Երևան
16 °C
Տպագրվել է «Հայկական Ժամանակ» օրաթերթի՝ 2006 թվականի ապրիլի 21-ի համարում
Եթե որեւէ մեկը կարծում է, թե Հայաստանում դեռեւս չլուծված խնդիրներ կան, ապա չարաչար սխալվում է: Մեր իշխանությունները արդեն գտել են Ղարաբաղի հարցի լուծման ամենահայանպաստ տարբերակը, Հայաստանի հեղինակությունը միջազգային ասպարեզում նախանձելիորեն բարձրացել է, կոռուպցիան արմատախիլ է արված, բոլոր սոցիալ-տնտեսական խնդիրները լուծվել են, կենսաթոշակի ու նվազագույն աշխատավարձի չափը հասցվել է եվրոպական չափանիշներին, մեր էներգետիկ անվտանգությունը հասել է 100 տոկոսի, եւ բոլորը ապրում են անհոգ ու երջանիկ:
Մի խոսքով, իսկական Շվեցարիա: Եւ այս պայմաններում մեր կառավարությունն այլեւս խնդիրներ չունի, որոնց լուծմանը պետք է նվիրի իր ամեն շաբաթյա նիստերը եւ արդեն զբաղվում է բացառապես գեղագիտական հարցերով: Մոտավորապես այսպիսի տպավորություն ստեղծվեց կառավարության երեկվա նիստից հետո հրավիրված մամուլի ասուլիսից: Սովորաբար ամեն հինգշաբթի լրագրողների հետ հանդիպում է կառավարության այն անդամը, որը այդ օրվա նիստում ներկայացրած է լինում ամենաարդիական եւ կարեւոր հարցը: Եւ ի՞նչ եք կարծում, կառավարության երեկվա նիստում ի՞նչ լուրջ հարց է քննարկվել եւ հաստատվել, որը որոշել են ներկայացնել լրագրողներին: Եւ այսպես, կառավարությունը երեկ հավանություն է տվել «ՀՀ վարչատարածքային բաժանման մասին» օրենքում փոփոխություններ եւ լրացումներ կատարելու վերաբերյալ օրինագծին, որը պետք է ուղարկվի Ազգային ժողով: Սակայն այս օրինագծով ոչ թե ինչ-որ սահմանային կամ քարտեզագրական փոփոխություններ են կատարվելու մեր տարածքում, այլ անվանափոխվելու են ՀՀ մի շարք բնակավայրերի անուններ:
Եւ ինչպես այս հույժ կարեւոր օրինագիծը ներկայացնելիս հայտարարեց կառավարությանն առընթեր կադաստրի պետական կոմիտեի նախագահ Մանուկ Վարդանյանը, առաջին փուլում անվանափոխվելու են թվով 52 գյուղական համայնքներ: Իսկ դրա նպատակն, ըստ Մանուկ Վարդանյանի, օտարամուտ, անբարեհունչ եւ կրկնվող անվանումների վերացումն է: Իսկ որպես դրա ամենավառ օրինակ կադաստրի պետական կոմիտեի նախագահը ներկայացրեց երկու եզդիական գյուղերի անվանափոխությունը: Այսպես, եզդիական Ամրե-Թազա գյուղը վերանվանվել է Ադուն, իսկ Սանգյալար գյուղը` Կանյար կամ Կաթնաղբյուր: Ըստ Մանուկ Վարդանյանի, այս բնակավայրերը ընտրել եւ դրանց անունները փոխելու անհրաժեշտությունը տվել է 17 հոգուց` հիմնականում գիտնականներից բաղկացած մասնագիտական հանձնաժողովը:
Ինչ վերաբերում է քաղաքներին, ապա առայժմ այս հանձնաժողովն առաջարկում է փոխել Ալավերդի եւ Ախթալա քաղաքների անունները: Եթե այդ առաջարկություններն ընդունվեն, ապա Ալավերդին կդառնա Լալվար, իսկ Ախթալան` Պղնձավան: Սակայն այս տրամաբանությամբ առաջնորդվելով՝ մեր կառավարությունը պետք է փոխի Հայաստանի բնակավայրերի եւ այլ օբյեկտների անունների մեծ մասը: Ընդ որում, դա հաստատեց նաեւ Մանուկ Վարդանյանը, ըստ որի իրենք ուսումնասիրել են շուրջ 40 հազար անուններ, որոնց 60 տոկոսը օտարամուտ է, անբարեհունչ եւ ենթակա է փոփոխման: Մի խոսքով, կառավարությունում մանրակրկիտ կերպով քննարկել են բոլոր բնակավայրերի ոչ հայեցի անվանումը եւ լծվել են մեր պատմական անունները վերականգնելու սաստիկ արդիական եւ ազգային գործին:
Սակայն կառավարության երեկվա նիստում քննարկվել եւ հավանության են արժանացել նաեւ այլ կարեւորագույն հարցեր: Մասնավորապես` կառավարությունը հաստատել է վարորդական իրավունք ունեցող անձանց հետազոտման նոր պարբերականությունը, ըստ որի ներկայիս հինգ տարվա փոխարեն վարորդները պետք է բժշկական հետազոտություն անցնեն տասը տարին մեկ անգամ, եւ որ ավելի կարեւոր է` կառավարությունը հաստատել է բժշկական այն ծառայությունների ցանկը, որոնք պետք է անցնեն վարորդական իրավունք հայցող քաղաքացիները: Իսկ այդ ցանկում կին վարորդների համար որպես պարտադիր պայման է սահմանվել մանկաբարձ-գինեկոլոգի մոտ հետազոտվելը:
Կարելի է պատկերացնել միայն, թե ինչ մտահոգ դեմքերով են մեր կառավարության անդամները քննարկել այն կանացի հիվանդությունները, որոնց դեպքում վարորդական իրավունք չպետք է տրամադրվի: Կառավարությունը որոշել է նաեւ մայիսի 9-ի տոների կապակցությամբ մայիսի 8-ի աշխատանքային երկուշաբթի օրը տեղափոխել մայիսի 6-ը` շաբաթ օրը: Սակայն կառավարության նիստը ուշագրավ է եղել ոչ միայն նման կարեւոր հարցերի առկայությամբ, այլեւ նրանով, որ այդ հարցերի քննարկման համար կառավարության նիստը վարել է անձամբ Ռոբերտ Քոչարյանը: Բնականաբար, անթույլատրելի կլիներ, եթե, ասենք, որեւէ եզդիական բնակավայր անվանափոխվեր կամ վարորդական իրավունք ստանալու ծառայությունների ցանկը հաստատվեր առանց Ռոբերտ Քոչարյանի «բարձր հովանու»:
Գառնիկ Գեւորգյան
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ