Տարածական կառավարում. գնա՞լ, թե՞ չգնալ

03/02/2019 schedule22:35

Տպագրվել է «Հայկական Ժամանակ» օրաթերթի՝ 2006 թվականի փետրվարի 2-ի համարում

Հանրապետության հրապարակում գտնվող կառավարական երկրորդ մասնաշենքի 5-րդ հարկում կապիտալ վերանորոգման աշխատանքներ են ընթանում: Ներկայումս կանգուն են մնացել միայն այդ հարկի աշխատասենյակների պատերը. մնացած ամեն ինչ հիմնովին փոփոխվում է: Վերանորոգման աշխատանքների ավարտից հետո այստեղ է տեղափոխվելու տարածքային կառավարման նախարարությունը: Բայց՝ առանց նախարարի: Տարածքային կառավարման նախարար Հովիկ Աբրահամյանը չի պատրաստվում լքել կառավարության շենքում՝ վարչապետի աշխատասենյակի հարեւանությամբ տեղակայված իր ներկայիս աշխատասենյակը: Համենայնդեպս, մեր հարցին ի պատասխան, թե  Հովիկ Աբրահամյանը տեղափոխվելո՞ւ է կառավարական 2-րդ մասնաշենք, ՏԿ նախարարության աշխատակազմի ղեկավար Կարեն Իսախանյանը ասաց, որ նախարարի աշխատասենյակը մնալու է կառավարության շենքում:

Հունվարի սկզբին էլ կառավարության աշխատակազմի ղեկավար Մանուկ Թոփուզյանն էր մեր թղթակցին ասել, թե Հ.Աբրահամյանը շարունակելու է աշխատել իր ներկայիս աշխատասենյակում: Սա թերեւս աննախադեպ օրինակ է մեր ողջ կառավարման համակարգում, երբ նախարարության աշխատակազմը պետք է գտնվի այլ շենքում, իսկ նախարարը այդ կառույցի աշխատանքը ղեկավարի մեկ այլ շենքից: Թե ինչով է հիմնավորվում կառավարչական այս «նոու-հաուն», որեւէ բացատրություններ կամ հիմնավորումներ չեն տրվում: Իսկ ամենահավանական եւ իրական վարկածը կապվում է Հովիկ Աբրահամյանի հավակնությունների հետ: Փոխվարչապետի պաշտոն նախատեսող նոր Սահմանադրության ընդունումից հետո Աբրահամյանը համարվում է փոխվարչապետի ամենահավանական թեկնածուն, որը, բնականաբար, ցանկանում է միշտ իր աչքով հետեւել կառավարության անցուդարձին:

Սակայն զուտ տեխնիկական առումով տարածքային նախարարության գործունեությունն ուղղակի կարող է կաթվածահար լինել: Փորձը ցույց է տալիս, որ Հայաստանում միջին վիճակագրական նախարարը օրական մի քանի տասնյակ փաստաթղթեր է ստորագրում: Իսկ դա այն սակավաթիվ «աշխատանքներից» է, որը նախարարը պետք է անի անձամբ եւ չի կարող որեւէ տեղակալի կամ օգնականի հանձնարարել: Այսինքն` նոր մասնաշենք տեղափոխվելուց հետո ՏԿ նախարարության պերսոնալի աշխատանքի ֆիզիկական ծանրաբեռնվածությունը մի քանի անգամ ավելանալու է, քանի որ որեւէ փաստաթուղթ ստորագրելու համար նրանք ստիպված են լինելու Հանրապետության հրապարակի մի ծայրից մյուսը վազել: Ինչեւէ, Հ. Աբրահամյանի` կառավարության 2-րդ մասնաշենք չտեղափոխվելու ցանկությունը կապվում է նրա քաղաքական ազդեցության հետ:

Այնուամենայնիվ, բացառված չէ, որ ինչ-որ իրավիճակում Հովիկ Աբրահամյանը տեղափոխվի նոր մասնաշենք: Թերեւս նաեւ այդ հանգամանքով է պայմանավորված կառավարության 2-րդ մասնաշենքի 5-րդ հարկի հիմնանորոգումը: Հիշեցնենք, որ մինչեւ վերանորոգումը այդ տարածքում էր գտնվում կառավարությանն առընթեր Պետական գույքի կառավարման վարչությունը, որը նախորդ տարեվերջից տեղափոխվել է Տիգրան Մեծի պողոտայում գտնվող «Հանարդնախագիծ» ԲԲԸ-ի շենք: Իսկ տարածքային կառավարման նախարարության նոր տարածքը վերանորոգվում է համաձայն կառավարության` 2005թ. հուլիսի 14-ի որոշման, ըստ որի կառավարության պահուստային ֆոնդից 188 մլն դրամ է հատկացվել վերանորոգման աշխատանքների իրականացման համար:

Սակայն կառավարության մեկ այլ որոշումից կարելի է ենթադրել, որ Հովիկ Աբրահամյանն, այնուամենայնիվ, վերջնականապես չի բացառում տեղախոխվելու հնարավորությունը, եւ որպեսզի դա որպես թուլություն չընկալվի, հավելյալ քայլեր է ձեռնարկում: Մասնավորապես` կառավարության 2005թ. դեկտեմբերի 15-ի N 2109-Ն որոշմամբ կառավարական 2-րդ մասնաշենքի վերանորոգման համար լրացուցիչ 112 մլն դրամ է հատկացվել: Այսինքն` տարածքային կառավարման նախարարությունը այս գումարներով թերեւս ենթարկվելու է եվրո-եվրո վերանորոգման: Այսինքն` իր տեղափոխումը Հովիկ Աբրահամյանը կարող է արդարացնել նրանով, որ իր նոր աշխատասենյակը բոլոր նախարարական սենյակներից ամենաեվրովերանորոգվածն է:

Ընդ որում, այդ աշխատասենյակը դեռեւս խորհրդային տարիներից համարվում է ամենալավ տեսարան ունեցող աշխատասենյակներից մեկը. այնտեղից ուղիղ տեսարան է բացվում Հանրապետության հրապարակի վրա: Մի խոսքով, մի քանի ամիս հետո պարզ կլինի` արդյո՞ք սուպերնախարարի համարում ունեցող Հովիկ Աբրահամյանը կտեղափոխվի սուպերվերանորոգված նոր աշխատասենյակ, թե՞ կշարունակի պահպանել վարչապետին ամենամոտը գտնվող իր աշխատեսնյակը: Այս դեպքում, սակայն, տարածքային կառավարումը կփոխարինվի «տարածական կառավարմամբ»:

Գառնիկ Գեւորգյան

Տպել
1703 դիտում

Առողջապահության նախարարն այցելել է «Սուրբ Գրիգոր Լուսավորիչ» բժշկական կենտրոն

Փրկարարները դուրս են բերել փոսն ընկած ավտոմեքենան

Բակո Սահակյանը Ստեփանակերտում մասնակցել է Սուրբ Հարության տոնի սուրբ պատարագին

Շրի Լանկայում Զատիկի տոնակատարության ժամանակ պայթյուններ են որոտացել, 160 մարդ է զոհվել (լուսանկարներ)

Սուրեն Պապիկյանն ու մարզպետները Կապանում այցելել են «Լամաքս» ընկերության արտադրամասեր

ՀՀ տարածքում կան փակ և դժվարանցանելի ավտոճանապարհներ. Լարսի ՌԴ կողմում կուտակվել է 100 բեռնատար

Հայ առաքելական եկեղեցին այսօր տոնում է Զատկի կամ Հիսուս Քրիստոսի հրաշափառ Հարության տոնը

Կաթողիկոսի առաջնորդությամբ Մայր Աթոռի միաբանությունը Սուրբ Գայանե վանքում մասնակցել է ճրագալույցի պատարագին

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ