Երևան
21 °C
Տպագրվել է «Հայկական Ժամանակ» օրաթերթի՝ 2006 թվականի մարտի 21-ի համարում
ՀՀ դատախազությունը առաջիկայում էական փոփոխությունների կենթարկվի, եւ այս հարցը արդեն մտել է ՀՀ իշխանության անելիքների օրակարգ: Սպասվող փոփոխությունների արդյունքում դատախազությունը կարող է զրկվել իր հիմնական գործառույթներից մեկից` նախաքննություն իրականացնելու լիազորությունից: Ներկայումս մի շարք ծանր հանցատեսակների մասով նախաքննություն իրականացնելու լիազորությունը տրված է դատախազությանը: ՀՀ վճռաբեկ դատարանի նախագահ Հովհաննես Մանուկյանը մեզ հետ զրույցում չժխտեց դատախազության լիազորությունների շրջանակի փոփոխման հեռանկարի իրատեսական լինելը:
Ավելին, դեռեւս մեկ ամիս առաջ Ռոբերտ Քոչարյանի ստորագրած կարգադրությամբ ստեղծվել է դատաիրավական համակարգում անհրաժեշտ բարեփոխումների օրենսդրական փաթեթը նախապատրաստող հանձնաժողով, որի մեջ ընդգրկված է նաեւ Հովհաննես Մանուկյանը, եւ որը ղեկավարում է արդարադատության նախարար Դավիթ Հարությունյանը, որը հայտնի է նաեւ ՀՀ գլխավոր դատախազ Աղվան Հովսեփյանի հետ ունեցած փոխադարձ ատելությամբ: Ըստ վճռաբեկ դատարանի նախագահի, պատահական չէ, որ Սահմանադրության մեջ դատախազությունն ամրագրված է դատական իշխանության կազմում: «Այսինքն՝ այս մարմինը դատական իշխանության մասն է եւ կոչված է դատարաններին օգնել իրականացնել արդարադատություն` այնպես, ինչպես փաստաբանությունը»,- ասաց վճռաբեկ դատարանի նախագահը:
Հովհաննես Մանուկյանի դիտարկմամբ դատախազությանն առնչվող խնդիրները, որոնք անհրաժեշտ է լինելու լուծել համակարգային փոփոխությունների միջոցով, պետք է բխեն այն լիազորություններից, որոնք ՀՀ Սահմանադրությամբ տրված են այդ մարմնին: «Կարեւորագույն հարցերից մեկը դատախազության քննչական ապարատի խնդիրն է: Արդյո՞ք դատախազությունը կարող է ունենալ քննչական ապարատ եւ իրականացնել նախաքննություն, թե՞ ոչ: Արդյո՞ք նախաքննությունը դատախազությունից պետք է առանձնացվի, իսկ այս մարմինն իրականացնի Սահմանադրությամբ իրեն վերապահված գործառույթները` վերահսկողությունը նախաքննության եւ հետաքննության նկատմամբ»,- շարունակելով դատախազության՝ Սահմանադրությամբ ամրագրված լիազորությունների թեման՝ ասում է Հովհաննես Մանուկյանը:
Դատախազության լիազորությունների հստակեցման շրջանակում խոսվում է նաեւ քրեական գործ հարուցելու եւ քրեական հետապնդում իրականացնելու հասկացություններն ու դրանից բխող գործառույթներն իրարից տարանջատելու եւ հստակեցնելու մասին: Ըստ վճռաբեկ դատարանի նախագահի, այդ հստակեցումից հետո հնարավոր կլինի տալ նաեւ այն հարցի պատասխանը, թե արդյո՞ք քրեական հետապնդում իրականացնելը դատախազության մենաշնորհն է, թե՞ ոչ: Հարկ է նկատել, որ քրեական գործ հարուցվում է փաստի առիթով, իսկ քրեական հետապնդումը հարուցվում է անձի նկատմամբ` կոնկրետ մեղադրանքի տեսքով: Այսինքն, քրեական հետապնդումը քրեական գործի հետեւանքն է: Ուստի, դատախազությունից նախաքննության լիազորությունը վերցնելով եւ քրեական հետապնդում հարուցելու մենաշնորհ տալով՝ փաստացի կարող է կոնկրետացվել այդ մարմնի վերահսկողական գործառույթի ձեւերից մեկը:
Ասել է թե՝ ենթադրվում է, որ դատախազությունը կունենա անձին մեղադրանք առաջադրելու եւ այդ մեղադրանքը դատարանում պաշտպանելու լիազորություն, բայց դա կարող է տեղի ունենալ միայն մեկ այլ մարմնի վարած հետաքննության եւ նախաքննության արդյունքում: Պարոն Մանուկյանը չմանրամասնեց, թե հատկապես ինչով է վատ դատախազության լիազորությունների ներկա շրջանակը, եւ ինչու է անհրաժեշտ այն բարեփոխել: Սակայն տվյալ դեպքում կարող ենք ասել, որ խնդիրը շատ հստակ է. նույն մարմինն, ի դեմս դատախազության, ներկայումս նախաքննություն իրականացնելով հանդերձ, համարվում է այդ գործընթացի օրինականությունը վերահսկողը, ինչն աբսուրդ է: Ինքնավերահսկողությունը միայն մեկ դեպքում կարող է արդյունավետ լինել՝ եթե գործ ունենք իդեալական ազնիվ մարդկանց հետ:
Թե որքանով կարող են դատախազության քննիչները եւ մյուս աշխատակիցները համարվել «իդեալական ազնիվ», կարծում ենք՝ կարիք չկա մեկնաբանել: Այնուամենայնիվ, եթե ոչ դատախազությունը, ապա այդ դեպքում ո՞ր մարմինը պետք է իրականացնի նախաքննությունը: Այս հարցը, բնականաբար, կարող է լուծվել երկու տարբերակով` նախաքննությունն ամբողջությամբ տրվում է ոստիկանությանը, կամ ստեղծվում է նախաքննություն իրականացնող նոր մարմին: Ըստ Հովհաննես Մանուկյանի, թե կոնկրետ որ տարբերակը կընտրվի՝ առանձին մարմնի ստեղծմա՞ն, թե՞ ոստիկանության լիազորությունների ընդլայնման, այդքան էլ էական չէ: Վճռաբեկ դատարանի նախագահի խոսքերով, որպես կանոն, նախաքննությունը շատ բնորոշ է ոստիկանությանը:
Նախաքննություն իրականացնող քննիչի գործողությունները պետք է զուգորդվեն անհրաժեշտ օպերատիվ հետախուզական միջոցառումներով: Եթե այդ երկու գործառույթները համատեղ չեն իրականացվում, ապա նախաքննությունը դառնում է անարդյունավետ: «Ես, որպես իրավաբան, կարծում եմ, որ չարժե տարանջատել նախաքննության համակարգը օպերատիվ հետախուզականից»,- նկատում է վճռաբեկ դատարանի նախագահը: Ի դեպ, Հովհաննես Մանուկյանի գնահատմամբ դատախազության ներկա գործառույթներից քաղաքացիական դատավարությունում պետական գույքային շահերի պաշտպանության հայց հարուցելու իրավունքն այժմ էլ շատ լավ է օրենսդրությամբ ներկայացված եւ այս մասով թերեւս փոփոխությունների անհրաժեշտություն դժվար թե առաջանա:
Ինչեւէ, դատաիրավական համակարգում սպասվող փոփոխությունները մոտ ժամանակներս օրենսդրական նախագծերի տեսքով կառարկայանան: Այդ նպատակով ստեղծված հանձնաժողովը դեռեւս գործնական քննարկումներ չի անցկացրել, բայց մյուս կողմից՝ ակնհայտ է, որ քննարկումները իրականացվում են արդեն իսկ պատրաստի մոտեցման շուրջ: Իսկ այն հանգամանքը, որ դատական համակարգի ղեկավար այրը արդեն իսկ հրապարակավ խոսում է մի մոտեցման մասին, ուստի ենթադրվում է, որ շուտով այն նաեւ կդառնա պաշտոնական քննարկումների առարկա:
Հ.Գ. ՀՀ Սահմանադրության գործող տարբերակի 103-րդ հոդվածը սահմանում է դատախազության լիազորությունները, դրանցում նախաքննություն իրականացնելու իրավունքի մասին խոսք չկա: Նախաքննության մասին նշված չի եղել նաեւ Սահմանադրության 103-րդ հոդվածի նախորդ տարբերակում: Սակայն այդ հանգամանքը չի խանգարել, որ դատախազությունը մի շարք հանցատեսակների մասով նախաքննություն իրականացնի: Ուստի, բացառված չէ, որ վերը բերված արմատական փոփոխության գաղափարը առաջ է քաշվել միջազգային կառույցների կողմից:
Վահագն Հովակիմյան
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ