Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

12/12/2019 schedule22:15

Գեղարքունիքի մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում գործող «Աժդահակ» էկոակումբի եւ լրագրողական խմբակում ընդգրկված աշակերտների հետ: Այդ մասին տեղեկացնում է մարզպետարանին լրատվական ծառայությունը:

Ինչպես ներկայացրել է «Աժդահակ» էկոակումբի ղեկավար, Գեղարքունիքի միջնակարգ դպրոցի ուսուցչուհի Նելլի Դռնոյանը, էկոակումբում ընդգրկված աշակերտները ուսումնական պարապմունքներից դուրս զբաղվում են նաեւ բնապահպանական խնդիրներով, էքսկուրսիաների ու էկոճամբարների միջոցով լրացնում իրենց գիտելիքները, կազմակերպում բնապահպանական կարեւոր միջոցառումներ: Այնուհետ մարզպետ Գնել Սանոսյանը աշակերտների հետ ակտիվ զրույց է վարել բաց դասի տեսքով՝ ներկայացնելով արդի աշխարհի բնապահպանական կարեւոր հիմնախնդիրները եւ լրջագույն մարտահրավերները:

«Կյանքի համար կարեւորագույն ու վերականգնվող ռեսուրսները երկուսն են՝ օդը եւ ջուրը, որոնք ոչ մի դեպքում չպետք է աղտոտել: Շատ կարեւոր է նաեւ անտառների ստեղծումն ու պահպանումը, քանի որ դրանք համարվում են թթվածնի արտադրության կարեւորագույն աղբյուր: Մեր մարզում միասին պետք է ավելացնենք անտառային տարածքները, քանի որ դրանք ոչ միայն քիչ տոկոս են կազմում, այլ նաեւ նվազել ու նվազում են Սեւանա լճի մակարդակի բարձրացման հետեւանքով ջրածածկվելու արդյունքում:

Շրջակա միջավայրի պահպանության կարեւոր խնդիրներից է կենցաղային աղբի թափոնների կառավարումը: Մեր մարզում դրանք բնապահպանական լուրջ խնդիր են առաջացնում Սեւանա լճի եւ նրա ջրահավաք ավազանի համար: Կարծում եմ, որ մինչեւ 2020 թվականի ամռանը իրականություն կդառնա «Գեղարքունիքի եւ Կոտայքի մարզերի կոշտ թափոնների կառավարման ծրագիրը», որով նախատեսվում է Հրազդան քաղաքի մոտ կառուցել աղբի վերամշակման գործարան, որտեղ կվերամշակվի նաեւ մեր մարզից տեղափոխված աղբը: Մտահոգված ենք նաեւ Սեւանա լիճ թափվող կեղտաջրերի զտման ու մաքրման խնդիրներով, որի ուղղությամբ կազմում ենք իրատեսական ծրագրեր, որոնք շուտով կդրվեն գործողության մեջ: Եթե մենք խնամքով վարվենք մեր ռեսուրսների հետ, ապա մարդկությանը, անկախ նրա թվաքանակից, բավարար կլինի ամեն ինչ: Շատ ուրախ եմ, որ ձեր դպրոցում գործում է բնապահպանական խմբակ, որը միտված է մարդկանց բնապահպանական դաստիարակություն տալուն: Այն նաեւ օրինակելի պետք է լինի մարզի մյուս դպրոցների համար»,-կարեւորել է մարզպետը:

Գնել Սանոսյանը հանդիպել է նաեւ Գեղարքունիքի միջնակարգ դպրոցում գործող «1+1» թերթի խմբագրակազմում ընդգրկված աշակերտներին: Ինչպես ներկայացրել է թերթի խմբագիր եւ պատասխանատու Ռոզա Հակոբյանը, թերթը, հիմնադրվել է 2019 թվականի ընթացքում և արդեն հրատարակվել է ինը համար, իսկ տարին կեզրափակվի եւս մեկ համարով: Թերթի հիմնադիրն ու հովանավորը ոչ միայն հոգացել է հրատարակչական ու այլ կարգի ծախսերը, այլ նաեւ՝ լրագրական ու խմբագության դասասենյակի հիմնանորոգման ու կահավորման ծախսերը:

Մարզպետը տվել է իր գնահատականը դպրոցական թերթի հիմնադրման ու զարգացման գաղափարի իրակականացման շուրջ: «Սովորաբար ներդրողները կամ գործարարները մարզպետարան են ներկայացնում տարաբնույթ ծրագրեր, որոնք հիմնականում վերաբերում են գյուղատնտեսությանը, վերականգնվող էներգետիկային, զբոսաշրջությանը, փոքր կամ միջին ձեռնարկատիրությանը: Թերթի հիմնադրի եւ հովանավորի կողմից մեկ տարի առաջ ներկայացված գաղափարն ինձ ավելի ոգեւորեց, որովհետեւ այսօր տպագիր մամուլի պահպանումը դժվար խնդիր է դարձել թվային զանգվածային լրատվամիջոցների ու համացանցի պայմաններում: Բայց որքան էլ զարգանա գիտությունը, նոր մեդիան, թերթի դերը, որպես առանձին ու կարեւոր մշակույթ, կենսագիր ու իրադարձությունների արձանագրող, պետք է պահպանվի: Եվ ես շատ ուրախ եմ, որ նորաստեղծ թերթը կազմվում ու լրացվում է ձեր հոդվածներով: Այս թերթում ստեղծագործելիս ձեզ համար կարող են բազմաթիվ նորարարական գաղափարներ ծնվել, որոնք կարող են կյանքի կոչվել ու ծառայել մեր հայրենիքի բարօրությանը: Հաջողություն եմ մաղթում բոլորիդ: Շարունակեք նույն եռանդով»,-նշել է մարզպետը:


Գնել Սանոսյանը սիրով պատասխանեց պատանի լրագրողների բազմաբնույթ հարցերին՝ անդրադառնալով մարզի կրթական, մարզամշակութային, բնապահպանական, գյուղատնտեսական ու այլ ոլորտներին վերաբերող հարցերին:

Տպել
616 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում