Մանվել Գրիգորյանից բռնագանձեք 5 միլիոն դոլար ամբողջ կյանքս կործանելու համար. Իսախանյանը դիմում է գրել դատարանին

ՀՀ ԱԺ նախկին պատգամավոր, գեներալ Մանվել Գրիգորյանի եւ նրա կնոջ՝ Նազիկ Ամիրյանի վերաբերյալ դատական նիստը այսօր հերթական անգամ հետաձգվեց:

Այսօր կրկին դատարան չէր բերվել արդեն մի քանի օր «Սուրբ Գրիգոր Լուսավորիչ» ԲԿ-ում գտնվող ամբաստանյալ Մանվել Գրիգորյանը: Նրա պաշտպան Լեւոն Բաղդասարյանը դատարանին ներկայացրեց «Սուրբ Գրիգոր Լուսավորիչ» Բ-ի գրությունն առ այն, որ ամբաստանյալը գտնվում է ծանր առողջական վիճակում, նա չի կարող մասնակցել նիստին եւ ըստ գրության՝ Մանվել Գրիգորյանը 24-ժամյա ռեժիմով գտնվում է արհեստական շնչառության տակ:

Մինչ նիստը ամբաստանյալի բացակայության պատճառով հետաձգելը դատավոր Մնացական Մարտիրոսյանը դատավարության մասնակիցներին տեղեկացրեց, որ դատարան է ներկայացվել «Սեւան» ՔԿՀ-ի դատապարտյալ Աշոտ Իսախանյանի գրությունը. Իսախանյանը, ըստ հաղորդման՝ խոշտանգվել է Մանվել Գրիգորյանի կողմից:

Գրության մեջ մասնավորապես ասվում է. «Հարգարժան դատարան, Մանվել Գրիգորյանի գործով հանդիսանում եմ տուժող, Գրիգորյանը ինձ 22 օր պահել է պադվալներում, խոշտանգել է ու սպառնացել: Հայտնում եմ, որ ես չեմ ստացել իմ մասով մեղադրական եզրակացությունը եւ չգիտեմ՝ ինչու դատակոչի ցուցակում չկամ: Հարգելի՛ դատարան, խնդրում եմ՝ ինձ ներգրավել դատակոչի ենթակա անձ՝ տուժող: Խնդրում եմ, որպես քաղհայց, հօգուտ ինձ Մանվել Գրիգորյանից բռնագանձեք 5 միլիոն դոլարին համարժեք դրամ՝ ամբողջ կյանքս կործանելու համար»,- նշել է Իսախանյանը եւ կից ներկայացրել լուսանկարներ:

Դատավոր Մնացական Մարտիրոսյանը նշեց, որ դատարանը պատրաստվում է գրավոր պատասխան ուղարկել դիմումատուին այն մասին, որ իրեն առնչվող մասով մեղադրանք չկա: Նշենք, որ մեղադրական եզրակացությունը ուղարկվում է գործով մեղադրյալի կարգավիճակ ունեցող անձին, իսկ Իսախանյանը սույն գործի անջատված մասով որեւէ կարգավիճակ չունի: Գործով մեղադրող դատախազ Վահե Դոլմազյանն էլ նշեց, որ Իսախանյանի մասով ժամանակին հաղորդում է ստացվել եւ այդ մասով հարուցված քրեական գործը նախաքննության փուլում է:

Նշենք, որ ազատամարտիկ Աշոտ Իսախանյանը մի քանի ամիս առաջ հայտարարել էր, որ Մանվել Գրիգորյանը իրեն շուրջ 22 օր շղթայակապ է պահել ու խոշտանգել:

Իսախանյանը նախկինում մի քանի անգամ դատապարտված է եղել։ 2014թ. նախորդ դատվածությունը չմարված՝ նա դատապարտվել է մեկ այլ հանցանքի՝ խարդախություն կատարելու համար։ Նախորդ պատժաչափին գումարվել էր նորը եւ նա դատապարտվել էր վեց տարի, վեց ամիս ժամկետով ազատազրկման։

Սույն գործով նիստը հետաձգվեց եւ նշանակվեց հունիսի 18-ին:

Նիստի ավարտին Մանվել Գրիգորյանի պաշտպան Արսեն Մկրտչյանը, խոսելով Իսախանյանի կողմից դատարան ներկայացված դիմումի մասին, ասաց. «Այս ֆեյքային մեղադրանքը, չեմ զարմանա, որ շոուի շարունակությունը լինի։ Կխնդրեմ «Սեւան» ՔԿՀ-ի ադմինիստրացիային՝ ուշադիր լինել այդ անձի հավասարակշռության վրա եւ ուշադրություն դարձնել այն հանգամանքի վրա, որ Աշոտ Իսախանյանը ՔԿՀ–ում պետք է հնարավորություն չունենար ինտերնետից եւ սմարթֆոնից օգտվելու, բայց նա ինձ հետ ֆեյսբուքյան կապի մեջ է եղել եւ ինձանից՝ Մանվել Գրիգորյանի պաշտպանից, աջակցություն է ակնկալել»,–նշեց Մանվել Գրիգորյանի պաշտպանը։

Պաշտպանը շեշտեց՝ ինքն էլ է համացանցում տեսել այդ նսեմացնող նկարները. «Անլուրջ է, երբ մարդը Պանիկովսկու պես ասում է՝ միլիոն եմ ուզում... դե հիմա մարդն իրեն էդքան է գնահատում»։

Այսօր ՀՀ վերաքննիչ քրեական դատարանում՝ դատավոր Նարինե Հովակիմյանի նախագահությամբ, քննվում էր նաեւ Մանվել Գրիգորյանի խափանման միջոցը փոխելու վերաբերյալ պաշտպանական կողմի բողոքի քննությունը: Նախորդ նիստը քննվել էր դռնփան, չնայած Գրիգորյանի խափանման միջոցի հարցն առաջին ատյանի դատարանում դռնբաց է քննվել: Լրագրողները այսօր նստերի դահլիճ են մտել այն ժամանակ, երբ պաշտպանական կողմը արդեն իսկ դատարանին ներկայացրել էր բողոքը: Գրիգորյանի պաշտպաններից Գուրգեն Գրիգորյանը այսօր վերաքննիչ դատարանին միջնորդել է նաեւ գրավ կիրառել Մանվել Գրիգորյանի նկատմամբ՝ սահմանելով դրա համար ողջամիտ չափ:

Մյուս պաշտպաններից Արսեն Մկրտչյանն էլ դատարանին տեղեկացրեց, որ երկարատեւ կալանքի արդյունքում է Մանվել Գրիգորյանի առողջական վիճակը վատթարացել:  «Մանվել Գրիգորյանին երբ որ կալանավորում էին մեկ տարի առաջ այս օրերին, նրա շաքարը 7 էր, երբ մենք կալանավորող դատավորին ասում էինք, որ վատ է, վատթարանալու է, եւ նա մուրճը խփում էր մեթոդաբար մեկ տարի շարունակ, ասենք, էսօր 27 է, մենք էն ժամանակ ասում էինք՝ կա, հետո կալանքը եղավ, կալանքի պատճառով ավելացավ», - ասաց Մկրտչյանը։

Մեղադրող դատախազ Վահե Դոլմազյանը, սակայն, հակադարձելով պաշտպան Մկրտչյանին, ասաց, որ Գրիգորյանի վիճակը վատթարացել է այն պատճառով, որ վերջինս հրաժարվել է «Դատապարտյալների հիվանդանոց» ՔԿՀ-ում բուժում ստանալ:

«Եվ եթե մարդը պետք է ինսուլին ստանա կամ շաքարային դիաբետի հետ կապված որեւէ բան ստանա, եւ հիմնական այսօր բարդությունը կապված է այդ շաքարի հետ, որ ինսուլինը արյան մեջ բարձր է, դա նաեւ այն պատճառով է, ըստ էության, որ նա հրաժարվել է որեւէ դեղամիջոց ընդունել։ Եվ դրա համար այստեղ ոչ պետությունն է մեղավոր, ոչ էլ քրեակատարողական հիմնարկը», - հայտարարեց Դոլմազյանը։ Մեղադրող դատախազն առարկեց նաեւ գրավի դեմ:

Մանվել Գրիգորյանը մեղադրվում է ապօրինի կերպով զենք-զինամթերք պահելու, խոշոր չափի՝ շուրջ 101 միլիոն դրամի գույք յուրացնելու, 1 միլիարդ դրամի հարկերի վճարումից խուսափելու, պետական միջոցներից 1 միլիարդ դրամ վատնելու, շորթման, 37 միլիոն դրամ արժողությամբ գույքի հափշտակությունը կազմակերպելու համար:

Տպել
13202 դիտում

ՄԻՊ-ը Ֆրանկոֆոնիայի խորհրդարանական վեհաժողովի պատվիրակությանը ներկայացրել է հայ գերիների վերադարձի հրատապությունը

ՃՈ-ն ուժեղացված ծառայություն է իրականացրել մի շարք քաղաքներում․պահպանվող հատուկ տարածքներ է տեղափոխվել 32 ավտոմեքենա

Ամաչե՛ք, ես ձեր փոխարեն գետինն եմ մտնում. ՇՊՀ ուսխորդի նախագահը ԵՊՀ-ի ակադեմիական շրջանակներին

Առաջարկվում է դպրոցի տնօրենի ընտրությունն իրականացնել մինչև գործող տնօրենի պաշտոնավարման ավարտը․ Ժաննա Անդրեասյան

Ավերածություններ Շիրակի մարզում. վնասի չափերը ճշտվում են (լուսանկարներ)

Իսլամի դեմ պայքարի ու քաղաքացիական պատերազմի վտանգի մասին Մակրոնին ուղղված նամակը մեծ իրարանցում է առաջացրել

ՄԻՊ-ը Ֆրանկոֆոնիայի խորհրդարանական վեհաժողովի պատվիրակությանը ներկայացրել է գերիների վերադարձի հրատապությունը

Նախագահն ստորագրել է հունիսի 20-ին Ազգային ժողովի արտահերթ ընտրություն նշնակելու մասին հրամանագիրը

Ես ամեն մի հիմար ձայնագրություն չեմ մեկնաբանում․ Վարդազարյանը՝ իրեն վերաբերող ձայնագրության մասին

ԱԻՆ ղեկավարն ընդունել է բարեգործ ֆրանսահայերի. գերատեսչությունը պատրաստ է շարունակական համագործակցության

Նիկոլ Փաշինյանի եզրափակիչ ելույթն Ազգային ժողովում՝ վարչապետի ընտրության հատուկ նիստին

Զորամասերում անցկացվել են Մեծ հայրենականի հերոսների հիշատակին նվիրված միջոցառումներ

Հայաստանի Պրեմիեր լիգայի առաջատարների խաղում գոլեր չխփվեցին

Ժողովրդի կամքի արտահայտման ոտնահարման ցանկացած փորձ արժանանալու է ամենախիստ արձագանքի. Լիլիթ Մակունց

ՌԴ-ում Հայաստանի դեսպանությունը հայտնում է, որ որոշ անձինք քաղաքացիներին փորձում են շփոթմունքի մեջ գցել

Հեղափոխական իշխանության դեպքում ընդդիմություն լինելը մոտավորապես անեծքի պես բան էր. Էդմոն Մարուքյան

Մահացել է «Սանտա Բարբարա» հեռուստասերիալի դերասանուհիներից Թոնի Քիթեյնը

Անկախ հիվանդանալու հանգամանքից պատվաստումը պետք է իրականացվի

Բեկթաշյանի ձայնին նման էր․ Բեքմեզյանը՝ դատավորի մասնակցությամբ աղմկահարույց ձայնագրության մասին

Հենց դա չի ներվում մեզ, ձեզ. մարդիկ չեն հասկանում՝ ոնց կարելի է չծախվել, երբ բորսայում ամենաբարձր գներն են. Փաշինյան

Չի կարելի վիճարկել մի բան, որում վստահ չես. Վահրամ Դումանյանը՝ Պոլիտեխնիկի ռեկտորի ընտրության արդյունքների մասին

Այդպես է սիրտս թելադրել. Նիկոլ Փաշինյանի թեկնածությանը կողմ քվեարկած պատգամավորը «Իմ քայլից» է

Վրաստանի վարչապետ Իրակլի Ղարիբաշվիլիի գլխավորած պատվիրակությունը պաշտոնական այցով կժամանի Հայաստան

Ազգային ժողովը 2-րդ անգամ վարչապետ չընտրեց. գործող խորհրդարանը համարվում է իրավունքի ուժով արձակված

Վանաձոր-Ալավերդի-Վրաստանի սահման միջպետական ճանապարհին ընթանում են ասֆալտապատման աշխատանքներ

Ղարաբաղյան հակամարտությունը չունի ռազմական լուծում, այն քաղաքական խնդիր է. Լենա Նազարյանը՝ Ֆրանկոֆոնիայի պատվիրակությանը

Արա Այվազյանը և Անտոնիո Գուտերեշը քննարկել են Արցախում ստեղծված իրադրությունը մեղմելու ուղղությամբ քայլերի ձեռնարկումը

4 անշարժ գույք, 5 մլն դրամ, 50 հազար դոլար. ԿԳՄՍ նախարարի պաշտոնակատարի ունեցվածքը

Պետական սահմանում իրավիճակի փոփոխություն չի արձանագրվել

Բնապահպանական ծրագրերի իրականացման գրասենյակը տնօրենի նոր պաշտոնակատար ունի

Նպատակը ոչ թե փակուղի տանելն էր կամ տապալելը, այլ ավելի աշխատանքային մթնոլորտ ստեղծելը. ԿԳՄՍ նախարարը՝ նոր որոշման մասին

Ռուստամ Բադասյանը եւ Սուրեն Գրիգորյանը կգործուղվեն Մոսկվա

Մարգարյան փողոցի ծառերը հատվել են տարածքում վագոն-տնակ տեղադրելու նպատակով. Երևանի քաղաքապետարան

Վլադիմիր Պուտինը եւ Իլհամ Ալիևը քննարկել են երկկողմ հարաբերություններին վերաբերվող մի շարք հարցեր

Մխիթարյանը 10 գոլի ու 10 գոլային փոխանցման հեղինակ դարձած 9-րդ ֆուտբոլիստն է Եվրոպայի թոփ-5 առաջնություններում

Հայաստանի Հանրապետության քաղաքացին գիտի, որ ինքը որոշում է. Նիկոլ Փաշինյանի ելույթը ԱԺ-ում

Ընտրական հանցագործությունների արարքները կոնկրետացնող, իսկ պատիժները խստացնող օրինագիծն այլեւս օրենք է․ Հովակիմյան

Եվս երկու ուղեգիր Տոկիոյի օլիմպիական խաղերի համար․ հունահռոմեական ոճի ըմբիշները հիանալի ելույթ ունեցան Սոֆիայում

Շարժական պատվաստումային խմբերը կավելանան եւս մեկով, այն կգործի Դիլիջանի քաղաքապետարանի հարևանությամբ

Make It Bright Համաշխարհային փորձառնության մարտահրավեր