Կառավարությունը որդեգրել է բանակի արդիականության շատ լուրջ ծրագիր եւ կատարում է աննախադեպ քայլեր. Կարապետյան

ՀԺ-ն երեկ արդեն անդրադարձել էր, որ Խաղաղության խնդիրների ուսումնասիրության Ստոկհոլմի միջազգային ինստիտուտի (SIPRI) 2018 թվականի զեկույցի համաձայն՝ Հայաստանի ռազմական ծախսերը 2017-2018 թթ. աճել են 1/3-ով՝ կազմելով շուրջ 609 մլն դոլար: Զեկույցում նշվում է նաեւ, որ Հայաստանը մտնում է տասը երկրների մեջ, որոնք ՀՆԱ-ի հետ համեմատած՝ առավել ծանրաբեռնված են ռազմական ծախսերով: Հայաստանի ռազմական ծախսերը կազմում են ՀՆԱ-ի 4.8%:

Պաշտպանության նախարարի տեղակալ Գաբրիել Բալայանը «Հայկական ժամանակ»-ի հետ զրույցում եւս հաստատեց, որ բանակի բյուջեն ավելացել է, սակայն հստակ չափ չնշեց. «Բյուջեի մասին օրենքի նախագծի քննարկման ժամանակ փորձագետներն էլ են դրան ուշադրություն դարձրել եւ այո, էականորեն ավելացվել է»:

Բալայանն ասաց, որ ավելացված գումարներն ուղղվել են սոցիալական ծրագրերին, բայց մեծամասնությունը՝ սպառազինության ձեռք բերմանը:

Մեր հարցին, թե առաջիկա տարիներին դարձյալ ավելանալո՞ւ են այդ գումարները, Բալայանը պատասխանեց. «Հնարավորությունից ելնելով՝ այո: Դուք գիտեք նաեւ, որ վարչապետը հայտարարել է հունիսի 1-ին զինծառայողների աշխատավարձի 10 տոկոս բարձրացման վերաբերյալ, այդ ամեն ինչը նաեւ այդ հաշվարկներով է հիմնավորվում»:

«Գումարների գոյացումը հիմնականում պետական բյուջեից է եկել»,- նշեց Բալայանը: Հարցին՝ վարչապետ Նիկոլ Փաշինյանի ասած՝ օլիգարխներից վերցված գումարներն է՞լ է դրա մեջ մտնում, փոխնախարարն արձագանքեց. «Այո, դա էլ է պետական բյուջեի գումար, քանի որ դրանք մուտքագրվում են պետական բյուջե: Բյուջետային համակարգի մասին օրենքում կտեսնեք, որ ցանկացած դեպքում դա կառավարության կողմից իրականացված ծախսեր է՝ անկախ նրա առաջացման աղբյուրից»:

Բալայանը նաեւ անդրադարձավ այն հարցին, թե արդյո՞ք սննդի, հագուստի որակի փոփոխությունները արժեքային առումով տարբերություն տալիս են, թե նույն գներն են պահպանվում. «Մենք փորձում ենք բյուջետային հատկացումների շրջանակներում դա անել, փորձում ենք տեղավորվել այնքանում, որքան որ բյուջեն հատկացրել է: Այս պահին արդեն նախաձեռնել ենք սննդի տրամադրումը 3-րդ առեւտրային կազմակերպությանը, դա էլ աշխատում ենք, որ բյուջեով հատկացված գումարներում տեղավորվենք, որ հավելյալ ծախսեր չլինեն բյուջեի վրա»:

Փոխնախարարը նշում է, որ ամեն ինչ արվում է՝ ծախսերն օպտիմալ անելու համար. «Աշխատում ենք հաստատված նորմացույցերի շրջանակներում անել, դեռ ստացվում է»:

ՀՀ ԱԺ «Իմ քայլը» խմբակցության պատգամավոր Տիգրան Կարապետյանն էլ նշում է, որ կառավարությունն աննախադեպ քայլեր է իրականացնում այս ոլորտում. «Կառավարությունը որդեգրել է բանակի արդիականության շատ լուրջ ծրագիր եւ այդ ուղղությամբ կատարվում են աննախադեպ քայլեր՝ այդ թվում նոր սերնդի սպառազինություն ձեռք բերելու եւ բանակը համալրելու, այդ թվում՝ հայկական արտադրության զինատեսակները սերիական արտադրություն տանելու»:

Տպել
1807 դիտում

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել