Վաղը ՀՀ ազատոճայինները կպայքարեն ոսկե եւ բրոնզե մեդալների համար

Հայաստանի ազատ ոճի ըմբշամարտի հավաքականն առանց մեդալի չի վերադառնա Եվրոպայի 2019 թ. առաջնությունից: Վաղը՝ ապրիլի 10-ին, ոսկու համար կպայքարի Արսեն Հարությունյանը (61 կգ): 19-ամյա ըմբիշն այսօր կամային հատկանիշների շնորհիվ հասավ եզրափակիչ (լուսանկարում կարմիր մարզահագուստով):

Նա պայքարը սկսել էր որակավորման փուլից, որտեղ հաղթել էր ուկրաինացի Վոլոդիմիր Բուրուկովին (14-8): Հաջորդ գոտեմարտում՝ քառորդ եզրափակչում, բարդ պայքարում հաղթանակ տարավ Եվրոպայի բրոնզեմեդալակիր թուրք Ռեջեփ Թոփալի նկատմամբ: Գոտեմարտի ընթացքում հայտնվել էր պարտվողի դերում, սակայն ի վերջո հաղթեց (5-2):

Բարդ ստացվեց նաեւ կիսաեզրափակիչը: Առաջին մրցափուլից հետո 0-4 հաշվով զիջում էր Ռումինիան ներկայացնող Նիկոլայ Օխլոպկովին: 2-րդ մրցափուլում, սակայն, բարձր կամային հատկանիշներ դրսեւորեց ու հաղթեց (10-4): Վաղը եզրափակչում նրա մրցակիցը կլինի Եվրոպայի փոխչեմպիոն վրացի Բեկա Լոթմաձեն:

Բրոնզի համար կպայքարի 125 կգ քաշային Անդրանիկ Գալստյանը: Նա պայքարը սկսեց 1/8 եզրափակչում՝ հաղթելով լատվիացի Դմիտրիս Միխայլովսին (10-0): Հաջորդ գոտեմարտում, սակայն, զիջեց օլիմպիական չեմպիոն, աշխարհի կրկնակի, Եվրոպայի 5-ակի չեմպիոն թուրք Թահա Ագյուլին (8-1): Վերջինս հասավ եզրափակիչ, ու Գալստյանը վաղը կպայքարի բրոնզի համար: Սփոփիչ գոտեմարտում մրցակիցը կլինի ռումինացի Դանիել Չինտոնան:

74 կգ քաշային կարգում Վարուժան Կաջոյանը պարտվեց առաջին իսկ գոտեմարտում: Նա զիջեց վրացի Ավթանդիլ Կենթչաձեին, որն ավելի ուշ պարտվեց քառորդ եզրափակչում: 86 կգ քաշային կարգում հանդես եկող Հովհաննես Մխիթարյանը նույնպես պարտվեց առաջին իսկ գոտեմարտում: Նրա մրցակիցը հույն Գեորգիոս Սավուլիդիսն էր, որը պարտվեց հենց հաջորդ գոտեմարտում՝ 1/8 եզրափակչում: ՀՀ այս ներկայացուցիչները դուրս մնացի հետագա պայքարից:

Այսօր բրոնզ կարող էին նվաճել աշխարհի, Եվրոպայի չեմպիոն Դավիթ Սաֆարյանը (70 կգ) եւ մինչեւ 23 տարեկաննների Եվրոպայի չեմպիոն Վազգեն Թեւանյանը: Սաֆարյանը պարտվեց սփոփիչ գոտեմարտում, իսկ Թեւանյանը չներկայացավ վնասվածքի պատճառով:

Մրցաշարում ՀՀ-ն են ներկայացրել նաեւ Վաղինակ Մաթեւոսյանը (57 կգ), Գրիգոր Գրիգորյանը (79 կգ), Սարգիս Հովսեփյանը (97 կգ): Նրանք պայքարից դուրս են մնացել տարբեր փուլերում:

Եվրոպայի 2019 թ. առաջնությունը Ռումինիայում մեկնարկել է ապրիլի 8-ին: Կավարտվի 14-ին:

Տպել
493 դիտում

Պետության հետ վերջնագրերով խոսելն անթույլատրելի է. Օսիպյանը ներկայացրել է Տավուշի մարզի նոր ոստիկանապետին (լուսանկարներ)

Սինգապուրի իշխանությունները 9 տոննա անօրինական փղոսկր են առգրավել

Քաղաքացին նետվել է Դավթաշենի կամրջից. տեղում են փրկարարները. ԱԻՆ

ՍԴ-ն կասեցրել է Ռոբերտ Քոչարյանի գործով առաջին ատյանի դատարանի դիմումի հիման վրա գործի վարույթը

Ոստիկանները սոցապ տեսուչին բռնեցին կաշառք ստանալուց անմիջապես հետո (տեսանյութ)

ՀՀ ԶՈՒ զինծառայողները կմասնակցեն «Միջազգային բանակային խաղեր-2019» մրցաշարի շրջանակում անցկացվող մրցումներին

Կառավարության նպատակը քաղաքացու և ներդրողի համար դատական համակարգը վստահելի դարձնելն է. նախարար

Հայաստանն ու Վրաստանը հարկերի հավաքման ոլորտում փոխանակվել են փորձով

Առևտրի խթանում. նախարարությունում քննարկվել է լաբորատորիաների վերազինումը և հավատարմագրման մարմնին տրվող աջակցությունը

ՀԱՅԲԻԶՆԵՍԲԱՆԿԸ համալրեց իր մասնաճյուղային ցանցը նորաբաց «ՄԱՍԻՎ» մասնաճյուղով (լուսանկարներ)

Մենչի զվարճալի հանգիստը Ճապոնիայում «Նոր հայերի» ընկերների հետ (լուսանկարներ)

Վարչապետն ուղղաթիռով Իջեւան չի մեկնել․ ուղղաթիռը վերջին անգամ օգտագործել է Արմեն Սարգսյանը

Հենրիխ Մխիթարյանը նկարահանվել է adidas ընկերության գովազդում. խոսել է հայերեն (տեսանյութ)

Բորիս Ջոնսոնը կդառնա Մեծ Բրիտանիայի հաջորդ վարչապետը

Զոհրաբ Մնացականյանը hուլիսի 24-ից 25-ը պաշտոնական այց կկատարի Վրաստան

Լոռեցի համայնքապետերն ու բնակիչները տարբեր մոտեցումներ ունեն սպասվող խոշորացման վերաբերյալ

Գողացված գաղափար և նվիրատվություններ. «Տիկնիկների պատկերասրահ» ՀԿ-ն միլիոններ է ստացել ու անհետացել

ԱԱԾ-ի կողմից հետապնդվող օլիգարխ, դավաճան սիրուհի եւ թմրամոլ որդի. Պարոնյանում հեղափոխական պրեմիերա է սպասվում

ԱՄՆ-Ադրբեջան համագործակցությունը հակաիրանական է. ՀՀ-ԱՄՆ հարաբերությունների հեռանկարը

ՀՀ-ում միլիմետրերի ճշգրտությամբ քաղցկեղային գոյացության հստակ տեղակայման հնարավորություն է ստեղծվում (տեսանյութ)