Շուտով կանցկացվի կոնսերվատորիայի ռեկտորի թափուր պաշտոնի մրցույթ. հերթում եւս երկու բուհ է

Հայաստանյան բուհերից երեքում ռեկտորի փոփոխությունից հետո թափուր պաշտոնի մրցույթ դեռեւս չի անցկացվել: Նախատեսվում է, որ դրանք տեղի կունենան մայիսի կեսից սկսած:

Երեւանի Կոմիտասի անվան պետական կոնսերվատորիան, Թատրոնի եւ կինոյի պետական ինստիտուտը, Հայաստանի պետական տնտեսագիտական համալսարանը դեռ նախորդ տարվա վերջից ղեկավարում են ռեկտորների պաշտոնակատարները:  

Կրթության եւ գիտության նախարարության անձնակազմի կառավարման վարչության պետ Ռուզաննա Գրիգորյանից տեղեկացանք, որ Կոնսերվատորիայի ռեկտորի թափուր պաշտոնի մրցույթը կհայտարարվի մոտակա օրերին: «Նախարարից այդպիսի հանձնարական ունեմ»,- ասաց նա: Բուն մրցույթը կլինի արդեն մայիսին:

Սպասվում է, որ հաջորդիվ կանցկացվի Թատերական ինստիտուտի ռեկտորի թափուր պաշտոնի մրցույթը, ապա՝ փոքր ինչ-ուշ՝ նաեւ տնտեսագիտականի: Վերջինս ղեկավարող Ռուբեն Հայրապետյանի հետ կապ հաստատել մեզ չհաջողվեց: Թատերական ինստիտուտի ռեկտորի ժամանակավոր պաշտոնակատար Լիլիթ Արզումանյանը միայն ասաց, որ պատրաստվում է առաջադրվել նախանշվող ընտրություններում՝ պաշտոնավարման այս ամիսների ընթացքում իրականացրած աշխատանքների ու ապագային վերաբերող ծրագրերի մասին խոսակցությունը թողնելով հետագային:

Կոնսերվատորիայի ռեկտորի ժամանակավոր պաշտոնակատար Սոնա Հովհաննիսյանը նույնպես մտադիր է մասնակցել թափուր պաշտոնի հայտարարվելիք մրցույթին: Մեզ հետ զրույցում նա նաեւ անդրադարձավ այն փոփոխություններին, որոնք արդեն իրականացվել են բուհում եւ որոնք նախատեսվում են: Ի դեպ, կրթության եւ գիտության նախարարությունն այստեղ աուդիտ է անցկացրել: Ձեռնարկված փոփոխությունների մի մասը դրա արդյունքում ներկայացված պահանջների կատարումն են, ինչպես նաեւ բուհի միջազգայնացման գործընթացում ներկայացվող պայմանների:

«Նախ ասեմ, որ այնքան շատ գործ է արվել: Դրանք միայն իմ ջանքերը չեն, այլ նաեւ նորանշանակ պրոռեկտորների: Ամբողջ վարչական մասը օրնիբուն աշխատել է շատ ջանասիրաբար: Ճիշտն ասած՝ չեմ ուզում ինքս իմ արածները թվարկել, բայց կարծում եմ, որ ամենաէականը մեր ուսումնական եւ առարկայական ծրագրերի վերանայումն է եղել, որոնք, իհարկե, կսկսեն աշխատել նոր ուսումնական տարուց, քանի որ սա նախապատրաստական էտապ է»,- ասաց Սոնա Հովհաննիսյանը: Վերանայվել են նաեւ դասացուցակները, դասասենյակները որոշ չափով վերանորոգվել են, սննդի նոր կետ է բացվել, քանի որ նախկինը չէր համապատասխանում ներակայացվող պահանջներին:

«Հանդիպումներ ենք ունեցել Ճապոնիայի, Վրաստանի դեսպանների հետ: Ճապոնիայի դեսպանատան հետ երեկ արդեն սկսեցինք գործնական համագործակցություն երկու հիմնական ուղղություններով՝ պետք է մասնակցենք փոքրածավալ եւ մեծածավալ գրանտների մրցույթներին, որովհետեւ շենքը արտաքուստ բարեկարգ է, մի քանի կարեւոր բաներ արված են, եւ կա, գործում է ակուստիկ լաբորատորիան, բայց բազմաթիվ լսարաններ անմխիթար վիճակում են, ջրահեռացման բազմաթիվ խնդիրներ կան, որ հիմնանորոգումների կարիք է զգացվում: Ամբողջ շենքը հավասարաչափ չի ջեռուցվում, մի մասը հին լինելու պատճառով չենք կարողանում նորմալ տաքացնել, դրա մտահոգություններով ենք: Գալիք ընդունելության քննությունների ամբողջ համակարգն ենք մշակում, թե ինչպես պիտի լինի: Ես անպայման ուզում եմ, որ զրո կուրսերի հնարավորությունը վերադարձվի եւ այն ուսանողները, որոնք գալիս են առանց նախնական կրթության, անպայման երկու տարի նախապատրաստական կուրսեր անցնեն, նոր մտնեն կոնսերվատորիա, որովհետեւ այլապես, ճիշտ է, հարգվում է քաղաքացու իրավունքը, բայց այստեղ էլ տուժում է դասախոսի, պրոֆեսորի իրավունքը, որովհետեւ սա բուհ է եւ պետք է պատշաճ մակարդակ ունեցող ուսանողներ լինեն»,- շարունակեց ռեկտորի պաշտոնակատարը:

Նրա գործունեության ընթացքում բուհում իրականացվել են նաեւ կադրային ու կառուցվածքային որոշակի փոփոխություններ: Չորս պրոռեկտորներից երեքը փոխարինվել են: Մեկի փոփոխությունն էլ կլինի ապրիլի 1-ին: «Իհարկե այստեղ կան ցավոտ հարցեր: Մեր բոլոր նախկին պրոռեկտորները շարունակում են աշխատել եւ դասավանդել: Մենք նրանց համար հատուկ լրավճար ենք սահմանել, բայց միեւնույն է, կան դժգոհություններ, որոնք ես բնական եմ համարում, սակայն չէի կարող չարձագանքել աուդիտի եւ միջազգայնացման պահանջներին: Մենք հիմա պետք է միջազգայնացման նոր փուլ անցնենք: Առաջնորդվում ենք պրոֆեսիոնալ որակական փոփոխություններ արձանագրելու մղումով, ոչ մի անձնական խնդիրներ չկան: Բոլորովին չեմ ուզում այնպիսի տպավորություն ստեղծվի, որ նախկին պրոռեկտորները վատ են աշխատել կամ մենք ինչ-ինչ խնդիրներ ունենք: Ո՛չ, պարզապես ես կարծում եմ, որ իրենք բավարար ժամանակ ունեին, 10-ից ավելի տարի աշխատել են, եւ կարծում եմ, որ պարբերաբար փոփոխությունները շատ կարեւոր են բուհի համար: Դա վերաբերում է նաեւ ինձ: Մենք ունենք պաշտոնավարման սահմանափակ ժամանակահատված, բնական պետք է համարենք այս փոփոխությունները, չպիտի անձնավորված եւ ցավագին ընդունենք դրանք: Փոքր թե մեծ պաշտոնյա, բնական ընթացք պետք է լինի: Արդեն մեր մեջ պետք է մտնի այդ սովորական, ռիթմիկ փոփոխությունների անցնելու աշխատելաձեւը»,- կարծիք հայտնեց կոնսերվատորիայի ռեկտորի պաշտոնակատարը:

Զբաղեցրած պաշտոններից վերջին ամիսներին ազատվել են նաեւ այն ամբիոնների վարիչները, որոնք այդ ստորաբաժանումները ղեկավարել են 15, 20, 30 տարի: Սոնա Հովհաննիսյանն ասաց, որ աշխատանքից հեռացված դասախոսներ չեն եղել: Չբացառեց, սակայն, որ դա կարող է բնականորեն տեղի ունենալ հաջորդ տարի, քանի որ երաժիշտներից շատերն ունեն ընդամենը մեկ ուսանող:

Հ.Գ. Նյութը պատրաստ էր, երբ տեղեկացանք, որ նույն օրը հայտարարվել է Կոնսերվատորիայի ռեկտորի թափուր պաշտոնի մրցույթ: Այն կանցկացվի մայիսի 14-ին:

Տպել
3407 դիտում

Աննա Հակոբյանը նամակներ է ուղարկել Բրազիլիայի, ԱՄՆ-ի, Կանադայի ու այլ երկրների առաջին տիկիններին

3 շաբաթում աշխարհի 60 երկրներից Զինծառայողների ապահովագրության հիմնադրամին 4.5 միլիոն դոլար է նվիրաբերվել

ԱԻՆ-ի աշխատակիցներն ավելի քան 52.000.000 ՀՀ դրամ են փոխանցել համահայկական հիմնադրամին

Այսօր որոշ շրջաններում սպասվում են տեղումներ, ջերմաստիճանը կնվազի

Բանկերը կներեն մարտերում զոհվածների կամ հաշմանդամություն ստացածների որոշակի շրջանակի վարկային պարտավորությունները

ԵԱՏՄ երկրներից Հայաստան եկող բոլոր ռազմական եւ հումանիտար բեռները կազատվեն հարկային վճարումներից. ԱԺ-ն ընդունեց նախագիծը

Ադրբեջանի ԱԳ նախարար Ջեյհուն Բայրամովը մեկնել է Մոսկվա

Գազամատակարարման պլանային ընդհատումներ կլինեն Վանաձորում և Արարատի մարզում

Բժշկական անձնակազմն այս պահին երկու ուղղությամբ է «կռվում» տեսանելի և անտեսանելի թշնամու դեմ. ԱՆ խոսնակ

Միջազգային հանրությանն այլ տարբերակ չի մնա, քան Արցախի անկախությունը ճանաչելը. սենատոր Էդ Մարքի

Մոսկվայում տեղի կունենա Մնացականյան-Լավրով հանդիպումը. օրակարգում ԼՂ հակամարտությունն է

Կորոնավիրուսի նոր հակառեկորդ՝ 1836 դեպք 1 օրում. առաջին անգամ գրանցվել է 16-ամյա երեխայի մահ

75-ամյա Մարուսյա տատն ու Գառնիկ պապն իրենց կովը մորթել, վաճառել ու 100․000 դրամ են փոխանցել զինծառայողների հիմնադրամին

«Ճանաչե՛ք Արցախի անկախությունը»․ բողոքի ակցիա` ՀՀ-ում Գերմանիայի դեսպանատան դիմաց

Պարզվում է՝ մենք միջմայրցամաքային բալիստիկ «Յարս» հրթիռ ունեինք, բայց չգիտեինք. Ադրբեջանի հայտարարության մասին

Արմեն Սարգսյանը մեկնել է Բրյուսել. նախատեսված են մի շարք հանդիպումներ

Լուսադեմին Մարտակերտը հարակից գյուղերով նորից հայտնվել է թշնամու նշանակետում. ԱԻՊԾ

Խոցվել է հակառակորդի ինքնաթիռ. իրավիճակը հարաբերական կայուն-լարված է

Ջոն Հայրապետյանը նշանակվել է Երևան քաղաքի առաջին ատյանի ընդհանուր իրավասության դատարանի դատավոր

Չեխիայի հայերը ի պաշտպանություն Արցախի ստորագրահավաք են անցկացրել և դիմել Չեխիայի խորհրդարան