17 ոստիկան է տուժել, 26 մարդ ձերբակալվել է Ուկրաինայի ռադայի մոտ բախումների հետեւանքով

Ուկրաինայի Գերագույն ռադայի շենքի մոտ բախումների հետեւանքով ոստիկանության 17 աշխատակից է տուժել, 26 մարդ ձերբակալված է: Այս մասին հայտնում է Ria-ն՝ հղում անելով Ուկրաինայի Ներքին գործերի նախարարի խորհրդական Զորյան Շկիրյակի հայտնած տվյալներին:

Նա հավելել է, որ 2 իրավապահ գտնվում է հիվանդանոցում:

Բախումները սկսվել են այն բանից հետո, երբ ցուցարարները փորձել են վրաններ տեղադրել խորհրդարանի շենքի մոտ, իսկ ուժայինները թույլ չեն տվել: Ի պատասխան ցուցարարները իրավապահների ուղղությամբ քարեր են նետել:

Հարուցվել է քրեական գործ՝ իրավապահ մարմինների նկատմամբ բռնություն կիրառելու եւ դիմադրություն ցույց տալու հոդվածներով:

Շկիրյակը նաեւ հայտնել է, որ Ռադայի մոտ ցույցերին մասնակցել է ավելի քան 4500 մարդ, բախումներին մասնակցել է մոտ 500-ը: Լարված իրավիճակի պատճառով Ռադայի մոտ ընդհանուր առմամբ կենտրոնացվել է 2500 ոստիկան:

Նշենք, որ ուկրաինական խորհրդարանի մոտ մի քանի բողոքի ակցիաներ են տեղի ունեցել: Ցուցարարների մի մասը բողոքել են գյուղատնտեսական նշանակության հողատարածքների վաճառքի մասին օրինագծի դեմ: Ռադան այդ օրինագիծն ընդունել է առաջին ընթերցմամբ, նոյեմբերի 13-ին:  Դրա ուժի մեջ մտնելու դեպքում 2020 թվականի հոկտեմբերի 1-ից սկսած ուկրաինացի ֆիզիկական եւ իրավաբանական անձանցից, տարածքային կառավարման մարմիններից հնարավոր կլինի գնել հողատարածքներ: Հողատարածքների սեփականատերեր կարող են դառնալ ինչպես օտարերկրացիներ, այնպես էլ առանց Ուկրաինայի քաղաքացիության անձինք, եթե այն ստանան որպես ժառանգություն՝ 1 տարվա ընթացքում վաճառելու պայմանով:

Պետական նշանակության հողատարածքները եւ սեփական տարածքներն առաջարկվում է վաճառել աճուրդով: Օտարերկրյա սեփականատերեր ունեցող ընկերությունները չեն կարողանա այդ հողատարածքները ձեռք բերել մինչեւ 2024 թվականի հունվարի 1-ը : 

 Արժույթի միջազգային հիմնադրամը սպասում է, թե երբ է Կիեւն ընդունելու հողային ռեֆորմ, որն իշխանությունները ձգձգում են արդեն մի քանի տարի: Նախորդ գումարման ռադայում միակարծություն այս հարցի շուրջ երբեւէ չի եղել. Մի շարք խմբակցություններ դեմ էին հանդես գալիս հողային շուկայի բացմանը՝ մտավախություն ունենալով, որ արտասահմանյան խոշոր ընկերությունները բնակչությունից հողատարածքները ձեռք կբերեն շատ ցածր գներով:

Սեպտեմբերի սկզբին Ուկրաինայի նախագահ Վլադիմիր Զելենսկին կարգադրել էր խորհրդարան մտցնել գյուղատնտեսական նշանակության հողատարածքների շուկայի ստեղծման մասին օրինագիծ եւ մինչեւ դեկտեմբերի 1-ը չեղարկել գործող կարգը, որով հողատարածքները վաճառվում են արդեն 18 տարի:

Տպել
714 դիտում

Հաֆթարի ուժերը հայտարարել են Տրիպոլիի ափերի մոտ թուրքական նավ խոցելու մասին

Կփրկի՞ անձեռնմխելիությունը. աշխարհի առաջնորդներ, որոնք անցնում են հնչեղ քրգործերով

Այսօր շատ հիշարժան փաստաթուղթ եմ ստորագրել. Նիկոլ Փաշինյան

Հին թեզերը՝ նոր ձևաչափում. առաջին հրապարակային քննարկումը

Դանիայի խորհրդարանի նախագահ Հենրիկ Դամ Քրիստենսենի հետ հյուրընկալվեցինք Դանիայի թագուհի Մարգրեթ 2-րդի կողմից.Ա. Միրզոյան

Ոստիկանի սպանության մեջ մեղադրվող պատանու կալանավորման ժամկետը երկարաձգվել է. նա տեղափոխվել է ՔԿՀ

Արթիկում բացվել է երեխաների ցերեկային խնամքի առաջին կենտրոնը

Համայնքների ղեկավարներին առաջարկվել է թափառող շների ստերջացման գործընթաց սկսել

Բարսեղ Բեգլարյանի որդիները դատակոչվել, սակայն չէին ներկայացել դատարան. նիստը հետաձգվեց

16-ամյա երիտասարդի անձնական խուզարկությամբ հայտնաբերվել է երկու կռփազենք. ՀՀ ոստիկանություն

Երեւանի բնակարաններից մեկում 67-ամյա կնոջ դի է հայտնաբերվել

Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը. Կարապետյան

Ալավերդիում ամբողջությամբ այրվել է վագոն-տնակ. տուժածներ չկան

Արարատի մարզպետ Գարիկ Սարգսյանն ընդունել է Հռոմից հաղթանակած վերադարձած ընբիշ Գեւորգ Ղարիբյանին

Պուտինն աշխատանքից ազատել է իր 7 տարվա օգնականին

Մարդու իրավունքների պաշտպանն ընդունել է Հայաստանում Շվեդիայի դեսպանության գործերի հավատարմատարին

ՊԵԿ-ը կանխել է թմրամիջոցների մաքսանենգության հերթական փորձը

Արարատի մարզում անչափահասների կատարած հանցագործություններն ավելացել են. մարզի դատախազությունը քայլերի է դիմել

Նախագահ Արմեն Սարգսյանը եւ Հայաստանում ԱՄՆ դեսպան Լին Թրեյսին հանդիպել են

Ձեր ամեն քայլին հասարակությունն ուշադիր հետեւում է. Ֆելիքս Ցոլակյանը փրկարար ծառայողներին կոչումներ է շնորհել(տեսանյութ)