1588 դիտում

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել