Երևան
16 °C
Տպագրվել է «Հայկական Ժամանակ» օրաթերթի՝ 2006 թվականի հոկտեմբերի 12-ի համարում
Երբ երեկ հայտնի դարձավ, որ ՀՀ գլխավոր դատախազ Աղվան Հովսեփյանի միջնորդությունը ԱԺ-ին` պատգամավոր Հակոբ Հակոբյանի (Ճոյտի) նկատմամբ քրեական հետապնդում սկսելու վերաբերյալ, ցանկանում են քննարկել կառավարության նախաձեռնությամբ հրավիրվելիք ԱԺ արտահերթ նիստում, մի պահ տարակուսեցինք: Այդ գործընթացում ՀՀ կառավարության ներգրավվածությունը չի կարող օրինական որեւէ հիմնավորում ունենալ: Ի՞նչ հիմքով պետք է կառավարությունը դիմի ԱԺ-ին` արտահերթ նիստ հրավիրելու նախաձեռնությամբ: Երեկ երեկոյան ՀՀ գլխավոր դատախազությունը տարածեց պաշտոնական հաղորդագրություն, որում ասված է.
«ՀՀ գլխավոր դատախազ Աղվան Հովսեփյանը հոկտեմբերի 11-ին դիմել է ՀՀ վարչապետ Անդրանիկ Մարգարյանին` ՀՀ կառավարության 2006 թվականի հոկտեմբերի 12-ին կայանալիք նիստի օրակարգում ընդգրկել նաեւ ՀՀ Ազգային ժողովի արտահերթ նիստ հրավիրելու մասին ՀՀ ԱԺ նախագահին առաջարկ ներկայացնելու հարցը` հետեւյալ օրակարգով. «Ազգային ժողովի պատգամավոր Հակոբ Հակոբյանին որպես մեղադրյալ ներգրավելու վերաբերյալ» ՀՀ գլխավոր դատախազի միջնորդագիրը քննարկելու մասին»: Այսպիսով, կարող ենք արձանագրել, որ, այնուամենայնիվ, ՀՀ գլխավոր դատախազը խախտել է ՀՀ Սահմանադրությունը` կատարելով գործողություն, որի լիազորությունը չունի: ՀՀ Սահմանադրության 103-րդ հոդվածի վերջին նախադասությամբ ամրագրված է, որ դատախազությունը գործում է Սահմանադրությամբ իրեն վերապահված լիազորությունների շրջանակում` օրենքի հիման վրա:
«Դատախազության մասին» օրենքում չկա ոչ մի բառ, որը ՀՀ գլխավոր դատախազին իրավունք է տալիս դիմել ՀՀ վարչապետին` կառավարության նիստի օրակարգում ինչ-որ հարց ընդգրկելու առաջարկով: Բայց դատախազն ավելի առաջ է գնացել եւ ԱԺ արտահերթ նիստ նախաձեռնելու առաջարկով է հանդես եկել` նշելով կոնկրետ հարցի անվանումը: Իր այս քայլով գլխավոր դատախազը Սահմանադրությամբ դատախազությանը վերապահված լիազորության կատարումը պայմանավորել է կառավարության որոշմամբ: Մի պահ պատկերացրեք, որ վարչապետ Անդրանիկ Մարգարյանը չի ընդունում ՀՀ գլխավոր դատախազի առաջարկը եւ հարցը չի մտցնում կառավարության նիստի օրակարգ: Կամ վարչապետը հարցը մտցնում է կառավարության նիստի օրակարգ, բայց այն գործադիր մարմնի հավանությանը չի արժանանում:
Ի՞նչ պետք է անի ՀՀ գլխավոր դատախազը` շորե՞րը պատառոտի: ՀՀ Սահմանադրությունն ամրագրում է, որ ԱԺ արտահերթ նիստերը գումարում է խորհրդարանի նախագահը` ՀՀ նախագահի, կառավարության եւ ընդհանուր պատգամավորների 1/3-ի նախաձեռնությամբ: Միակ օրենքը, որը ստեղծված իրավիճակում ՀՀ դատախազությանը որոշակի լիազորություն է տալիս խնդիրը լուծել` ԱԺ կանոնակարգն է: Իսկ այն ՀՀ գլխավոր դատախազին իրավունք է տալիս դիմել ԱԺ-ին` պատգամավորին անձեռնմխելիությունից զրկելու նպատակով համաձայնություն ստանալու համար: Սահմանադրությունը չխախտելու համար ՀՀ գլխավոր դատախազը պետք է պարզապես օգտվեր իրեն տրված լիազորությունից եւ դիմեր ԱԺ նախագահին:
Դրանից հետո միջնորդությունը կարող էր քննարկվել ԱԺ հերթական նիստի ժամանակ, կամ եթե այն հրատապ քննարկելու խիստ անհրաժեշտություն առաջանար, ապա պետք է թվով 44 պատգամավորների ստորագրությամբ արտահերթ նիստ նախաձեռնվեր: Իհարկե, ԱԺ-ում անհնար է գտնել 44 պատգամավոր, որոնք անցած տարիներին նույն արարքը չեն արել, ինչ Հակոբ Հակոբյանը, ուստի ստորագրություններ հնարավոր չէր լինի հավաքել եւ հարկ կլիներ սպասել հերթական նիստին: Խնդրի լուծման սահմանադրական մյուս տարբերակը կարող էր լինել ՀՀ գլխավոր դատախազի կողմից ՀՀ նախագահին դիմելը, բայց ոչ թե ԱԺ արտահերթ նիստ հրավիրելու առաջարկով, այլ ՀՀ Սահմանադրության 49-րդ հոդվածը հիմք ընդունելով, որն ամրագրում է, որ ՀՀ նախագահն ապահովում է օրենսդիր, գործադիր եւ դատական իշխանությունների բնականոն գործունեությունը:
Այլ կերպ ասած, Աղվան Հովսեփյանը ՀՀ նախագահից կարող էր խնդրել իրեն վերապահված լիազորությամբ ապահովել դատական իշխանության մաս կազմող դատախազության բնականոն գործունեությունը: Դրանից հետո ՀՀ նախագահը կարող էր դիմել ԱԺ-ին` արտահերթ նիստ հրավիրելու նախաձեռնությամբ: Այսինքն, խնդիրն ունեցել է հստակ օրինական լուծման տարբերակներ: Սակայն ընտրվել է անօրինական տարբերակը` այդպիսով հերթական անգամ ապացուցելով, որ իշխանությունները խնդիրները լուծելիս առավել հաշվի են առնում թայֆայական շահերը եւ ոչ թե ՀՀ Սահմանադրության ու օրենքների պահանջները:
Վահագն Հովակիմյան
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ