Վանաձորում թոշակառուներն ահազանգում են՝ բժշկասոցիալական փորձաքննություններ չեն կայանում

Լոռու մարզի բժշկասոցիալական փորձաքննության (ԲՍՓ) գործակալության Լոռու մարզի թիվ 1 հանձնաժողովում տեւական ժամանակ է կաթվածահար իրավիճակ է: Այս մասին «Հայկական ժամանակ»-ը մի քանի ահազանգեր է ստացել քաղաքացիներից, որոնք պատմել են, որ բժշկասոցիալական փորձաքննություններ շուրջ 2 ամիս է՝ տեղի չեն ունենում. նախ պատճառաբանում են՝ թե հանձնաժողով որպես այդպիսին գոյություն չունի, հետո էլ թե՝ համապատասխան մասնագետներ չկան: Վերջերս դիմած քաղաքացիներին գործակալությունից ասել են, թե մասնագետները, որոնք տարբեր մարզերից են գալիս, չեն հասցնում իրենց տարածքի հետ, նրանց մի մասն էլ արձակուրդում է. «Հիվանդ մարդ եմ, վրես առողջություն չկա, ինչքան կարող եմ գնալ հետ գալ, 2 կոպեկ թոշակ եմ ստանում, դրել կտրել են, ինչ է թե մասնագետ չունեն, ու իմ պես շատ հաշմանդամություն ունեցող մարդիկ կան, ովքեր երկար ժամանակ ա չեն կարողանում էդ անտեր ֆտեկի կամիսյան անցնեն»,-մեզ հետ զրույցում պատմեց ահազանգած քաղաքացին, որը հասկանալի պատճառներով չցանկացավ ներկայանալ: Նրա խոսքով՝ հուլիսից այս կողմ, հանձնաժողովային որեւէ նիստ չի արվել, ինչի արդյունքում ոչ միայն զրկվել են հաշմանդամության կարգից, այլ նաեւ՝ ամեն ամիս տրվող հաշմանդամության թոշակից. «Ճիշտ է՝ իրենք ասում են, որ կարգը վերականգնելու ժամանակ կորցրած գումարներն էլ են վերադարձվելու, բայց մենք դեղ ենք առնում, ինչու ոչ նաեւ՝ դրանով ենք ապրում»:

Մեր տեղեկություններով՝ հանձնաժողովում իրավիճակը քաոսային է դարձել, երբ ԱԱԾ-ն այս տարվա մայիսի սկզբին բացահայտել ու խափանել էր ՀՀ ԲՍՓ գործակալության Լոռու մարզի թիվ 1 հանձնաժողովի կոռուպցիոն սխեման: ԱԱԾ-ի տարածած հաղորդագրության համաձայն՝ձ եռք բերված նախնական տվյալների համաձայն՝ ՀՀ ԲՍՓ գործակալության Լոռու մարզի թիվ 1 հանձնաժողովի նախագահ Մ.Մ-ն և նույն հանձնաժողովի անդամները, գալով նախնական համաձայնության, ի պաշտոնե լիազորված լինելով իրականացնել համապատասխան բժշկասոցիալական փորձաքննություններ՝ քաղաքացիներին օրենքով նախատեսված հաշմանդամության խումբ որոշելու, տևողության ժամկետները սահմանելու և քաղաքացիների օգտին այլ նախընտրելի որոշումներ կայացնելու դիմաց, 2018թ. դեկտեմբերից մինչև 2019 թվականի  ապրիլը, տասնյակ անձանցից պահանջել և որպես  խոշոր չափերով կաշառք ստացել են ընդհանուր առմամբ 645 հազար դրամ գումար՝ յուրաքանչյուրից 20-55 հազարական դրամ:

Առերևույթ հանցագործության դեպքի առթիվ ՀՀ ԱԱԾ քննչական դեպարտամենտում հարուցվել է քրեական գործ՝ ՀՀ քրեական օրենսգրքի 311-րդ հոդվածի 3-րդ մասի 2-րդ կետի հատկանիշներով: Մեղադրանք է առաջադրվել 1 անձի, որպես խափանման միջոց ընտրվել է կալանավորումը: ՀԺ-ի տեղեկություններով՝ մեղադրանք էր առաջադրվել, այնուհետ նաեւ կալանավորվել էր հենց հանձնաժողովի նախագահը:

Այդ օրվանից մինչ օրս, փաստորեն, քաոսային իրավիճակ է տիրում: Մեզ հասած տեղեկություններով՝ մինչեւ ԱԱԾ-ի օպերացիան, ամեն ինչ բնականոն է եղել, ամեն շաբաթ հանձնաժողովի նիստ է կայացել, սակայն դրանից հետո հանձնաժողովի գործունեությունը կասեցվել է: Գործընկերներին օգնության են եկել հարեւան հանձնաժողովներից: Վերջին շրջանում էլ հանձնաժողովը, որ բաղկացած է եղել 2-4 անդամներից, որոնց մեծ մասը Գեղարքունիքի, Լոռու եւ Տավուշի ԲՍՓ-ների անդամներ են, աշխատանքի ծանրաբեռնվածության պատճառով չեն կարողացել գալ Վանաձոր ու նիստ գումարել, իսկ օգոստոսին էլ, քանի որ արձակուրդային ամիս է, էլ ավելի է կաթվածահար արել առանց այդ էլ կաթվածահար վիճակը:

Մայիսին գործունեությունը կասեցրած ՀՀ ԲՍՓ գործակալության Լոռու մարզի թիվ 1 հանձնաժողովը սպասարկում էր Վանաձոր քաղաքն ու Լոռու մարզի Գուգարքի տարածաշրջանը՝ բազմաթիվ գյուղական համայնքներով:

Ահազանգած քաղաքացիների պատմելով՝ իրենց նման շուրջ 150 քաղաքացի ավելի քան 2 ամիս սպասում է բժշկասոցիալական փորձաքննության կայացմանը: Նրանց պատասխանել են, թե սեպտեմբերին կսկսեն հանձնաժողովի նիստեր գումարել: Հաշմանդամություն ունեցող անձինք սակայն նկատում են՝ չսպասարկված քաղաքացիների թիվը գնալով մեծանում է, եւ դժվար թե սեպտեմբերին հանձնաժողովը կարողանա սպասարկել բոլորին:

Ի դեպ, բժշկա-սոցիալական փորձաքննության գործակալության կայքում եւս ՀՀ ԲՍՓ գործակալության Լոռու մարզի թիվ 1 հանձնաժողովի գործունեությունը կասեցված է նշված:

ՀՀ ԲՍՓ գործակալության բաժնի պետի ժամանակավոր պաշտոնակատար Նունե Մկրտչյանը ՀԺ-ի հետ զրույցում հերքեց, թե ԼՈՌԻ 1 ԲՍՓ-ի հանձնաժողովի կասեցման հետ կապված հանձնաժողով այնտեղ չկա. «Հայտնի պատճառներով է կասեցվել, եւ մինչեւ դատարանի որոշում չլինի, մենք այդտեղ որեւէ բան անել չենք կարող: Մենք շատ լավ կազմակերպում ենք աշխատանքները, նախ Լոռի-1-ի գործառույթները դրված են Լոռի 2-ի վրա, որը սպասարկում է Ստեփանավան, Սպիտակ եւ Տաշիր համայնքները, ու քանի որ Լոռի 2-ի հանձաժողովը շաբաթը 1 կամ 2 օր է կարողանում գալ, եւ որ Վանաձորը մեծ քաղաք է, մենք Երեւանից, Գեղարքունիքից տարբեր ԲՍՓ-ներ ենք ուղարկում կուտակումների ժամանակ՝ լրացուցիչ փորձաքննությունների համար, այս քանի օրն էլ Տավուշից է գնալու, քանի որ Լոռի 2-ը հիմա արձակուրդում է»,-ասաց նա:

Նունե Մկրտչյանի խոսքով՝ իրենք չեն թողնում, որ մարդկանց օրն ու ժամը անցնի ու չփորձաքննվեն. «Մենք էլի ԲՍՓ-ներ ունենք, որոնց գործողությունը կասեցված է, կողքի ԲՍՓ-ների միջոցով փորձում ենք դա իրականացնել»:

Դիտարկմանը, որ ըստ քաղաքացիների, 2 ամիս է նիստ չի գումարվում, հակադարձեց. «Լոռի 1-ում չի գումարվել, ուրիշ հանձնաժողովների կողմից է գումարվել, փորձաքննությունը իրականացվել է, մարդիկ որոշումներ ստացել են»,-ասաց նա, խնդրելով տրամադրել այն քաղաքացիների տվյալները, ովքեր գնացել են, ժամկետը լրացել է, բայց չեն ստացել: Երբ տիկին Մկրտչյանին փոխանցեցինք քաղաքացու դիտարկումը, որ հուլիսի 20-ից այս կողմ չի արվել, միանշանակ հերքեց, նշելով, որ անցած շաբաթ կոնկրետ կայացել է. «Կուտակումներ, իհարկե ունենք, բայց դա չի նշանակում, թե չեն սպասարկվում իրենք, եթե տեսնենք, որ ժամկետների շեղում ենք ունենում, այլ ԲՍՓ-ներ ենք ուղարկում, վերջապես մարդիկ նպաստ են ստանում, դեղորայք են ստանում….չենք թողնում, որ տուժեն»,-վստահեցրեց բաժնի պետի ժամանակավոր պաշտոնակատարը, մեկ անգամ եւս խնդրելով տրամադրել ահազանգող քաղաքացիների տվյալները, որպեսզի կարողանան պարզել խնդիրը:

Նունե Մկրտչյանը մեկ անգամ եւս պնդեց՝ շաբաթվա մեջ, առնվազն 1-2 անգամ փորձաքննություն իրականացվում է, անգամ եթե իրենք չեն հասցնում, նոր ԲՍՓ են ուղարկում. «Ես հերքում եմ, որ հնարավոր է քաղաքացի լինի, ով 1 ամիս է չի սպասարկվել, ինչ մնաց 2 ամիս, դա մեր վարչարարության օրենքն է պահանջում»:

Տպել
374 դիտում

ՔԿ-ն մանրամասներ է հրապարակել Վայոց Ձորում մարզպետի օգնականի մասնակցությամբ տեղի ունեցած միջադեպի մասին

Հովհաննես Բաչկովը՝ բռնցքամարտի աշխարհի առաջնության բրոնզեմեդալակիր

Եթե ՍԴ-ում անհրաժեշտ թվով քվեներ չապահովվեն, որոշումը կհամարվի մերժված. Վլադիմիր Վարդանյան

Հայ հունահռոմեականներին աշխարհի առաջնությունում խանգարել են մրցավարներն ու վիճակահանությունը. մարզիչներ

Ողբերգական ավտովթար Երեւան-Գումրի ավտոճանապարհին. կան տուժածներ և մեկ զոհ

ՀՀ պետական բյուջե հաշվեգրված հարկային եկամուտներն աճել են 21.3%-ով. ՊԵԿ

Աղմկոտ միջադեպի գործով ձերբակալվել է Վայոց ձորի մարզպետի օգնականը. ստուգվում է մարզպետի մասնակցությունը

Արմավիրի մարզում բնությանը պատճառվել է ավելի քան 1.188.834 դրամի վնաս. դատախազություն

Խորհրդարանն առաջին ընթերցմամբ ընդունեց 56 մլրդ դրամ ԱԱՀ դեբետային պարտքը հարկ վճարողներին վերադարձնելու նախագիծը

Ռոբերտ Քոչարյանի պաշտպանները վերաքննիչ բողոք են ներկայացրել

Անցյալ տարի հակամարտության գոտիներում ծնվել է ավելի քան 29 միլիոն երեխա. ՄԱԿ

Աննախադեպ է, որ հարկային մարմինները տնտեսվարողների մասին նման սրտացավ վերաբերմունք ունենան․ Սերգեյ Բագրատյան

ՀՀ գլխավոր դատախազի տեղակալին շնորհվել է արդարադատության երրորդ դասի պետական խորհրդականի դասային աստիճան

Դերասան Բաբկեն Չոբանյանին շնորհվել է վաստակավոր արտիստի կոչում

Վայոց ձորի մարզպետի օգնականի հետ վեճից հետո ՊՆ փոխգնդապետը հայտնվել է վերակենդանացման բաժանմունքում

16 բջջային հեռախոս, բջջային հեռախոսի 1 լիցքավորման սարք, 3 USB լար. խուզարկություններ՝ ՔԿՀ-ներում

«Նաիրիտ»-ը պետությանը պարտք է 10 մլրդ դրամ, «Արմավիա»-ն՝ 37 մլրդ դրամ․ Դավիթ Անանյան

Ամփոփվել է ՀՀ ՊՆ ՌՈ խաղաղապահ դասակի զինծառայողների մեկշաբաթյա դասընթացը

Յուրի Խաչատուրովի որդուն շնորհվել է գեներալ-մայորի կոչում

Գյումրիում ազատ հյուրանոց եւ հյուրատուն չի մնացել. անկախության տոնին ընդառաջ քաղաքում բում է