Վաղարշապատի հ.8 դպրոցում բողոքի ցույց անող ծնողները եւ ուսուցիչները հանդիպել են Արմավիրի մարզպետի հետ

ՀՀ Արմավիրի մարզի Վաղարշապատ քաղաքի Գարեգին Նժդեհի անվան հ. 8 դպրոցում բողոքի ակցիա իրականացնող ծնողները եւ կրթական հաստատության մի շարք ուսուցիչներ այսօր հանդիպել են Արմավիրի մարզպետ Համբարձում Մաթեւոսյանի հետ: Պատճառը դպրոցի նորանշանակ տնօրեն Շուշանիկ Ոսկանյանն է: Ծնողները եւ ուսուցիչները ներկայացրել են իրենց դժգոհությունները եւ հարց հնչեցրել, թե ինչու եւ ինչպես է նշանակվել Ոսկանյանը:

Նշենք, որ տնօրենի թափուր պաշտոնի մրցույթը տեղի է ունեցել դեռեւս շաբաթներ առաջ՝ դեկտեմբերի 2-ին: 8 քվեարկողներից մասնակցել են 7–ը, փակ քվեարկությամբ 4 ձայն ստացել է նախկին տնօրեն Եսթեր Գալստյանը, 3 ձայն՝ Ոսկանյանը։

Մարզպետ Համբարձում Մաթեւոսյանը հանդիպման սկզբում նշել է, որ իմանալով, թե իր հետ ցանկանում են հանդիպել՝ միանգամից համաձայնել է, սակայն մեկ պայմանով, որ հարց ու պատասխանը լինի ավելի առարկայական, անկեղծ: Մաթեւոսյանն ընդգծել է, որ ի սկզբանե ցանկացել է, որ հանդիպումը լինի աշխատանքային խմբով, եւ ներկա լինեն նաեւ մարզպետարանի կրթության, մշակույթի եւ uպորտի վարչության պետն ու դպրոցի կառավարման խորդրի նախագահը, որոնք լիազորված են այս հարցով զբաղվելու, սակայն ներկաները մերժել են այդ առաջարկը:

Նրանց հարցերին պատասխանելով՝ մարզպետը ներկայացրել է մրցույթի անցկացման կարգը:

«Եթե կառավարման խորհրդի անդամների բացարձակ մեծամասնությունը չի ընտրում տնօրեն, թեկնածուների ամբողջ տվյալները, փաթեթները գնում են փոխվարչապետի գրասենյակ»,- նշեց մարզպետը՝ հավելելով, թե որպեսզի որոշումը չլինի սուբյեկտիվ, փոխվարչապետը լիազորված է իր ձայնի քվեի միջոցով փորձել մասնակցություն ունենալ տնօրենի ընտրության մեջ: Այս դեպքում կարգն ամբողջովին պահպանվել է: Փոխվարչապետի գրասենյակում եղել է հարցազրույց, որից հետո որոշում է կայացվել տվյալ անձին նշանակել տնօրենի պաշտոնում:

Հանդիպմանը ներկա ծնողներից մեկը նշել է, թե տարօրինակ է, որ խորհրդի 8 անդամներից մեկը հրաժարվել է մասնակցությունից: Նա կասկած է հայտնել, որ միգուցե ճնշում է գործադրվել այդ մեկի վրա, որպեսզի չներկայանա, եւ հարցն այսպիսի լուծում ստանա:

Հարցին ի պատասխան, մարզպետն ասել է, որ այդ մասին տեղյակ չէ եւ ընդհանրապես լիազորված չէ իմանալու:

Ծնողներից մի քանիսն էլ իրենց դժգոհությունն են հայտնել՝ նշելով, որ համացանցով այդ անձի վերաբերյալ բազում բացասական տեղեկատվությունների կարելի է հանդիպել: Դրանք կարդում են նաեւ աշակերտները եւ ուղղակի չեն ցանկանում, որ վերջինս դառնա իրենց դպրոցի տնօրեն:

Համբարձում Մաթեւոսյանը նշել է, որ եթե աշխատանքի ընթացքում կատարվեն որոշակի չարաշահումներ եւ այնպիսի քայլեր, որոնք չեն համապատասխանի կարգին, տվյալ անձը կազատվի աշխատանքից: Նա որպես օրինակ նշել է, որ Արմավիրի մարզում մեկ տասնյակից ավելի տնօրեններ են ազատվել աշխատանքից, որոնք չեն կատարել իրենց պարտականությունները:

Հանդիպման ընթացքում նա նաեւ դիտողություն է արել ուսուցիչներին, որ իրենց գործառույթները չեն կատարում, քանի որ դպրոցում այսօր նման իրավիճակ է ստեղծվել:

Մաթեւոսյանը հիշեցրել է. վաղը նույն դպրոցում տեղի է ունենալու կառավարման խորհրդի նիստ, որտեղ քննարկվելու է դպրոցին վերաբերվող հարցեր: Ծնողների կողմից լիազորված ներկայացուցիչը կկարողանա այնտեղ ներկա գտնվել եւ բարձրաձայնել մտահոգող հարցերը:

Հանդիպման ընթացքում մազրպետն, այնուամենայնիվ, նշել է իր սուբյեկտիվ կարծիքը. «Առհասարկ ՀՀ դպրոցների տնօրենների հաստիքները զբաղեցնող պաշտոնյաները ոչ բոլորն են իդեալապես համապատասխանում այդ պաշտոնին»: Նա նաեւ հավելել է, որ իրավասություն չունի այս կարծիքն արտահայտելու, քանի որ դպրոցի տնօրեններին մարզպետը ուղիղ հայեցողական կարգով չի նշանակում, այնպես ինչպես կնշակեր օգնականի: Դրա համար սահմանված կարգ գոյություն ունի:

Վաղարշապատի համար 8 դպրոցի նորանշանակ տնօրեն Շուշանիկ Ոսկանյանի նշանակման դեմ բողոքողները մարզպետի հետ հանիպումից դժգոհ հեռացան, նրանք պատրաստվում են շարունակել իրենց պայքարը: 

Հիշեցնենք, որ արդեն մի քանի օր է՝  Ոսկանյանին թույլ չեն տալիս մտնել դպրոց, դասադուլ ու գործադուլ են հայտարարում: Նորանշանակ տնօրենը նախկինում ղեկավարել է նույն մարզի Բաղրամյան համայնքի դպրոցը: Հեղափոխությունից հետո նրա դեմ բողոքի ցույցեր էին սկսվել, մեղադրում էին տարբեր չարաշահումների համար, մինչեւ որ տեղի տալով այդ ճնշումներին նա ստիպված եղավ ազատման դիմում գրել: Այդ դպրոցում, ի դեպ, հերոսների անկյունում կախված էր նաեւ Առաքել Մովսեսյանի (Շմայս) լուսանկարը, ինչը եւս դժգոհությունների պատճառ էր դարձել: 

Տպել
861 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան