ՀՀ-ում կստեղծվի մեծ կոկորդիլոսաբուծարան. գործարարը աֆրիկյան երկրներից ներմուծելու է կոկորդիլոսի ձվեր

04/02/2019 schedule13:52

Հայաստանցի գործարարը Տանզանիայից, Քենիայից և աֆրիկյան այլ պետություններից Հայաստան է ներմուծելու կոկորդիլոսի ձվեր: Կոկորդիլոսները սկզբում կլինեն Դաշտավան համայնքում կառուցվող հանգստյան, ժամանցի գոտում, այնուհետև կստեղծվի մեծ կոկորդիլոսաբուծարան:

«Արմենպրես»-ի հաղորդմամբ՝ այս մասին լրագրողների հետ հանդիպմանը ներկայացրեց նախաձեռնության եղինակ «Արմոն» ընկերության հիմնադիր, երկրաբան Խաչատուր Սարգսյանը:

«Մենք ներկրելու ենք կոկորդիլոսի ձուն, որի մեկ հատն արժե 400 դոլար: Դրանք բերելու ենք բուծարանից, աշխատում ենք 3-4 տարբեր բուծարանների հետ՝ Տանզանիայում, Քենիայում, Ուգանդայում, Զամբիայում: Այնուհետև բերելու ենք նեղոսյան կոկորդիլոսներ: Նպատակը  Արարատի մարզի Դաշտավան գյուղում զբոսաշրջային վայր ստեղծելն է: Այնտեղ, կոկորդիլոսներից բացի, լինելու են նաև ընտանի կենդանիներ, հավեր, սագեր, բադեր: Այգին բաղկացած է լինելու 31 ենթակառուցվածքից, և կոկորդիլոսի բուծարանն այդ ենթակառուցվածքներից մեկն է: Այգում լինելու են ենթակառուցվածքներ երեխաների համար, խաղահրապարակ, շների խաղահրապարակ, ալիքային լողավազան, բացօթյա ֆիտնեսի համար պայմաններ, հեծանվաուղիներ»,-ասաց Սարգսյանը:

Անդրադառնալով հարցին, թե ինչու են ընտրել հենց կոկորդիլոսներ՝ նա ասաց, թե կարծում է, որ դրանք զբոսաշրջիկների համար գրավիչ կլինեն: «Մենք հիմնականում շեշտը դնում ենք զբոսաշրջիկների վրա: Յուրաքանչյուր 10 զբոսաշրջիկից երկուսը կգան այնտեղ իրենց հանգիստն անցկացնելու համար: Նման բան գոյություն չունի ողջ տարածաշրջանում»,- նշեց ընկերության հիմնադիրը:

Կոկորդիլոսներ ներմուծելու համար ընկերությունը ՀՀ տնտեսական զարգացման և ներդրումների նախարարություն է դիմել դեռ նախորդ իշխանությունների օրոք: «Մեզ տարածք առաջարկեցին Տավուշի մարզում, սակայն այն մեզ չէր հետաքրքրում: Հետո մենք նամակներ ուղարկեցինք Արմավիրի և Արարատի մարզեր: Արարատի մարզպետից անմիջապես պատասխան ստացանք և հանդիպեցինք: Նրանք մեզ առաջարկեցին մի շարք տարածքներ, ընտրեցինք մեկը Դաշտավան համայնքում, համայնքի ներկայացուցիչների հետ ունեցանք քննարկում: Հողը դեռ չենք գնել, պետությունը մեզ ոչինչ չի տալիս: Մեզ պետությունից ոչինչ հարկավոր չէ, սա մասնավոր բիզնես է: Մենք գնելու ենք 30 տարուց ավելի անմշակ մնացած 20-25 հա տարածք»,-ասաց Սարգսյանը:

Նա նաև շեշտեց, որի Պետական եկամուտների կոմիտեի հետ որևէ խնդիր չունեն: «Խնդիր է միայն կոդը: Քանի որ սա առաջին դեպքն է, որ կոկորդիլոս ենք բերելու Հայաստան, ՊԵԿ-ը չունի դրա համար համապատասխան կոդը։ Սակայն արդեն ՊԵԿ-ի հետ ճշտել ենք, թե կոկորդիլոսներն ինչ կոդով պետք է ներկրենք: Պարզ դարձավ, որ եթե ձու ենք ներկրելու, լինելու է թռչունի անվան տակ, իսկ եթե կենդանի կոկորդիլոս, ուրեմն կենդանու անվան տակ»,- ասաց Սարգսյանը:

Ծրագիրը, հավանաբար, կսկսվի մարտի 1-ից: Նախատեսվում է ամբողջությամբ ավարտին հասցնել 5 տարվա ընթացքում: Նախաձեռնության հեղինակները նպատակ ունեն հետագայում օգտագործել նաև կոկորդիլոսի կաշին: Սակայն դրա համար դեռ 7-10 տարի ժամանակ է պետք։ Կաշվի վերամշակման գործարան կստեղծվի Գյումրիում:  Սարգսյանը նշեց նաև, որ ծրագրի իրագործման արդյունքում նախատեսում են 300-500 աշխատատեղ ստեղծել:

Տպել
2295 դիտում

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին