Երկու տարի առաջ ոչ ոք չէր կարող պատասխանատու ձեւով ասել, թե երբ կավարտենք. Երեւանի կրկեսը դեռ պատրաստ չէ

Երեւանի կրկեսի վերանորոգված նոր շենքը շահագործման պետք է հանձնվեր դեռեւս 2017 թվականին, սակայն կրկեսում շինաշխատանքները չեն ավարտվի նաեւ 2019 թվականի տարեվերջին: Երեւանի կրկեսի վերակառուցման շինարարական աշխատանքները սկսվել էին 2011 թվականին՝ «Տաշիր» ՍՊԸ-ի կողմից: Տվյալ ընկերությունը բազմիցս հայտարարել էր, որ շինարարական աշխատանքները ավարտին կհասցվեն 2017 թվականին, սակայն դեռեւս ձգձգվում է:

«Երեւանի Կրկես» ՍՊԸ-ի գլխավոր ինժեներ Ավագ Հովհաննիսյանը ՀԺ-ի հետ զրույցում դժվարացավ նշել շինարարական աշխատանքներն ավարտին հասցնելու հստակ ժամանակացույց․ «Անհամեմատ մեծ ծախսեր են արվում, եւ բազմաթիվ դրական լուծումներով ու հագեցած աշխատանք է կատարվում: Ոչ մի տեսակի խնդիր չունենք, եթե մարդ կա, որ մտածում է, թե Կարապետյանների հետ համագործակցելով գումարի խնդիր ունենք, դա ուղղակի ծիծաղելի է: Ոչ մի հետքայլ չի արվել, արվել է միայն դեպի առաջ ու դեպի լավը»,-ասաց Ավագ Հովհաննիսյանը:

Ապակյա շինություն, հրակայուն գմբեթ, ավելի քան 2 հազար նստատեղ․ ահա ինչպիսին է լինելու Երեւանի կրկեսի նոր շենքը: Այն ունի 8 հարկ, 6-ը`վերգետնյա, 2-ը`ստորգետնյա։ Շենքի բարձրությունը 28.5 մետր է, դահլիճում 2350 նստատեղ կա՝ Հովհաննիսյանի խոսքով` շենքի հարմարավետության համար։ Վերջին հարկերում հյուրանոցային համարներ են կառուցվել, որպեսզի կրկեսային հյուրախաղերի եկած արտիստները գումար չծախսեն հյուրանոցների վրա:

Ըստ գլխավոր ինժեների`շենքի ամենայուրահատուկ հատվածը գմբեթն է, որը 46 մետր տրամագծով թռչող կոնստրուկցիայի ձեւ ունի։ Գմբեթը հավաքվել է մետաղով եզերված փայտյա կոնստրուկցիաներով, ինչն էլ այն դարձնում է թեթեւ, սեյսմակայուն եւ հրակայուն:

«Երեւանի Կրկես» ՍՊԸ-ի գլխավոր ինժեներից հետաքրքրվեցինք, թե ինչ է փոխվել եւ ինչու աշխատանքներն այսքան ձգձգվեցին, քանի որ տարիներ առաջ, երբ շինարարությունը դեռ նոր էր սկսվել, պատասխանատուները հայտարարում էին, որ ամենաուշը 2017 թվականին դրանք կավարտվեն․ «Երկու տարի առաջ ոչ ոք պատասխանատու ձեւով չէր կարող ասած լինել, թե երբ կավարտվեն: Ես էլ կխուսափեմ կոնկրետտ ժամանակացույց նշելուց: Այս պահին 100-ից 120 հոգի աշխատում են այստեղ, մենք մեր աշխատանքը բնականոն հունով առաջ ենք տանում»,-նկատեց նա:

«Հայկական Ժամանակ»-ը Երեւանի կրկեսի գեղարվեստական ղեկավար Սոս Պետրոսյանից հետաքրքրվեց, թե այս պահին որտեղ են իրենց դերասաններն ու ինչով են զբաղվում․

«Դերասանները նախորդ տարիների նման մշտազբաղ են, կրկեսի հիմանական շենքի չլինելը նրանց չի խանգարում գործունեություն ծավալել: Մենք չենք կորել, մեր բոլոր դերասանները հյուրախաղերի են, ինդիվիդուալ աշխատում են՝ մինչեւ կրկեսը բացվի: Կրկեսը թատրոն չէ, որ նստեն սպասեն, իմ աշակերտները, մեր լավ դերասանները բոլորը հյուրախաղերի են»,-ասաց Սոս Պետրոսյանը: Վերջինիս եւս նկատեց, որ կրկեսը պետք է պատրաստ լիներ դեռեւս 3 տարի առաջ, բայց չգիտի ինչու՝ այդ գործընթացը երկարում է․

«Անկախ ամեն ինչից՝ ես իմ խորին շնորհակալությունն եմ հայտնում «Տաշիր» ընկերությանը, որ այդ մարդիկ մեզ կրկես են նվիրում»,-ասաց կրկեսի գեղարվեստական ղեկավարը:

Երեւանի կրկեսը որոշ ժամանակ վարձակալել էր նախկին առեւտրի պալատի երկրորդ հարկը, իսկ հիմա 100 հազար դրամ վարձավճարով վերցրել են Առնո Բաբաջանյան դահլիճը, որի գումարը դարձյալ «Տաշիր» ընկերությունն է վճարում: «Երեւանի Կրկես»-ի գեղարվեստական ղեկավարը հայտնեց, որ անհամբեր սպասում են նորակառույց եւ հագեցած շենքի բացմանը, նա անգամ բացման սցենարն է արդեն գրել:

Սոս Պետրոսյանը հայտնեց, որ իր որդին՝ կրկեսի իլյուզիոնիստ Սոս Պետրոսյանը, շուտով Գերմանիայից կգա Հայաստան, որպեսզի քննարկեն նոր կրկեսի գեղարվեստական մասը: «Կրկեսային աշխարհը հիմա շատ թանկ է, դերասաններ ենք ուզում դրսից բերել, բայց այնպես անել, որ տոմսերի գների վրա դա չազդի»,-ասաց նա:

Կրկեսի գեղարվեստական ղեկավարը նաեւ հայտնեց, որ սեպտեմբերի 16-ին Մոսկվայում մեծ շուքով կտոնեն սովետական կրկեսի 100-ամյակը: Հրավիրված է նաեւ ինքը: Սոս Պետրոսյանը ներկայացնելու է հայկական կրկեսի պատմությունը, դրա գեղարվեստական արժանիքները:

Տպել
2792 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց