Նորագյուղցի Բոգոն դարձյալ շարունակում է ազդել Արմավիր-Երեւան երթուղին սպասարկող ընկերության ուղեւորահոսքի վրա

Երեւան-Արմավիր երթուղին սպասարկող «Գալակտիկա տրանս սերվիս» ընկերության խնդիրը արդեն 1 տարուց ավելի է՝ չի կարգավորվել: Ընկերության տնօրեն Շուշանիկ Խաչատրյանը ՀԺ-ին հայտնեց, որ քրեական հեղինակություն Նորագյուղցի Բոգոն (Ռուբեն Կոստանյան) շարունակում է ազդել իր սպասարկած երթուղու ուղեւորահոսքի վրա:

«Բոլոր կառույցները բավականին փաստեր ունեն՝ ՊԵԿ-ը, ոստիկանության 6-րդ վարչությունը, տարածքային կառավարման եւ ենթակառուցվածքների նախարարությունը, Քաղաքաշինության, տեխնիկական եւ հրդեհային անվտանգության տեսչությունը»,- պատմեց Խաչատրյանը:

Նա հայտարարում է, որ Երեւան-Բաղրամյան, Երեւան-Մյասնիկյան երթուղիները, որոնցից վերջինը պատկանում է Նորագյուղցի Բոգոյին, վերջնակետ չեն գնում, նրանց ուղղությունը միայն Երեւան-Արմավիր է: «Բազմիցս ասել եմ, որ Արմավիրի բոլոր գյուղերում կան ներմարզային տրանսպորտներ, մեր դերը ավտոկայանից ավտոկայան տեղափոխելն է: Վերջերս նրանց սպասարկման ժամկետը լրացել էր, սակայն տարածքային կառավարման եւ ենթակառուցվածքների նախարարությունը մինչեւ տարեվերջ երկարաձգել է ժամկետը: Արդյունքում իմ ընկերության աշխատանքը դարձյալ խաթարվել է: Բոգոն 7 տեղանոց մեքենաներ է ավելացրել Երեւան-Մյասնիկյան գծի մեջ: Ըստ օրենքի՝ առավոտյան Մյասնիկյանից պետք է գան Երեւան, Երեւանից էլ գնան Մյասնիկյան, սակայն ինչպես նշեցի՝ վերջնակետ չեն հասնում եւ օրական մի քանի անգամ են քշում դեպի Երեւան-Արմավիր: Դրա մասին լավ տեղյակ է ե՛ւ նախարարությունը, ե՛ւ ավտոկայանը, ե՛ւ տեսչությունը»,- ասաց Խաչատրյանը:

Խաչատրյանի խոսքով՝ մոտ 1 ամիս առաջ իրեն ցանկանում էին գծից զրկել. «Ու պատճառն այն է, որ իմ վարորդները օրական 1000 դրամ էին կարողանում աշխատել եւ չէին ուզում աշխատել, քանի որ անընդհատ ուղեւորահոսքի վրա ազդում էին, մարդիկ չէին կարողանում տուն պահել: Եթե դուք չեք գալիս այդ խախտումները բացահայտելու, ուրեմն ես այստեղ միտում եմ տեսնում, մարդիկ միտումնավոր ասում են՝ գնացեք այս հիմնարկը հողին հավասարեցրեք ու ինչ-որ շահ ունեն սրանից: Առանց շահի մարդուն այսպիսի վնաս չէին տա: Մի քանի օր իմ վարորդները չէին քշում Արմավիր-Երեւան եւ 1 հատ բողոք չի եղել, որովհետեւ մի քանի ընկերություններ այդ ուղղությունն են սպասարկում անօրինական: Այդ ընկերություններից են՝ «Ալ տրանս»-ը, «Ռամ-ակա»-ն: «Ռամ-ակա»-ն պատկանում է «Հայավտոկայարան»-ի պետի տեղակալ Արթուր Ջեյրանյանին»:

Խաչատրյանը նշեց, որ եթե խնդիրը չկարգավորվի, հնարավոր է՝ դարձյալ բողոքի ակցիա կազմակերպեն կառավարության դիմաց. «Պետք է անպայման հանդիպեմ պարոն վարչապետի հետ: Նրա օգնական Նաիրի Սարգսյանը խաբեց մեզ, ասաց՝ 5 օրում այս հարցերին լուծում կտրվի: Ամիսներ է անցել, ոչ մի փոփոխություն չկա: Սա վարչապետի գործն էլ չէ, այսպիսի հարցերով վարչապետը չպիտի օրենքով զբաղվի, որովհետեւ դրա համար կա նախարարություն, նախարար, փոխնախարար, ավտոկայան: Քանի որ ոչ մի բան չեն անում, ստիպված պիտի վարչապետին դիմենք: Մարդիկ, որ ասում են՝ այ մարդ, ինչ լինում է՝ վազում են Փաշինյանի մոտ, խեղճ մարդն իր գործերը թողնում, ամեն հարցով զբաղվում է, բայց հիմա ես նույն վիճակի մեջ եմ ընկել: Տարիներով պահանջում եմ, պայքարում եմ, խնդրում եմ, ասում եմ՝ մաքրեք գիծը, թողեք աշխատեմ: Ես մեծ վարկեր եմ վերցրել: Միգուցե պարոն Փաշինյանի հետ 5-10 րոպե հանդիպենք, ներկայացնենք իրականությունը»:

ՀՀ տարածքային կառավարման եւ ենթակառուցվածքների փոխնախարար Արմեն Սիմոնյանը մեր զրույցում ասաց, որ գրեթե բոլոր գծերի ժամկետը երկարացվել է՝ մինչեւ միասնական տրանսպորտային ցանց ներդրվի: «Այդ խնդիրը, որը տիկին Խաչատրյանը բարձրացնում է, ավելի շատ կապված է տեսչական մարմնի հետ, որովհետեւ մենք հաստատում ենք գիծը, իսկ նրանք ըստ չվացուցակի պետք է աշխատեն: Այսինքն, ստուգող մարմինը տեսչական մարմինն է: Ես կխնդրեմ տեսչական մարմնին, որպեսզի ուսումնասիրություններ անցկացնեն եւ իրավախախտներին տուգանեն»:

Սիմոնյանի խոսքով՝ միասնական տրանսպորտային ցանցի ներդրումը ցանկանում են սկսել Արմավիրի մարզից. «Խնդիրը նրանումն է, որ մենք ուղեւորահոսքերի ճշգրիտ քանակ չունենք: Հիմա ուղեւորահոսքերն ենք հաշվելու, մյուս շաբաթվանից կսկսենք հոսքերի հաշվարկը, կարծում եմ՝ երկար ժամանակ չի տեւի: Դրա հիման վրա մենք կկարողանանք հասկանալ, թե ինչքան ավտոբուսներ են պետք, ինչքան միկրոավտոբուսներ են պետք, չվացուցակը կկարողանանք կազմել: Այդ ամեն ինչից հետո մրցույթ կհայտարարենք, որից հետո կկարողանանք կարգավորել այն բացթողումները, որոնք հնարավոր է առաջանան: Դրանից հետո կանցնենք մնացած մարզերին: 1 տարվա ընթացքում հուսով եմ գոնե 80 տոկոսով կկարողանանք սա անել»:

Սիմոնյանն ասաց, որ եթե նույնիսկ ունենա տեղեկություն, որ Երեւան-Մյասնիկյան երթուղին իրականում իրականացնում է Երեւան-Արմավիր ուղեւորափոխադրում, ոչինչ չի կարող անել. «Դրան պետք է տեսչականը հետեւի: Օրինակ «Ալ տրանս» ընկերության Երեւան-Մեծամոր գիծը մենք չենք երկարաձգել, քանի որ տեսչականը մի քանի անգամ նրանց զգուշացրել է, որ քշում են դեպի Արմավիր: Այդ ընկերությունը դեռեւս իր դեղին համարանիշները չի հանձնել եւ տեղեկություն կա, որ նրանք այդ դեղին համարանիշներով շարունակում են ուղեւորափոխադրումներ իրականացնել: Ես կապ եմ հաստատելու ՃՈ պետի տեղակալի հետ, համապատասխան գրություն եմ ուղարկել, որպեսզի այդ դեղին համարանիշներով նրանք չկարողանան այլեւս շահագործել»:

Քաղաքաշինության, տեխնիկական եւ հրդեհային անվտանգության տեսչական մարմնի ղեկավարի տեղակալ Արտյուշ Գրիգորյանը «Հայկական ժամանակ»-ի հետ զրույցում ասաց, որ Երեւան-Մյասնիկյան երթուղին օրական 2 երթ է իրականացնում չվացուցակով: «Վերահսկողական աշխատանքների արդյունքում մենք իհարկե ե՛ւ մարզի ներսում, ե՛ւ միջմարզային ուղեւորափոխադրման համակարգում պարբերաբար ապօրինություններ ենք արձանագրում եւ համապատասխան ընթացք է տրվում այդ ապօրինություններին: Քանի որ տեւական ժամանակ է՝ ամենախնդրահարույց մարզն է կարծես թե տրանսպորտի ապօրինությունների վիճակագրությամբ Արմավիրի մարզը, նոր տրանսպորտային ցանցը ներդնելուց հետո շատ կարճ ժամանակահատվածում մենք կհասնենք նրան, որ իսպառ բացակայի ապօրինի ուղեւորափոխադրումը այդ մարզում»:

Գրիգորյանն ասաց, որ տեղյակ է «Գալակտիկա տրանս սերվիս» ՍՊԸ-ի տնօրենի բողոքից. «Նրա բողոքն այն է, որ Արմավիր քաղաքում միայն իր կազմակերպությունը լինի, դա իրենց բիզնես շահն է, մենք այդտեղ անելիք էլ չունենք, բայց այնուամենայնիվ, մարզում այլ կազմակերպություններ էլ կան, մենք բոլորի նկատմամբ հավասարապես վերահսկողական գործառույթներ ենք իրականացնում»:

Գրիգորյանի խոսքով՝ Երեւան-Մյասնիկյան երթուղին այս պահին վերջնակետ հասնում է. «Ժամանակին մենք Մյասնիկյան գյուղից շատ բողոքներ ենք ունեցել, որ Երեւան-Մյասնիկյան երթուղին Մյասնիկյան չի հասել, այսինքն, եկել Արմավիր քաղաքում պտտվել եւ հետ են վերադարձել: Ես վստահեցնում եմ, որ երբ մեզ մոտ վերահսկողական գործառույթը վերականգնվել է, պատշաճ վերահսկողության արդյունքում երթուղին պահպանել է իր սկզբնակետն ու վերջնակետը»:

«Հայավտոկայարան» ՓԲԸ-ի գլխավոր տնօրեն Աշոտ Մնացականյանը մեր զրույցում ասաց, որ նման տեղեկություն չունի, թե իր տեղակալ Արթուր Ջեյրանյանը կապ ունի «Ռամ ակա» ՍՊԸ-ի հետ: «Եթե նման բան լինի՝ նա կազատվի աշխատանքից, քանի որ շահերի բախման հարց է առաջանում»:

Տպել
3775 դիտում

ԱՄՆ-ը հաջորդ շաբաթ կհայտարարի Ուկրաինային տրամադրվող ռազմական օգնության նոր փաթեթի մասին. CNN

Հայաստանի ազգային պատկերասրահում ներկայացված կտավները «կճամփորդեն» Լոռու և Տավուշի դպրոցներով

Ծիծեռնակաբերդի խճուղին դեռ երկկողմանի փակ է, Լուսագյուղ-Երասխահուն ճանապարհը՝ միակողմանի անցանելի

Հոսանքի՝ մինչև 6-ժամյա անջատումներ են սպասվում 8 մարզերի և Երևանի մի շարք հասցեներում

5 օրում ՀՀ տարբեր հատվածներում արգելափակված 10 ավտոմեքենա է դուրս բերել

Հայաստանյայց Առաքելական Սուրբ Եկեղեցին տոնախմբել է Համբարձման տոնը

Մեզ հետաքրքրող ցանկացած տարածք կարող ենք նկարել. Արծրուն Հովհաննիսյանը՝ ՀՀ առաջին տիեզերական արբանյակի մասին

Քրեական ոստիկանության և ՊԵԿ ծառայողները թմրամիջոցներ են հայտնաբերել. բերման է ենթարկվել 27-ամյա մի երիտասարդ

Գնել Սանոսյանն ընդունել է Եվրոպայի խորհրդի Կոնգրեսի տնօրեն Ռաֆայել Բենեդիկտին

Երբ նոր էի սկսել նվագել, պապիկս ասաց՝ դա պաշտոն չէ, որ ես քեզ տամ, ինքդ պիտի հասկանաս՝ քոնն է, թե չէ. Ջիվան Գասպարյան

Ծիծեռնակաբերդի խճուղին շարունակում է մնալ երկկողմանի փակ

Հայտնի է «Դիմադրություն» շարժման այսօրվա հանրահավաքի մասնակիցների թիվը

Բուլղարիայի ԱԳՆ-ն ողջունել է Հայաստանի ջանքերն ու տարածաշրջանային անվտանգային միջավայրի ձևավորմանն ուղղված քայլերը

Բյուրականի անտառպետությունում հրդեհաշիջման աշխատանքներին մասնակցել է նաև ՊՆ ուղղաթիռ. ուսումնավարժանք է անցկացվել

ՀՀ վարչապետը Չեռնոգորիայի նախագահին է ներկայացրել ԼՂ հիմնախնդրի խաղաղ կարգավորման հայկական կողմի դիրքորոշումը

Ինչ ունեցվածք են հայտարարագրել ընդդիմադիր պատգամավոր Հռիփսիմե Ստամբուլյանը և նրա ամուսինը՝ Վահե Անդրիասյանը

Ընթանում է «Դիմադրություն» շարժման հերթական հանրահավաքը

Նա ծաղրի է ենթարկվում և չի արժանանում հարգանքի. ուսուցիչների՝ աշխատանքը թողնելու խնդիրը վերջին շրջանում մտահոգիչ է

Զորամասերից մեկում հավաք-խորհրդակցություն է կայացել

ՀՀ առաջին տիեզերական արբանյակի կողմից արված լուսանկարները կօգտագործվեն արտակարգ իրավիճակների կանխարգելմանը և կառավարմանը

Կառավարությունը գումար կհատկացնի Լոռի Բերդ ամրոցի պարսպի հյուսիսարևելյան հատվածի ամրակայման և մասնակի վերականգնման համար

Աննա Հակոբյանը Դավոսում մասնակցել է «Կին քաղաքական առաջնորդներ» ամենամյա միջոցառմանը

ՀՀ բռնցքամարտի ֆեդերացիան ամփոփել է 1-ին մրցահերթը. այսօր հաղթանակ է տոնել հայաստանյան 3 պատվիրակ

Դոլարի փոխարժեքը նվազել է եւս 3,5 դրամով. ՀՀ կենտրոնական բանկը հրապարակել է նոր փոխարժեքներ

Աբովյանում վեց ժամ ջուր չի լինի

Ընդդիմադիրները բողոքի ակցիա են իրականացնում Կառավարության դիմաց

ՊԵԿ-ը հրապարակել է համալիր հարկային ստուգումների տարեկան ծրագիրը

ՀՀ Ազգային ժողովն արտահերթ նիստ կգումարի հունիսի 3-ին

Չեռնոգորիայի նախագահը հարգանքի տուրք է մատուցել Հայոց ցեղասպանության զոհերի հիշատակին (տեսանյութ)

Նիկոլ Փաշինյանը տեսակապի միջոցով մասնակցել է Բիշքեկում անցկացվող Եվրասիական տնտեսական ֆորումի աշխատանքներին (տեսանյութ)

Կարեն Անդրեասյանը հանդիպել է Ագնե Բիլոտաիտեին. հանդիպմանը անդրադարձել են երկկողմ հետաքրքրություն ներկայացնող հարցերի

Ինեկոբանկն Android օգտատերերի համար գործարկում է Mastercard քարտերով NFC վճարումները

ՀՀ վարչապետն ընդունել է Հակամարտությունների գոտիներում ժառանգության պաշտպանության միջազգային դաշինքի գործադիր տնօրենին

Ծաղկաձորում տաքսու վարորդը գողացել է զբոսաշրջիկի դրամապանակը (տեսանյութ)

Պաշտոնական այցով Հայաստան է ժամանել Չեռնոգորիայի նախագահ Միլո Ջուկանովիչը (լուսանկարներ)

Դաշնակցությունը որևէ գործարան, օբյեկտ չունի, դաշնակցականի ունեցվածքը տարբեր է, քաղաքական ուժինը՝ տարբեր. Սաղաթելյան

Միրզոյանը ընդունել է Հակամարտությունների գոտիներում ժառանգության պաշտպանության միջազգային դաշինքի տնօրենին (տեսանյութ)

Ելնելով Հայաստանում տիրող իրավիճակից՝ ցանկացա բեմադրել այս ներկայացումը. պրեմիերա Ազնավուր քոլեջի ուսանողական թատրոնում

Կալանքի երկարաձգման միջնորդությունը չբավարարվելու հետևանքով մեղադրյալը նոր հանցագործություններ է կատարել և թաքնվել

Առանձին շրջաններում սպասվում է կարճատև անձրև. առաջիկա օրերի եղանակային կանխատեսումը