Հեռուն գնացող չարաշահումներ են եւ միանշանակ բոլորը վնասները պետք է վերականգնվեն. «Հայավտոկայարան» ՓԲԸ գլխավոր տնօրեն

«Հայավտոկայարան» ՓԲԸ-ի գլխավոր տնօրեն Աշոտ Մնացականյանն օրերս ֆեյսբուքյան իր էջի միջոցով հայտնել էր, որ մի շարք բացահայտումներ են արվել ընկերությունում:

«Անհիմն դուրս գրված վառելիք անսարք մեքենայի վրա, պատճառված վնասը շուրջ 3.000.000 դրամ: Նախարարության կողմից հաստատված հաստիքացուցակով սահմանված աշխատավարձից դրական շեղումով ընդունված աշխատակից: Գնումների գործըթնացը չի կազմակերպվել ՀՀ օրենսդրությամբ սահմանված պահանջներով»,- գրել էր նա:

«Հայկական ժամանակ»-ի հետ զրույցում Մնացականյանը մանրամասներ ներկայացրեց:

- Պարոն Մնացականյան, նշել էիք, որ «Հայավտոկայարան» ՓԲԸ-ում մի շարք չարաշահումներ են եղել: Ավելի մանրամասն կներկայացնե՞ք:

- Ես, նայելով մի շարք փաստաթղթեր, կասկածներ եմ ունեցել չարաշահումների վերաբերյալ եւ դիմել եմ պետական գույքի կառավարման վարչություն, քանի որ մենք իրենց ենթակայության տակ ենք գտնվում: Վարչության ղեկավար Նարեկ Բաբայանը աուդիտ է ուղարկել «Հայավտոկայարան», մի շարք խնդիրներ են նրանք ֆիքսել: Ոչ միայն նախկինների կոռուպցիոն գործողություններն են ֆիքսել, այլեւ անփութություն, վատ աշխատանք: Դա վերաբերվում է նաեւ տրանսպորտի նախարարությանը, քանի որ նախկինում «Հայավտոկայարանը»-ը նրանց ենթակայության տակ է եղել: Այնպիսի խնդիրներ են հայտնաբերվել, որ դրանք հեռուն են գնում՝ չվացուցակների հետ կապված: Բավականին շատ դեպքերում, երբ պետք է ավտոկայարանը գործեր օրենքով եւ կանոններով, չի համապատասխանում այսօրվա պայմաններին: Դա եղել է բոլոր նախկին տնօրենների ժամանակ: Պայմանագրերն են սխալ եղել: 2018-ին 2019-ի համար սխալ պայմանագրեր էին ֆիքսել, բայց մենք կարողացանք այն բավականաչափ փոխել եւ ճիշտ ուղու վրա դնել:

- Հայտնաբերված խախտումների առնչությամբ ի՞նչ է լինելու, քրեական գործեր կհարուցվե՞ն, թե ինչ-որ տուգանքով կամ վնասի փոխհատուցմամբ կշտկվի հարցը: Զրուցե՞լ եք նախկին տնօրենի հետ:

- Ես անձամբ չեմ խոսել, բայց կարծում եմ՝ ընդհանուր հայտարարի կգանք: Պետք է դիմենք իրավապահներին: Վերջնական հանձնարարականի ժամկետ կա, դեռ ուսումնասիրություններ են գնում, ավարտվի՝ կորոշենք: Մի բան միանաշանակ է՝ այդ բոլոր վնասները պետք է վերականգնվեն: Մենք ունեցել ենք աշխատակիցներ, ովքեր ԶԼՄ-ներով վատ հայտարարություններ են տարածել իմ հասցեին: Սակայն այստեղ որեւէ խնդիր չկա աշխատակիցների հետ: Օպտիմալացման արդյունքում մի քանի հաստիքների կրճատումներ կան, մի քանի աշխատակիցներ սաբոտաժ են անում՝ աշխատանքային քննարկման ժամանակ գաղտնի ձայնագրություն են անում: Ես էլ, տեսնելով նման բաները, հեռացնում եմ աշխատակցին աշխատանքից: Այսինքն, նախկին կադրերը սաբոտաժ են անում՝ մամուլի միջոցով:

- Նորագյուղցի Բոգոն (Ռուբեն Կոստանյան) որեւէ առնչություն ունի՞ այս ամենի հետ:

- Այստեղ խոսքը ամբողջ «Հայավտոկայարան» ՓԲԸ-ի մասին է, նա գործում էր միայն Կենտրոնական ավտոկայանում:

- Այժմ ավտոկայանների աշխատանքը նորմալ ընթանո՞ւմ է: Խնդիրներ չե՞ն առաջանում:

- Չէ, խնդիր այդ առումով չկա: Իրականում «Հայավտոկայարան» ՓԲԸ-ի պոտենցիալը շատ մեծ է, կարող է նույնիսկ ոչ ոք չպատկերացնի՝ նայելով շենքային վիճակին: Քաղաքաշինության, տեխնիկական եւ հրդեհային անվտանգության տեսչական մարմինն արդեն համապատասխան լիազորությունն ունի խախտումներ իրականացնող ուղեւորափոխադրողներին տուգանելու համար:

- Նախկինում նշել էիք, որ հնարավոր է՝ 2020-ի հունվարին «Հայավտոկայարան»-ի աշխատակիցների աշխատավարձը դարձյալ բարձրանա, դա տեսանելի՞ է:

- Պոտենցիալով տեսանելի է: Գուցե այս տարեվերջին չկարողանանք բարձրացնել, բայց հաջորդ տարվա վերջում կարողանանք բարձրացնել:

- Իսկ ավտոկայաններում տիրող անմխիթար վիճակը ե՞րբ կկարգավորվի: Դեռեւս տրանսպորտի, կապի եւ տեղեկատվական տեխնոլոգիաների նախարար եղած ժամանակ Հակոբ Արշակյանն էլ էր ֆիքսել, որ զուգարանները վատ վիճակում են: Տանիքն էլ լավ վիճակում չէր:

- Ներդրումների առաջարկներ կան, սակայն գրավոր չեն դիմել: Քննարկել ենք նաեւ պարոն Բաբայանի հետ: Տարբերակ է քննարկվում, որ մենք միջոցներ հայթայթենք, որպեսզի հասնենք վերջնական արդյունքին: Հիմնական աշխատանքը պիտի իրականացվի Կենտրոնական ավտոկայանում, որովհետեւ դա ամենաեկամտաբեր եւ հիմնական տեղն է:

- Քանի որ հանրությունը սիրում է ժամկետների մասին լսել, հստակ ժամկետ կարո՞ղ եք ասել, թե երբ օրինակ տանիքից ջուր կաթալու խնդիրը կկարգավորվի:

- Տանիքից ջուր կաթալը կոնկրետ Կենտրոնական ավտոկայանում, կարծում եմ, մինչեւ տարվա վերջ արդեն կկարգավորվի: Եթե որոշվի, որ մենք մեր միջոցներով ենք իրականացնելու, չի բացառվում, որ խնդիրը 2 ամսից կարգավորվի: 1 ամսից պարզ կլինի հստակ՝ մենք պետք է իրականացնենք այդ աշխատանքները, թե մասնավորը:

- Մոտավոր հաշվարկ կա՞, թե որքան գումար է անհրաժեշտ՝ խնդիրները կարգավորելու համար:

- Մոտ 100 միլիոն դրամի մասին է խոսքը: Ավտոկայանն այդ բյուջեն չունի այս պահին: Հիմա շատ ուղեւորափոխադրողներ պայմանագիր չեն կնքում մեզ հետ՝ մատնանշելով այն փաստը, որ մենք ծառայություն չենք մատուցում: Օրենքն էլ իրենց այս պահին թույլ է տալիս մեզ հետ պայմանագիր չկնքել: Եթե նկատել եք՝ շատ փոխադրումներ ավտոկայանից չեն լինում: Այսօր «Հայավտոկայարան» ՓԲԸ-ն եւ ես, որպես տնօրեն, անմիջական կախում ունենք տեսչական մարմնից, այդ խնդիրը պետք է կարգավորվի, որպեսզի մենք կարողանանք մեր աշխատանքն իրականացնել: Խոսել եմ տեսչական մարմնի ղեկավար Գեղամ Շախբազյանի հետ, նա ասաց, որ արդեն մի քանի օրից օրենքն ուժի մեջ կմտնի եւ իրենք կկարողանան իրենց հնարավորություններն օգտագործել, որպեսզի ուղեւորափոխադրումներն իրակացվեն ավտոկայաններից:

Տպել
2817 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց