«Ես չեմ քծնել երբեւէ». ԼՂ նախկին վարչապետը՝ Քոչարյանի գնահատականի, Մարտի 1-ին Արցախից ՀՀ զորք բերելու, երկնիշ աճի մասին

2008 թվականի մարտի 1-ին Արցախից Երեւան զորք չի բերվել, եղել է զորքերի տեղաշարժ. Այսօր Երեւանում հրավիրված ասուլիսի ժամանակ նման հայտարարություն է արել 2020 թվականին Արցախում կայանալիք նախագահական ընտրությունների թեկնածու, 2008-ին Արցախի վարչապետի պաշտոնը զբաղեցնող Արայիկ Հարությունյանը:

«Նախ Արցախից զորք չի բերվել, բոլորդ գիտեք՝ Արցախի պաշտպանության բանակը Զինված ուժերի ստորաբաժանում է, եթե տեղաշարժ է լինում, դա չի կոչվում Արցախից բերել Հայաստան։ Դա տեղաշարժ է եղել հայկական զինված ուժերում»,- ասել է Հարությունյանը՝ հավելելով, թե տեղեկություն ունեցել են, որ Պաշտպանության բանակի ստորաբաժանումներից ընտրված զինվորականներ եղել են Երեւանում։

Ի պատասխան լրագրողի հարցի գնահատելով այդ հանգամանքը՝ Հարությունյանը նշել է, թե իրենք իրավունք չունեն գնահատելու, քննարկելու Զինված ուժերի հրամանները, կա հստակ հիերարխիա, հստակ կանոններ։

Հրապարակ»-ին տված հարցազրույցում Ռոբերտ Քոչարյանն ասել է, թե՝ «…անընդունելի է Ղարաբաղում ունենալ քծնող նախագահ, որը հնազանդորեն տուրք է տալիս որեւէ մեկի, ներառյալ Հայաստանի վարչապետի քմահաճույքներին»: Լրագրողներից մեկը հետաքրքրվել է՝ արդյոք հարցազրույցում իրե՞ն է նկատի ունեցել Քոչարյանը.

«Ես չեմ քծնել երբեւէ իմ կյանքում, եթե քծնել իմանայի, ապա կքծնեի ժամանակին գործող իշխանություններին։ Այո՛, ես ունեցել եմ աշխատանքային նորմալ հարաբերություններ, ես գոհ էի մեր տնտեսական համագործակցությունից, դժգոհ՝ արցախյան խնդրի վերաբերյալ քաղաքականությունից։ Այդ գիծը հստակ կար։ Բայց նաեւ ես նույնը կրկնեցի, ինչո՞ւ չենք դիմադրել, որովհետեւ գիտեինք, այսօր էլ հայտարարում եմ՝ այն իշխանությունը, որը շեղվի արցախյան խնդրի հետ կապված անհրաժեշտ եւ ճիշտ ուղուց, ստիպված է լինելու հրաժարական տալ»,- ասել է Հարությունյանը: 

Անդրադառնալով ՀՀ ներկա իշխանությունների Արցախի հարցով քաղաքականությանը՝ նախկին վարչապետը նշել է, թե հպարտությամբ է ասում՝ ՀՀ իշխանությունն ընտրել է այն կուրսը, որն ընդունելի է արցախցիների համար: Խոսքը, ըստ նրա, ինքնորոշման իրավունքի մասին է:

«Բանակցային գործընթաց չկա, չի էլ եղել: Հանդիպումներ եղել են, բայց չի կարելի կոչել բանակցություններ, եթե չկա գլխավոր կողմը՝ Արցախը, եւ չի մասնակցում։ Չեն կարող լինել բանակցություններ առանց Արցախի։ Արցախի անկախությունը չի կարող լինել բանակցային թեմա, սա նախապայման է: Հետագան կապված է Ադրբեջանի կողմից այս նախապայմանի ընդունումից։ Չի կարող քննարկման թեմա դառնալ մի բանաձեւ, որն անընդունելի է առաջին հերթին Արցախի ժողովրդի համար»,- ասել է Հարությունյանը:

Անդրադառնալով հնարավոր պատերազմի մասին հարցին՝ Հարությունյանը նկատել է, թե պատերազմը բացառվում է, եթե Հայաստանի Հանրապետությունն ունենա տարեկան ոչ պակաս, քան 8% տնտեսական աճ: Նրա կանխատեսմամբ՝ Հայաստանը 2021-ին կունենա երկնիշ տնտեսական աճ:

«Երբ ես տարվա առաջին եռամսյակից հետո նշում էի, որ ՀՀ-ն ունենալու է 7% տնտեսական աճ, ինձ չէին հավատում: Եթե ֆորսմաժորային իրավիճակ չլինի, 2020 թ. այդ աճը կլինի ավելի շատ, իսկ 2021 թ. այն կլինի երկնիշ: Եթե մենք առաջիկա հինգ տարում չունենանք տնտեսական աճի բարձր տեմպեր, ապա ունենալու ենք խնդիրներ։ Պատերազմը հնարավոր է բացառել, եթե ՀՀ-ն ունենա տարեկան ոչ պակաս, քան 8% տնտեսական աճ։ Պատերազմը թանկ հաճույք է»,- ասել է Հարությունյանը:

Վերջինս անդրադարձել է նաեւ Արցախում սպասվող ընտրությունների ժամանակ հնարավոր ընտրակեղծիքների մասին խոսակցություններին. «Բացառում եմ, որ ընտրակեղծիքներ կլինեն, որովհետեւ Արցախում երբեք նման բան չի եղել»,- ասաց Հարությունյանը:

Տպել
10559 դիտում

Վերահսկել երեխաների ներկայությունը սոցցանցերում, իսկ մուտքը TikTok արգելել. Երեւանի քաղաքապետարանի հորդորը ուսուցիչներին

Արյուն հանձնել ցանկացողների հերթեր են առաջացել պրոֆ Ռ.Հ. Յոլյանի անվան արյունաբանական կենտրոնի մոտ

Սա 2020 թ-ի հուլիսի ՀՀ հյուսիսարևելյան սահմանի նկատմամբ ռազմական ագրեսիայի շարունակությունն է․ ԱԺ փոխնախագահ

Սյունիքի մարզի սահմանամերձ բնակավայրերում ու մարտական դիրքերում իրավիճակը վերահսկելի է ու կայուն. Սյունիքի մարզպետ

Միասնական որոշում է կայացվել համազգային դրամահավաք-արշավ սկսել

Tavush Bot-ը ադրբեջանական քարոզչամեքենայի հերթական գործիքն է. Տեղեկատվության ստուգման կենտրոն

Հայկ Կոնջորյանը նամակով դիմել է ԵԱՀԿ ԽՎ Նախագահին, գլխավոր քարտուղարին և 57 անդամ պետությունների բոլոր պատգամավորներին

Փաշինյանի և Ալիևի գաղտնի բանակցությունների սղագրության մասին տեղեկատվությունն իրականությանը չի համապատասխանում

ԱԺ պատգամավորները միջազգային գործընկերներին ներկայացնում են ադրբեջանական ագրեսիան և խաղաղ բնակավայրերի թիրախավորումը

Արցախի Հանրապետության մարդու իրավունքների պաշտպանի աշխատակազմը մեկնարկել է փաստահավաք առաքելություն (լուսանկարներ)

Աննա Հակոբյանը Արցախի նախագահի տիկնոջ հետ այցելել է Հանրապետական բժշկական կենտրոն (լուսանկարներ)

Թշնամին պետք է հասկանա, որ Արցախի թիկունքին այսօր կանգնած է համայն հայությունը. վարչապետի ուղերձը ժողովրդին

Սպանվել է Ադրբեջանի ԶՈՒ փոխգնդապետ. ադրբեջանական ԶԼՄ

Հրապարակվել է Հայաստանում ռազմական դրություն հայտարարելու մասին Կառավարության որոշումը

Սա պատերազմ է մեր անկախության և արժանապատվության դեմ. ՀՀ վարչապետի ուղերձը (տեսանյութ)

Մենք սպասում էինք սրան, սակայն կանխատեսումներ չկային, որ Ադրբեջանը կթիրախավորի քաղաքացիական բնակավայրերը․ Պողոսյան

Եկել եմ արցախցի մեր քույրերի եւ եղբայրների կողքին լինելու. Աննա Հակոբյանը Ստեփանակերտում է

Քիչ անց վարչապետ Նիկոլ Փաշինյանը հանդես կգա ուղերձով

Զորացրված բժիշկը հերքել է իր մահվան մասին ադրբեջանական կեղծ տեղեկությունը (տեսանյութ)

Հայաստանի առողջապահության համակարգը բերվել է բարձր պատրաստության. Արսեն Թորոսյան