Վրաստանի խորհրդարանի մուտքերը արգելափակված էին 24 ժամ. ջրցան, հատուկջոկատայիններ և տուժածներ, ցույցը ցրվել է

18/11/2019 schedule20:40

Ինչպես արդեն հայտնել ենք, Վրաստանում արդեն 2 օր է՝ բողոքի ցույցեր են ընթանում: Այսօր խորհրդարանի շենքի բոլոր մուտքերն արգելափակված են եղել: Մուտքերի մոտ տեղադրվել են վրաններ, դարպասների վրա կողպեք են կախել: Ցուցարարները դեպի շենքի մուտքերը տանող ճանապարհին ավազե պարկերով բարիկադներ են սարքել:

Առավոտյան հավաքված ցուցարարները «Վրացական երազանքի» երեք պատգամավորի թույլ չեն տվել մտնել խորհրդարան:

ALIQ-ը հայտնում է, որ Վրաստանի խորհրդարանում կեսօրին նախատեսված հանձնաժողովի նիստը չի կայացել ցուցարարների կողմից շենքի մուտքերն արգելափակելու պատճառով:

Վրաստանի Ներքին գործերի նախարարությունը Ռուսթավելի պողոտայում հավաքված քաղաքական խմբերի առաջնորդներին և ցույցի կազմակերպիչներին կոչ է արել դադարեցնել խորհրդարանի շենքի արգելափակումը:

Գերատեսչությունը հայտարարություն է տարածել, որում բացատրել է, որ խորհրդարանի աշխատանքը խոչընդոտելն օրենքով արգելված է:

«Նոյեմբերի 17-ի ցույցի, այդ թվում նաև ողջ գիշերվա ընթացքում ոստիկանությունն ապահովել է հավաքի բնականոն ընթացքն ու հասարակական կարգի պահպանությունը։ Խորհրդարանի շենքի մոտ ընթացող խաղաղ ցույցը, սակայն, հետագայում ստացավ ապօրինի ընթացք: Եւս մեկ անգամ կոչ ենք անում ցույցի կազմակերպիչներին և մասնակիցներին ենթարկվել ոստիկանության օրինական պահանջներին: Վարչական շենքերը գրոհումը կամ արգելափակումը շարունակելու դեպքում ոստիկանությունն իրեն վերապահված լիազորությունների շրջանակներում կարձագանքի»,- նշված է հայտարարությունում:

Ցերեկը  Վրաստանի խորհրդարանի շենքի մոտ՝ Չիտաձե փողոցում, հատուկ ջոկատայիններ բերվեցին:

Հատուկ ջոկատայիններին այստեղ էին բերել դեղին ավտոբուսներով, որոնք կայանված են եղել հարակից փողոցներում։

Ակցիայի մասնակիցները շարունակել են մնալ տեղում։ Այդ պահին փակ էին խորհրդարանի բոլոր մուտքեր։, ցուցարարներն ասել են, որ հեռանալու միտք չունեն։

Հանրապետության հրապարակում ջրցան մեքենա և Շտապօգնության բրիգադներ են բերվել:

Վրաստանի ներքին գործերի նախարարությունը այնուհետ զգուշացրել է Խորհրդարանի դիմաց հավաքված ցուցարարներին, որ եթե 30 րոպեի ընթացքում չլքեն Ռուսթավելի պողոտան, կիրառվելու են հատուկ միջոցներ։ 

Իրավապահները խոսել են ընդդիմադիր «Միացյալ ազգային շարժում» կուսակցության առաջնորդների հետ, Զաալ Ուդումաշվիլին ասել է, որ իրենց ակցիան խաղաղ բնույթ ունի և հեռանալու միտք չունեն։

Քիչ անց նշվել է, որ տրված ժամանակը սպառվել է, ոստիկանությունը սկսում է ցրել հավաքը։ Արդեն ջրցան մեքենա է գործարկվել։ Սրանով ՆԳՆ-ն  զգուշացրել է, որ դիմելու է ավելի խիստ միջոցների։ Ջրցան կիրառելուց հետո ակցիայի մասնակիցների մի մասը լքել է Զուբալաշվիլի փողոցը, մյուս մասը մնացել է տեղում ու դիմադրություն ցույց տվել:

Խորհրդարանի շենքի մուտքերից մեկի մոտ երկու կենդանի պատ էր կազմվել՝ մի կողմում հատուկջոկատայիններն են եղել, մյուսում՝ ցուցարարները:

Նշենք նաև, որ իրավապահները հեռացրել էին ընդդիմության կողմից խորհրդարանի մուտքի դարպասից կախված կողպեքը:

Ջրցան կիրառելուց հետո ոստիկանությունը սկսեց ցրել ցույցը: Վրաստանի խորհրդարանի շենքի դիմաց բողոքի ակցիան ցրելու ընթացքում եղան տուժածներ։  Չիտաձե փողոցում տուժածներից մեկին հենց ցուցարարներն են դուրս բերել ու մոտեցրել Շտապ օգնության մեքենային, ուր նրան առաջին բուժօգնություն են ցուցաբերել։

Բոլոր 3 մուտքերի մոտ հատուկ ջոկատայիններ են մոբիլիզացվել։ Իրավապահները փորձել են ազատել խորհրդարանի հարակից տարածքը։ Մի քանի անգամ բախումներ են տեղի ունեցել ոստիկանների ու ակտիվիստների միջև։ Հատուկ ջոկատայինների մի խումբ էլ օպերային թատրոնի հարակից տարածքում է կենտրոնացել։

Հատուկջոկատայինները ցույցի մասնակիցներին ցրելուն զուգահեռ խորհրդարանի մուտքերի մոտ տեղադրված վրաններն են հեռացրել: Միևնույն ժամանակ ցույցի մասնակիցները վանկարկում էին «ամոթ է», «Վրաստան», «ստրուկներ»:

Խորհրդարանի դիմաց տեղակայված բեմահարթակից հնչել են ցույցի կազմակերպիչների կոչերը՝ չտրվել սադրանքների, հատուկջոկատայինների հետ բախման մեջ չմտնել:

Խորհրդարանի մուտքերն ու փողոցը ամբողջությամբ բացվել են, բերվել են աղբահավաք մեքենաներ՝ փողոցը մաքրելու համար:

Նշենք, որ խորհրդարանի շենքը ցուցարարների կողմից արգելափակված է եղել շուրջ 24 ժամ:  Վրաստանի ՆԳՆ-ն հայտարարություն է տարածել, որ 18 անձ է բերման ենթարկվել: Նշված անձինք բերման են ենթարկվել վարչական իրավախախտումների օրենսգրքի 173-րդ և 166-րդ հոդվածներով:

Ցուցարարների մեծ մասը  շարունակում է կանգած մնալ փողոցներում։ Հանրահավաքի առաջնորդներն ավելի ուշ հավաքվել են Մարիոթ հյուրանոցում՝ քննարկելու համար հետագա անելիքները։ Լրագրողների հետ զրույցում ընդդիմադիր գործիչ Դավիթ Ուսուփաշվիլին ասել է, որ հույս ունեն՝ միջազգային հանրությունը պատշաճ գնահատական կտա այսօրվա կատարվածին ու կկանգնի Վրաստանի կողքին:

Հիշեցնենք, որ համամասնական ընտրակարգին անցնելու՝ օրինագծի տապալումից հետո Վրաստանի խորհրդարանի մոտ բողոքի շուրջօրյա ակցիաներ էին սկսվել, միավորված ընդդիմությունը, որ կազմված է ավելի քան 20 քաղաքական ուժերից, համախմբվել է գործող իշխանության դեմ՝ պահանջելով արտահերթ համամասնական խորհրդարանական ընտրություններ, կառավարության հրաժարական և ժամանակավոր կառավարության ձևավորում, նաև կենտրոնական ընտրական հանձնաժողովի վերաձևավորում։

Տեսանյութը՝ RT-ի

Տպել
732 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում