Մեզ այդ պատասխանը բավարար էր. Փամբուխչյանը` Կալաշնիկովի հետ հանդիպման մասին

Վերջերս Հայաստանում էր ՌԴ Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի ղեկավար Լեոնիդ Կալաշնիկովը: Նա մի շարք հանդիպումներ ունեցավ Երեւանում, հանդիպեց նաեւ ՀՀ ԱԺ նորաստեղծ` տարածաշրջանային եւ եվրասիական ինտեգրման հարցերի մշտական հանձնաժողովի անդամների հետ:

Հանդիպման ժամանակ անդրադարձ է կատարվել նաեւ Ռուսաստանի բիզնես ոլորտում հայկական վարորդական իրավունքով աշխատելու արգելքին եւ Կալաշնիկովը նշել է, որ այդ հարցը կարելի է լուծված համարել եւ արգելքը կչեղարկվի:

«Պարոն Կալաշնիկովն ասել է, որ հարցի լուծման համար մնացել են շատ քիչ պրոցեդուրաներ»,- այս մասին «Հայկական ժամանակ»-ի հետ զրույցում ասաց ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Արմեն Փամբուխչյանը:

- Պարոն Փամբուխչյան, ՌԴ-ում` բիզնես ոլորտում հայկական վարորդական իրավունքով աշխատելու արգելքը չեղարկելու պայմանավորվածությունը Կալաշնիկովի հետ ե՞րբ է եղել եւ ո՞ր կառույցն է այս հարցի վերաբերյալ աշխատանքներ իրականացրել` ԱԺ-ն, թե կառավարությունը:

- Եթե չեմ սխալվում, այդ քննարկումները գնացել են նոր իշխանության ժամանակ: Մենք այդ հարցը բարձրացրել ենք նրանց մոտ, իրենք ասել են, որ շատ քիչ է մնացել այդ հարցի լուծմանը, «կարող եք համարել, որ ձեր վարորդների հարցը լուծվել է», այսպես են ասել:

Մի քանի օր առաջ տեղի ունեցած հանդիպման ընթացքում մի շարք հարցեր են հնչեցվել, որը նաեւ ուղիղ կապ է ունեցել ինտեգրացիոն բնագավառի գործունեությունների հետ: Դրանցից մեկը եղել է մեր վարորդների վարորդական իրավունքների հարցը, ինչին ի պատասխան էլ պարոն Կալաշնիկովն ասել է, որ հարցի լուծման համար մնացել են շատ քիչ պրոցեդուրաներ:

- Ինչո՞ւ ժամկետներ չեն նշվում, թե կոնկրետ երբ այդ արգելքը կվերացվի:

- Ժամկետներ չենք կոնկրետացնում, քանի որ այնտեղ որոշ բյուրոկրատական գործողություններ կան, որ պետք է կատարվեն, երեւի թե դա է պատճառը, որ իրենք հստակ ժամկետ չեն ասում: Մեզ այդ պատասխանը բավարար էր, քանի որ ի վերջո մեր խնդիրն այնտեղ դրական լուծում է ստացել:

- Իսկ այդ խնդիրն ունեցող քաղաքացիների թիվը շա՞տ էր:

- Քանակը չգիտեմ: Հաշվի առնելով, որ աշխատանքի նպատակով մեկնողները մեծ մասամբ գտնվում են Ռուսաստանի Դաշնությունում, կարծում եմ, այդ թիվը բավականին շատ է:

- Բանակցությունների ընթացքում Լարսի ճանապարհին էլ է անդրադարձ կատարվել, մանրամասներ կարո՞ղ եք ներկայացնել:

- Դե իրենք էլ գիտեին, որ մենք ունենք միայն Լարսի ճանապարհ եւ այդ ճանապարհով ինտեգրացիոն գործընթացները ունենում են խոչընդոտներ թե՛ առեւտրաշրջառության մեջ, թե՛ զբոսաշրջության մեջ եւ թե այլ ոլորտներում: Ես ներկայացրել եմ, որ մենք ծովային օրենսդրություն ստեղծելու նպատակ ունենք եւ ծովը դիտարկում ենք որպես Հայաստանի այլընտրանքային ճանապարհը: Իրենք հայտնել են, որ մեզ կօգնեն ցանկացած հարցում:

- Կարող ե՞նք արձանագրել, որ նորաստեղծ հանձնաժողովը արդեն կարողացել է ինտեգրվել եւ արտաքին կապերը ամրապնդել:

- Ամեն դեպքում ինտենսիվ աշխատում ենք, որ այս նորաստեղծ հանձնաժողովն իրոք ծառայի իր նպատակին: Եւ մեր հիմնական առաքելությունը հենց այս շփումներն ու այն հարցերն են, որոնք առկախված են եւ դանդաղ են առաջ գնում: Մենք այդ բոլոր հարցերը կբարձրացնենք եւ կփորձենք ինտեգրացիոն գործընթացները էլ ավելի լավացնել կամ հասցնել իրենց տրամաբանական ավարտին:

Հիշեցնենք, որ Ռուսաստանում 2017 թվականի հուլիսի 1-ից գործում են «Ճանապարհային երթեւեկության անվտանգության մասին դաշնային օրենքում» կատարած փոփոխությունները։ Փոփոխությունների համաձայն` արգելվում է աշխատանքի վերցնել օտարերկրյա վարորդական իրավունք ունեցող քաղաքացիների։

Տպել
945 դիտում

Զենքն անզգուշությամբ մաքրելիս Ուկրաինայի Գերագույն ռադայի պատգամավորը մահացել է

Սարգսյանն առաջարկում է փակել հիմնադրամի հաշվին խաղադրույք կատարող Վարդանյանի էջը, վերջինս արձագանքել է (տեսանյութ)

Քաղսի համայնքի երեխաներն իրենց ձեռքով իրենց համար ֆուտբոլի դարպաս են սարքել (լուսանկարներ)

Մխիթարյանը մեղրամիսն անցկացնում է Մալդիվներում

Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին

Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Որդիս ինչո՞ւ սպանվեց, բա ես ի՞նչ անեմ հիմա, ասեք. մարտի 1-ի զոհերից Տիգրան Աբգարյանի մայրը՝ դատարանում

Երանի կտայի, որ իմ որդին խփվեր Ղարաբաղում, ոչ թե Հայաստանի կենտրոնում. Վաչագան Ֆարմանյան

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 45 պատգամավոր

Արցախում գնդիկաբեկորային ավիառումբի պայթյունից քաղաքացի է տուժել

Կոնդի Սուրբ Հովհաննես եկեղեցու հետևում 2 մետաղական տնակներ են այրվում (տեսանյութ)

Արտահանման ծավալների նվազումը տագնապահարույց է, բայց կառավարության ջանքերն իրենց երկար սպասեցնել չեն տա․ ֆիննախ

Ի՞նչն էր խանգարում Ռոբերտ Քոչարյանին, մի հատ հրաման արձակեր, ասեր՝ չկրակեք ժողովրդի վրա. Սարգիս Քլոյանի ելույթը

Դեմոկրատներին տված յուրաքանչյուր ձայնը քվե կլինի ծայրահեղ սոցիալիզմին ու ամերիկյան երազանքի ոչնչացմանը. Թրամփ

Սառա Անջարգոլյանը նշանակվել է սփյուռքի գործերի գլխավոր հանձնակատարի գրասենյակի ղեկավար

Հացադուլ հայտարարած Վահե Մելոյանի գիտակցությունը պարզ է, կողմնորոշումը՝ բավարար

Արքայազն Ուիլիամին ուղեկցող ոստիկանը վթարի է ենթարկել 83-ամյա կնոջը. վերջինիս վիճակը ծանր է

2 տարում մեղադրյալի 26-ամյա որդու բանկային հաշիվներին շուրջ 18 մլն դոլարին համարժեք դրամի մուտք է եղել. գլխավոր դատախազ

Պետբյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով․ Բաբկեն Թունյանը՝ ֆինանսների նախարարին

Մանվել Գրիգորյանի հետ առնչվող սրճարանի տարածքի վարձակալը հրաժարվել է 6 մլն դրամ վարձավճար վճարելուց