Ես այս ընթացքում բազմաթիվ աղաղակող կոպիտ թերություններ եմ տեսել. վարչապետ

Կառավարությունն այսօր դրական եզրակացություն տվեց ԱԺ պատգամավոր Ռուբեն Ռուբինյանի եւ Արման Բաբաջանյանի հեղինակած օրենսդրական նախագծին:

Նախագիծը ներկայացրեց արտաքին գործերի նախարարի տեղակալ Գրիգոր Հովհաննիսյանը:

«Առաջարկվում է քաղաքական նշանակումների թիվը սահմանափակել դեսպանների ընդհանուր թվի 15 տոկոսով, իսկ կարիերային դեսպաններին որպես պարտադիր նախապայման առաջարկվում է աշխատանքային ստաժ` նախաձեռնությամբ 15 տարի էր առաջարկվում, իսկ կառավարությունը առաջարկում է 10 տարի ժամկետով: Այն դեպքերում, երբ դեսպանի քաղաքական նշանակում է առաջարկվում կառավարության կողմից, ԱԺ արտաքին հարաբերությունների հանձնաժողովին իրավունք է վերապահվում ներկայացնել խորհրդակցական կարծիք»,- ներկայացրեց Հովհաննիսյանը:

Վարչապետը հետաքրքրվեց. «Դա նշանակում է, որ վարչապետը իր մտադրության մասին պետք է տեղյակ պահի հանձնաժողովի՞ն», հավելելով, որ սա պետք  է քննարկել, որպեսզի իրավական ճիշտ լուծում տրվի:

«Նվազեցնելով քաղաքական նշանակումների թիվը` հասցնելով 15 տոկոսի, հնարավորություն ենք ընձեռում կառավարությանը մանդատի ընթացքում ընդհանուր դեսպանների 7-8 քաղաքական նշանակում իրականացնել»,- նշեց փոխնախարարը:

Ի պատասխան վարչապետը կատակեց. «Դուք ովքե՞ր եք, որ այդ հնարավորությունը տալիս եք: Կներեք, տպավորություն էր, որ կառավարությանը շնորհակալություն պետք է հայտնի, որ այդ հնարավորությունը տալիս եք»:

«Եթե մի մարդ 10 տարի աշխատել է որպես նախարար, պատգամավոր, ԱԺ նախագահ, իրեն դեսպան նշանակելիս պետք է հանձնաժողովը կարծիք տա, իսկ մարդն, ով 10 տարի աշխատել է օրինակ` դեսպանատան կցորդ, իր դեպքում ասում ենք, որ հանձնաժողովը քեզ հարցեր չունի՞»,- ասաց Փաշինյանը:

Փոխվարչապետ Տիգրան Ավինյանն էլ նշեց, որ թյուրըմբռնում կա, քանի որ բոլորին էր առաջարկվում գնալ հանձնաժողով:

Վարչապետը ասաց, որ ինքն է նախաձեռնել քաղաքական նշանակումների դրույթը սահմանափակել, բալանսավորել, բայց այստեղ խտրական մոտեցում է առաջանում: «Այսինքն՝ հակառակ դիսկրիմինացիան ենք անում, եւ ստացվում է՝ բաժանում ենք առաջին եւ երկրորդ սորտի դեսպանների եւ դեսպանության թեկնածուների»,- նշեց նա:

Նիկոլ Փաշինյանը կարծում է, որ տասը տարվա աշխատանքային ստաժը չի լուծում խնդիրները. «Ես այս ընթացքում բազմաթիվ աղաղակող կոպիտ թերություններ եմ տեսել: Ես այդ մասին խոսել եմ նախարարների հետ: Ինչ-որ կաստայական կառուցվածքներ են ձեւ ավորվում»:

Նիկոլ Փաշինյանն առաջարկեց հեղինակների հետ նորից քննարկել հարցը, հավելելով, որ այսպիսի հարցեր բերելուց պետք է կոնկրետ թվեր ներկայացնել եւ խորությամբ ուսումնասիրել: Որոշվեց նախագիծը դրական եզրակացությամբ ուղարկել ԱԺ` պայմանավորվելով, որ բարձրացված հարցերը մանրամասն կքննարկվեն:

Տպել
979 դիտում

«Քո գիտությունը դպրոցում». գալիք ուսումնական տարում դպրոցներում կիրագործվի նոր ծրագիր

ԱԱԾ-ն էներգետիկ համակարգի խափանման գործով լրացուցիչ փորձաքննության անհրաժեշտություն է տեսել

Ինչքան ճանաչված մարդ կա, պիտի պախարակեն․ սուտ տարածում ա, թե գեներալ Սեյրանին պառկացրին գետնին․ Սեյրան Սարոյան

Էջմիածնի քաղաքապետ Դիանա Գասպարյանի դեմ ներկայացված հայցը վարույթ է ընդունվել

Գյումրու տոնի գլխավոր համերգին Նունե Եսայանն իր մասնակցության համար գումար չի պահանջել. Լիլիթ Թովմասյան

Ավտոմեքենան դուրս է եկել ճանապարհի երթևեկելի հատվածից և ընկել ձորը. կա տուժած. ԱԻՆ

Առաջիկա տարիներին մանկապարտեզ կարող է հաճախել 3-6 տարեկան երեխաների 70%-ը. Արայիկ Հարությունյանը՝ վարչապետին

ԵԱՀԿ-ն դիտարկում կանցկացնի Օմարի լեռնանցքում

Դպրոցները կֆինանսավորվեն նոր բանաձեւով, կսահմանվի ուսուցչի նվազագույն աշխատավարձ. ԿԳՄՍՆ-ն որոշման նախագիծ է մշակել

Գնդեվազի նախկին գյուղապետն աճուրդով հող է վերցրել եւ մեծ գնով վաճառվել «Լիդիան Արմենիա»-ին. քրգործ է հարուցել

Թմրամիջոց պահելու եւ օգտագործելու կասկածանքով բերման ենթարկված քրեական հեղինակությունը բանգլադեշցի Վիրաբիկն է

Ամուլսարի հարցում կոռուպցիոն գործա՞րք է տեղի ունենեցել. դատախազությունը մամուլում առկա հրապարակումներն ուղարկել է ԱԱԾ

7-ից 18 տոկոս. Փաշինյանը ներկայացրել է Հայոց բանակի զինծառայողների աշխատավարձերի բարձրացման կոնկրետ ցուցանիշները

Իրանի հետ համագործակցությունը Հայաստանին օգուտ չի՞ բերի. ամերիկացի վերլուծաբանը փորձում է հակառակը համոզել

Քաղաքացու ինքնասպանության փորձը հաջողվել է կանխել. նա փորձել է ցած նետվել Նոր Հաճնի կամրջից

Հրդեհ Երեւանում. այրվում է սառնարանների պահեստը

Խոշոր հարկատուների առաջին տասնյակի 9 ընկերությունների վճարած հարկերը 2019-ի երկրորդ եռամսյակում աճել են

Ռոբերտ Քոչարյանի փաստաբանական թիմը հանդես է եկել հայտարարությամբ

Ննջասենյակի ներքնակի միջից գողացել էին 4 հազար դոլար. գողությունը կատարել էր տանտիրոջ դուստրը

Վանաձոր-Ալավերդի-Վրաստանի սահման ճանապարհն այսօր փակ է լինելու ժայռապայթեցման պատճառով