Հեռուստացույց, անվադողեր, բժշկական թափոններ. աղբամանները դրանց համար չեն, ուրեմն ինչ անել

Երեւանի քաղաքապետ Հայկ Մարությանը աշխատանքային վերջին խորհրդակցության ժամանակ ընդգծել է, որ քաղաքի աղբամանները հաճախ օգտագործվում են ոչ ըստ իրենց նշանակության եւ կենցաղային աղբի փոխարեն այնտեղ են հայտնվում կենցաղային տեխնիկա, անվադողեր: Անդրադարձ է եղել նաեւ բժշկական թափոնները ընդհանուր աղբամաններում հայտնվելու երեւույթին, ինչը նույնպես անթույլատրելի է:

«Բնակչության հետ մեծ անելիք ունենք աղբ թափելու կարգի ձեւավորման առումով: Աղբահանության խնդրի կարգավորումից հետո կանցնենք աղբի տեսակավորմանը եւ սկսելու ենք ստվարաթղթից: Բայց մինչ այդ, մեր քաղաքացիները պետք է հասկանան, որ աղբատար մեքենաները չեն կարող մանրացնել, օրինակ, հեռուստացույցները կամ անվադողերը եւ դրա պատճառով աղբահանության տեխնիկան շարքից դուրս կգա»,- նշել է նա:

Այսուհանդերձ հարց է առաջանում՝ ինչպե՞ս վարվի բնակիչն, օրինակ, կենցաղային տեխնիկայի հետ, որը պետք է դեն նետել, բայց աղբամաններն էլ դրա համար չեն: Քաղաքապետարանի տեղեկատվության վարչությունից պարզաբանեցին, որ գոյություն ունի «Դավարս» մասնագիտացված ընկերություն, որին կարելի է դիմել՝ անհատական պատվերի սկզբունքով եւ ստանալ վճարի դիմաց ստանալ համապատասխան ծառայություն: Իսկ այն դեպքերում, երբ այդ թափոնները հայտնվում են աղբամանների մոտ, վարչական շրջանների աշխատակիցները նախ փորձում են հայտնաբերել դրա հեղինակին եւ պարտավորեցնել այդ աղբը տեղափոխել սեփական միջոցներով: Հաղոջություն չունենալու դեպքում դա կրկին «Դավարսն» է անում, քանի որ քաղաքապետարանի հետ կնքել է համապատասխան պայմանագիր:

Ինչ վերաբերում է բժշկական թափոններին, դրանք կենցաղային աղբի հետ խառնելու արգելքին անդրադարձել է նաեւ առողջապահության նախարարությունը: «Բժշկական թափոնների սխալ գործածությունը կարող է ուղղակի կամ անուղղակի բացասական ազդեցություն ունենալ հիվանդների, առողջապահության համակարգի աշխատողների եւ շրջակա միջավայրի վրա: Այդ պատճառով արգելվում է բժշկական թափոնները խառնել կենցաղային թափոնների հետ: …Վարակիչ բժշկական թափոնները դրանց գոյացման վայրում անմիջապես պետք է առանձնացվեն այլ  թափոններից, այդ թվում՝ կենցաղային թափոններից, տեղադրվեն դրանց հավաքման համար հատուկ նախատեսված եւ մակնշված տարողությունների մեջ, հեռացվեն եւ վնասազերծվեն միայն օրենսդրությամբ սահմանված կարգով լիցենզավորված կազմակերպությունների կողմից»,- ասվում է առողջապահական գերատեսչության այսօր տարածած հաղորդագրության մեջ: Դրանում նաեւ հիշեցվում է, որ սանիտարական կանոնների խախտման դեպքում սահմանվում է վարչական տույժ:

Տպել
3308 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)