Ֆուտբոլիստներն ավտոբուսում են փոխվում, մտնում դաշտ, մարզվելու տեղ չունենք. «Գանձասարի» մարզիչ

«Գանձասար-Կապան» ֆուտբոլային թիմի գլխավոր մարզիչ Աշոտ Բարսեղյանը շնորհակալ է իր ֆուտբոլիստներին, որ դժվար պայմաններում կարողանում են արդյունքներ գրանցել: 2018-19 մրցաշրջանի առաջին հատվածը թիմի համար լավ չի դասավորվել: ՀՀ Գավաթի խաղարկությունից դուրս է մնացել, Բարձրագույն խմբի առաջնությունում 17 խաղից հետո 22 միավորով 7-րդն է, սակայն աշնանային հատվածի վերջնամասում կարողացավ հաղթանակներ տանել: «Հայկական ժամանակ»-ի հետ զրույցում մարզիչը նշեց, որ նման պայմաններում եղած արդյունքներն էլ լավ են:

«Ֆուտբոլում մանրուքներ չկան: Պատկերացնո՞ւմ եք՝ ինչ պայմաններում է «Գանձասարը» մարզվում: Ես բոլոր տղաներին ուզում եմ շնորհակալություն հայտնել, որ այս պայմաններում այս թիմը մարզվում է: Մենք մարզվելու տեղ չունենք: Մեր ֆուտբոլիստները մեքենաների մեջ են փոխվում, մտնում դաշտ: Մի տեղ պարապում են, մի տեղ գնում են՝ լողանալու: Վերջերս ենք խնդրել «Փյունիկն», որ հանդերձարան տան, որ գնան այնտեղ փոխվեն, լողանան: Մարզվում ենք «Փյունիկի» կողքի դաշտում, որը բաց է, որտեղ ոչ մի պայման չկա, այդտեղ մարդիկ գալիս գումար են վճարում, սիրողական խաղում: Եթե այս պայմաններում «Գանձասարը» կարողանում է խաղալ ու հաղթել, արդեն մեծ առաջընթաց է»,- ասաց նա:

Մասնագետը նշում է, որ իրենք շատ կցանկանային, ինչպես նախկինում, տնային հանդիպումներն անցկացնել Կապանի մարզադաշտում: Այդ մարզադաշտը չի համապատասխանում Հայաստանի ֆուտբոլի ֆեդերացիայի ստանդարտներին ու չի կարող խաղեր հյուրընկալել: Սեփականատեր Գագիկ Օհանջանյանի հետ էլ համաձայնության գալ չի հաջողվում:

«Ղեկավարությունն ամեն օր այդ ուղղությամբ աշխատում է, բայց դա միայն մեր ղեկավարության խնդիրը չէ: Կառավարությունը պետք է մտածի այդ մասին, ֆեդերացիայի նախագահը պետք է այդ մասին մտածի: Մեր նախագահն ուզում է (խմբ. Սյունիքի նախկին մարզպես Վահե Հակոբյանը): Գիտեք՝ ինչքան աշխատանք էր տանում, երբ մարզպետ էր: Կարծում եմ՝ շատ էր ցանկանում, որ այդ հարցը լուծվեր, որ վերադառնայինք Կապան, բայց չի ստացվում: Կապանում ինչպես էլ խաղանք, մեր արդյունավետությունը 30-40% կավելանա, մեր համակիրներն այնտեղ են... իհարկե շատ լավ կլիներ»,- ասաց նա՝ ավելացնելով, որ Կապանի մարզադաշտում իրենք նաեւ գույք ունեն, որը չեն կարողանում վերցնել, քանի որ սեփականատերը փակել այն:

Մրցաշրջանի առաջին հատվածի անհաջողությունները Բասեղյանը միայն այսքանով չի բացատրում: Նշում է, որ նաեւ կադրային խնդիրներ են ունեցել: Սկզբում հարձակվող Գեղամ Հարությունյանը տեղափոխվեց Կարագանդայի «Շախտյոր», ապա առաջնության ընթացքում խմիչք օգտագործելու, կարգապահությունը խախտելու համար հեռացվեցին Վուկաշիմ Տոմիչն ու Ալեքսանդր Սվերչինսկին: Եղան նաեւ վնասվածքներ, նոր ֆուտբոլիստներին էլ ժամանակ էր պետք ադապտացվելու համար:

Ձմեռային տրանսֆերային պատուհանի ընթացքում ակումբի ղեկավարությունը մեծ ուշադրություն է դարձնելու թիմը համալրելու վրա, քանի որ նաեւ բազմաթիվ հեռացողներ են եղել: Գնացել են Վարդան Պողոսյանը, Հայկ Իշխանյանը, Դրիսա Դիարասուբան, Ալեքս Ջունիորը: Բարսեղյանը նշեց, որ «Շախտյորում» քիչ խաղաժամանակ ստանալու պատճառով Գեղամ Հարությունյանը որոշել է վերադառնալ՝ անկախ նրանից, որ աշխատավարձն այստեղ ավելի ցածր, եւ մարզիչներն էլ շարունակում են նոր ֆուտբոլիստներ փնտրել հատկապես պաշտպանության ու կիսապաշտպանության համար:

«Օդի պես մեզ պետք են ե՛ւ կիսապաշտպանությունում, ե՛ւ պաշտպանությունում: Ձախ կիսապաշտպան ընդհանարպես չկա»,- ասաց Բարսեղյանը:

Անկախ բարդ վիճակից՝ «Գանձասարը» շարունակում է իր առջեւ լուրջ նպատակներ դնել: Բարսեղյանը շեշտում է, որ մրցաշարային աղյուսակում թիմերը դասավորված են միավորների խտությամբ ու 2-րդ տեղում ընթացող «Բանանցին», որն ունի 29 միավոր, իրենք այնքան էլ շատ չեն զիջում: Ընդգծում է, որ պայքարելու են եվրագավաթային տեղերի համար:

«Անպայման: Քանի դեռ ունենք շանսեր, պետք է պայքարենք: Ամեն խաղին դաշտ ենք դուրս գալու հաղթելու ակնկալիքով»,- ասաց նա:

«Գանձասարը» մարզումները վերսկսել է այսօրվանից՝ դեկտեմբերի 8-ից: Խաղացողները 1 շաբաթ մարզվելու են Երեւանում, այնուհետեւ կգնան Կապան, որից հետո եւս 1 շաբաթ կմնան Երեւանում ու փետրվարի 13-ին 2 շաբաթով կմեկնեն Անթալիա: Այնտեղ ստուգողական 4 հանդիպում կանցկացնեն: Փետրվարի 27-ին կվերադառնան: ՀՀ Բարձրագույն խմբի 2-րդ հատվածը կսկսեն մարտի 6-ին: 21-րդ տուրի շրջանակներում «Գանձասարը» կհյուրընկալի «Ալաշկերտին», որն այս պահին 17 խաղից հետո 33 միավորով առաջնության միանձնյա առաջատարն է:

Տպել
1069 դիտում

Հուլիսի 8-ին կիրականացվեն «Ձյունիկ սառնարան»-ի շենքի պայթեցման աշխատանքներ. փակ կլինեն փողոցներ

Առանց դիմակների ու առանց սոցիալական հեռավորության կյանք․ պատվաստանյութ կլինի

Երեւանի 3 դպրոցներ կառուցվում ու բարեկարգվում են. աշխատանքները կավարտվեն մինչեւ տարեվերջ

ԿԳՄՍ նախարարն Արցախում է. նախագահի հետ միասին քննարկել են կրթության ոլորտին առնչվող հարցեր

Մարտի 16-ից մինչեւ արտակարգ դրության ավարտը վավերականության ժամկետը լրացած անձնագրերը կհամարվեն վավեր

Ռ. Քոչարյանին ազատ արձակելուց հետո դատավոր Արսեն Նիկողոսյանին սպառնալու փաստով նյութեր են նախապատրաստվում

ԱԻՆ ջրափրկարարները վերսկսել են արդեն 11 օր կորած քաղաքացու ստորջրյա որոնողական աշխատանքները

Պետք է զգույշ լինենք, եթե վարակվել ու լավացել ենք, 100% երաշխիք չէ, որ երկրորդ անգամ չենք վարակվի․ Արսեն Թորոսյան

Նախագահի պասիվ դերակատարումը կասկածների առիթ է տալիս. Արման Բաբաջանյան

Մեկնարկում է Հայաստանում աշնանացան ցորենի արտադրության խթանման պետական աջակցության ծրագիրը

3 արջերը շարունակում են տանջվել Սիսիանի Resort MJA հանգստյան գոտում․ «Daily mail» (լուսանկարներ)

«Միասին երեխաների համար» խորագրով բարեգործական համերգի շրջանակում հավաքվել է 4,6 միլիոն դրամ

Սահմանադրական դատարանի նիստը չկայացավ քվորումի բացակայության պատճառով

Սոցփաթեթների գումարները տնօրինելու համար առաջարկվում է պարտադիր չհամարել բուժզննում անցնելը

Վերաքննիչ դատարանում սկսվել է Գագիկ Ծառուկյանի խափանման միջոցի վերաբերյալ բողոքների քննությունը

Ստեփանակերտում կորոնավիրուս է հաստատվել 1 քաղաքացու մոտ. պացիենտներից մեկի վիճակը ծանր է

Հաստատվել է կորոնավիրուսի 349 նոր դեպք, գրանցվել՝ 12 մահ, կա 605 առողջացած

Քիմ Քարդաշյանն իր միլիոնավոր հետեւորդներին կոչ է արել օգնել հայկական փոքր բիզնեսին

Սպիտակ Տան մամուլի խոսնակն իր խոսքում արտաբերել է «Հայոց ցեղասպանություն» եզրույթը (տեսանյութ)

Մարտի 1-ի իրավահաջորդները միջնորդություն են ներկայացրել ՍԴ՝ Քոչարյանի գործի քննությանը մասնակցելու անհնարինության մասին