Ապրիլին հայ մարզիկները միանգամից 3 մարզաձեւերում կմասնակցեն Եվրոպայի առաջնությունների

2019-ի ապրիլը հայ մարզիկների համար Եվրոպայի առաջնությունների ամիս է: Հայաստանը կներկայացվի մինագամից 3 մարզաձեւերի Եվրոպայի առաջնություններում: Պայքարի մեջ կմտնեն ծանրորդները, ըմբիշները եւ մարմնամարզիկները: Հաշվի առնելով հավաքականներում ընդգրկված անունները՝ 3 մարեւզաձեւերում էլ մեդալների իրական հույսեր կան:

Այս մրցաշարերից առաջինը մեկնարկում է ծանրամարտի Եվրոպայի առաջնությունը: Այն անց է կացվելու Վրաստանում՝ Բաթումիում, ապրիլի 6-13-ը: Ինչպես նշված է Ծանրամարտի միջազգային ֆեդերացիայի պաշտոնական կայքում, ՀՀ կանանց ու տղամարդկանց հավաքականները հայտավորված են ընդհանուր առմամբ 16 մարզիկներով: Նրանց թվում են օլիմպիական արծաթեմեդալակիր, աշխարհի, Եվրոպայի չեմպիոն Սիմոն Մարտիրոսյանը (109 կգ), օլիպիական, աշխարհի, Եվրոպայի արծաթեմեդալակիր Գոռ Մինասյանը (+109 կգ), Եվրոպայի չեմպիոն Անդրանիկ Կարապետյանը (81 կգ):

Տղամարդկանց հավաքականում, բացի Մարտիրոսյանից ու Մինասյանից, հայտավորված են Արմեն Գրիգորյանը (73 կգ), Ռաֆիկ Հարությունյանը (81 կգ), Հակոբ Մկրտչյանը, Կարեն Ավագյանը, Դավիթ Հովհաննիսյանը (երեքն է 89 կգ), Սամվել Գասպարյանը, Սիմոն Մարտիրոսյանի կրտսեր եղբայր Արսեն Մարտիրոսյանը (երկուսն էլ 102 կգ), Ռուբեն Ալեքսանյանը, Վարազդատ Լալայանը (+109 կգ):

Կանանց պայքարին Հայաստանից կմասնակցի 4 հոգի: Նրանք են Իզաբելլա Յայլյանը (59 կգ), Լիանա Գյուրջյանը (76 կգ), Տաթեւ Հակոբյանը (87 կգ) եւ Արփինե Դալալյանը (+87 կգ):

Ծանրամարտից 2 օր հետո՝ ապրիլի 8-ին, կսկսվի ըմբշամարտի Եվրոպայի առաջնությունը: Այն կանցկացվի մինչեւ ապրիլի 14-ը Ռումինիայի մայրաքաղաք Բուխարեստում: Այստեղ կորուստներ կան թե հունահռոմեականների, եւ թե ազատոճայինների կազմերում: Հունահռոմեականներից ստուգատեսը բաց կթողնի օլիմպիական չեմպիոն, աշխարհի եռակի չեմպիոն Արթուր Ալեքսանյանը (97 կգ), որը նաեւ Եվրոպայի քառակի չեմպիոն է: Ազատոճայինները կմասնակցեն առանց Եվրոպայի բրոնզեմեդալակիր Վալոդյա Ֆրանգուլյանի (65 կգ): Այս 2 մարզիկներն էլ վնասվածքներ ունեին ու տեւական ժամանակ զբաղվել են դրանց բուժմամբ (երկուսն էլ սեփական գումարով): Ֆրանգուլյանը նույնիսկ ստիպված է եղել վիրահատության դիմել: Բացի այդ՝ հունահռոմեականներից լուրջ վնասվածք ունի Կարապետ Չալյանը (77 կգ), որի ապաքինման ժամկետները դեռ հստակ չեն: Նա այս շրջանում չի մարզվում:

Ամեն դեպքում հունահռոմեկանների ընտրանում տիտղոսակիրների պակաս չկա: Այնտեղ են օլիմպիական արծաթեմեդալակիր, աշխարհի, Եվրոպայի չեմպիոն Արսեն Ջուլֆալակյանը (77 կգ), աշխարհի, Եվրոպայի չեմպիոն Մաքսիմ Մանուկյանը (87 կգ), աշխարհի առաջնության բրոնզեմեդալակիր Արթուր Շահինյանը (97 կգ), Եվրոպայի բրոնզեմդալակիր Կարեն Ասլանյանը (67 կգ): Ազատոճայինների կազմում էլ ելույթ կունենան աշխարհի, Եվրոպայի չեմպիոն Դավիթ Սաֆարյանը (70 կգ), Եվրոպայի բրոնզեմեդալակիր Գրիգոր Գրիգորյանը (79 կգ):

Բացի այդ՝ հունահռոմեականներից ՀՀ-ն կներկայացնեն Ռուդիկ Մկրտչյանը (55 կգ), Գեւորգ Ղարիբյանը (60 կգ), Սլավիկ Գալստյանը (63 կգ), Հրանտ Կանաչյանը (72), Սարգիս Քոչարյանը (82 կգ), Դավիթ Օվասապյանը (130)։ Ազատոճայիններից ելույթ կունենան նաեւ Վաղինակ Մաթեւոսյանը (57 կգ), Արսեն Հարությունյանը (61 կգ), Վազգեն Թեւանյանը (65 կգ), Վարուժան Կաջոյանը (74 կգ), Հովհաննես Մխիթարյանը (86 կգ), Սարգիս Հովսեփյանը (97 կգ) եւ Անդրանիկ Գալստյանը (125 կգ):

Ըմբշամարտից 2 օր անց էլ՝ ապրիլի 10-ին, կմեկնարկի մարմնամարզության Եվրոպայի առաջնությունը, որը կանցկացվի մինչեւ ապրիլի 14-ը Լեհաստանում՝ Չժեցինում: Լուրջ վնասվածքից ապաքինվելուց հետո այնտեղ ելույթ կունենա Եվրոպայի արծաթեմեդալակիր Վահագն Դավթյանը: Կմասնակցեն նաեւ Եվրոպայի չեմպիոն, աշխարհի առաջնության բրոնզեմդալակիր Հարություն Մերդինյանը, Եվրոպայի արծաթեմեդալակիր Արթուր Դավթյանը, համաշխարհային ուսանողական խաղերի հաղթող Արթուր Թովմասյանը, Եվրոպայի երիտասարդների առաջնության արծաթեմեդալակիր Արթուր Ավետիսյանը, ինչպես նաեւ Վիգեն Խաչատրյանը:

Տպել
762 դիտում

Վարչապետ Նիկոլ Փաշինյանը մեկնում է Ջերմուկ

Թուրքիայից Հունասատան փախստականների հոսքը եռապատկվել է. Times

106 մարտական հաշվարկ և 5 օպերատիվ խումբ պայքարել են խոտածածկ տարածքներում բռնկված 99 հրդեհի դեմ

Արեւելյան բազար. կյանքը զաբոռից այս կողմ

Թացը չորից ջոկելու «հարցարվեստը». սոցհարցումների սեզոնը բացվեց

Թիավարության աշխարհի առաջնություն. հայ թիավարողները կիսաեզրափակչում են

Ամփոփում. երբ մարդը դառնում է 286 տարեկան

Մեր ժողովուրդը քիչ չի աշխատում, բայց աղքատ է, ինչո՞ւ, որովհետեւ անարդյունավետ է աշխատում. տնտեսագետ

Տավուշում տեղի ունեցած վթարից տուժած 11 զինծառայողները որևէ լուրջ վնասվածք չեն ստացել. Ա. Հովհաննիսյան

ԱՆ նախկին պաշտոնյաների ապօրինությունների հետևանքով պատճառվել է առանձնապես խոշոր չափի վնաս (տեսանյութ)

Արազ Օզբիլիսը հեռացել է թուրքական ֆուտբոլային ակումբից

Խոշոր ավտովթար Լոռու մարզում. Բախվել են Mersedes-ն ու Opel-ը. Կան վիրավորներ (լուսանկարներ)

Վթարի պատճառով 8 ժամ ջուր չի լինելու Նոր Նորքում

Մովսես գյուղում այրվել է մոտ 10 հա խոտածածկույթ. կրակը մարելուն օգնել է գյուղի 23 բնակիչ

Երևանում և 8 մարզում այսօր սպասվում են էլեկտրաէներգիայի պլանային անջատումներ

Շարուրի փողոցի բնակարաններից մեկում հայտնաբերվել է 46-ամյա տղամարդու դի

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում