Բացառված է կոռուպցիան դատախազական համակարգում. Արթուր Դավթյան

Ազգային ժողովում այսօր Դատախազության 2018թ.-ի գործունեության քննարկման ժամանակ «Լուսավոր Հայաստան» խմբակցության պատգամավոր Արման Բաբաջանյանը գլխավոր դատախազ Արթուր Դավթյանին հարցրեց, թե ի՞նչ է անում դատախազությունը, որպեսզի դատախազ Հենրիկ Խաչատրյանի սպանության գործով կասկածները փարատվեն:

Հիշեցնենք, որ ՀՀ գլխավոր դատախազ Հենրիկ Խաչատրյանը սպանվել էր 1998թ.-ի օգոստոսի 6-ին: Արթուր Դավթյանը պատասխանեց, որ Հենրիկ Խաչատրյանի գործին այն ժամանակ իրավական գնահատական տրվել է. «Ինձ հայտնի նոր տեղեկություններ չկան դրա վերաբերյալ»,-հավելեց նա:

Արման Բաբաջանյանը հիշեցրեց, որ չբացահայտված է մնում նաեւ Լոռու մարզի դատախազ Ալբերտ Ղազարյանի սպանությունը. վերջինս սպանվել է 2007 թվականին:

Արթուր Դավթյանը պատասխանեց, որ գործը մինչ օրս չբացահայտված է, բայց վստահեցրեց, որ օպերատիվ-հետախուզական աշխատանքն ակտիվ փուլում է. «Ինձ տեղեկություն է հայտնի, որ օպերատիվ-հետախուզական աշխատանքներ են արվում՝ որոշակի ուղղություններով: Մեր մոտեցումն այն է, որ եթե ի հայտ են գալիս դեպքեր, դրանք պարտադիր արձագանք են ստանում՝ անկախ նրանից, թե նախկինում ինչ արձագանքի են արժանացել»,-պատասխանեց Դավթյանը: 

Բաբաջանյանը նաեւ հարցրեց. «Ձեր ո՞ր արժանիքի համար Սերժ Սարգսյանը ձեզ առաջադրեց գլխավոր դատախազի պաշտոնում եւ եթե դուք չլինեիք ռեժիմի կամակատարը, արդյոք կնշանակվեիք գլխավոր դատախզի պաշտոնում»։

Ի պատասխան գլխավոր դատախազը պատգամավորին հորդորեց ծանոթանալ իր կենսագրությանը. «Բացեք իմ կենսագրությունը եւ տեսեք դատախազության համակարգում եւ կարծում եմ, դրանից հետո հետեւություններ կանեք։ Իմ համար ամեն դեպքում, այդ հարցի պատասխանը դա է։ Ես երբեք իմ առաջարկողին չեմ հարցրել, թե ինչո՞ւ իմ թեկնածությունն առաջարկվեց։ Բայց ինձ համար միակ գնահատականը դատախազության համակարգում իմ անցած ճանապարհն է»,- նշեց դատախազը:

«Իմ քայլը» խմբակցության պատգամավոր Էդգար Առաքելյանն էլ կոռուպցիոն հանցագործությունների բացահայտման աճն ընդգծելով, հետաքրքվեց, թե դատախազության համակարգում կոռուպցիոն ռիսկերը բա՞րձր են, թե՝ ոչ: Ի պատասխան Դավթյանն ասաց. «2018-ի ընթացքում քրեական հետապնդման ենթարկված գործող դատախազ չի եղել, 2017 –ին քրեական հետապնդման է ենթարկվել գործող մեկ դատախազ՝ 2015 թվականին կատարված առերեւույթ հանցագործության համար այդ գործով դատաքննությունը ընթացքի մեջ է»:

«Ամենակարեւորը բարոյահոգեբանական այն մթնոլորտի ձեւավորումն է, որ պետք է ունենանք 0 հանդուրժողականություն կոռուպցիայի նկատմամբ։ Առաջին հերթին ինքներս մեր նկատմամբ։ Թող անհամեստություն չլինի, բայց ամբողջ աշխատանքի համակարգման առումով կարող եմ ասել, որ մեր համակարգում մեզ հաջողվել է ձեւավորել այդ մթնոլորտը», - հայտարարեց գլխավոր դատախազը։

ԱԺ պատգամավոր Էդգար Առաքելյանի ճշտող հարցին՝ «Այլեւս սրբե՞ր են դատախազները», գլխավոր դատախազը պատասխանեց, որ երկրի վրա սրբեր չեն լինում, իսկ դատախազներն էլ սրբեր չեն ու հավելեց. «Ես որպես գլխավոր դատախազ այստեղից ձեր բոլորի ներկայությամբ ասում եմ՝ բացառված է կոռուպցիան դատախազական համակարգում։ Առաջինը դա ասում եմ իմ կենցաղով, իմ ամենօրյա օրինակով»:

Տպել
4837 դիտում

2019 թ. հունվար-մայիսին ՀՀ ներմուծված մարդասիրական օգնության աճի տեմպը նախորդ տարվա համեմատ նվազել է 46,4 %-ով

Հայաստանի ճանաչելիությունը գնալով բարձրացել է, մենք միջազգային խաղացող ենք դարձել. Մեխակ Ապրեսյան

Սևանա լճում ավարտված է ջրիմուռների աճման շրջանը, ջուրն ինքնամաքրվում է

Բակո Սահակյանն այցելել է «Կարկառ» զբոսաշրջային հանգստյան համալիր

Եթե հարցեր լինեն Սերժ Սարգսյանին, կդիմենք, որ ինքն էլ պատասխանի. Անդրանիկ Քոչարյան

Հայաստանը չի կարող հրաժարվել պատժամիջոցների տակ հայտնված Իրանից գազ գնելուց. Արարատ Միրզոյանը՝ ԱՄՆ-ում

Հայաստան-Սփյուռք կապերը պետք է էլ ավելի ճկուն ու դինամիկ դարձնել. վարչապետ

Օհանյանին ու Բաբաջանյանին ես էի հրավիրել աշխատանքի, երբ սոցապի պետն էի. ԱԺ պատգամավորը գոհ է եղել աշխատակիցներից

Խնդիրը 3 միլիարդ դրամի ծախս է պահանջում. վարչապետն անդրադարձել է աղետի գոտու բնակարանային խնդիրների լուծմանը (տեսանյութ)

Ինչո՞ւ են ՔԿ-ի քննիչները և փորձագետներն Ամուլսարի հանքավայր այցելել «Լիդիան Արմենիա»-ի մեքենաներով. պարզաբանում

«Սիգ» ձկնատեսակի որսի արգելված լինելու պայմաններում 44 000 կգ սիգի իրացման փաստեր են պարզվել. հարուցվել է քրգործ

Արարատի մարզի Բուրաստան համայնքի տարածքում տեղադրվել է լուսանկարահանող արագաչափ. ոստիկանությունը զգուշացնում է

Հեռացող Տուսկի այցը. ԵՄ-ն աջակցո՞ւմ է Ադրբեջանի տարածքային ամբողջականությանը

Արարատ Միրզոյանը Atlantic Council-ում ներկայացրել է Հայաստանում սպասվող դատական համակարգի բարեփոխումները

Տիգրան Պասկեւիչյանն ազատվել է ՀՌՀ խորհրդի նախագահի խորհրդականի պաշտոնից

Հայաստանը 114-րդ հորիզոնականում է. հրապարակվել է ամենաթանկ ու էժան երկրների վարկանշային աղյուսակը

Եվրո 2020-ի դեսպան Նունու Գոմեշը, «Ռեալից» ու այլ հայտնի թիմերից մի շարք սկաուտներ Հայաստանում են

ՔԿ նախագահ Հայկ Գրիգորյանի գլխավորած պատվիրակությունը մեկնել է Ռուսաստանի Դաշնություն

Հարկադիր կատարման ծառայությունը 143.9 մլն դրամի վառելիք է ձեռք բերել՝ չհիմնավորելով դրա հետագա ծախսը․ ՊՎԾ

Սևանը ինքնամաքրվում է, այսօր թափանցիկությունը 6.5 մետր է. Շրջակա միջավայրի փոխնախարար