Մեղադրյա՛լ Քոչարյան, դու ասել ես՝ ես տղամարդ եմ․ տղամարդկություն ունեցիր եւ քո խստագույն պատիժը կրիր․ Սարգիս Քլոյան

Հարգելի՛ դատարան, ես՝ որպես 2008 թվականի ցույցերի մասնակից, ամեն ինչ իմ աչքով տեսել եմ, ամե՛ն ինչ։ Այս մասին այսօր Երեւան քաղաքի ընդհանուր իրավասության դատարանում Մարտի 1-ի գործով դատական նիստի ժամանակ ասաց մարտիմեկյան դեպքերի ժամանակ զոհված Գոռ Քլոյանի հայրը՝ Սարգիս Քլոյանը․

«Մի անգամ Վերաքննիչ դատարանում ասել եմ, որ Մարտի 1-ի երեկոյան ժամը ինը հավասարեցնում եմ 1941 թվականին բրեստի գրավմանը։ Չեք պատկերացնի՝ վերեւից կրակած փամփուշտները, դիպուկահարները, չերյոմուխաները, հատուկ միջոցները կիրառել են ժողովրդի դեմ։ Այդ ժամանակ ասում էին՝ ցուցարարները կարկում են զինվորների վրա»,- պատմեց Քլոյանը։

Նա նաեւ հիշեց, որ ՀՀ նախկին գլխավոր դատախազ Աղվան Հովսեփյանը բազմիցս ասել է, թե Մարտի 1-ի էջը փակված է, էլ անունը չտա՛ք․

«Դա ի՞նչ է նշանակում»,- հարց հնչեցրեց տուժողի իրավահաջորդը, եւ ինքն էլ պատասխանեց․ «Ծածկադմփո՛ց»։

Քլոյանի խոսքով՝ ավագ քննիչ Վահագն Հարությունյանն իր լավ ծառայության համար ստացավ գեներալ-մայորի կոչում, ինքն էլ անձամբ բազմիցս եղել է Հարությունյանի մոտ, եւ վերջինս իրեն ասել է՝ «էս գործը չի՛ բացահայտվելու»։

Սարգիս Քլոյանի պնդմամբ՝ ԱԺ ՀՀԿ խմբակցության նախկին պատգամավորներից շատերը, որոնց անունները ինքը նաեւ կարող է հնչեցնել, իրեն ասել են, թե՝ պարոն Քլոյան, էս իշխանության օրոք Մարտի 1-ը չի բացահայտվելու․

«Տասը տարի գիշեր-ցերեկ ասել ենք՝ ՀՔԾ, դատախազություն, բացահայտե՛ք, հինգ անգամ եղել եմ ՀՔԾ-ում, հինգ անգամ էլ նոր քննիչներ են ի հայտ եկել։ Ասում եմ՝ բա ի՞նչ եղան էն քննիչները, ես արդեն գրավոր գրել եմ՝ որտեղ են գնդակահարել իմ տղային, անուն-ազգանունով, հասցեով, մահվան տեղով, անտեսվել է այդ ամենը»։

Վերջացնելով խոսքը՝ Սարգիս Քլոյանը դիմեց Ռոբերտ Քոչարյանին․

«Մեղադրյա՛լ Քոչարյան, դու ասել ես՝ ես տղամարդ եմ, իհարկե, տղամարդ ես, տղամարդկություն ունեցիր եւ քո խստագույն պատիժը կրիր․․․»։

Հիշեցնենք՝ Երեւան քաղաքի ընդհանուր իրավասության դատարանի Շենգավիթի նստավայրում մեկնարկել է Մարտի 1-ի գործով առանցքային մեղադրյալ Ռոբերտ Քոչարյանի եւ մյուսների գործով դատական առաջին նիստը։ Նիստը նախագահում է դատավոր Աննա Դանիբեկյանը։

Ինչպես արդեն տեղեկացրել ենք՝ ամբաստանյալի կարգավիճակով առաջին անգամ դատարանում են ՀԱՊԿ նախկին գլխավոր քարտուղար Յուրի Խաչատուրովը, Պաշտպանության նախկին նախարար Սեյրան Օհանյանը, նախկին փոխվարչապետ Արմեն Գեւորգյանը եւ Ռոբերտ Քոչարյանը։

Դատական նիստին մասնակցում են նաեւ Մարտի 1-ի զոհերի իրավահաջորդները, տուժողները: Մեղադրող դատախազներից ներկա են Երեւան քաղաքի դատախազ Գեւորգ Բաղդասարյանը եւ գործի նկատմամբ դատավարական հսկողություն իրակաանցնող դատախազ Պետրոս Պետրոսյանը:

Տպել
2169 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց