«Դա շատ վատ բան է». Ա. Քոչարյանը՝ ՌԴ կողմից վաճառվող զենքից արձակված կրակոցներից հայ զինվորների զոհվելու մասին

«Իմ քայլը» խմբակցության պատգամավոր, ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը լրագրողների հետ զրույցում արձագանքեց ՌԴ Պետական դումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինի հայտարարությանը, թե Հայաստանի սահմաններին կրակոցների հարցով պաշտոնական Երեւանը ՀԱՊԿ-ին չի դիմել:

«Պարզապես Հայաստանը այս պահին դրա կարիքը չունի: Եթե պետք լինի, Հայաստանը ե՛ւ կխոսի, ե՛ւ հարցեր կբարձրացնի, ե՛ւ հարցերի լուծմանը կհասնի: Պարոն Զատուլինը ճիշտ է ասում, բայց չմոռանանք, որ տարիներ առաջ, երբ որ մեր սահմանի վրա լարվածություն կար... Բորդյուժայի հայտարարությունը կարող եք նայել, նաեւ իրենց կայքում կա, կտեսնենք որ ՀԱՊԿ-ն պատրաստ էր որոշակի ձեւով արձագանքել, եթե դա վերաբերում էր Հայաստանի սահմանների պաշտպանությանը»,- ասաց Քոչարյանը:

Չնայած դրան, ըստ նրա, Հայաստանն առաջին հերթին պետք է վստահ լինի իր վրա. «Կարծում եմ, որ Հայաստանի զինված ուժերի այսօրվա վիճակը թելադրում է, որ Հայաստանը առաջնահերթ կարող է հենվել իր Զինված ուժերի կարողությունների վրա»,- ասաց ԱԺ պաշտպանության եւ անվտանգության հարցերի մշտական հանձնաժողովի նախագահը:

Քոչարյանը փաստեց, որ ՀԱՊԿ խորհրդի նիստի ընթացքում ՌԴ կողմից Ադրբեջանին զենք վաճառելու հարց չի բարձրացվել: Լրագրողի պնդմանը, թե Հայաստանի զինվորները զոհվում են դաշնակցի կողմից վաճառված զենքից արձակված կրակոցներից՝ Քոչարյանն արձագանքեց. «Դուք ուզում եք, որ ասեմ՝ դա վատ բան է, ես դա կասեմ՝ դա շատ վատ բան է: Բայց մի մոռացեք, որ նմանատիպ սպառազինությամբ նաեւ մեր զինված ուժերն են հագեցած: Խնդիրը խաղաղության հասնելն է, ոչ թե զենքի մեջ է: Զենքի հավասարակշռության խնդիրը մշտական օրակարգային խնդիր է, եւ հակառակորդը չպետք է ունենա որոշակի առավելություններ զինատեսակի առումով: Հիմա շատ է քննարկվում, որ նրանց բյուջեում ավելի շատ հատկացումներ են, մերը քիչ է, բայց մոռանում ենք, որ Ադրբեջանի բյուջեի կառուցվածքը մի քիչ այլ է, քան մերը: Վերջին հաշվով նրանք պահում են Կովկասյան նավատորմ, որը չի մտնում հայ-ադրբեջանական ռազմական հակամարտության շրջանակում: Եթե նայենք համամասնությունների մեջ, մենք կարծում եմ՝ եթե մեր զինված ուժերի կառավարելիության աստիճանը բարձրացնում ենք... Մենք պետք է ձգտենք ավելիին, քան ունենք այսօր, եւ դրան են միտված այսօրվա բոլոր քայլերը, որոնք արվում են ՀՀ կառավարության կողմից՝ Զինված ուժերի արդիականացման եւ կադրային համալրման առումով»:

Հարցին՝ չի՞ կարծում, որ զենքի առումով Հայաստանի ու Ադրբեջանի միջեւ բալանսը խախտված է՝ Քոչարյանը բացասական պատասխան տվեց եւ հավելեց. «Ադրբեջանը պարզապես ավելի շատ զինատեսակներ է գնում, բայց ես չխոսեմ, թե մենք ինչ խնդիրներ ենք լուծում: Ես կարծում եմ, որ մեր պաշտպանության նախարարը վերջերս հայտարարեց մեր բանակի սպառազինության ձեռքբերման հեռանկարների մասին: Դա պետք է բավարար լինի: Պետք է վստահենք նախարարի ասածներին, որովհետեւ նախարարը չի կարող չհիմնավորված որեւէ նման կարգի տեղեկատվություն տալ»:

Անդրադառնալով հարցին, թե չե՞ն պատրաստվում ՀԱՊԿ-ի շրջանակներում քննարկել ՀՀ սահմաններին Ադրբեջանի կողմից լարվածության ստեղծումը՝ Քոչարյանն ասաց, որ չեն պատրաստվում:

«ՀԱՊԿ-ն իր ձեւավորման էվոլյուցիոն ընթացքի մեջ է, եւ ինքն էլ գնում է ուժեղացման, հստակեցման գործընթացների իրականացմանը: Այսօր ՀԱՊԿ-ն կարողանում է ձեւավորել այն օրակարգը, որը վաղը հնարավորություն կտա ձեր բարձրացրած հարցերին ավելի հստակ պատասխաններ տալու, ավելին՝ նույնիսկ կանխելու այն հնարավոր զարգացումները, որը կարող է աղետալի լինել ՀԱՊԿ անդամ կամ ոչ անդամ պետությունների հակամարտությունների շրջանակներում»,- եզրափակեց ԱԺ իշխող խմբակցության ներկայացուցիչը:

Տպել
826 դիտում

ՍԱՏՄ-ն անցկացրել է հակամանրէային կայունության վտանգների իրազեկման շաբաթ

Կայացել է «Կայուն oրգանական աղտոտիչների մասին» Ստոկհոլմի կոնվենցիայի իրականացման միջգերատեսչական հանձնաժողովի նիստը

ՀՀ հավաքականի բոլոր խաղացողները վրդովված են մեր գլխավոր մարզչի խոսքերից. Հարոյանը քննադատել է Խաշմանյանին

ՀՀ ԱԺ նախագահ Արարատ Միրզոյանը հանդիպել է ՌԴ Դաշնային խորհրդի նախագահ Վալենտինա Մատվիենկոյին

Թուրքիան Ռուսաստանին հայտնել է, որ Սիրիայում նոր գործողություն չի ծրագրում. ՌԴ ԱԳՆ

ԱԺ պատգամավոր Երջանիկ Հակոբյանի օգնական Շահեն Հարությունյանն ազատվել է աշխատանքից

Լեհաստանը եւ Լատվիան կողմ են ԵՄ-ի կողմից Ռուսաստանի դեմ պատժամիջոցների շարունակմանը

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ. վարչապետ (տեսանյութ)

ՀՖՖ-ն չի կիսում կարծիքը, որ Մխիթարյանին պետք է զրկել ՀՀ ֆուտբոլի հավաքականի ավագի թեւկապից. ասել է Վանեցյանը

Հալեպի բնակելի թաղամասերի գնդակոծման հետեւանքով 30 վիրավոր կա եւ 5 զոհ, այդ թվում՝ երեխա

Սուրեն Պապիկյանի գլխավորությամբ կայացել է ԵԱՏՄ տրանսպորտի ոլորտի լիազոր մարմինների ղեկավարների խորհրդի նիստը

Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Նիկոլ Փաշինյանը ժամանեց Հռոմ

Գեղամ Գեւորգյանը հրաժարվեց ներկայացնել իր դիրքորոշումը, նա այդ մասին ուսանողների հետ կխոսի

ԱՄՆ ռազմական համագործակցության գրասենյակը գույք և տեխնիկա է նվիրել ԱԻՆ Փրկարար ծառայությանը

Ադրբեջանցի բլոգեր Աթա Աբդուլաեւը խարդախությունների մեջ է խառնված եղել, իր դեմ քրգործ էր հարուցվել. Մարտիրոսյան

Բելառուսի ընտրություններում ոչ մի ընդդիմադիր ուժ խորհրդարան չի անցել. Եվրոպան կրկին չի ճանաչում արդյունքները

Կայացել է Հայաստանում կենդանիների համարակալման և հաշվառման համակարգի ներդրմանը նվիրված աշխատաժողով

Ֆելիքս Ցոլակյանն ընդունել է ՌԴ ԱԻ փոխնախարար Նիկոլայ Գրեչուշկինի գլխավորած պատվիրակությանը