Կրթություն. քրգործ ամբիոնի վարիչի դեմ

17/06/2019 schedule10:00

Տպագրվել է «Հայկական Ժամանակ» օրաթերթի՝ 2006 թվականի հունիսի 16-ի համարում

Ճարտարագիտական համալսարանի նորընտիր ռեկտոր Ոստանիկ Մարուխյանը ստիպված կլինի իր պաշտոնավարումը սկսել բավական աղմկոտ մի գործով: Բանն այն է, որ Կենտրոնի ոստիկանությունը քրեական գործ է հարուցել բուհում ծագած հերթական սկանդալի հետեւանքով: Ճարտարագիտական համալսարանի էներգետիկայի դեպարտամենտի այլեւս նախկին դասախոս Կարեն Խաչատրյանը պնդում է, թե նույն դեպարտամենտի «Էլեկտրաէներգետիկայի» ամբիոնի վարիչ Էդվարդ Սարգսյանը սպառնում է իրեն ֆիզիկապես ոչնչացնել, կեղտոտ դավեր է նյութում իր դեմ եւ անձամբ է ասել, թե «վերջդ կտամ»՝ անվանելով իրեն անբարոյական: Բանն այն է, որ դեռ մեկ տարի առաջ նույն Կարեն Խաչատրյանը որոշակի տեղեկատվություն էր տվել իրավապահ մարմիններին եւ էլեկտրաէներգետիկայի ամբիոնի վարիչին մեղադրում էր կաշառակերության մեջ:

Մեղադրանքներից մեկն էլ այն էր, որ ամբիոնի վարիչը կաշառք էր պահանջել նաեւ Կարեն Խաչատրյանից՝ թույլ տալու համար, որ վերջինս պաշտպանի իր դոկտորականը: Այս ամենից հետո, սակայն, ինչին, ի դեպ, մենք ժամանակին անդրադարձել ենք, Կարեն Խաչատրյանի եւ նրա հոր՝ Վարոս Խաչատրյանի դեմ, որը եւս դասավանդում է նույն բուհում, սկսվել էր կազմակերպված մեղադրանքների մի տարափ: Բացի այն, որ կրտսեր Խաչատրյանին ուսանողները մեղադրում էին իր դասավանդած առարկան լավ չտիրապետելու եւ ուսանողների հետ կոպիտ վարվելու համար, նաեւ ճարտարագիտական համալսարանի ուսանողուհիներից մեկը ոստիկանությունում ցուցմունք էր տվել, թե ավագ Խաչատրյանը սեռական ոտնձգություն է կատարել իր հանդեպ:

Ժամանակին, սակայն, ինչպես երեկ մեզ հաջողվեց պարզել ՀՀ ոստիկանությունից, այս առթիվ հարուցված քրեական գործը կարճվել է, քանի որ ո՛չ ուսանողուհին է կարողացել ապացուցել իր մեղադրանքը եւ ո՛չ էլ Կարեն Խաչատրյանն է, որը հակընդդեմ հայց էր ներկայացրել, կարողացել ապացուցել, որ ուսանողուհու հայրը դանակով հարձակվել էր հայր եւ որդի Խաչատրյանների վրա: Բայց, փաստորեն, սույն աղմկոտ պատմությունը սրանով չի ավարտվել: Երեք ամիս առաջ Կարեն Խաչատրյանը հայցադիմում է ներկայացրել Կենտրոն եւ Նորք-Մարաշ համայնքի առաջին ատյանի դատարան ընդդեմ ամբիոնի վարիչ Սարգսյանի, որտեղ նշել է վերջինիս կողմից պաշտոնական դիրքի չարաշահումների եւ իրեն ապօրինի աշխատանքից ազատելու մասին:

Ինչպես մեզ հայտնի դարձավ երեկ ոստիկանությունից, եւ ինչպես մեզ հետ ունեցած զրույցում պնդում էր Ճարտարագիտականի ուսումնական գծով պրոռեկտոր Սուրեն Աղբալյանը, բուհը հրաժարվել է աշխատանքային պայմանագիր կնքել Կարեն Խաչատրյանի հետ: Եւ այն բանից հետո, երբ ամբիոնի վարիչ Է. Սարգսյանը տեղեկացել է, որ կրտսեր Խաչատրյանն իր դեմ դատական հայց է ներկայացրել, շատ ակտիվորեն գործի է անցել: Նախ, որոշ ուսանողներ, ինչպես Կարեն Խաչատրյանն է պնդում, սկսել են Սարգսյանի դրդմամբ իր դեմ կեղծ ցուցմունքներ տալ դատախազությունում,  այնուհետեւ ամբիոնի վարիչը սպառնացել եւ վիրավորել է Կարեն Խաչատրյանին եւ այլն եւ այլն: Ի դեպ, հետաքրքիր է, որ Կարեն Խաչատրյանը կարողացել է ձայնագրիչի վրա ձայնագրել այն բոլոր խոսակցությունները, երբ ամբիոնի վարիչը դրդում է ուսանողներին եւ նույն ամբիոնի պրոֆեսորներից մեկին կեղծ ցուցմունքներ տալ իր դեմ:

Այս ձայնագրություններից մեկական օրինակ Խաչատրյանը տրամադրել է ոստիկանությանը, դատախազությանը եւ այլ մարմինների: Ձայնագրության եւս մի օրինակ էլ գտնվում է մեզ մոտ: Ինչպես մեզ հայտնի դարձավ երեկ, ոստիկանությունը սույն ձայնագրությունն ուղարկել է մասնագիտական փորձաքննության՝ պարզելու համար՝ արդյո՞ք ձայներն իսկապես համապատասխան մարդկանցն են: Բացի այս, երեկ մեզ հետ ունեցած զրույցի ժամանակ Կարեն Խաչատրյանը պնդում էր, թե էլեկտրաէներգետիկայի ամբիոնի վարիչը, կեղծելով Խաչատրյանի ձեռագիրը, զանազան անանուն նամակներ է ուղարկել տարբեր կուսակցությունների եւ պաշտոնյաների՝ հետեւյալ բովանդակությամբ՝ ձեր անձին վտանգ է սպառնում, ձեր կուսակցությանը փլուզում է սպառնում եւ այլն:

Դրա համար համապատասխան մարմիններն արդեն բացատրություն են վերցրել Կարեն Խաչատրյանից: «Ես ապացուցել եմ, որ անտեղյակ եմ այդ հիմար նամակներից եւ բացատրել, որ դա կարող էր անել միայն Է. Սարգսյանը, որը հավանաբար ակնկալում էր, թե ես կվախենամ եւ հետ կվերցնեմ իր դեմ ներկայացրած մեղադրանքները: Ես նաեւ դիմում եմ ներկայացրել համապատասխան գերատեսչության ղեկավարին՝ նշելով, որ անոնիմկաների համար կասկածում եմ Սարգսյանին եւ խնդրել եմ համապատասխան միջոցներ ձեռնարկել»,- մեզ հետ ունեցած զրույցի ժամանակ ասում էր Կարեն Խաչատրյանը:

Երեկ այս ամենի կապակցությամբ մեզ չհաջողվեց մեկնաբանություն ստանալ անձամբ Էդվարդ Սարգսյանից, սակայն Ճարտարագիտական համալսարանի պրոռեկտոր Սուրեն Աղբալյանը, չմանրանալով սույն գործի մեջ, նշեց միայն, որ Կարեն Խաչատրյանը ոչ թե աշխատանքից ազատվել է, այլ նրա հետ պայմանագիր չի կնքվել, եւ ամեն ինչ արվել է օրինական: Ինչեւէ, այս պահին Է. Սարգսյանի դեմ ոստիկանությունում հարուցված է քրեական գործ՝ Կարեն Խաչատրյանին վիրավորանք հասցնելու փաստի առթիվ քրօրի 136 հոդվածի 1-ին մասով: 

Լուսինե Բարսեղյան   

Տպել
1302 դիտում

«Ինձ բան չի եղել, մի քիչ ասկոլկաներս էին հնացել, թարմացրի». Սասուն Միքայելյանին այսօր կրկին վիրահատել են

Դեկտեմբերի 31-ից 6 ամիս ժամկետով կարգելվի թուրքական ծագման ապրանքների ներմուծումը ՀՀ․ Կառավարությունն ընդունեց որոշումը

ԼՂ հարցն այս փուլում չունի դիվանագիտական լուծում. վարչապետը ՏԻՄ ղեկավարներին կոչ է անում ձեւավորել կամավորական ջոկատներ

Արցախի նախագահի հրամանագրով Մենուա Հովհաննիսյանը հետմահու արժանացել է «Արցախի հերոս» բարձրագույն կոչման

Ադրբեջանական վայրագությունները ուղեկցվում են մշակութային արժեքների դեմ հարձակումներով․ ԱՀ ՄԻՊ-ի արտահերթ զեկույցը

Կորոնավիրուսային արգելք. հայ ձյուդոիստները բաց կթողնեն «Մեծ սաղավարտի» կարևոր մրցաշարը

Պաշտպանության բանակը հրապարակել է ադրբեջանական ագրեսիան հետ մղելու ընթացքում զոհված եւս 62 զինծառայողի անուն

Ահաբեկիչ վարձկաններ են տեղափոխվել տարածաշրջան. ցավոք, տարածաշրջանի երկրները բավարար չափով չեն արձագանքում. վարչապետ

Լավրովը Հայաստանի եւ Ադրբեջանի ԱԳ նախարարի հետ առանձին քննարկել է կրակի դադարեցման հետ կապված անհետաձգելի հարցեր

Հանդիպել են Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի նախկին նախագահները

Խոցվել է ադրբեջանական եւս 2 ԱԹՍ, 4 զրահատեխնիկա. թշնամու կորուստները՝ ամփոփ

Հոկտեմբերի 22-ին Փաշինյան-Ալիև հանդիպում նախատեսված չէ

«Թուրքիան փուչիկ է՝ տեռորով ու ագրեսիայով լի, պայթեցրեք այն»․ նոր նախաձեռնություն սոցցանցերում

Ռազմարդյունաբերական կոմիտեն այս օրերին աշխատում է 24/7 ռեժիմով. նախարարն այցելել է ընկերություններ

Ամեն կառույցի թեկուզ մեկ րոպե լռությունը հերթական զոհն է սահմանին․ ակցիա՝ ՀՀ-ում Իտալիայի դեսպանատան մոտ

Հայրենիքի պաշտպանները. նոր լուսանկարներ առաջնագծից

ՀՀ-ում Գերմանիայի դեսպանը ընդունեց ցուցարարներից մեկին․ խոստացել է հենց այսօր կապվել իր ղեկավարության հետ

Ադրբեջանական դիերը երբեմն խոչընդոտում են իր իսկ զորքի տեղաշարժին. Ալեն Սիմոնյան

Հայաստանում և Ադրբեջանում ՈւԵՖԱ-ի հովանու ներքո հանդիպումեր չեն անցկացվի. ՀՖՖ-ն այլընտրանքային տարբերակներ չի դիտարկում

Ջրի անվտանգության հարցը՝ ԱԱՏՄ ուշադրության կենտրոնում