Երևան
21 °C
«Սյունիք» ջրօգտագործման ընկերության (ՋՕԸ) մոտ 8 տասնյակ աշխատողներ դեռևս անցյալ տարվա հուլիսից աշխատավարձ չեն ստացել: Թե ինչպես է հնարավոր, որ 21-րդ դարում մարդիկ կարող են աշխատել ու ամիսներով աշխատավարձ չստանան, նախ փորձեցինք պարզել ջրային տնտեսության պետական կոմիտեից:
Ջրային տնտեսության պետական կոմիտեի նախագահի տեղակալ Միհրան Հովհաննիսյանը «Հայկական ժամանակ»-ի հետ զրույցում ներկայացրեց, որ ՋՕԸ-երը որոշակիորեն ինքնավար և անկախ մարմիններ են, որոնք ձևավորվում են ջրօգտագործողների կողմից։ Նրանք ընտրում են վարչական խորհուրդ` որպես ղեկավար մարմին, որն էլ նշանակում է ՋՕԸ տնօրենին, գլխավոր հաշվապահին, հաստատում իրենց ֆինանսական հոսքերը, ծախսերը, հաստիքացուցակը և այլն:
Հովհաննիսյանը հայտնեց, որ ՋՕԸ աշխատակիցնների աշխատավարձերի ուշացումներն ու չվճարման խնդիրները հիմնականում կապված են ընկերության անցած տարվա հավաքագրումները թերի կատարելու հետ: Ջրօգտագործողների կողմից վարձավճարները չեն վճարվել, ինչպես նաեւ պետությունը իր վրա է վերցրել սահմանամերձ Մեղրիի ոռոգման ջրի վճարի 50 տոկոսը, որն այս տարի չի կատարվել:
ՋՕԸ-երի եկամուտները գոյանում են պետական բյուջեից հատկացվող սուբսիդավորումից, ոռոգման ջրի մատակարարման դիմաց վճարումներից և անդամավճարներից: Պարզվում է, որ անցած տարվանից ՋՕԸ-երի եկամուտները սպասված մակարդակով չեն հավաքվել, որի պատճառով էլ գոյացել է ընկերության հսկայական պարտքը`աշխատավարձերի պարտքը ներառյալ:
«Սյունիք» ՋՕԸ-ին այս տարվա համար նախատեսված 166 մլն դրամ սուբսիդիայի գումարից մոտ 108 միլիոն դրամն արդեն հատկացվել է, մնացած մասը նախատեսվում է 2-րդ եռամսյակում` ապրիլ ամսին, բայց դա ընկերության համար հարցի լուծում չէ, քանի որ իրենք ունեն մոտ 75 մլն դեբիտորական պարտք, որ ջրօգտագործողները չեն վճարել»-ասաց Ջրային տնտեսության պետական կոմիտեի նախագահի տեղակալ Միհրան Հովհաննիսյանը:
Հովհաննիսյանը տեղեկացրեց նաև, որ ընկերությունն ունի մշտական ու սեզոնային աշխատողներ, որոնք ընդունվում են ոռոգման սեզոնը սկսվելուց և ազատվում՝ ավարտվելուց հետո: «7-8 ամիս աշխատավարձ չստանալը չի վերաբերում սեզոնային աշխատողներին, ովքեր սեզոնի վերջում ազատվել են աշխատանքից և եթե նրանց աշխատավարձը մինչև հուլիս-օգոստոս ամիսները չի վճարվել, դա նշանակում է, որ իրենց աշխատավարձը 7-8 ամիս է՝ չեն ստացել, այլ ոչ թե 7-8 ամսվա աշխատավարձ չեն ստացել»,-ասաց նա:
«Հայկական ժամանակ»-ը կապ հաստատեց նաև «Սյունիք» ՋՕԸ տնօրեն Սահակ Համբարձումյանի հետ: Վերջինիս խոսքով`ընկերությունը սպասարկում է մոտ 1500 հեկտար տարածություն, ունի մոտ 6 հազար բաժանորդ, ինչպես նաև ոռոգման ջրով սպասարկում է 40 և ավելի բնակավայրեր: Ջուր օգտագործող ընկերությունների՝ ՋՕԸ–երի ընդլայնումն է պատճառ հանդիսացել, որ մարզում միավորվել են Գորիսի, Սիսիանի, Մեղրիի ՋՕԸ–երը: Միավորումից հետո ընկերությունները հանդես են գալիս որպես մեկ ՋՕԸ՝ Սյունիք ՋՕԸ:
Մեր հարցին, թե ինչու՞ աշխատակիցների աշխատավարձերը 7-8 ամիս չեն վճարվել և արդյո՞ք աշխատավարձերի չվճարման և ուշացման պատճառներից մեկն էլ հենց ՋՕԸ–երի միավորումն է, տնօրեն Համբարձումյանը պատասխանեց. «Նախ երբ 2017 թ.-ի սկզբներին մեր ջրօգտագործման ընկերությունները կազմավորվել են, արդեն ունեցել ենք 5 ամսվա աշխատավարձի պարտք, բացառությամբ Ղափանի, մնացած ընկերություններն ունեցել են ե՛ւ աշխատարձերի պարտք, ե՛ւ հարկային պարտքերի կուտակումներ: Ընթացքում բավարար ֆինանսավորումներ չեն եղել, որ առաջացած ճեղքվածքը փակվի, դրան էլ գումարած այն, որ Մեղրու տարածքում որպես սահմանամերձ շրջան, ոռոգման ջրի դիմաց վճարի 50 տոկոսը փոխհատուցում է պետությունը, բայց անցյալ տարի մեր ՋՕԸ-ն այդ փոխհատուցումն էլ չի ստացել»:
ՋՕԸ տնօրեն Համբարձումյանը նաեւ հայտնեց, որ պետությունից «Սյունիք» ՋՕԸ-ին այս տարվա համար նախատեսված 166 մլն դրամ սուբսիդիայի գումարից արդեն հատկացվել է մոտ 108 միլիոն դրամը. «108 մլն դրամն արդեն հատկացվել է, որից 75 մլն էլեկտրաէներգիայի պարտք է մարվել, 15 մլն հատկացվել է հարկային պարտականությունները կատարելուն, ինչպես նաև աշխատավարձեր ենք տվել»:
Ըստ Համբարձումյանի՝ 2018 թվականի դրությամբ կուտակված 50 միլիոնը գերազանցող պարտքը արդեն 10 մլն-ի չափով նվազել է: Աշխատակիցներն արդեն 1 ամսվա աշխատավարձ ստացել են, կազմել ենք ժամանակացույց, որ առաջիկա 1-2 ամսում կուտակված պարտքը փակենք: Տնօրենի կարծիքով՝ խնդրի լուծման առաջնային օգնությունն այն կլինի, որ նախ, Մեղրիի տարածաշրջանի`անցյալ տարվա չստացած փոխհատուցման գումարը տրամադրվի, ոռոգման շրջանին ընդառաջ ջրօգտագործողները նախկին մատակարարումների դիմաց չմուծած վճարումները կատարեն:
Տնօրենից հետաքրքրվեցինք, թե ինչպես են տասնյակ մարդիկ համաձայնել այսքան երկար ժամանակ առանց աշխատավարձի աշխատել: Տնօրենի վստահեցմամբ՝ աշխատակիցների հետ խոսել են ըստ տեղամասերի՝ ներկայացրել իրավիճակը, նրանք էլ պատրաստակամություն են հայտնել ոռոգման աշխատանքները նորմալ իրականացնել:
«Աշխատանքները ընթացքի մեջ են, իսկ ներքին գոտիներում արդեն սկսվել են գարնան նախապատրաստական աշխատանքները» - եզրափակեց տնօրեն Համբարձումյանը:
Օլյա Պետրոսյան
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ