Երեւանը ՀԱՊԿ-ին չի դիմել ՀՀ սահմանին լարվածության հարցով, հարձակման դեպքում կգործեն ՀԱՊԿ մեխանիզմները. Զատուլին

«Եթե Հայաստանը՝ որպես ՀԱՊԿ անդամ, կարիք է տեսնում այդ հարցը դնել ՀԱՊԿ անդամ այլ երկրների առաջ, նա իրավունք ունի դա անել, բայց ես չեմ լսել, որ Հայաստանն այդ հարցը բարձրացնի: Դուք հիմա այն բարձրաձայնում եք, բայց պաշտոնական Երեւանն այդ հարցով ՀԱՊԿ չի դիմել». այսօր լրագրողների հետ զրույցում անդրադառնալով Հայաստանի սահմանին Ադրբեջանի կողմից հնչող կրակոցների եւ ՀԱՊԿ արձագանքի բացակայության մասին՝ ասել է ՌԴ Պետական դումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը՝ հավելելով, որ ենթադրաբար Հայաստանը տեղի ունեցածը բավարար հիմք չի համարում՝ լուրջ արձագանքի համար:

Խոսելով ՀԱՊԿ շրջանակներում ունեցած պարտականությունների մասին՝ Զատուլինն ընդգծել է. «ՀԱՊԿ շրջանակներում պարտականություններ մենք ունենք: Այսինքն՝ մենք, ՌԴ-ն, Հայաստանին որպես դաշնակից ենք ընդունում եւ նրա վրա հարձակման դեպքում կսկսի գործել Հավաքական անվտանգության պայմանագրով նախատեսված մեխանիզմները: Ուզում եմ ընդգծել, որ ՀՀ տարածքում մեր 102-րդ ռազմաբազան է գտնվում, որն իզուր չէ այստեղ գտնվում, գեղեցկության համար չէ այստեղ տեղակայված»:

ՌԴ պետդումայի ներկայացուցիչը հիշեցրել է, որ Ադրբեջանը վերջերս բողոքի նոտա էր հղել Ռուսաստանին իր՝ Արցախ կատարած այցի համար: Զատուլինն ասել է, որ այսօր ՀԱՊԿ-ի գլխավոր քարտուղարի պաշտոնակատար Վալերի Սեմերիկովի զեկույցի շրջանակներում խոսվել է հակամարտության գոտում լարվածության մասին. «Կրակոցները, ինչպես ես հասկանում եմ, հնչում են երկու կողմերից»:

Խոսելով օգոստոսին ՀՀ վարչապետի կողմից Ղարաբաղում արված այն արտահայտության մասին, որ «Ղարաբաղը Հայաստան է, եւ վերջ», Զատուլինը հիշեցրել է, որ Վալդայում էլ իր ներկայությամբ Ադրբեջանի նախագահը հայտարարել է՝ «Ղարաբաղն Ադրբեջան է, եւ բացականչական նշան»: «Այնպես որ, իրականությունն ամեն մեկը տարբեր կերպ է ընդունում»,- հավելեց Զատուլինը:

Տպել
1078 դիտում

Սա կենաց մահու կռիվ է, որն ընդունում ենք ազգովի և ազգովի հաղթանակ ենք տանելու. Արցախի նախագահ

Ադրբեջանի հարձակման հետևանքով կան կորուստներ խաղաղ բնակչության շրջանում. Արցախի ՄԻՊ

Ադրբեջանում արգելափակվել են գրեթե բոլոր սոցիալական մեդիաները, բացի Twitter-ից. Սամվել Մարտիրոսյան

Կենաց-մահու պատերազմ է. Արցախի Հանրապետության նախագահը քիչ հետո ուղերձով կդիմի ժողովրդին. ԱՀ նախագահի խոսնակ

ՀՀ ՊՆ-ն ԶԼՄ-ներին և սոցցանցերի օգտատերերին կոչ է անում զերծ մնալ չստուգված տեղեկատվություն տարածելուց

Ադրբեջանը թիրախավորել է նաև խոր թիկունքում տեղակայված բնակավայրերը. Արցախի ՊՆ

Ադրբեջանի ՊՆ-ն պաշտոնապես հայտարարել է «հակահարձակում» սկսելու մասին. սադրանքը նախապես ծրագրված էր. ՀՀ ՊՆ խոսնակ

Տավուշի սահմանամերձ բնակավայրերում և դիրքերում իրավիճակը կայուն և վերահսկելի է. Հայկ Չոբանյան

Խմբագիրներ եւ լրագրողներ. խնդրում ենք չտրվել մանիպուլյացիաներին, չվտանգել զինվորների եւ քաղաքացիական բնակչության կյանքը

Հարգելի հայրենակիցներ, ձեր տեսանյութերով հակառակորդի կրակն եք ուղղորդում. Արծրուն Հովհաննիսյանի հորդորը

Մի ուղղաթիռի կորուստն ընդունեցին, ուրեմն ավելի շատ են կորուստները. Արծրուն Հովհաննիսյան

Կրկին կոչ ենք անում խաղաղ բնակչությանը պատսպարվել ու փողոց դուրս չգալ. ՊՆ

Հակառակորդը կրել է մարդկային և տեխնիկայի կորուստներ, մասնավորապես՝ երեք տանկ. ՊՆ

ՀՀ ԱԳ նախարարը կապի մեջ է ԵԱՀԿ Մինսկի խմբի համանախագահության հետ

Իր սանձազերծած ագրեսիայի հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը. ՀՀ ԱԳՆ

Դավիթ Տոնոյանը հեռախոսազրույց է ունեցել Անջեյ Կասպրշիկի հետ. ՊՆ խոսնակ

Հաղթանակը մե՛րն է լինելու,մեր հաղթանակն այլընտրանք չունի. ԱՀ ՊԲ հրամանատար գեներալ-մայոր Ջալալ Հարությունյանի մարտակոչը

Հայկական կողմը հակառակորդի երկու ուղղաթիռ և երեք ԱԹՍ է խոցել. ՊՆ խոսնակ

Հայկական բանակը իր մարտական խնդիրը փայլուն է կատարել. Արծրուն Հովհաննիսյան

Պահեք ֆիզիկական ու տեղեկատվական անվտանգության զգոնություն. Արտակ Բեգլարյան