ԿԳՄՍՆ դրամաշնորհային նախագծերը խիստ չափանիշներով կընտրվեն. նոր պայմանները կհրապարակվեն տարեվերջին

Պետությունն այսուհետ շատ խիստ չափանիշներով է ընտրելու դրամաշնորհների տրամադրման մրցույթներին ներկայացված նախագծերը: Դրամաշնորհների նոր պայմանները կհրապարակվեն նոյեմբեր-դեկտեմբեր ամիսներին։

Այս մասին այսօր հրավիրված ասուլիսի ընթացքում նշեց ՀՀ կրթության, գիտության, մշակույթի եւ սպորտի (ԿԳՄՍ) նախարարի տեղակալ Արա Խզմալյանը, նկատելով՝ այնպիսի պայմաններ են դնելու, որոնք ճանապարհ կբացեն առավելապես պրոֆեսիոնալ հանրության համար։

«Մինչեւ այժմ գործող դրամաշնորհային պայմանների արդյունքում մեզ են դիմում շատ պատահական կազմակերպություններ, կասկածելի հեռանկար ունեցող նախագծեր, որոնց ազդեցությունը ոլորտի ու հանրային կյանքի բարելավման համար տեւական չէ։ Մենք պետք է կարողանանք հստակ ձեւակերպել խնդիրն ու հասկանալ, թե որտեղ է պետությունը, այսինքն՝ հարկատուների ներդրումներն ինչ ոլորտներ են գնում»,- ասաց փոխնախարարը։

Այսուհետ ԿԳՄՍՆ-ն առաջնահերթություն է տալու բոլոր այն նախագծերին, որտեղ հստակ կլինի կրթական բաղադրիչը: Դրամաշնորհները երկու փուլով են անցկացվելու, սկզբում հայտերը կուսումնասիրվեն, հետո հեղինակներին կհրավիրեն հարցազրույցի, որի ընթացքում հանձնաժողովի անդամները նրանց հարցեր կուղղեն՝ հասկանալու ծրագրի նրբությունները: Դրամաշնորհների մեջ շատ խիստ է դրվելու այն հարցը, թե տվյալ նախագիծն ինչ տեւական ազդեցություն է ունենալու երկրի ճանաչելիության, միջազգային վարկանիշի բարձրացման ու նոր կապերի հաստատման տեսանկյունից:

Ըստ Խզմալյանի՝ մշակույթի նախարարությունը տարիներ շարունակ ստանձնել է իր ուժերից վեր սոցիալական պատասխանատվություն: Աշխատելով բավարարել բոլորի պահանջներն ու աջակցել բոլորին՝ չեն կարողանում հանրայնացնել իսկապես արժեք ներկայացնող խմբերն ու ստեղծագործությունները եւ դուրս բերել միջազգային շուկա։

«Եթե մենք ճշգրտումներ չմտցնենք մեր պայմանների մեջ, իսկ ֆինանսական ռեսուրսն անսահման չէ, չենք կարողանա նույնիսկ այդ սակավ ռեսուրսը ճիշտ բաշխել եւ արդյունավետ կիրառել։ Համոզված եմ՝ ճիշտ բյուջետավորման, ճիշտ մշակութային քաղաքականության եւ դրամաշնորհային ճիշտ պայմաններում կկարողանանք եղած միջոցները շատ ավելի արդյունավետ օգտագործել ու բազմապատկել՝ արդյունքի տեսանկյունից»,- նշեց Խզմալյանը:

ԿԳՄՍ նախարարի տեղակալը ներկայացրեց նաեւ նախարարության նոր նախագծերից մեկը՝ «Դասարան+դասական»-ը։ Այս նախագծի շրջանակում մրցութային կարգով՝ շարադրությունների հիման վրա, ավագ դպրոցներից կընտրվեն սաներ, որոնք հինգ օր Գաբրիել Սունդուկյանի անվան ազգային ակադեմիական թատրոնում հնարավորություն կունենան շփվել ոլորտի առաջատար մասնագետների հետ։

«Նրանք կշրջեն ետնաբեմում, այնտեղից կդիտեն ներկայացումը, կլինեն դիմահարդարման սենյակում եւ կհասկանան, որ թատրոնը բարդ արդյունաբերություն է։ Մեր նպատակն է պատրաստել վաղվա քիչ, թե շատ պրոֆեսիոնալ հանդիսատեսին»,- նկատեց Խզմալյանը: 

Փոխնախարարը նաեւ մեկ այլ նոր նախաձեռնության մասին խոսեց։ Խոսքը Վանաձորում մեկնարկած «Օկտավա» նախագծի մասին է: Նախաձեռնել են մի ձեւաչափ, որը Հայաստանի տարբեր մասերում ապրող բնակիչներին հնարավորություն կտա դեմ առ դեմ շփվել արվեստագետների հետ: Արդեն այս շաբաթ՝ հոկտեմբերի 26-ին, 8 արվեստագետներից ու մտավորականներից կազմված խումբ կմեկնի Վանաձոր: «Մեր արվեստագետներին պետք է էկրանային կերպարներից դուրս հասանելի դարձնենք: Հյուրախաղերն ամենաանարդյունավետ ճանապարհն են միասնական մշակութային դաշտ ձեւավորելու համար։»,- եզրափակեց Արա Խզմալյանը:

Տպել
663 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)