Վազգեն Մանուկյանը կհեռանա՞ պաշտոնից. նա այսօր ասել է՝ վերջին անգամ երբ է հանդիպել Նաիրի Հունանյանին

Հանրային խորհրդի նախագահ Վազգեն Մանուկյանն այսօր հրավիրված ասուլիսում հայտարարեց, որ հնարավոր է՝ առաջիկայում նախաձեռնի ՀՀ վարչապետի հետ հանդիպում եւ քննարկի՝ արդյոք իմաստ ունի՞ իր հետագա գործունեությունը Հանրային խորհրդի նախագահի պաշտոնում:

«Ցանկացած պահի վարչապետը կարող է ինձ հրավիրել եւ հայտարարել, որ մենք միասին աշխատել չենք կարող: Նույն պահին ես դուրս կգամ: Բայց քանի որ այդպիսի հարց է առաջացել, ես կարող է ինքս նախաձեռնեմ, մոտ օրերս հանդիպեմ վարչապետին, միասին նայենք, քննարկենք հետագա գործունեությունը իմաստ ունի՞, թե՞ ոչ»,- ասաց Մանուկյանը:

Նա նկատեց, թե համաձայնել է դառնալ հանրային խորհրդի նախագահ՝ մտածելով, որ նոր իրավիճակում, իսկապես, կսկսվեն նոր բարեփոխումներ, մեր երկիրը կգնա առաջ, եւ ինքը կկարողանա օգտակար լինել: Բայց հիմա տեսնում է, որ երկիրը այդ ճանապարհով չի գնում:

Հիշեցնենք, որ ԱԺ պատգամավոր Արման Բաբաջանյանը երեկ դիմել է ՀՀ վարչապետին՝ Վազգեն Մանուկյանին պաշտոնանկ անելու պահանջով: Հոկտեմբերի 27-ի գործով դատապարտված Նաիրի Հունանյանի հետ օրերս տեղի ունեցած հանդիպումից հետո Բաբաջանյանը նաեւ ակնարկներ է անում Վազգեն Մանուկյանի ու Հոկտեմբերի 27-ի գործով ցմահ ազատազրկման դատապարտված Նաիրի Հունանյանի կապի մասին:

Վազգեն Մանուկյանը, արձագանքելով այս ակնարկներին, հայտարարեց. «Եկեք պայմանավորվենք, որ 27-ի դեպքերը ես չեմ քննարկելու: 27-ի դեպքերի վերաբերյալ հիմա նորից սկսել քննարկումը, դա հենց այն խաղն է, որի մեջ ժողովրդին պարտադրում են մտնել: 27-ի գործը հիմա օգտագործվում է որպես «Կիրովի» գործը՝ Ստալինի ժամանակ: Դրա հետեւանքով սկսում են վերացնել եւ ոչնչացնել քաղաքական գործիչներին, իրենց հակառակորդներին: Բայց ո՞վ է ուղղորդում: Ես չեմ կարծում, որ առանց Նիկոլ Փաշինյանի թույլտվության նա (Արման Բաբաջանյանը-խմբ.) կարող էր բանտ մտնել, խոսել, հետո դուրս գալ, այդպիսի բաներ անել: Եթե իշխանությունը հարց ունի Հոկտեմբերի 27-ի հետ, կան համապատասխան մարմիններ, թող վերանայեն գործը, բոլորս անհամբեր կսպասենք, թե ինչով դա կվերջանա: Եթե ինձ ասելու բան ունեն, թող կանչեն, աչքերիս նայելով՝ հետս խոսեն, ոչ թե երկրորդական մարդկանց միջոցով նորից պղտորեն հասարակական բանը»,- ասաց Մանուկյանը:

Հարցին, թե արդյո՞ք Հոկտեմբերի 27-ից առաջ հանդիպել է Նաիրի Հունանյանին՝ Վազգեն Մանուկյանը պատասխանեց. «Ես Նաիրի Հունանյանի հետ առնչվել եմ 1988-ի շարժման ժամանակ, որովհետեւ ես «Ղարաբաղ» կոմիտե էի ներկայացնում, ինքը՝ ուսանողական շարժում: Այն ժամանակ մենք իրար հետ հանդիպել ենք, որից շատ երկար ժամանակ հետո ինքը եկել է մեր կուսակցություն, ուզում էր ընդունվել ԱԺՄ կուսակցություն, մենք որոշել ենք, որ չարժե, որ ինքը դառնա մեր կուսակցության անդամ: Բացի դրանից, ոչ մի առնչություն չեմ ունեցել. ո՛չ ընկերական հարաբերություններ, ո՛չ հանդիպումներ, մեր տանը ինքը չի եղել, ոչ մի հարաբերություններ չեն եղել, էդ ամեն ինչը հնարված է եւ իր հետեւում թաքցնում է քաղաքական նպատակներ»:

Այսօրվա ասուլիսում Վազգեն Մանուկյանը նաեւ խոսեց վերջերս հարուցվող քրեական մի շարք գործերի մասին: Նա հատկապես նեղսրտած էր ԱԺ նախկին նախագահ Արա Բաբլոյանին մեղադրանք առաջադրելու հանգամանքից:

«Ես, անկեղծ ասած, մեր հասարակությանը ըսենց բզկտված դեռ չէի տեսել, իրար նկատմամբ թույնով լցված: Բաբլոյանի դեմ քրգործը, որ հարուցել են, մարդու զարմանք է առաջացնում: Հայաստանի լավագույն բժիշկներից մեկը՝ մեր պարծանքը, որով մենք հպարտանում ենք աշխարհում, մեկ էլ հայտնվում է...մի ստորակետ ճիշտ է դրել, սխալ է դրել, ես չեմ էլ իմանում, էդ ստորակետի պատճառով քրեական գործ են հարուցում իր դեմ»,- իր զարմանքն արտահայտեց Սահմանադրությամբ քաղաքականապես չեզոք մարմնի՝ Հանրային խորհրդի ղեկավարը՝ ընդգծելով, որ հիմա մեր երկրում անարժեք մարդիկ հետապնդում են շատ ավելի արժեքավոր մարդկանց:

Ի դեպ, խոսելով քաղաքական չեզոքությունը պահպանելու անհրաժեշտությանը վերաբերում հարցի շուրջ՝ Մանուկյանն ընդունեց, որ իր հայտարարությունների մեջ քաղաքական երանգ կա: «Բայց իրական քաղաքականությունն այն է, երբ որ դու պայքարում ես քաղաքականության մեջ կուսակցության միջոցով իշխանության դեմ, ընտրությունների համար, եւ այլն, եւ այլն: Իմ բոլոր ելույթները սուր քննադատության հետ միասին պարունակում են նաեւ խորհուրդ»,- ասաց նա:

Մանուկյանին այսօր հարց ուղղվեց նաեւ Հանրային խորհրդի աշխատանքի նպատակահարմարության մասին. «Կառույցի նպատակահարմարությունը եկեք այսօր չքննարկենք, բայց 74 երկրում կան համապատասխան կառույցներ, եւ այդ երկրների մեծ մասում օգուտ են բերում իրենց պետությանը, բայց շատ կարեւոր է, որ այդ կառույցը եւ իշխանությունները միասին կարողանան աշխատել»,- ասաց նա:

Տպել
2215 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան